أسيا بقات كتفكر وقررت انها ماتفسخش الخطوبة مع حسن .
في الليل إتصلت اسيا بي حسن قالت ليه مباغاش نفسخ الخطوبة لكن بي شرط .
العرس ديالنا يكون في بلادنا بلاش تركيا.
قال حسن وهو فرحان على الرأس والعين ولكن نديروا شهر العسل في تركيا .
قالت موافقة وبغيث نديروا العرس في هاد الشهر لي داخل بلا من تسناو حتى لصيف.
قال حسن حتى انا ماقدرش نتسنا حتى لصيف.
غير إنتهت المكالمة بيناتهم .
إتصل حسن بي سعد
وقال ليه أسيا رجعت ليا وقالت ليا نديروا العرس في الشهر الجاي أنا كنشكرك بزاف أسعد.
قال سعد انا فرحان لك خويا حسن نتا تستاهل .
قال حسن الله يحفضك خويا سعد .
قال سعد عندي لك إقتراح .
قال حسن اه مرحبا قول ليا .
قال من الأفضل انك تشوف شي محل وتدير فيه مطعم لي اسيا افضل ماتبقى خدامة هنا في الفندق.
قال حسن عندك الحق غادي نقولها للأب ديالي .
مشا حسن عند الاب ديالو وإقترح عليه باش يشري محل في طنجة تدير فيه اسيا مطعم .
الاب وافق وبعد 5 أيام شرا محل فيه مطعم مجهز كامل .
وإقترح على اسيا باش تخدم فيه .
شافتوا اسيا عجبها وقررت باش تخرج من الفندق وتخدم ديال راسها .
بعد اسبوع مشات باش تودع الناس ديال الفندق
وتقول انها قررت تخدم راسها وتكلم مع الباطرون .
جات عند الخدامة لي معاها جمعتهم كاملين وقالت انا ليوم جيت باش نقول ليكم ان اخر يوم عندي في الفندق هو ليوم
غادي نخدم في مطعم ديال عائلتي وغادي نحبس من هنا.
وسعد كيسمع وكل الخدامة تأثروا انهم غادي يفارقوها ولبنات بداو كيبكيو.
وسعد مابغاش يبين ليها انه مأثر.
وجات عندو.
وقالت إسمح لي أسعد على كل حاجة خيبة درتها ليك انا ماعمري غادا نسى خيرك.
تبسم وقال ماشفت منك غير الخير .
قالت شكرا لك. شوف كيف كيبكيو على فراقي وهاد الشي كامل بي سبابك انت لي علمتيني اني نعيش معاهم بي الحب.
قال هوما كيحبوك لي انك أنتي إنسانة طيبة.
قالت انا غادا نمشي عند الباطرون واش باغي تقول ليا شي حاجة.
قال تهلاي في راسك وخرج برا الفندق .
مشات دخلت عند الباطرون .
قالت انا يا أحمد غادا نخدم في مطعم ديال الاسرة ديالي ونخرج من هنا.
قال الباطرون الله يسهل عليك ابنتي ما كرهناش أبنتي تبقاي معنا راك نتي الله يعمر ليك الدار وماغديش نلقى بحالك وأي حاجة بغيتيها مرحبا.
فيك كلشي زوين أبنتي.
قالت شكرا انا غادا ندير العرس في الشهر الجاي وبغيتك تجي عندي.
قال إن شاءالله واش طار لينا بك سعد ولكن أبنتي
ماكينش بحال سعد عرفتي ابنتي راه هو لي إقترح عليا يولي الأكل بحال هكذا في الفندق
ونجح وباش مانضيعوش درت ليه النسبة ديالوا ودرتوا هو المسؤول الاول في الغياب ديالي
وحيت هو مربي قال انا موافق ولكن مابغيتش اسيا تعرف وتقول ياله جا وفضلوا عليا الباطرون .
خليني غير كيفما كنت وعطيني النسبة الله يكثر خيرك.
وعطي من النسبة ديالي لي أسيا راه بي سبب تعاملها المزيان معايا انا وصلت لهاد الشي والشهرية ابنتي ديالك زادك سعد فيها ماشي انا .
وهي مصدومة وكتبكي وقالت لي غادا نتزوح بيه حسن ماشي سعد وخرجت بزربة وكتبكي مشات كتقلب على سعد لقاتو خارج من الفندق واقف كيخمم دار شاف فيها لقاها كتبكي بهستيرية عرف ان شي حاجة واقعة.
أنت تقرأ
العرافة (بالدارجة المغربية)🇲🇦🇲🇦
Romansaالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
