مالك الحُب

هل خُنت الوعد ؟.

🔴 هذا البارت قد لا يُناسب بعض الفئات العُمرية 🔴

ما عدا نواف توجه الي ..
اتى الي نواف غاضبًا مني ويحمل الغضب بقلبه ، حين اتى نواف استقبلته لكنه غضب و انفجر في وجهي وبدأ بالصراخ
نواف : وش النظام الخايس هذا!!! ماتقولين لي تخطيطك مع عزيز ؟؟؟؟ وشو انا بس كذا في حياتك؟ ميلان انا مادخلت حياتك عشان بس اشبعك رومانسية و اطلع ! انا دخلت حياتك لأني ابيك لي ابي كل شيء تسوينه معي تاخذين رايي بلبسك تاخذين رايي بروجك بعطرك بقضاياك ! اجل عزيز يعرف تخطيطك و انصدم منه لما قال ميلان !!
نظرت له وكانت عيناي مليئة بالدموع ، التفت نواف الى جهة كي لا يراني ابكي
نواف : ما ابي اشوفك ويحن قلبي وانتي تبكين ، ابغاك بس تعرفين اني دخلت حياتك عشان تفاصيلك تشاركينها معي ، حتى لو تقولين اني شفت نمله وهربت منها ، مادخلت حياتك ياميلان عشان بس كلمتين العب فيها عليك و امشي انا شاريك و ابيك لي .
بدأت بالبكاء ولم يتحمل نواف و اخذني الى حُضنه وبدأ يمسك شعري ويطبطب وكان يردد " اسف " وكان يقول ايضًا " ياليتني مُت ولا شفت دموعك تبكي علي " بدأ يهدئني ، كيف اتاني هذا الشخص ؟ كيف اصبح جزء من قلبي ؟ آو بالأصح كيف اصبح روحي ؟ ، بعدما هدأت طلبت منه ان يأتي معي لكي أُريه حل قضيتي وهل هي رائعة لفعلها؟ بينما انا اشرح له القضية كانت عيناه تلمع ، كان مرة ينظر الى عيناي ومرة الى شفتاي ، كنت مرتبكه من نظراته قد يبدوا لكم انه عادي ينظر الي هكذا ، لكن شعور يرعب اي بختصار " خلاص يالحبيب قبلني وانتهينا " .
عرف نواف اني ارتبكت من نظراته ، فقترب مني وبدون اي مقدمات بدأ بتقبيلي .
" دعونا نذهب الى هيام "
استيقظت في الصباح وكان يومها يسير على مايرام الى ان ذهبت لتُراقب ملهم في الساعة الواحدة ظهرًا ورأت انه اضاف فتاة أخرى من بين جميع الرجال دخلت الى حسابها ورأت ان تلك الفتاة شبه عاريه وكان جميع الصور في حسابها فيه اعجاب من ملهم ، استغربت هيام من هذا الشيء ، ذهبت ونظرت الى " ستوري " تلك الفتاة ورأت هنالك معها فتى اي يعني الفتى واضع يده على فخذ الفتاة ، كانت هيام تنظر لصورة بتعمق وكانت تقول " ذي مو كأنها يد ملهم ؟ حتى نفس الأسوارة ! ونفس رسمة الجوزاء بيده ! " صورت الشاشة هيام وكبرت الى الإسوارة وكان مكتوب فيها H ، بدأ الشكوك يقتل هيام وكانت تقول " لا مو هو يمكن تشابه اشياء " خرجت هيام من حساب تلك الفتاة وذهبت لحساب ملهم حينها نزل قبل ثواني " ستوري " دخلت هيام وكان فيديو وكان فيه غرفة نوم و اصوات الأغاني عالية و اكواب الكحول وتضاحيك فتاة ذهبت فورًا هيام واخذت تسجيل شاشة حينها حدثت صفحة ملهم وذهب الفيديو قد نزلها ملهم بالغلط ، توجهت هيام الي وحين دخلت منزلي كانت تنادي بإسمي بأعلى صوت " ميلان ميلان " خرجت من الغرفة انا و نواف واستغربت منها
ميلان : شفيك تصارخين هيام !
