"جاي اليوم واطلب كريمتكم لابني جعفر ع سنة الله ورسولة الكريم .."
صفن ابوي بوجهو ، وكلو عباس "من رخصت ابوي ..."
هز راسو ابوي ، كلو "عمي احنه نعغف(نعرف) جعفر مزوج ...!"
ورد جعفر "مشاكل بينه وع باب الطلاك .."
كلو ابوي "يعني بوية ما مطلك انت حتى ، شني على باب طلاك ..."
"عمي انطيكم وعد ما اعقد ع كريمتكم لحد ما اطلك ، بس اريدن منكم جلمة(كلمة)..."
وادي "نشرب جاياتته ابو رضا لو نرد لديرتنه .."
ابتسم ابوي "وانا اطلعك من هني بدون ما تضوك جاي ، مو عملة الاجاويد هاي ، اشرب جايك والله جريم(كريم).."
"نغره(نقره) الفاتحة لعد ع برجة (بركة) الله .."
عباس ما عاجبو ، وخجلو ابوي ، لليل رادو يرحون ابوي لزمهم ما يقبل بس نهوها "الطريج(الطريق) طويل حجي وهم ياه نوصل لديرتنه .."
وطلعو لبغداد ، وامي كامت "انت شوووون تنطي لويحد مزززوج ..."
كلها "بيت عمي واعغفهم(اعرفهم) غاح(راح) يصونها، بعدين تعالي انتي شني ما سمعتي راح يطلكها يله يجي يعقد ع بتنه .."
عباس "يابه جبير عليها ، دحك فرق العمر بينهم .."
"وشني الفرق بويه ، بالنهاية البت بيت رجلها مجانها ، واني عغفت(عرفت) وين اخليها ، بس خلي ناخذ اذنها ..."
وصاح "اميييينة..."
اجتي ركض "بلي يابه .."
"تعالي بوية حدري هين .." اشررلها تكعد بصفو ، همس "بوية انتي اكيد سمعتي الصاغغ(الصار) .." هزت راسها مدنكة ، كلها "وشتكولين بوية ، اني شاريهم ولد عمامي ، باجر عكبه تكدر اعاتبهم اذا لمسوج والكريب احسن من البعيد ، شتكولين بويه ..."
كالت بخجل "بكيفك بويه .."
ابتسم وباس راسها "على بركة الله..."
سالته "بوية انته ما حاجيلنه عليهم ، شنو يصرون منك ..."
ابتسم وهو لازم السبحة يحركها . وبدا يقص قصتة بالهجة المختلطة بين المصلاوي والعمارجي..
"في افاق الذكريات حجي سلطان"
جنه كلنه نعيش بسلف واحد ، بيوتنه من طين وسعف النخل ، تربيت وعشت بيت امي فاطمة(الاسم الحقيقي) ربتني لان من اني ورضيع مات ابوي وامي وما معاين عليهم ولا مدحجهم ، امي فاطمة جان كبل مزوجة بس مات رجلها وجابت منه ولدين وبنت ، كبل البت اذا مات رجلها ميصيغغغ (ميصير) تبقى بدون زواج رغم هيه رافضة تزوج ، رادها ابن عمها خلف ، بس خلف مزوج وعنده سبع بنيات ولد بس هو رادها زوجت امي فاطمة ابوي خلف واخذت بتها وياها وحدرتها لسف ابوي خلف وما رفض بس ولدها اخذهم عمامهم ما غبلو (قبلو) يتربون بيت غريب عود بيت ابوي خلف غريب ، جابت من ابوي خلف وادي وقاسم ، واخذتني انه وياهم ربتني ، الله شاهد ومحمد شاهد وعلي شاهد ما يوم فرقتني عن ولدها ، ولا بيوم حسستني هي مو امي ، جنه نطلع للحصاد كلنه سوه ، عشت وتربيت بيتها امي الربتني ، وادي وقاسم خويني صاغو(صارو) ، زوجتهم واجتني بيوم كالت "يمه سلطان عاينتلك شون بت جنها العافية غاد من سلفته .."
