مالك الحُب

ولم نكن لبعض .

وصلت الى منزلي
ونزلت هيام وهي منكسرة القلب ذهبنا الى احدى الغرف الموجودة في منزلي طلبت من هيام الجلوس و طلبت منها ان تتحدث ولكن كانت صامته وعيناها تذرف دموع ماذا حدث لها ؟ لماذا تبكي ؟ اعتقد بأن ملهم هو السبب في كل ما حدث لها
بعدما هدأت هيام تحدثت
هيام : ملهم جاء خطبني ورفضوه اهلي بسبب اختلاف العادات و التقاليد
اندهشت وقتها وشعرت بصدمة عائلتي الثانية تفعل هكذا؟
ميلان : انا بروح اتكلم مع اهلك
هيام : لا تحاولين ولا تروحين هم مايعرفون اني طلعت اصلًا
اقتربت من هيام وحضنتها وبدأت بتهدأتها الى ان غفت ذهبت من الغرفة ونزلت الى غرفتي المفضلة " غرفة الورود " بدأت بسقي الورود ، لماذا الأباء و الأمهات لا يهتمون بأبنائهم كما نحن نهتم بالورود ؟ لم اتوقع بأن لا يزال هنالك عائلات تهتم بتلك الأمور ! ماذنب قلب هيام بحبها لملهم؟؟ ام ماذنب ملهم بحبه لهيام؟ احتاج الأن شخص يكون معي بدأ شعري بالتشيب من التفكير وحل مشاكل الأخرين لكن انا لم اصبح محامية الا لمساعدة الاخرين
اخذت هاتفي و ارسلت رسالة الى نواف
ميلان : تقدر تجيني الحين؟
بعد نصف ساعة تحديدًا كانت الساعة 6 ليلًا "
وصل نواف الى منزلي و اتى مسرعًا الي وحضنني
نواف : الحمدلله حسبت فيك شيء
شعرت بالطمأنينة وقتها او لأقول اني شعرت بالطمأنينة طوال الوقت الذي تواجد فيه نواف معي
جلسنا في الخارج
نواف : شفيك ميلان ؟
ميلان : مافيني شيء لكن نواف تعبت ، تعبت من المشاكل اللي تجيني شعري بدأ يطلع في الشيب من كثر الهم و التعب
نواف : الحين انا لو احلف لك ان تحسبين شعري صابغه صح ؟
ميلان : ليه مو صابغ شعرك ؟
نواف : لا ذا الشيب ماصبغته اسود لأن عاجبني طالع حلو يعني اسود و ابيض طالع حلو علي وبعدين ترى الشيب محليك
ميلان : كلها شعرتين خليتها محليك
نواف " بتأمل " : لأن ماقد شفت وحدة جميله ومحليها الشيب
نظرنا لبعض مايقارب 5 دقائق خجلت حينها
نواف : اي قولي وش اللي بخاطرك
ميلان : انا بقول لك سالفه بس لا احد يعرف
نواف : ثقي فيني
ميلان : تعرف ملهم صح ؟
نواف : اي ملهم؟ لا يكون تقصدين خوينا ؟
ميلان : اي خويكم
نواف : افا شفيه
هيام : كانت كتاباته عن وحده اسمها هيام
اندهشت من ذلك الصوت و رأيت هيام متوجه الي
هيام : كملي كلامك اعتبريني ماقلت شيء
ميلان : هيام لا تفهميني غلط انا بس قاعده افضفض
هيام : ميلان انتهت قصتنا انا وملهم تقدرين تتكلمين وتقولين في النهاية ماصار بيننا نصيب
نواف : اي نصيب تتكلمون عنه و اي قصة تقولون!!
ميلان : اسمعني نواف ملهم كانت كتاباته عن هيام وكانوا يحبون بعض و انفصلوا و اليوم جاء خطبها و اهلها رفضوا ملهم 
نواف : تستهبلين انتي صح ؟
هيام : ميلان ماتستهبل بذي المواضيع
نواف : يعني انتي حبيبة ملهم اللي تغيرت شخصيته بسببك!!