هيام : شفتي الرخيص وش مسوي ؟
نواف : احترمي نفسك هيام تراك اللي تتكلمين عنه خويي
هيام : اي برر لأفعاله حتى انت اشك انك رخيص معهم
ميلان : هيام احترمي نفسك! وش قاعده تقولين انتي ! ادركي اللي تقولينه !!
هيام : شوفي شوفي الاخ ملهم وش مسوي
اخذت الهاتف مين هيام وانا بكامل غضبي منها بدأت بالنظر الى الصورة الاولى التي كان هنالك فتى واضع يده على فخذ فتاة
ميلان : طيب الصورة مافيها شيء وين الرخص في الموضوع !
نواف : لحظه لحظه ذي مو نفس يد ملهم ؟
ميلان : عادي يمكن تشابه ايادي
نواف : ميلان سوي زوم على الاسوارة بالله
بدأت بتكبير الصورة وكان فيها حرف H
نواف : ذي نفس اسوارة ملهم ! حتى نفس رسم الجوزاء
ميلان : طيب ذا مو دليل انه هو
نواف : حتى لو انه مو هو ليه حاط يده بفخذ البنت
هيام : طبعًا ماراح تصدقون شيء يالمحاميه و يالمحقق الا بدليل روحوا للفيديو الثاني وشوفوا
ذهبت لأرى الفيديو وكان هنالك اكواب من الكحول و الاغاني العالية و اصوات تضاحيك فتاة وغرفة نوم !
نواف : دقيقه دقيقه !! ذا مو حساب ملهم!!
هيام : اي هو ذا حسابه ولو تروح الحين لحسابه ماراح تحصل ستوري لأنه منزلها بالغلط
ميلان : لحظه لحظه انا للحين مو فاهمه شيء ! ملهم مو يحب هيام ليه يخونها!!
نواف : الحين عرفت ليه عزيز قال رجع لخرابه !
هيام : يعني انت عارف وساكت!!
نواف : هو قبل كان بخراب ووضعه ماش لكن قال لنا انه ترك ذي العادة لكن الحين رجع
ميلان : لحظه لا نظلم ملهم وحنا مو عارفين السالفه
هيام : يالمحامية انتي صحصحي معي شوي كفاية تدافعين عن واحد رخيص وانتي عارفه انه رخيص !
ميلان : اسمعي السالفه من الطرفين ولا لا تسمعين وخليك على عماك
نواف : عندي لكم حل منها بتعرفون اذا هو ملهم او لا
هيام : وش تكلم
نواف : ملهم عنده شقه اصلًا ودايم كل ماضاقت الوسيعه راح لها خلونا نروح ونشوف
ميلان : نعم! يعني نداهم؟ بأي صفه!
