في الساعة الواحدة ظهرًا " في كوخ الياس "
كان الياس في سريره متعبًا وغير مستوعب شيئًا وكان يهذي بأشياء ليست مفهومه وكانت ايلا عنده وكانت كل خمس دقائق تغير المنشفه وتضع منشفه اخرى ، طُرق الباب ودخل اياس الى غرفة الياس ونظر الى الياس وهو متمسك بيد ايلا تقدم وضع يده على جبين الياس
اياس : الحمدلله خفت حرارته شوي
ايلا : اي الحمدلله
اياس : شكرًا ايلا مدري وش اقول لكن شكرًا
ايلا : لا تشكرني هذا الواجب ، الا وين سيلا ؟
اياس : اي هي تحت تنتظرك مع اخوك نواف
ايلا : نواف مو اخوي نواف صديق اخوي عزيز
اياس : اعتذر
ايلا : عمومًا انا بطلع واذا صار فيه تطور بإلياس ارسل لي
ذهبت ايلا وكان نواف ينتظر ايلا
نواف : بدري كان طولتي بعد ؟
ايلا : اسفه بس كنت عند الياس
نواف : كيفه الحين ؟
ايلا : الحمدلله خفت حرارته ، وين سيلا ؟
نواف : نايمه تعبت وهي تنتظرك
ايلا : عاد ما احس اني تأخرت كثير ؟
نواف : اي ابد ما تأخرتي
ضحكت ايلا وفي الطريق تحدث نواف
نواف : ايلا يوم الاحد لا تروحين للمدرسة
ايلا : ليه ؟
نواف : محكمة قاضي اخوك يوم الاحد
ايلا : مدري ليه عندي احساس ان القضية بنخسرها زي ماخسرنا اخوي
بدأت ايلا بالبكاء
نواف : لا لا لا ، ايلا لا عمرك تفكرين كذا متعود عليك الانسانة الإيجابية اللي ترفض السلبية وبعدين انتي شفتي ميلان ؟ كيف فازت بقضايا كثيره وماخسرت ولا قضية ؟
ايلا : يمكن ذي القضية نخسرها
نواف : لا تحسين ولا تقولين يمكن انا واثق ان القضية بنكسبها وكلنا راح نستانس لما يصدر الحكم
وصلوا الى البيت
سيلا : وصلنا للبيت؟
نواف : مساء الخير اي وصلنا انزلي
ايلا : بتجون للعشاء صح ؟
نواف : ان شاءالله
ذهبت سيلا و ايلا و ذهب نواف الى مركز الشرطه
" نذهب الى ملهم "
كان ملهم مع اهله واذا به تحدث
ملهم : انا بتزوج
ابو ملهم : ما شاءالله مين ؟
ام ملهم : مين هي ؟
ملهم : انا بتزوج حبيبتي
ام ملهم : نعممم ! تتزوج وحده مكلمتك؟ اكيد مكلمه عشره قبلك !
ملهم : يمه وش التفكير ذا ! و اذا كلمت مايهم اهم شيء هي صارت حبيبتي !
ابو ملهم : مين هي وترجع لمين ووش اصلها الزواج مو لعبه !
ملهم : اسمها هيام الـ*** وممثله
ام ملهم : ممثله !!! وش تبي الناس تتكلم عننا وعن عيالك!!!
ابو ملهم : فوق ما ان شغلها مختلط بعد راضي فيها !
ملهم : انا ابيها وصارت لي كل شيء في حياتي لا توقفون بطريقي !
ام ملهم : اذا جبت عيال الناس وش بيقولون عنهم؟ اوه ذولا عيال الممثله الفلانيه !!
ابو ملهم : عاداتنا وتقاليدنا يا ملهم ماترضى على ذا الشيء ! بعدين انت بتتزوجها عشان وش ؟؟
ملهم : انا بتزوجها لأنها اغلى من روحي !!
ام ملهم : رح تزوجها يارب انهم يرفضونك
ابو ملهم : بنت عمك احسن لك من الغريب
ملهم : وش بنت عمي !! غصب الا و الا اكون لبنت عمي !
ابو ملهم : رح تزوجها لكن لا انا ابوك ولا انت ولدي وان تزوجتها لا تشوفك عيني
ملهم : انا ابيها وما ابي غيرها ولو ماتزوجتها ببقى انتظرها لأخر يوم في عمري
ام ملهم : مقطعه الحب ! ماتستحي على وجهك؟ تتزوج وحده تشتغل مع الرجال !
ملهم : ما اهتميت لهذا انا اهم شيء انها تكون لي
ام ملهم : روح عسى ربي مايوفقك معها
ذهب ملهم الى سيارته
بينما هيام منشغله بمراقبة ملهم وصلت لها رسالة من رقم مجهول
المجهول : السلام عليكم ابغى موقع بيتك عندي هدية لازم اوصلها لك
هيام : عفوًا من مين الهديه ؟
المجهول : الراسل طلب اني ما اقول مين
ارسلت هيام موقع بيتها وبعد نصف ساعه طُرق الباب
ذهبت الخادمه لكي تفتح الباب ف ذهبت هيام مسرعه لها
هيام : انا بفتح الباب انتي روحي
ذهبت هيام وفتحت الباب وكان خلف الباب " ملهم "
اندهشت هيام
هيام : وش جابك ؟
ملهم : جاي اخطبك من ابوك
هيام : تستهبل احد يجي يخطب الساعة 2 !!
ملهم : افتحي لي درب
هيام : ياحبيبي اصبر كيف بتقول لأبوي !!