ميلان : لا تحط اللوم عليها لو انه طيب ما أذاها
نواف : وش اللي طيب يشيخه! ملهم اطيب الناس نحف وتغيرت شخصيته وصار يهتم بنفسه عشان بس قارنتيه بواحد اكبر كذاب !
هيام : انا قارنته بس عشان يهتم فيه نفسه ويتغير
نواف : وش يتغير!!! ملهم طول السنتين ذي حقق كل اللي انتي تبينه! والحين تبين ترجعين له!! وزيادة على كذا شاكه في اهل اهله!!
هيام : انا اشك فيه لأن صار لي موقف خلاني ما اثق في احد !
نواف : وتشكين بوحده وطلعت اخته!! وش التفكير الخايس ذا!! هو ولا عمره شك فيك!
هيام : ولا عمره شك فيني ؟؟ شكله ما قال لك ان سوى حساب بأسم الشخص اللي قارنته فيه وضافني
نواف : لكن وش سويتي انتي ؟ رحتي وقبلتيه ! حسبي الله عليك كانك علقتي قلب فيك وانتي ماتستاهلينه
ميلان : نواف لا تدعي !!
نواف : عاجبك ميلان عاجبك اللي مسويته صديقتك!!!
ميلان : لا مو عاجبني ولا عمري ارضى بذا الشيء ! لكن ذي صديقتي
نواف : وذا خويي وعشرة عمر معه ، هيام والله لو مو طيبة ملهم كان ما سامحك اصلًا !
ميلان : وطيبة هيام اعلى من طيبة ملهم هيام اعرفها طيبتها غير عن الكل
نواف : لا تبررين لها يا ميلان
ميلان : انا قاعده ابرر زي ما انت تبرر لخويك الحين !
هيام : خلاااص !!! كلنا غلطانين !!
نواف : بتصل على ملهم ويجي الحين وتتفاهمون
اخذ الهاتف نواف و اتصل على ملهم مرة مرتين ثلاث مرات و رفع الهاتف ملهم
ملهم : هلا نواف
نواف : تعال لبيت ميلان الحين و اتوقع انك تعرف موقعها
اغلق الهاتف نواف بغضب وبدأ ينتظر ملهم ذهبت هيام الى داخل المنزل و انا اقتربت من نواف ومسكت يداه ، نظر لي نواف وكان مندهش وابتسمت له
دخل ملهم وتوجه الينا
ملهم : شتبي الحين خارشني وقايل تعال لبيت ميلان !
نواف : اجلس وبتعرف السالفه
ملهم : ميلان وش السالفه
نواف : مالك شغل بميلان اجلس وبتعرف السالفه ! وروحي نادي هيام الحين
ذهبت وجلبت هيام الى الخارج
ملهم : الحين مناديني عشان ذا الموضوع ؟
نواف : هيام اجلسي
ملهم : وش تبي تعرف انت ؟
نواف : كل شيء ابي اعرفه عن علاقتكم ذي !
ملهم : نواف ربي ماكتب لنا نصيب مع بعض خلاص لا تقلب المواجع !
نواف : وش اللي مانعك ماتجي تخطبها مره ومرتين وثلاث وعشر !! دامك تحبها سو المستحيل عشانها !
ملهم : اهلي و اهلها مو راضين
ميلان : وانتي وش اللي يمنعك انك مو قاعده تسوين المستحيل عشان حبكم!!
هيام : تحسبيني ماسويت؟؟! وانا الحين ليه عندك؟؟ مو عشاني متهاوشه مع اهلي عشانه !!
جميعًا نظرنا الى ملهم
ملهم : لا تطالعوني كذا ! حتى انا ترى متهاوش مع اهلي عشانها
نواف : طيب الحين نهاية حبكم السخيفه ذي الى وين بتوصل !
