مالك الحُب

الحقيقة المؤلمة .

اتو اليوم الثاني ..
استيقظت في الصباح و طلبت من الخدم ان يستيقظوا الفتيات
نزلت تحت و بدأت بالإفطار
حينها نزلت هيام
هيام : صباح الخير
ميلان : صباح النور ، تعالي افطري عشان اوصلك
هيام : اي ترى بنكون ببيت ابو الياس عشان نصور المسلسل وكذا
ميلان : مين ابو الياس ؟
هيام : مدري الصراحه بس اللي معي قالوا ان تعالوا لبيت ابو الياس بنصور كم مشهد فيه
ميلان : زين ، افطري ويصير خير
نزلوا سيلا و ايلا
ميلان : صباح الخير ، افطروا بسرعه عشان اوصلكم لمدارسكم
ايلا : اخوانا ماجو؟
ميلان : مدري ماكلموني بتصل عليهم الأن بس انتم افطروا بسرعه
جلسوا يفطرون ، اخذت هاتفي واتصلت على عزيز ولم يرد
ميلان : عزيز مايرد ، عطوني رقم نواف
سيلا : سجلي عندك
اخذت رقم نواف و اتصلت عليه ورد فورًا
نواف : يا هلا من معي؟
ميلان : نواف صح؟
نواف : يامرحبا ميلان صح؟
ميلان : اي
نواف : امري ليه متصله البنات فيهم شيء ؟
ميلان : لا لا بس كنت اسأل لأن اتصلت على عزيز وما رد بتجون تودون اخواتكم ولا انا اوديهم؟ لأن اصلًا في كل الحالتين بروح لمدرستهم
نواف : اي عزيز مشغول مره ، وديهم انتي وحنا بناخذهم
سيلا : نواف للحين مارجعتوا؟
نواف : لا والله ياعيون اخوك حتى ماقدرنا ننام انا وعزيز
ايلا : وش ذي قضيه مو تحقيق
نواف : اقولكم السالفه بعدين انا مشغول
اغلق الاتصال و قمت من مكاني
هيام : على وين؟
ميلان : بروح البس وكذا و انتم خلصوا فطوركم وتجهزوا انا اللي بوديكم
هيام : وسواقك ماراح يودينا؟
ميلان : لا عطيته إجازة اليوم
ذهبت لغرفتي ورأيت شيئًا كنت احاول ان اتجاهله سنين طويله ، لماذا عيناي وقعت بهذا المكان ونظرت اليه؟ هل تريد عيناي ان احزن ؟ ام تريد ان ارى كيف ان تجاوزت هذا الشخص ؟ اهه تعبت من المجاوزه ، لماذا نهرب من الشيء المؤلم لنا؟ لماذا لا نواجه الشيء المؤلم و نُبين له اننا لسنا ضعفاء ؟
التفت لإخذ ملابسي ووضعت العطر المفضل لدي ، طرق الباب وتسألت من الطارق ؟
ميلان : مين؟
سيلا : انا سيلا
اخذت جاكيت ووضعته على ملابسي لكي لا ابين تلك الألآم الموجوده في ظهري وكتفي طلبت منها الدخول
ميلان : ماذا تريدين؟
سيلا : لا بس كنت بقول عادي نروح نمر كوفي بعدين نروح للمدرسه ؟
ميلان : ههههههه من عيوني تجهزت ايلا؟
سيلا : اي تجهزت حنا تحت
ذهبت سيلا ونظرت للمرآه ونظرت لنفسي كيف انني استطعت ان اقف بقدماي وان اتجاوز الألآم لوحدي
نزلت للفتيات تحت وركبت السيارة
ميلان : اول شيء بنات بودي هيام لمكان عملها وبعدها بنروح للمدرسة زين؟
سيلا و ايلا بصوت واحد " تمام "
هيام : ارسلت لك الموقع ولا ارسله ؟
ميلان : لا ارسليه
هيام : شوفي ارسلت لك
ميلان : ذا بيت ابو الياس !
هيام : اي شفيك
ميلان : ابو الياس ! اللي اسمه ********
هيام : والله ما ادري
ميلان : انا اعرف بيته وذا هو طريق بيته خلينا نشوف اذا هو او لا
وصلنا لمنزل ابو الياس
ميلان : اي هذا ابو الياس
هيام : اليوم الصبح تقولين مين ابو الياس تستهبلين!