ملهم : افتحي لي درب يا هيامي
ذهبت هيام وطلبت من الخدم انهم يستضيفون ملهم في غرفة الضيافة وذهبت هيام وطرقت الباب على ابيها
ابو هيام : ادخلي هيام
هيام : يبه انا جايه لك اتكلم بموضوع بس انا ابيك تتفهم
ابو هيام : وشو ياعيون ابوك ؟
هيام : يبه انا كنت احب واحد قبل سنتين و الحين هو بالمجلس جاي يخطبني منك
ابو هيام : هههههه هيام ماني ناقص والله استهبال ومزح
هيام : لا يبه اتكلم جد هو تحت الحين
ابو هيام : طيب انزلي وانا بجي الحين
ذهبت هيام مسرعه الى غرفتها وبدأت بالتجهز نزلت لملهم و ابيها ورأها
ابو هيام بصوت خافض : خلي امك تجي
هيام : يبه امي مايحتاج تجي
ابو هيام : خليها تجي وتعالي
دخل ابو هيام الى غرفة الضيافه
ملهم : السلام عليكم عمي
ابو هيام : وعليكم السلام و الرحمة تفضل اجلس
ملهم : زاد فضلك انا جايك يا عم ابي اتقدم لبنتك على سنة الله ورسوله
دخلت هيام و امها وجلسوا
ابو هيام : كذا على طول بدون اي مقدمات
ملهم : اي ياعم بدال ما الف و ادور اعطيك اياها على السريع
ابو هيام : اول شيء لازم نعرف انت وش ترجع له ووش اسمك و قبيلتك مو فوضى اعطيك بنتي وانا مو عارف عنك شيء بنتي ذي مالكة قلبي
ملهم : صادق وكلنا والله هيام مالكة قلوبنا
ابو هيام : الحين عرف على نفسك
ملهم بدأ ملهم بالتعريف عن نفسه وكان يتحدث عن عائلتة وعن قبيلته
وفجأه تقاطع ام هيام حديث ملهم
ام هيام : نعممم !!! مستحيللل ازوج بنتي لواحد بدوي زيك !
هيام : يايمه اذكري ربك واجلسي
ام هيام : والله ماتتزوجينه لو على جثتي يابنتي ذا بدوي و انتي عارفه شلون بتعيشين !!! حنا عازينك و رازينك بالاخير تتزوجين بدوي !
هيام : يا يمه وش فيهم البدو !! في النهاية قلبي ما اختار الا هو
ابو هيام : يا ام هيام اجلسي بتناقش مع الرجال
ملهم : اعتذر شكل انا جيت بوقت غلط
ابو هيام : اجلس نتناقش شوف ياوليدي انا والله مستعد اعطيك بنتي لكن عاداتنا وتقاليدنا غير عنكم
هيام : يبه شفيها عاداتنا وتقاليدنا انا قلبي ما اختار الا هو
ابو هيام : اسف يا وليدي ملهم لكن انا قلت لك اعطيك بنتي لكن انا وش يضمن ان اهلك ماراح يتدخلون بعلاقتكم وبالذات حنا غير عن بعض
ملهم : معك حق والله وانا قلت لك انا ماعلي من اهلي اللي علي بس ان هيام تكون لي
ابو هيام : والله اسف ياوليدي لكن ما ابي بنتي تتأذى من اختلاف عاداتنا وعاداتكم
ملهم : عمومًا يعطيك العافية ياعم انا بطلع
خرج ملهم وكانت عيناه مليئة بالدموع
هيام : عاجبكم الحين !!! عاجبكم !!
ام هيام : اي عاجبنا والله ماتتزوجينه ! شايفه كيف هو بدوي !
هيام : وش فيهم البدو !! مافيهم شيء !!
ابو هيام : انا راضي هيام ازوجك اياه لكن لا تجيني بعد فتره وتقولين انك متأذيه من عاداتهم وتقاليدهم !
هيام : انا بتحمل المسوؤليه لكن ليه تسوون بالولد كذا !
ام هيام : منجدك يا ابو هيام !! والله بنتي ماتتزوجه انا ما ابي الناس يتكلمون عننا ويقولون انتي اللي بنتك متزوجه بدوي ! و تبي العالم تتكلم بنت ابو المناصب متزوجه بدوي !
ابو هيام : البدو مافيهم شيء ونص ربعي من البدو وماشفت منهم الا كل خير لكن انا فقط اعلق على عاداتهم وتقاليدهم
ام هيام : هيام اسمعي لو تتزوجينه انا لاني امك ولا انتي بنتي
ذهبت ام هيام غاضبة جدًا على هيام
ابو هيام : اسف والله يابنتي لو تبين الحين اجيبه و اخليكم زوجين بس انك ماتجيني وتشكين لي عن حالك ..
هيام : يا يبه شكيت ولا ماشكيت انا ابي ملهم !!
ابو هيام : تحملي اللي بيجيك من اهله ومن قبيلته كامله
خرج ابو هيام وتبقت هيام
و انهدمت احلام هيام و انكسر قلبها اخذت الهاتف و اتصلت علي
هيام ببكي : ميلان تقدرين تجين تاخذيني ؟
ميلان : شفيك بسم الله ؟
هيام : تعالي خوذيني بعدين اقولك
ذهبت هيام تحضر اغراضها و انتظرتني وصلت لها و اخذتها وكانت عيناها منتفخه و حمراء اللون
وصلت الى منزلي ..
أنت تقرأ
مالك الحُب
Randomاستيقظت من نوم بعد ما استمعت لضجيج الأطباء و ضجيج الأجهزة التي كانت حول رأسي وجسدي وضجيج اشخاصٌ خلف الباب و الستار ، حينها فتحت عيناي بلطف وتوقف الاطباء من الإنعاش وعم الصمت بالغرفة و الخارج لا اسمع سوى فقط صوت الأجهزة ، رأيت الطبيب ينظر الى الممرض...
