النظر الى الأسفل

في اول ربيع العمر 2

رحت ثاني يوم دكيت باب بيت جوارينه عمو عابد اسمو هذا الي سمعتو ، طلع وهو يلبس نعالو وصيح :"جاي يابه جاي.."
رفع راسو دحكني وابتسم ، فتح الباب "حدر علي حدر ..." ابتسمت ودخلت وراه ، دخل للحديقة وكعد ع كرسي مقابلو ميز حديدي ابيض وكرسي ثاني ، اشرلي عليه :"اقعد علي.."
كعدت ، وخليت الورقة مقابليو ، اخذها وتمعن بتفاصيل ، عين ع الورقة وعين عليه ، ضحك وهتزت اكتافو "هذهِ انت علي ..." هزيت راسي منتظر منو كلمة خايف ومتردد وعيني عليه ، همس "انت بطل علي ..." ضحكت ودنكت ، رفعت راسي وردد "انت فنان بيوم من الايام راح اصير شي جبير يا علي ..." ضحكت "اشكرك عمو ..."
"هذا جان اختبار ..."
عقدت حاجبي "اختبار ..؟!"
"بلي علي ، دحق اقولك اكو نوعين من الناس الي تهوى الرسم ، النوع الاول صعب جثير ما يعغف(يعرف) يرسم الدائرة صح هذا يرادلو تدريب جثير وصبغغ(صبر) حتى يوصل لمغحلة(مرحلة) يتقن معالم الفن ع اصولو ، النوع الثاني الله منطي هاي المهارة من اول ما اجا لدنيا وهذا النوع سهل جثير يقدغ(يقدر) يتعلم بس يغادلو(يرادلو) تنمية ، وانا غدت (ردت) اختبرك هذا الاختبار حتا اعغف(اعرف) انتا من يا نوع وهساع اثبتتلي انتا من النوع الثاني .."
"يعني انا ما يردالي بس تنمية ...؟!
هز راسو ، وابتسم "هذهِ عليه .."
ومن هنا بدأت مسيرتي بالرسم ويه عمو عابد ، مر شهرين واجتي المدارس ، عفت الشغل ونصحني :"عوف الرسم ولا تلتهي بيه ، اغيك(اريدك) تطلع الاول مثل ما تقول ..." وارد بالنفي "ماكو شي يلهيني ع الدراسة عمي ، جان لهاني الخط قبل .."
وبدأت المدرسة ،امينة بطلت ، سكينة مبينه الفرحة ع وجها وحماسة بالمدرسة ، وشريفة رسبت بالثالث متوسط راح واهسها وما كدرت تكمل ، اجا خطبها صديق عباس وقبلت بيه اصلو مو من الموصل من الناصرية بس عايش هوني وزوجت ، اما حازم فصف خامس ابتدائي يروح للمدرسة ويه صالح ابن رضا نفس العمر وجواد نجح لسادس ابتدائي ، اما اني فهذهِ السنة صف ثاني متوسط ، متحمس شون راح ابدي العام الدراسي .
اتمشى بشارع الي نهايو المدرسة ، ولمحت من بعيد السيارة المرسيدس الفاخرة ، لونها الاسود المايل لنيلي بيه لمعان ، نزل منها استاذ محمود الملاح(الاسم حقيقي) المدير الي كل طالب يرجف منو ويهابو ، مثل عادو انيق ومرتب ، ضافة لاناقتو النظرات الفرنسية ، نزل ويا اولادة الاثنين ايوب وادريس ، لمحوني وركضولي ، تحاضنه وتعالت ضحكاتنه وشوقنه لبعض ، رغم ملابسهم الجديدة وعتيق ملابسي ، وحذائهم اليلمع وحذائي الي صارلو سنتين وهاي السنة ابوي خيطو الي ، رغم اختلاف الطبقات بس ما منع انكون اصدقاء مقربين ، واحنه ندخل للمدرسة عاتب ايوب "يول احنه مو دليناك ع بيتنا ليش ما حدرت هونيك ..." وبررت "اشتغلت جثير ومجان عندي وكت امغغ(امر) ع وحيد .."
