"هاي مرة واحد راح لسجن واجتو امو لسجن زورو فقالها يوم خلي احبك(ابوسج) من لسانج ، ضحكت وقالتلو ما لكيت غير هذا المكان تحبني منه يمه ، قالها اي يوم من هنا اريدن احبنج ، طلعتلو لسانها جان يكطمو انصدمت الام قالها هذا السان لو رباني زين مجان اني هسه هنا محكوم اعدام ..."
جانت تردد كلمات ابوية باذاني واني ادخل للمدرسة ، وجان يطلعون ايوب وادريس من غرفة المدير دكحوني وفتحو عينهم ع وسعهم ، ركضو ناحيتي ، صيح ايوب وعينو ع راسي "ايش بيه غاسك(راسك) هيك ملفوف علــي..!"
"ما بيه شي يول ، وقعت من رجعت البارحة من المدرسي.."
ادريس "اكو ويحد ما ينتبه..."
ما رديت صعدت لصف ، صفية ماكو ، بهتت جنت مشتاقلها ، كعدت بمكاني انداريت ع ادريس وايوب "اقولكم سر اني كذبت .."
ايوب "بشنو يول .."
دخلت صفية، اشرتلهم بعدين نحجي ، كعدت بصفي بهدوء وكالت "صباح الخير .."
ردينه "صباح النور .."
عينها ع راسي ، طمنتها "هيج ما بيه شي وقعت وخيطوليها ..."
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هزت راسها وسكتت ، انتبهت ولد الصف نصهم سكتو من دخلت ، ضجت همست "صفية .."
رفعت عينه "هممم.."
"ليش نقلتي لمدرستنا ما رحتي مدرسة بنات ..."
"امي تمغضت(تمرضت) ، هيه مدرسي بس خافت علي من تركتها ، نقلتني وي ابوي ، رغم رفضت ما اغيد(اريد)هوني اغيد(اريد) ويه صديقاتي بس ما قبلو ..." تقولها بحزن ، قهرتني همست "احنه هوني اعتبرينا اصدقاگ ..." ابتسمت وهزت راسها ، ايوب قال"تقدرين طلعين ويانا .."
ما ردت اكتفت بالابتسامة ، ويالفرصة مثل عادتها راحت لابوها بلادارة ، نزلنه اني وايوب ، قتلهم "اني ما وقعت..."
ادريس "شو ، لعد شو صاغغ(صار).."
"سرقت ..."
ايوب فتح عينو ع وسعهن "شوووو .."
ادريس "شو سرقت ..."
حكيت راسي "حلاوة ..."
ضحك ايوب "شو انت شو تحكي ..."
"عمو جورج يبيع الحلاوة جثير غاليه واني ما عندي فلوسها ، تالي اخذت وحدة بدون ما يدغي(يدري) ومن رجعت لبيت قلت الامي ، فتحت راسي بالجفجير ، ومن اجا ابوي كملها وفتح راسي اكثغ(اكثر) ..."
ضحك ادريس "انت من كل عقلك .."
"الصغاحة(الصراحة) ما كنت اعغف(اعرف) غلط ان الفقير يسرق حلاوة ، الي اعغفو(اعرفو) الغلط يبيع حلاوة كثيغغغ(كثير) قاليه(غالية) ما يقدرعليها الفقيغ(الفقير) .."
دحكت صفية من بعيد ، واقفه يم نزار ، احس النار وجت بيه ، رصيت ع سنواني ، ردت اكوم كضبني ايوب "نظراتك شرانية اقعد علي بلا مشاكل..."
"شكوووو توقف ويا.."
دفعت ايدو وركضت الهم "صفيييية..." كلتها بعصبية ، دحكتني وعقدت حاجبها ، كضبت ايدها وسحبتها "اغيد(اريد) احكي وياكي..."
كضبها نزار "قي احكي وياها اني شو ما دحق لو نعميت..."
خزتو وسحبتها ، مشيت شبة اركض بعيد عن الطلاب ، دحكتها وخزرتها "شو تسوين واقفه ويا..."
رفعت حاجبها "انت ما منتبه على نفسك قي تاحسبني...!؟"
كالتها وسحبت ايدها من ايدي ، من عصبيتي ما حسيت اني لازم ايدها "انتي غلط وجودج هوني بين شباب..."
ابتسمت "علي شو قصتك...؟!"
توترت "شو مفهمت، اني قي انصحكي ..."
"انت تغار ....!؟"
دك كلبي ، عيني بالفضاء ما ابوع عليها ، لزمت وجهي"دحق بيا فهمني الي بيك..."
كضبت ايدها وخليتها ع صدري"دحقي قلبي ايش يصيغغ(يصير) بيه من احكي وياكي ، هذا الي قي يصيغغ(يصير) وياي..."
أنت تقرأ
النظر الى الأسفل
Tiểu thuyết Lịch sửهو حبر ينتمي الى ارض الواقع ، هذهِ رواية مستوحاة من قصة حقيقة ، وما زالت شخصياتها تتردد انفاسها ع الارض ، نطير مع اجيال يرسمون احلامهم حتى يتعثرون في خطوات عقرب الساعة الوهن ، ترسم شخصياتها بفرشاة رسمت من ايادي متجعدة ، يتوسطها ذلك الذي كبل عليه الا...
