هو حبر ينتمي الى ارض الواقع ، هذهِ رواية مستوحاة من قصة حقيقة ، وما زالت شخصياتها تتردد انفاسها ع الارض ، نطير مع اجيال يرسمون احلامهم حتى يتعثرون في خطوات عقرب الساعة الوهن ، ترسم شخصياتها بفرشاة رسمت من ايادي متجعدة ، يتوسطها ذلك الذي كبل عليه الا...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-اود ان اقول لك يا كاثرين رغم اني اشعر بالوحدة الان ولا يمكن ان اقدم نصيحة ، لكن اليكِ هذهِ النصيحة من رجل وحيد ، اذا لم يرتعد اصدقائك الى جانبكِ في اوقات التي تنغلق بها كل الابواب وتنفتح لك فقط ابواب الجحيم فهم ليسوا باصدقاء . -حتى في وقت الخصام، اوقات الخصام تمنعم يا رجل . -كاثرين، الاصدقاء الحقيقون يرمون الخصام الى السماء ويهرعون نحوكِ حتى يحملوك على عرش الامان في دخل جوف الارض . -لهذا انت وحيد....! -يؤسفني القول بنعم، اكتشفت انهم ليسوا جديرين بان يكونوا اصدقاء طالما وقفت معهم حتى وقت الخصام ارتجفت حينما اتلقى خبر بان هناك دمعة في قاب مقلتاهم، رغم هذا انا سعيد باني اعيش وحدة حقيقة بدلاً من العيش بوسط اصدقاء مزيفون . -متى شعرت انهم مزيفون ...! -عندما وقعت ولم يهرعون نحوي ، حتى اقف وقفت وحيداً ، عندما سقطت دموعاً ولم ارى ايدي تمسح دموعي سوى انمالي الهزيلة ، عندما احزن ولم ارى كلمة تداوي جروحي سوى كتبات حقيرة ، الاصدقاء الحقيقون هم اول من تلقاهم ع حافة بابك بمجرد ان يمسك الاذى يا عزيزتي . -انا معك . -انا بوجودك الان لم اعد اشعر بالوحدة ، انتِ حقيقة يا كاثرين رغم هذا انا خائف . -لماذا روب ..! -لان الذين يتعودون على أناسُ مزيفون يكونون اكثر خوفاً من التقدم نحو اشخاص حقيقون. -قلت في بداية انكَ وحيد ..! -احياناً نكذب حتى لا نخسر من نحبهم -ولماذا كذبت -هناك خوف بالقول اني لم اشعر بالوحدة بوجودك فتذهبين لان الاهتمام يجعل المرء اكثر سوءاً ، انتِ لست منهم اليس كذلك ...؟!
قاطع صوت حازم "شو هذا ...؟" دحقتو لازم رواية البؤساء "رواية شو يعني ..." جنت قاعد بالسطح وحدي ، عينو صارت ع الدفتر ، خليت بنصو القلم وطمويتو ، تقرب وقعد بصفي "شو هذا ..." اشر ع الدفتر "دفتر يول ..." "بس دفتر غريب ..." نزلت نظري ع الدفتر مغلف بورق بني ولاسقه عليه وردة ذبلانه ، ابتسمت "صح هدية ..." "هدية ..! من وين ..." "شخص قريب عليه واحبو جثير ..." "ليش لعد اني ما جيبولي الاشخاص الي احبهم هديا ..." ابتسمت ودحقتو "اني اجيبلك ..." "صدك ، شو جيبلي ..." "الهدية سر ينفتح بالوقت المناسب .." "وهذه شو ..." ياشر ع رواية "قتلك رواية .." "من وين جايبها .." "اعطانيها الي عمو زكي، اختمها وارجعها الو ..." "يصييغغ(يصير) اني هم اقراها ..." "اكيد بس اخلصها انطيكياها تقراها ..." رفع نظراتو عليه "انت تعرف ترسم وشاطر بالمدرسي ليش اني مو مثلك .." ضحكت "صيغ(صير) مثلي .." "شون ...؟" "عوف الرسم هساع عندك دراسة ، ادرس جثير تقدر تصيغغ (تصير) شاطر مثلي .." "اني ادرس كثيغغ(كثير) بس ما اجيب الدرجات كويسة ..." دنك وهمس بنبرة حزن "هذا شي ياذيني واحس نفسي غبي ..." "شوف حازم مرة استاذ غازي قال كلمة اذا انت غبي فعلاج الغبي بكثرة القراية ، واني متاكد رغم هذا انت مو غبي بس انت ما تعرف طريقة