هاي جلمتي الها "بكيفج يمه شتردين سوي.." وصدج جابتلي امكم من السلف ، جبت رضا وعباس توفت امي فاطمة جانت صدمة جبيرة الي بوفاتها ، عفت السلف وخبرت ابوي خلف "بوية انه ما اكدر ابقى هني بعد .."
ورد بجزن مكسور "ليش بوية احد مسمعك جلمة .."
"لا بوية ما كصرتو وحك روح امي ، بس انه احسن حسها هني وانه ما اتحمل اجثر .."
واجيت لبغداد وصار الشغل واجيت هني للموصل ، "رحمة ع روحج حجيه..." كالها ونزلت دمعته
جانت قصة ابوي صدمة الي ، امينة لزمت ايدو ومسحت دموعو ، باست راسو "هلكد بويه انت مكسور ..."
مسح دموعه وكال "امي راحت بس امكم ذكرى منها .." دحك ع امي وابتسم وكمل وعينه تتنقل علينه "وانتو احلى فرحة بالنسبة الي ، نسيتوني كل العشتو ..."
اندك الباب حيل ، طلعت جانت شريفة ورجلها ، حضنتني بقوة وفرحة ، ضحكت "يول ابوي انتي شونج .."
"مليحة اني انت شونك ، دراستك شونها .."
"كويسة .." كلتها وسلمت ع رجلها ، كالت وهيه تدخل "ابوي هين .."
"اي هينا .."
دخلنه ورحبو بيها ، كعدت وابوي كال "عندي ابشارة الج يابه .."
"واني جايتكم بابشارة .." كالتها ولمعت عينها ، امي كالت "حبله انتي مو .."
ضحكت وكلتلها "شون عرفتي يمه .." اندارت ع قاسم(زوجها) كلتلو "بس لا جاي هين وقايل لاهلي.."
امي كالت "لا ما كالنه انا عرفت ، اني امج يشريفة .." ما بينت علامات الفرح ع امي ، صدمتني ، حتى شريفة اختفت ضحكتها ، ابوي سال "اكو شي ام رضا .." هزت راسها بالنفي ، وعينها ع بطن شريفة كلتلها "حدري هين ..." تاشرلها ع رجلها ، تقدمت ونامت ع رجلها ، ولزمت بطن شريفة وصارت تقرا عليها .
شريفة "يوم بيج شي..."
"ان شاء الله خير يوم ..."
امينة "ما قتولها البشارة .."
شريفة "اي صدك شو البشارة .."
ابوي ابتسم وكال "اجوي كرابتنه من بغداد طلبو امينة .."
فرحت "صدك امينة يعني راح تزوجين .." بهتت وكالت "بس بغداد مو بعيده بوية ."
"الطريج بعيد بس الكرابة قريبة من الكلب بوية انا منطيها الناس وانا مغمض عيوناتي (عيوني باللهجة الجنوبية) .."
اجا رضا وطلب المسامحة من ابوي وما رفض ابوي رغم عصبي بس كلبه جبير ، ورجع جعفر خطب امينة بعد طلاقو ، وزوجت امينة بغداد ، امي بجت لحد ما ملت عليها ، وبيوم صدمة جبيرة النه اجا رضا وكال "انه اغيد(اريد) ازوج..."
وردت زهرة "شوووو تزوج عليه وانا حبله ...............!"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#منار_العجيل
أنت تقرأ
النظر الى الأسفل
Tarihi Kurguهو حبر ينتمي الى ارض الواقع ، هذهِ رواية مستوحاة من قصة حقيقة ، وما زالت شخصياتها تتردد انفاسها ع الارض ، نطير مع اجيال يرسمون احلامهم حتى يتعثرون في خطوات عقرب الساعة الوهن ، ترسم شخصياتها بفرشاة رسمت من ايادي متجعدة ، يتوسطها ذلك الذي كبل عليه الا...