ايوب "شو شتغلت .."
"بالعروبة ..."
ادريس "قول انك اكلتها كلها وما حصلت درهم ..."
"بلي .." كلتها وضحكت "مغة(مرة) محد اشترى مني قلت ليش ما اكولها ابدال ما تموع ، تالي اكلتها كلها وقعدت ثاني يوم متخربط ..." تعالت ضحكاتهم واحنه ندخل للصف ، كعدت ثاني رحلة من جهة الحايط وبصفي ايوب ورانه قعد ادريس وحدو ، وحل الصمت بدخول استاذ غازي ، وصفنت ويا بنية ، سلم علينه وهيه واكفه ع صفحة ، لابسة تنورة نيلية توصل لفوك ركبتها ، وقميص ابيض نهايتة ياخة ، حذاء ابيض لامع وباينه من عنده جواريب طوال ، ضافرة شعرها البني ضفيرة صفح وبنهايتها شريط ابيض ، تخفض نظراتها وترجع ترفعهن تتمعن بالطلاب وتحفظ شكلهم ، بعينها البنية الكبار ، وعرفنه الاستاذ وهو ياشر اله توكف بصفو ، خلا ايدو ع كتفها وابتسم "صفية بنتي اعرفكم عليها ، غاح(راح) تكون زميلتكم بالدراسي(المدرسة) لهذهِ السني(السنة).." رحبنا بيها بس يمكن بينت علامات الدهشة ع ملامحنة كون المدرسة للبنين ولا مكان للبنات بها ، اشر الاستاذ لايوب "ايوب بابا امشي ارجع يم ادريس.."
ضاج وما يكدر يحجي ، رجع يم ادريس ، واشر الها تكعد بصفي ، انحرجت ودنكت وتسائلت ليش يمي ، دنيت يم الحايط لو اكو مجال جان دخلت بالحايط ، كعدت ع طرف الرحلة ، وشرح "صفية تحب اللغة العربية ، واني دحقت اكثغ(اكثر) وحيد شاطغغ(شاطر) باللغة العربية هو علي .." هزيت راسي بدون كلام ، بدأ الاستاذ بالشرح وهذهِ اول مرة ما انتبه ع الشرح كثر ما متوتر ، همست "هو العالي .." انداريت عليها اتسائل بنظراتي ، ابتسمت وهيه مركزة عينها ع الشرح "معنى اسمك ..." ابتسمت "هو اسم الامام علي علية السلام ..." عقدت حاجبها واندارت عليه "مين هذا ...؟!"
سكتت ، ركزت ع الاستاذ ، بعدين صفنت بأسمها همست "النقية ..." ضحكت بصوت خافض "ع وزن فعيلة ..." ابتسمت دنكت ، رغم جمودها الا ان ضحكتها حركت شي غريب بداخلي ، دك الجرس واخذها ابوها ، اجا ايوب ضايج "يعني شو يقومني من مكاني ويخلي هذهِ .."
"يول ايوب حكم الاستاذ بعد شو تسوي .."
"هساع اقول لابوية ارجع لمكاني .."
"ما يحتاج تكبرها .." كلتها ونزلت الدرج ، غمز ادريس "عجبتو بت استاذ غازي .."
دحكتو "اني ...؟!" ضحك ايوب "قول ما اغيدك(اريدك) يا ايوب حتى ما اقول لابوي ما يقومها ..."
ضحكت "واني شعلي ...؟!"
ادريس "غوح(روح) ايوب قول لابوي ..."
ايوب "مو هساع من ارجع للبيت .." سكتت وهمه يترقبون ملامحي بضحكة مبطنة ، كعدنه بمكانه المعتاد بالساحة ، وطلعو لفات ومثل كل سنة ما ينسوني الا اذا يجبولي لفة ، كال ايوب بضجر "اجا الحقنة استلموا .." رفعت راسي نزار ، يمشي بثقة وغرور ، دحكتو بالصف بس ما اقتربت منو ولا سلمت ، اجا وهو خال ايدو بجيوب بنطرونو "شونك علي .."
"كثيغ(كثير) مليح ، قول بدك شي ...؟!"
