ميلان : ماذا تفعل !!
نواف : تكلمي عامي يرحم لي اهلك وبتكلم لك بموضوع انا تعالي
اخذني الى سيارته وقام يتحدث الي
نواف : شوفي ميلان عزيز ترى شخصيته ضعيفه ما اتوقع حتى يقدر يوقف على رجله عشان يدخل المحكمه
ميلان : عفوًا وش هذا التحبيط؟ بدال ماتشجعونه وتحاولون تغيرون شخصيته تقولون كذا؟
نواف : لأن هذا الصدق ! عزيز ضعيف شخصية كل اللي بالمركز منصدمين شلون هو وصل لرتبة المحقق
ميلان : استح على وجهك هذا خويك وعشرة عمر معه وتقول عنه كذا ! بدال ماتوقف مع عزيز تصير ضده؟؟ طلبك عون ليه تصير له فرعون!
نواف : يا ميلان تفهمي الوضع
ميلان : ميلان وميلان ! اتفهم ايش اتفهم ايش!! كيف تبيني اتفاهم معاك و انت واقف ضد خويك
نواف : انا ابي تقفلين على القضية وماتفتحينها مره ثانيه
ميلان : تبطي عظم عطني سبب مقنع يخليني اقفل القضيه
غضب نواف بشدة وقال بصوت عالي
نواف : لأن عزيز جبان! عزيز الىىىلاح مايعرف يرفعه!! عزيز اذا دخل على شخص بيحقق معه يبعد عنه ثلاث امتار لأنه يخاف ان الشخص يجي ويضربه فهمتي الحين ليه انا ابغاك تقفلين القضية !!!
ركن نواف السيارة في المواقف ونزل وطلب مني النزول ، نزلت حيناها وانا كنت ارى الطلاب و الطالبات مع بعضهم يضحكون ويبتسمون التفت على نواف وقلت له
ميلان : وين حنا جايين؟
نواف : اوه صح جيت عشان اخذ اختي سيلا
ميلان : طيب انا ليه انزل معاك؟
نواف : مدري بس ما احب احد اخليه بسيارتي وانا انزل وكذا
ميلان : طيب عادي اتصل على سواقي يجي مابيني وبينك معرفة
نواف : والليل انتي ماتسكتين؟ مسويه تحققين فوق راسي خلاص بناخذ سيلا وبنوديك لبيتك
قلت لنفسي " مالذي فعلته حتى غضب مني ؟ "
دخلنا الى المدرسة وكان الكل يحدق بي وكنت ابتسم لهم ، ذهبنا لفصل اخت نواف " سيلا "
نواف : السلام عليكم اعتذر يا استاذ بس باخذ سيلا معي
سيلا : هييي هاذي المحامية ميلان وش عرفك فيها
التفت الطلاب كلهم ينظرون الي وطلبوا مني ان يأخذون معي صورة
نواف : اعتذر منكم يالطلاب لكن حنا مشغولين الحين
نظرته اليه بإحتقار وهمست له " اعتقد انك لست ولي امري "
اخذت مع الطلاب صورة و أتت الي سيلا وصديقتها
نواف : يلا امشي نطلع خوذي شنطتك وتعالي
سيلا : بس ترى ايلا بتجي معانا
نواف : ايلا اخوك ماراح يجي ؟
ايلا : مدري قال لي انه بيكون مشغول واذا جاء نواف روحي معه
نواف : طيب يلا انا بسبقكم
كنت انظر اليهم وحينها شعرت بأحد يمسك يدي نظرت الى يدي ورأيت ان يدي قد تلامست بيد نواف وخرجنا خارج المدرسة
كانت ايلا و سيلا يتهامسن مع بعضهما
سيلا : ايلااا يمممه تشوفين اللي اشوفه!!
ايلا : لا يكون اخوك يحبها
سيلا : لا وين اخوي وينه وين الحب
ايلا : طيب ليه يمسك يدها؟؟
التفتوا كلهم على بعض
سيلا : تفكرين باللي افكر فيه صح؟
ايلا : ههههه لا عاد لا تقولين بتسوينها !
ناظرت سيلا ايلا بإبتسامه
ايلا : امشي امشي
اخذوا اغراضهم ومشوا بسرعة ، توجهوا لسيارة ورأهم نواف
نواف : سلامات شفيكم طولتوا !
سيلا : كنت قاعده اضبط الميكب حقي
نواف : وانتي ليه تأخرتي ؟
ايلا : تكلمني ؟
نواف : لا قاعده اكلم ميلان تستهبلين ؟
ايلا : طيب لا تنفخ كنت قاعده اعدل شعري
نواف : يعني الحين تبون تقنعوني ان الاعذار هاذي بتدخل راسي يعني؟
ميلان : شفيك عصبت عليهم انت شدعوا! ترى مالنا ولا خمس دقايق !
