مالك الحُب

أعجِبتُ بكِ .

اتى اليوم الثاني ..
استيقظت من نومي وبدأت بتجهيز نفسي اخذت العطر وكنت اتأمله وكأن العطر اصبح من الذكريات الجميلة ؟ لكن ذكريات ابتدت امس ..
نزلت تحت وذهبت مع السائق وطلبت منه ان يوصلني الى مركز الشرطة ، وصلت للمركز ونزلت واذا انني توترت من انظار العساكر لي ذهبت الى غرفة عزيز طرقت الباب واذا مساعد عزيز فُتح لي الباب دخلت وانا بكل خطوه اقترب كنت ارى بنظرات عزيز فقدان الأمل طلب مني الجلوس .
عزيز : اسف قريت رسالتك ولا رديت
ميلان : مو مهم المهم انك عارف اني بجي
عزيز : ميلان لا تحاولين انا مو قوي شخصية زي نواف او زيك
ميلان : عزيز عزيز انت ترسل ذا الكلام لعقلك الباطني ليه ماتجرب ترسل لعقلك الباطني كلام ايجابي !
عزيز : لأن هذي الحقيقة مو قاعد اكذب او امزح او اطقطق انا فعلًا اتكلم انا ضعيف شخصية انا اصلًا منصدم كيف وصلت لذي الرتبه وانا حدي ملازم وزين بعد اذا كنت ملازم
ميلان : عزيز اذا انت تشوف انك ضعيف شخصية انا اشوفك اقوى رجل وش فيها اذا صرت ضعيف شخصية ؟ بتخسر حياتك؟ بتخسر مهنتك؟ بتخسر حلم حياتك؟
عزيز " بصراخ " : اي بخسر حياتي و حياة اختي ما ابي ارجع للبيت وهي على امل اننا ناخذ حق اخوي و ارجع لها وانا مكسور و عيوني كلها دموع وبالنهايه القضية ماكسبناها انا ما ابي اعيش ذي التجربة من جديد يكفي ان اخوي راح ظلم ووصاني على اختي و انا مو قد المسؤولية ووصاني على نفسي و انا نفسي مو قادره تتحمل مسؤولية نفسها بتقنعيني الحين اني قد القضية الفاشله واللي بتخسر اصلًا !
ميلان : اذا تبي تاخذ حق اخوك و اخوك يرتاح في قبره ثق فيني وبتشوف
عزيز : وكلت امري لرب العالمين ثم لك لكن اذا خسرت القضية اتمنى ما اشوفك في حياتي
ميلان : عمومًا هاذي هي القضية انا درستها وكل شيء حتى الخطه تم رسمها اقراها وشوف واذا مانجحت انا راح اعتزل المحاماة
بدأ عزيز بقراءة ذلك الملف وكان يقرأ وعيناه و حاجبه ونظراته كانت بشكل منهذل من الذي يراه واذا انه وقف في صفحة كانت هي الخطة التي سوف نتبعها اقفل الملف عزيز
عزيز " بإبتسامة " : متى تبين نرفع القضية ؟
ميلان : رفعت انا القضية وجلستنا الاسبوع الجاي
ابتسم لي عزيز ونظراته كانت مليئة بالفرح وكأن اتته تلك الثقة بإن القضية سوف تنجح ، اخذت الملف وخرجت خارج المركز وإذ انني رأيت ذلك الرجل الوسيم " نواف " كان يتحدث مع مجموعة من العساكر وكان يضحك ويبتسم هل يمكن لشخص ان يسرق روح و قلب بضحكة؟ يمكن ان يحدث لكن لا اعتقد سوف يحدث معي ، رأني نواف و ابتسم لي وبادلته الإبتسامة وذهبت لسيارة حينها وصلتني رسالة من " نواف "
( نظارتك الشمسية حلوه عليك ) شكرته وطلبت من السائق ان يذهب بي الى البحر ، اتصلت على هيام وطلبت منها ان تأتي الي بالبحر واغلقت الهاتف بشكل نهائي .
" مركز الشرطة "
ذهب نواف بسرعة الى غرفة عزيز
نواف : عزوز شفت ميلان صح ؟
عزيز : اي
نواف : ليه جتك؟
عزيز : عشان قضية اخوي
نواف : بشرني وش صار
عزيز : ميلان انسانه مدري كيف تفكر لما قريت الملف اللي خططت له عن القضية كانت مدروسه صح وخطه صحيحه ، عطتني قوة ايجابية ان القضية بتنجح ، ميلان انسانه تعطي القوه لشخص صدق
نواف : عزوز لا تقول حبيتها ؟
عزيز : تطمن انا ما ابي احب و اعلق بنت الناس فيني وانا مو قد المسؤولية
نواف : قريب بنسمع خبر زواجك
عزيز : اذا صارت عندي القوه و تحمل المسؤولية فكرت بالحب و الزواج
نواف : حكيم عزوز على ان والله مدري وين الحكمة
ابتسم عزيز لنواف وبدأ بالعمل .
" بيت ابو الياس "
ابو الياس : اخلصوا ياعيال تأخرتوا علي
نزل اياس
ابو الياس : اخوك وينه !!