ملهم : خلاص هيام الله يوفقها مع غيري
ميلان : نعم نعمممم!! بعد ما تعبت قلبها تقول الله يوفقها مع غيري ؟
هيام : والله يوفقك مع غيري يا ملهم
نواف : نعم يبوي ؟؟ الرجال صار كاتب وصار رجل احلامك بالاخير تقولين الله يوفقك مع غيري ؟؟
ملهم : اسمع خلاص انا ما عاد ابي اتزوج او احب انا مافي بقلبي الا هيام واذا مو هي زوجتي انا ما ابي احد
جميعًا نظرنا الى هيام
هيام : شفيكم تطالعوني ؟ من قال لكم اني بتزوج غيره اصلًا ؟
نواف : طيب الحين بتبقون كذا؟
ملهم : انا خلاص نسيت الماضي وببدأ اشوف حياتي وعادي بتكلم مع هيام ولا كأننا قد حبينا بعض او صار بينا شيء اصلًا
هيام : وانا نفس كلام ملهم
نواف : والله ما ابرد منك الا هو
ميلان : طيب بكرا اذا كسبنا القضية يمكن نحتفل بتجون او لا ؟
هيام : ان شاءالله
ملهم : اذا كنت فاضي جيت بس متى بيكون ؟
ميلان : تقريبًا الساعه 8 الليل
ملهم : بشوف و اقولكم عمومًا انتهت الجلسة انا بطلع
هيام : انا ابوي كلمني وطلب مني اني ارجع ف سلام
ملهم : اوصلك؟
هيام : لا شكرًا جاء سواقي
ذهب الجميع ما عدا نواف
نواف : شرايك نطلع؟
ميلان : وين نطلع ! بكرا القضية لازم اكون بكامل استعدادي
نواف : زين انتبهي لنفسك انا بطلع
خرج نواف وبقيت في المنزل لوحدي ذهبت لمكتبتي اجهز الملفات و الأدلة وذهبت لغرفتي لأنام .
" في الكوخ " الياس " "
في الساعة 8 ليلًا "
طُرق الباب وفتح الباب اياس
اياس : اهلين ايلا شفيك
ايلا : جيت عشان اتطمن على الياس
اياس : الحمدلله بخير هو الحين بغرفته تقدرين تشوفينه انا اصلًا بطلع بسقي الورود وكذا
ايلا : تمام يعطيك العافية
خرج اياس ودخلت ايلا وذهبت الى غرفة الياس
طرقت الباب ايلا
الياس : اما اياس من متى صار عندك احترام وتطق الباب ادخل
دخلت ايلا
ايلا : للأسف انا مو اياس
الياس : هلا والله ليه جايه ؟
ايلا : جايه اتطمن عليك تقول ليه جايه ؟
الياس : اسف تعالي اجلسي هينا
تقدمت ايلا وجلست بجانب الياس
ايلا : انا بجلس عندك شوي وبروح ترى
الياس : ليه ؟
ايلا : بكرا عندنا قضية اخوي وكذا
الياس : وش قضية اخوك وش السالفه ؟
تحدثت ايلا وروت قصة اخيها
الياس : اسمعيني ثقي فيني دام معكم ربكم ثم ميلان راح تطلعون من المحكمة وتبكون فرح
ايلا : خايفه مانكسب القضية
الياس : ايلا ثقي بالله اول شيء ثم ثقي بميلان انا لولا الله ثم ميلان كان انا ماشفتيني الحين عندك
ايلا : ليه وش كان بيصير لك ؟
الياس : دخلت بقصة انا مالي دخل فيها و ناس شهدوا شهادة زور ضدي ودخلت بأمور مايعلم فيها الا ربك ولولا الله ثم ميلان كان انا الحين ماشفت الحياة
ايلا : عطيتني امل ان بكرا بنكسب القضية
الياس : تبين اروح معك بكرا ؟
ايلا : اللي يريحك بس ترى المحكمة الساعة 8:30
بدأوا بالتحدث و قصص ترويها ايلا لألياس و الياس يروي قصته لأيلا
ايلا : انا بطلع الياس تأخرت انا مره انتبه لنفسك وقفل الشباك وشغل المدفئة عشان ماتتعب
الياس : لا توصين حريص
ذهبت ايلا و اتى اليوم الثاني ..