ميلان : مادريت ان ابو الياس اللي كان معطيني قضيته
هيام : المهم شكرًا بنزل
ميلان : بنزل معك منها اشوف ابو الياس و اشوف وضعكم
هيام : والبنات؟
التفت الى البنات
ميلان : بنات تبون تنزلون ؟
سيلا و ايلا " يطالعون بعض "
ميلان : لا تستحون انزلوا يلا وشوفوا الكاست و المخرجين وكذا
سيلا : عادي ؟
ميلان : ههههه اي
نزلوا الفتيات ودخلت للمنزل ووجدت امامي ابو الياس
ابو الياس : يامرحبا ببنتي
ميلان : كيفك يا ابوي ؟
سيلا " بتهامس مع ايلا "
سيلا : لا يكون هذا ابو ميلان!
سمعتهم هيام
هيام : هههه لا لا مو ابوها بس ميلان طبعها كذا الكبار بالسن تعتبرهم ابائهم
ايلا : وهه لطيفه
ابو الياس : مين هذولا؟
ميلان : اي نسيت اعرفك هاذي سيلا وذي ايلا وذي هيام بتمثل ببيتك
ابو الياس : يامرحبا والله تفضلوا داخل مع الكاست وياميلان ابيك لحالك نتكلم
هيام : يعني افهموها امشوا بنات ندخل داخل
دخلوا داخل الفتيات
ابو الياس : والله مستحيل انسى جميلك يابنتي والله انك ماقصرتي وفزعتي لي فزعه يارب كل ايامك سعاده
ميلان : شدعوه يا ابوي ، اعتبرني بنتك وهذي هدية بنتك لك وبعدين ترى الياس بفترة مراهقه مايخالف بتتعود عليه مع الايام وبتشوفه متغير
ابو الياس : والله ياميلان ان ربي ما رزقني ببنت لكن صرتي ببنتي والله ياحظي يوم اني خوي ابوك الله يرحمه
ميلان : الله يرحمه يارب وابد اذا احتجتني لا يردك شيء انت طق الارض وكل شيء بيتنفذ
ابو الياس : انشهد انك بنت رجال انشهد ان ابوك رباك احلى تربية
ميلان : تسلم ، الا صح وين اياس و الياس ؟
ابو الياس : الياس مقفل على نفسه الغرفة و اياس بغرفته يجهز اغراضه
ميلان : افا شفيه الياس ؟
ابو الياس : خليه ماني مهتم له مفشلني عند الكل
ميلان : يا ابوي مايصلح ذا ولدك اجلس معه وشوف اللي فيه طيب وين رايحين انتم؟
ابو الياس :انا ماراح اروح بيروحون مع السايق عشان يسجلون بمدرسة *******
ميلان : ههههههه ذي المدرسة بروح اسجل فيها يحتاجون مدرسه تدرس مادة القانون
ابو الياس : مبروككك ان شاءالله تصير من نصيبك
ميلان : اجل خل الياس و اياس يجون معي اسجلهم
ابو الياس : لا يعطيك العافيه ماتقصرين
ميلان : لا شدعوه خلهم يجون معي
ابو الياس : انا المشكله عندي شغل الحين ومقدر اوديهم ف خلاص خليهم يروحون معك و اي شيء يحتاجون المدرسة اتصلي علي
ذهب ابو الياس وتوجهت لمنزل " ابو الياس " صعدت فوق ورأيت اياس امامي
اياس : اهليين ميلانو
ميلان : ياهلا ياهلا بـ مهندسنا المستقبلي
اياس : ياهلا فيك والله توه ينور البيت
ميلان : بوجودك
اياس : امريني وش بغيتي؟
ميلان : ابوك قال ان الياس قافل على نفسه الباب بس مدري وين غرفته
اياس : اي قافل على نفسه حاولت اكلمه بس مره رافض
ميلان : طيب وين غرفته ؟
اياس : تعالي اوريك هي وين
ذهبت معه و انا كان بالي يفكر لماذا الياس قفل على نفسه الباب ولا يريد احد ؟
اياس : ذي غرفته
طرقت الباب
الياس بصوت البكاء : ياخي خلاص قلت لكم ما ابي اشوف احد
ميلان : الياس انا ميلان
الياس : ميلان ما ابي اشوف احد و اعرف ان معك ابوي او اياس