اياس : مدري بغرفته اتوقع يتجهز
ابو الياس : اخوك ذا مدري على مين طالع
الياس : نزلت نزلت
اقترب ابو الياس من الياس وصفع الياس
ابو الياس : طول عمرك مأخرنا اتمنى لو يوم تخلص قبل اخوك ليت ربي اخذك ولا اخذ امك
الياس : مشكور يبه تمنيت لو اخذت انت من حنية امي
ذهب الياس للخارج وعيناه كانت مليئة بالدموع
اياس : يبه منجدك تمد يدك عليه !
ابو الياس : يستاهل مفشلني ليت ماخذ من طبعك ولو ربع
اياس : يبه استهدي بالله محد طيب كثر الياس يتمنى منك حنية بس يتمنى منك تطبطب على ظهره لا صار الكل ضده لمتى بتقعد تفرق بيني وبين اخوي ؟ ابدًا مو عدل هذا يبه ابدًا مو عدل ، انا بروح لأخوي ماراح نروح معك ابي احسس اخوي ان حتى لو ابوه ماعنده حنيه اخوك مزروع فيه الحنية
غضب ابو الياس من كلام اياس ورفع يده و اذا انه مسكها اياس
اياس : والله اني اتمنى لو الياس مسك يدك ولا خلاك تمدها عليه مره ثانيه ، يبه ارحم ولدك اللي جسمه كلها كدمات وضرب وجروح بسببك ياليت ماخذ حنية لو ربع من امي ، فقدناها كثير .
خرج اياس وكان يُنادي على الياس
الياس : نعم وش تبي
اياس : قاعد تبكي ؟
الياس : بكيت ولا مابكيت مو شغلك يا اياس
اياس : حتى لو ابوي يفرق بيني وبينك تراني اضل اخوك لو الزمن كله ضدك
حضن اياس الياس
اياس : وياعيون اخوك لا عاد اشوفك تبكي اعرف وحاس فيك انك فاقد امي وفاقد شخص كان يوقف قدامك يصد ضرب ابوي
الياس : انا مو بس فقدتها انا روحي راحت معها
اياس : ياخوي لا يضيق صدرك و انا معك ، وامش نروح للمدرسة خل الهموم للأنسان اللي ماعنده حياة انت عندك حياة وعالم
ذهبوا الى المدرسة وكانوا متواجدين فيه " سيلا و ايلا "
سيلا : ذولا اياس و الياس صح؟
ايلا : اي اي اسمعي باخذ لي كوفي تجين معي ؟
رأها الياس وبدأ قلبة بالنبض السريع مسك يد اخاه ووضع على قلبه
الياس : جمالها يسحر النفس و القلب يا اياس
اياس : مين وش قاعد تقول ؟
الياس : احس الهم و الضيقة انزاح من شوفتها
التفت اياس وشاف سيلا و ايلا
اياس : اوووههه قصدك ذولا اممم عجيب بس اي وحده؟
الياس : ايلا يا اياس ايلا
اياس : اقول يالخفيف اثقل انت ونبضاتك ذي خلنا نروح لهم
ذهبوا لهم وابتسمت لهم سيلا
سيلا : اهلين
اياس : ياهلا
سيلا : ايلا تجيب لنا قهوه تبون ؟
اياس : اي يلا
سيلا : وش مشروباتكم
الياس : اللي يجي منها انا راضي
ضرب كتفه اياس
الياس : اقصد اللي يجي منكم انا راضي
رجع ضرب كتفه اياس
الياس : اها توني افهم سؤالك نفس مشروب اخوي انا
سيلا : تمام بروح اقولها و اجيكم
اياس : شفيك فضحتنا
الياس : جمالها اخذ قلبي يا اياس
اياس : ماتعودت اشوفك خفيف كذا صير ثقيل بس
بعد 20 دقيقة ..
ايلا : وهذي هي مشروباتكم
الياس : شكرًا ايلو
ايلا : ايلو ؟
اياس : نسيت اقولكم الياس من نوع اللي يمون على الشخص ويدلعه وكذا
سيلا : اي اي واضح هههه
اياس : ماعلينا مابقى الا كم دقيقه ويبدأ الكلاس انا بروح
سيلا : اخوك دافور كذا من زمان ؟
الياس : اي متعود معه بتتعودون انتم
اياس : لا تكثر سواليفك امش بس
ذهبوا للفصل و اتت لهم المعلمة وبدأت بشرح الدروس
وكان الياس عيناه واقعه في حُب و عِطر ايلا
الياس بنفسه ( يا جمال عِطرها ام يا جمال شفاتها ام يا جمال عيناها العسلية ، اخذت قلبي دون ان تطرق بابه )
المعلمة : الياس انت معي ؟
الياس : اي اي معك
المعلمة : وش قلت انا قبل شوي ؟
الياس : اااااءء ...
نظرت له ايلا ورفعت الكتاب و اشرت على الشيء الذي قالته الإستاذة
الياس : اي قلتي لنا ان فيه انواع من الورود بس يا استاذه مافي الا نوع واحد بس وشخص واحد
اياس : فشلتنا اجلس
ايلا : ههههه وش قاعد تقول انت
الياس : سلامتك ما اقول شيء
التفت ايلا للأمام
والتفت الياس لإياس
الياس : شفت شفت ضحكتها اخذت قلبي
اياس : ياولد اثقل اثقل البنات مايحبون الا الثقيل
الياس : يوه يامدرك الحب انت شفيك عايش 2006 !
اياس : ليه هم البنات تغيروا ؟
الياس : اقول ذاكر ذاكر
انتهى اليوم الدراسي
الفتيات و الفتيان في الخارج ...