نواف : طيب خلاص اركبوا السيارة
التفت الى سيلا وقلت لها
ميلان : سيلا انتي خليك قدام انا بصير وراء مع ايلا
سيلا : هههه لا شدعوا خليك قدام مع نواف انا ابغى اكون مع ايلا وراء وكذا
ابتسمت لها وجلست في المقعد الأمامي
ايلا : بتحطون اغاني ولا انا اشغل ؟
سيلا : اصبري ميلان ونواف وش تبغون نحط ؟
ميلان ونواف بصوت واحد : " ابو نايف "
التفتوا سيلا و ايلا مع بعض وابتسموا كلهم
نواف : اما عاد تحبين ابو نايف؟
ميلان : حبيب القلب من مايحبه؟
جاء اتصال لنواف وكان من ملهم
نواف : اعتذر بنات بس برد على الاتصال
رد نواف على الاتصال
نواف : هلا ملهمنا
ملهم : اسمع ابغاك الليله تجي انت وعزيز وجيبوا ناس معكم
نواف : اوف ملهم متهاوش مع احد
نظرت الى نواف بصدمة وكنت اقول في بالي " هل يعقل ان هذا ملهم الذي كانت تعشقه هيام؟؟ ، ام هذه تصادف اسماء ! "
ملهم : هههههه لا ياحبيبي انت اليوم بينزل كتابي وابغاكم تجون وكذا
سيلا بصوت عالي : ملهم لا تخلص الكتب ابغى اثنين منهم
ملهم : ماعليك عندي الكتب واحد لك وواحد لإيلا
نواف : طيب خلاص بنجيك اليوم اكلمك بعدين
قفل الاتصال و انا كنت منهذله و افكر هل ملهم هو ذلك الشخص ؟
ميلان : اسفه على الفضول لكن مين ملهم؟
ايلا : تستهبلين؟ ملهم اشهر كاتب هو اللي يكتب خواطر
ميلان : هو اسمه ملهم الـ***** ؟
الكل التفت علي بأستغراب
نواف : وش عرفك بأسم عائلته؟
ميلان : يعني هو ؟
سيلا : ملهم محد يعرف اسم عائلته وهو مشتهر بأسمه بس
نواف : لحظه انا ابي اعرف من وين عرفت اسم عائلته
ميلان : ههههه شفيكم انتم الجو حار شرايك توديني للمكتب حقي ؟
تحرك نواف وفي باله اسأله كثيرة ومن ضمن شكوكه " هل ميلان هي هيام ؟ "
سيلا : نواف نبغى نروح نجلس بكوفي وكذا وتجي معنا ميلان
ميلان : شكرًا سيلا بس ما اقدر عندي قضايا وكذا
ايلا : لا ميلان تكفين نبي تجين معانا حبيناك
ميلان : المره الجاية ان شاءالله
سيلا : المرة الجاية ؟
ميلان : اي راح تشوفوني كثير و إيلا بتشوفني كثير مره
ايلا : ليه بشوفك كثير ؟ اخوي فيه شيء
نواف : لا يا إيلا بس ميلان بتمسك قضية اخوك وبتاخذ حقكم ان شاءالله
ايلا : كيف بتاخذ حقنا و اخوي في القبر؟
ميلان : اسمعي ياروحي ايلا شرايك تجين عندي للمكتب ؟ وتبقين عندي اليوم؟
سيلا : اقدر اصير خوي و اجي معكم
ميلان : هههه اي تعالي
نواف : يعني الحين تبون كوفي ولا انزلكم عند ميلان ترى وراي اشغال ماني فاضي لكم
سيلا : بس ميلان كيف بتروحين لبيتك ؟
ميلان : انا بيتي ومكتبي مكان واحد
ايلا : كيف يعني تنامين بالمكتب !
ميلان : الحين نروح وتشوفين
نواف : اوصفي لي مكتبك ميلان
وصفت له المنزل وكانوا الفتيات متشوقين جدًا ان ينظروا الى منزلي ومكتبي ، وصلت لمنزلي ومكتبي ونزلت ، نزلوا الفتيات وكانوا منهذلين من المنزل الكبيييييرر
سيلا : يمه بيتك مره حلو ماشاءالله
ايلا : يخوف البيت مرره كبير
نواف : حبايبي شفيكم انتم نسيتوا بيتنا؟
ميلان : ليه انتم كلكم ساكنين ببيت واحد؟
نواف : اي انا وعزيز ساكنين مع بعض وكذا بما ان يعني حنا كلنا نشتغل مع بعض
ميلان : ليه وين اهاليكم؟
سيلا : ميلان اهالينا ماتوا كلهم بحادث مروري عشان كذا سكنا كلنا ببيت واحد
ميلان : اعتذر اذا قلبت مواجعكم
سيلا : لا عادي
نواف : انا بروح سلام
ذهب نواف و انا و الفتيات ذهبنا للمنزل
ميلان : ..
أنت تقرأ
مالك الحُب
Randomاستيقظت من نوم بعد ما استمعت لضجيج الأطباء و ضجيج الأجهزة التي كانت حول رأسي وجسدي وضجيج اشخاصٌ خلف الباب و الستار ، حينها فتحت عيناي بلطف وتوقف الاطباء من الإنعاش وعم الصمت بالغرفة و الخارج لا اسمع سوى فقط صوت الأجهزة ، رأيت الطبيب ينظر الى الممرض...