"استاذ بهجت بدياك هونيك .."
هزيت راسي ، وخليت اللفة يم ادريس ومشيت وراه ، نزار ابن استاذ نعمان ابو التربية السلامية ، نتنافس ع الخط ويدربنه استاذ بهجت ، كال "شو تتوقع مين يربح هذه السنة .." ابتسمت "يربح الي واثق من نفسو ، اذا مو كبال الناس ف كبال نفسو ..." كلتها ودخلت للادارة "السلام عليكم ..." وردو الاساتذة "وعليكم السلام .." راح نزار يم ابوه ، تقدمت يم استاذ بهجت "تفضل استاذ .."
"شونك علي ان شاء الله مليح .."
"مليح استاذ .."
"هذهِ السنة هم غاح (راح) تطلع الاول ..." قاطعو استاذ غازي "يحتاج شك استاذ ، علي اشطغ(اشطر) ويحد بالمدرسي..."
ابتسمت ودنكت ،كال استاذ بهجت "بطل علي اعرفو .." كالها واندار عليه "باجر حضر نفسك كويس ، اغيد(اريد) هذهِ السنة اخذكم وياي لمعارض الموصل ..." دحكني وعقد حاجبو من دنكت "شو قلت علي .."
"لازم اخذ رأي اهلي ..."
"اكيد باجر اغيد(اريد) ورقة من ولي امرك .."
دحكتو بتوسل "استاذ عادي بدون ورقة .."
"ليش ...؟!!!!!!"
"لان ابوي وامي ما يعغفو(يعرفو) يقرو ويكتبو ..." كلتها ودنكت ع ضحك نزار ، سالو ابوه "ليش تضحك...؟!" سكت تفشل من نظرات الاساتذة ، بلعت ريكي ، استاذ غازي كال "هساع صدمتني يا علي اكثغ(اكثر) رغم هذا كلو انت اشطر ويحيد بالمدرسة ، سلملي ع ابوك وقلو استاذ اغيد(اريد) يدحقكك .."
مسحت تصببات العرق من ع جبيني ، صفية قاعدة يم ابوها ، همست "ابوية ما يقدر يحدر هوني .."
وسال استاذ بهجت "ليش علي ..."
"مو عندو شغل..."
وسال المدير الي متوسط الميز وكبالو اكل "شو يشتغل ابوك .."
حسيت نفسي بمحمكة ،وقلت مثل ما علمني ابوي "يشتغل بالطين .."
"شون بالطين يعني ...!؟"
"ما اعغف(اعرف) .." كلتها ودنكت
استاذ بهجت كال "انطي خبغ(خبر) واذا قبل تعال باجر ..." هزيت راسي ، وطلعت ، لحكني نزار وهو يصيح "اوقف عليييي.." انداريت علي "غاح(راح) اقولك شي ، بس مو تزعل.." عقدت حاجبي ساكت منتظرو ، كال ونظراتو ع ملابسي "باجر اذا ابوك قبل لا تجي بهذهِ الملابس ..." تخوصرت ورفعت حاجبي "ليش....؟!"
"لان ..." كالها وعينه اجت ع حذائي يدحك بأشمئزاز "ملابس عتيقة ، اذا تغيد(تريد) اني اعطيك تشتري ، يعني مدام اهلك ما عدهم ، وابوك يشتغل بالطين ..." دفعتو بقوة ورفعت اصبع السبابة "دحكك نزار ..." مديت حذائي "دحككك هذا الحذاء المكطع ...." طلعت الشك الي مقميصي وامي مخيطتو "دحق قميصي المشكك ، هذا كلوووو اني افتخغغغ(افتخر) بيهننن ، اهلي وحيياتي معليك بيهن. ايااااك مغغغغة(مرة) ثانيي(ثانية) تحكي ويااااي فااااهم ..." تقرب بغضب ودفعني "انت ميييين وتدفع وحيييد مثلي ، اني ابن استااااذ نعمااان ، وانته مييين ...." كالها وياشر عليه باستهزاء "انته ابن الشغيل بالطييين ..." سحبتي ايوب بعد ما ردت اضربو .