ميلان : ثق فيني محد معي افتح الباب بتكلم معاك
الياس : اكيد محد معك؟
ميلان : اي خلك واثق فيني
طلبت من اياس ان يذهب لغرفته
فتح الباب الياس ودخلت
ميلان : شفيك الياس ؟
الياس : مافيني شيء
ميلان : لو مافيك شيء كان ماوثقت فيني ودخلتني غرفتك
الياس : ابوي من بعد ذيك السالفه وهو كارهني ما صار يطيقني صار بس يعصب علي وصار يقارني بأخوي اياس تعبت انا ياميلان والله ان نفسيتي تعبت منه لمتى بستمر اتقارن في اخوي؟ ابوي هو السبب ان شخصيتي كذا هو السبب
ميلان : طيب اهدأ انت الحين وترى مهما كان الموضوع هذا ابوك وانا معك لا تشيل هم ونفس ماقلت لك اي شيء يزعلك او يضايقك كلمني فضفض لي اسمعك لو الدنيا كلها ماتسمعك
الياس : ما ابي اروح للمدرسة
ميلان : افا انا اللي بوديك امش بس رح البس انتظرك تحت
خرجت من غرفة الياس وذهبت لغرفة اياس
ميلان : اياس
اياس : ميلانو ادخلي ادخلي عادي
ميلان : اسمع جهز نفسك انا بوديكم لمدرستكم
اياس : اما ليه ؟
ميلان : ماتبي يعني اوديك؟
اياس : الا وديني انتي فله مره
ميلان : ههههه اجل يلا انتظركم تحت
نزلت تحت ورأيت هيام
ميلان : انا الحين بروح هيام وباخذ اياس و الياس اذا خلصتي تبيني اخذك؟
هيام : انتي باقي تاخذين الكل معك شفيك انتي
ميلان : خليهم عادي تبيني اخذك؟
هيام : لا اصلًا حنا بنروح نصور بعد بمكان ثاني ف يب مايحتاج
ميلان : طيب ايلا وسيلا تعالوا معي
ذهبنا لسيارة وركبوا الجميع ماعدا " الياس ، اياس "
سيلا : شفيك واقفه ماتمشين ؟
ميلان : بيجون عيال ابو الياس الحين
ايلا : دقيقه كذا بنتأخر على المدرسة!
ميلان : لا تطمني هم بيسجلون بنفس المدرسة اللي انتم فيها
اتى الياس وفتح الباب
الياس : يامرحبا بميلانو
اياس : ذا دلعي لا تاخذه مني
الياس : اسكت بس شوف ميلانو ماقالت شيء
ميلان : هههههه مافرقت بالنهاية كلها دلع ولكل شخص مميز باللي اخترعه
اياس : احم احم شفت مميز؟
الياس : اقول ترى انا اخوك الكبير احترم نفسك
اياس : بدقيقتين
سيلا بصوت خافض : يمه يشبهون بعض
الياس : اوه فيه ضيوف معنا
اياس : عرفينا عليهم ميلانو
ميلان : اي بنات هذا الياس وهذا اياس اذا تبون تعرفون الفرق بينهم الياس طاح على حواجبه وهو صغير ف صار فيه بحواجبه فراغ و اياس لا
الياس : شدعوه ميلانو قلتيهم عن السر البطل
ميلان : هههههه عادي عشان يفرقون المهم اياس و الياس ذي سيلا وذي ايلا
مد يده الياس لإيلا
الياس : تشرفت فيك
ايلا بتوتر : الشرف لي
قربت سيلا لأذن ايلا وقالت " يبدوا ان مشاعر الحب جته "
سيلا : اسمعي ميلان نبي نروح لكوفي
ميلان : ماعليك مانسيت
توجهت للكوفي
ميلان : يلا انزلوا كل واحد يروح يطلب الطلب حقه
الياس : شدعوه كلنا ننزل واحد مننا ينزل ويطلب طلباتنا كلها
ايلا : هذا الولد بيقول كلام زي الفل
الياس : الولد له اسم
ضحكوا الكل
ميلان : طيب انا بنزل وش طلباتكم ؟
اعطوني طلباتهم ونزلت ، كنت كل خطوه افكر بماذا سيحدث مستقبلًا ؟ هل سيأتي يومًا اراه امامي؟ هل اذا رأيته سأقف بقدماي و اواجهه؟
اخذت طلباتهم وتوجهت لسياره ، وصلنا الى المدرسة بعدها ..