القراية الصحيحة ، مثلاً دائماً يجيني صديقي ادريس يقلي اني البارحة قريت عشر ساعات ومن اجي ع نفسي اني قاري خمس ساعات رغم هذا اني اخذ درجة كاملة وهو شنو هو ياخذ ع الحافة ، ينقهر جثير قتلو غير طريقة دراستك اي طريقة غيرها طلعلك طرق جثيرة لدراسة توديك لل 100 هيك تقدر تاخذ درجة الي انت تريدها بطريقتك الصح ..." "راح اغير طريقتي وندحق ..." دخل عباس "كافي هساع راح تضرب اخوك عين ولي خل احكي ويا .." حازم "اني مو حاسود ..." لزمو من طرف قميصو "هساع ولي انزل المو حاسود ..." ركض وهو يصيح "راح اقراااا الرواية .." "اقراااها بس لا توخر الفاصلة مالتي ...." قعد عباس بصفي وجر حسرة ، دحكتو وعقدت حاجبي "شو بيك .." "الي بيه .." اندار عليه "الي بيه اخواني ..." "اهووو لا ترجع قتلك شغله جانت بالي وهساع راحت الله راح يطلع الحق ..." "ياااا حق علي فهمني اول شي ..." "قتلك ماكو شي ..." "اخر شي جنت اصور هذا الشي منك ومن رضا ..." عقدت حاجبي "رضا شبي..." "شبي هذا الطرن يغار ع مياسين مني ، دحق دحق وين واصل مرحلة .." "بيوم خطوبتو زودتها .." "جنت اشاقة والتوبة بعد ما اشاقة وياكم .." "اني شعلي ..." "كلكم نفس الشي .." "دتحسيني عندي حبيبه وغاير منك عليها شهلتافه .." دحكني وصغر عينو "خاف عندك صدق حبيبه ...؟" ضحكت وسكتت ، فتح عينو ع وسعهن"شووووو عندددك..." "اني شوكت قلت عندي ، تفسر من وحدة ..." "شو تفسر سكوتك ..." "ماخذك على كد عقلك ..." "انجب لك اني اخوك الجبير ..." ضحكت وسكتت "قول عليك الله ..." ابتسمت وعيني ع الدفتر "عندي وحدة احتلت جزء من قلبي .." رفعت راسي وقتلو "بس ما مصارحها حاولت ..." فركت وجهي بقوة "حاولت اتقرب منها بس صاغغ(صار) شي وهساع ما تحكي وياي .." "شو شو هذا كلووو صايغ(صاير) ويه ويحد زعطوط واني الطرن بعدني لا حبيبه ولا ويحد يزعل عليه ..."
دفعتو بخفه "منو الزعطرط لك .." وضحكت "سويلك حبيبه .." "هو بيدي محد تدخل قلبي ..." "هممم يعني اكو ..." ضحك وهز راسو"اكو جثيررر ، مثلا هذاك اليوم اني بالسوق اجتي ويحده قالت اني عندي بيت ومطلقة وعندي بنيه خلي نزوج والبيت باسمك يصير ..." دحقتو بطرف عيني "الجذاب الله وين يذبو عباااااس..." "بالنار واني راح انذب بالجنة. ." كالها وضحك "احجي جد ما اجذب والله كتالها الله ينطيج واحد مطلق عنده ولد حتى من تكبرون زوجون ابنج الابنه ...." "صدك تحجي ..." "والله العظيم ..." "يول اصيررر زنكييييل ..." رجع راسه ع الحايط وعينه ع السماء وهمس "اني اريد الحب ، ما اريد اصير زنكيل..." اندار عليه "تحبها صدك ..." "منو ...!" "الي زعلانه عليك لان ردت تتقربلها ..." تقرب وكال "صدك شون ردت تتقربلها ..." "انت صايغ (صاير) جثير تحجي .." فتح عينو ع وسعهن "لا لا مستحيل انت ما تسويها .." "شسوي ولك وين راح بالك ..." "والله كلش راح ..." "ردت .." جريت حسرة "ردت اشم كصيبتها بس ما لحكت حتى الزمها ودخل هذا الطرن نزار ..." "يا نزار ..." "ويحد ابن الاستاذ ..." "علــي..." فتح عينو ع وسعهن"يول بالمدررررسة ..." "شبيك صاااايغ(صاير) جثير صيح راح يسمعك ابوي ..." "احجي يول .." "اي بالمدرسي ..." "وشصار ......؟!"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