نواف : كوني محقق ف سهل الوضع
هيام : طيب تعرف وين الموقع والرقم؟
نواف : اعرف الموقع لكن الرقم لا لكن اجيب لكم بس امشوا
ذهبنا جميعًا الى موقع " الفندق " دخلنا الى الفندق وكان امامنا الأستقبال
ميلان : نواف لا تنكبنا
نواف : ماعليك لعبتي الاشياء ذي
ذهب نواف الى الاستقبال
نواف : هلا والله معاك ملهم انا ناسي بطاقة شقتي و اغراضي بغرفتي و ابغى بطاقة عشان ادخل
الموظف : اخوي ملهم عطني بطاقة الاحوال عشان نعرف كم رقم غرفتك وكذا
نواف : ما انا قلت لك اني ناسي اغراضي وبطاقتي كلها بغرفتي
الموظف : اعذرني والله ما اقدر ادخلك
نواف : بعطيك اسمي كامل وابحث
الموظف : وحنا وش يضمن لنا انك مو ماخذ الاسم ؟ اخي ملهم ذي اجراءات ولازم تتبعها طيب مو حافظ هويتك؟
نواف : لا والله هويتي ما حفظتها لكن حافظ رقم جوالي
الموظف : حلو اجل عطني رقمك
نواف : سجل عندك 050*******
الموظف : ملهم الـ****** صحيح؟
نواف : اي
الموظف : اي تفضل رقم غرفتك 603 صح ؟
نواف : اي
الموظف : ثواني اجيب البطاقه
التفت نواف لنا وغمز نظرت الى هيام و ابتسمت
هيام : يستهبلون كيف ماطلبوا يعني رقم هويه وكذا
ميلان : لا تدققين واجد
اخذ نواف البطاقه من ملهم وتوجهوا لغرفة ملهم حين كانوا خلف الباب كان هنالك تضاحيك فتى وفتاة و اغاني عالية جدًا
هيام : قلت لكم واضحه بس محد يسمعني
رأيت نواف ونظرت له و أشار الى الباب هل بإمكانه ان يفتح الباب ام لا
اخذت هيام البطاقة من نواف وفتحت الباب ودخلنا جميعًا ، لم ينتبه ملهم والفتاة ان الباب فُتح لأن كان صوت الأغاني عالية وبين كل خطوه وخطوه كنا نرى الورود المنثورة على الارض الى ان اقتربنا الى غرفة النوم توقفت عن المشي هيام وكانت تنظر الى الباب
نواف : هيام اذا انتي مو متأكده انك تبين تفتحين الباب نقدر نطلع
هيام : لا ليه نطلع ؟
فتحت الباب هيام ورأت ملهم و الفتاة بوضع جدًا حرج ، رفع يده نواف ووضعها على عيناي وقربني الى حضنه و التفت الى جهة لم يكُن فيها ملهم و الفتاة ولا استطعنا ان ننظر للخلف من شدة المنظر المقرف وكانت هيام تنظر وكانت غير مدركة باللذي حدث رأها ملهم وفورًا لبس ملابسه خرجت هيام مسرعه وخرجنا معها فورًا وكان ملهم يُردد " هيام ، لا تفهمين غلط اسمعيني " وكانت هيام لا تبكي هل هذا شعور الصدمة ام شعور الإدراك وعدم البكي ؟ ذهبنا جميعًا الى المصعد ونزلنا وفورًا توجهنا الى السيارة ، لم يستطيع ملهم ان يتحدث معنا رجع لغرفته وكانت الفتاة تنظر له، اخذ شنطته ملهم وبدأ بترتيب اغراضيه اقتربت منه تلك الفتاة وقبلته ، ابتعد ملهم عنها وقال " انا ما اقدر اكمل معك "
الفتاة : بهاذي السهولة تقولها؟ بعد ما اخذت مني اللي تبي ؟
ملهم : هههه اخذت منك اللي ابي ؟ ترى من يوم ماعرفتك وانتي من ولد الى ولد ذا الكلام تقولينه لأول ولد سواها معك
حمل اغراضه ملهم وذهب للإستقبال فورًا وبدأ بالشجار معهم وكيف انهم يُسلمون بطاقة الغرفة لشخص لم يقول هويته ! خرج ملهم من الفندق وهو غاضب .
ذهبنا الى منزلي ونزلنا جميعًا وكان نواف ينظر الى هيام هل هي بدأت بالبكاء ؟ وكنت انظر لهيام وكنت خائفة بأن عيناها تذرف دموع .
هيام : تنتظروني ابكي صح؟ تطمنوا عيوني ماتبكي على رخيصين
ذهبت هيام الى احدى الغرف ، مسك يدي نواف وتحدث
نواف : انا ابي الشيء اللي شفتيه اليوم تنسينه ولا تخلينه يأثر على علاقتنا مفهوم؟
ميلان : ماعليك ماراح يأثر على علاقتنا
نواف : طيب انتي روحي اجلسي عند هيام انا بروح لعزيز عشان نتكلم بذا الموضوع
ميلان : تمام انتبه لنفسك
قبلني على جبيني وذهب وذهبت الى هيام طرقت الباب ووافقت بالدخول
ميلان : هيام انتي ابدًا مو زعلانه او متضايقه ؟
هيام : ليه ازعل و اتضايق على ناس ماتستاهل ؟ انا كنت حاسه و احساسي عمره مايخيب .
ميلان : طيب تحسين ان ودك تبكين شيء من هذا القبيل ؟
هيام : ههههههه تبيني ابكي انتي ؟
ميلان : لا بس يعني احسك دخلتي بصدمة وكذا
هيام : لو ماحسيت كان دخلت بدوامه اسمها صدمه ولا تخافين انا بأشد روقاني واصلًا الساعه 3 عندي تصوير مسلسلي حرام اخرب روقاني عشان واحد مايسوى جرء من اظفري
ميلان : مدري بس وضعك ماش
هيام : بالله لا تنسين تصحيني الساعه 3
ميلان : اما بتنامين ؟
هيام : ليه بعد ماراح انام عشان واحد اليوم شفته بوضع خايس ؟
ميلان : لا بس يعني مسرع جاك النوم
هيام : بتغصب النوم عشان اصحصح لعملي
ميلان : نوم العوافي
" دعُونا نذهب لنواف "
ذهب نواف وتوجه الى المنزل وحين دخل الى المنزل رأى عزيز مع ملهم
نواف : وش جابك ؟. فوق ما انك ماتستحي على وجهك جاي !
ملهم : نواف فاهم غلط اسمعني
بدأوا بالشجار و الضرب
عزيز : انت وياه !!! تكلموا وقولوا وش السالفه !!!!!
نواف: الحين اقولك السالفه بالمختصر الاخ ذا كان يحب هيام صديقة ميلان
عزيز : هيام هيام ماغيرها ؟
نواف : اي كان يحبها وصار بخراب بسببها وجاء الاخ وقال اني تركت الخراب لكن اليوم حضرته كان مع بنت لحالهم بفندق وانت خابر بالاشياء اللي صارت
عزيز : لا لحظه لا تقول اللي ببالي !!!
نواف : اي اللي ببالك ، اسألك بالله ليه جاي ياملهم!
مسك عزيز ثوب ملهم وبدأ بالصراخ و الغضب عليه
عزيز : ياوصخ يا قليل الادب ! مالقيت تجرح احد الا هيام !!! هيام اللي ربي خلقها لسعادة مو للحزن ! انا لو عندي الجمال ذا كله والله ما التفت لغيرها لو يشب راسي ويصير عمري 70 !! ماتستحي على وجهك؟ ماخفت من ربك؟؟؟
ملهم : عزيز اسمعني
عزيز : والله ما اسمعك ولا عاد اشوفك عندي او عند هيام او عند اي احد من طرف هيام او انا سواء نواف او ميلان ، اطلع برا البيت يا رخيص
خرج ملهم وهو خائف ومرتبك ، التفت عزيز الى نواف
عزيز : طمني على هيام ؟؟ بكت عليه ؟ زعلت ؟؟
نواف : هد يبوي وش الأهتمام ذا ؟
عزيز : اخلص هيام بكت عليه !
نواف : لا قالت حرام عيوني تبكي على رخيصين
عزيز : اخ الحمدلله يارب ، طيب وينها الحين ؟؟
نواف : ببيت ميلان
عزيز : اجل امش نروح لهم
نواف: هيه هيه يالحبيب وخواتي مين بيجلس عندهم؟
عزيز : يوهه ابدًا مو وقتهم
نواف : اقول وضعك مشكوك فيه عمومًا السالفه ذي لا تطلع لأحد وبالذات خواتي لو تقول لهم الخبر بتشوف ملهم ترند بنفس اللحظه اللي قلتها
عزيز : لا توصي حريص
في الساعة 3 عصرًا ..