မိုးစက်​​ကြွေ​သော​လေညှင်း....မြေခလာ​သောစိန်​ပန်းနီနီ

[3].ပင်​လယ်​ပြာ​ရောင်​မျက်​ဝန်းများ {Unicode}

အခန်း[3]ပင်​လယ်​ပြာ​ရောင်​မျက်​ဝန်းများ

ပိုင်​က တစ်​လမ်းလုံးတိတ်​တဆိတ်​သာရှိ​နေခဲ့ပြီး သူ့အား အရိပ်​တကြည့်ကြည့်​နေ​ရုံကလွဲ
​ထွေ​ထွေထူးထူးမ​မေးမြန်းခဲ့​ပါ။

အရုပ်​ကြိုးပြတ်​ဖြစ်​​ကာ ပိုက်​ဆံအိတ်​နှင့်ဖုန်းကိုပါကျ​ပျောက်​ခဲ့သည့်သူ့အ​ခြေအ​နေကို
ပိုင်​က အ​တော်​​လေးစိုးရိမ်​ပူပန်​​နေခဲ့​သော်​လည်း သူစိတ်​ကျဉ်းကြပ်မည်စိုး၍
​မေးခွန်းမ​များခြင်းသာဖြစ်​ပါလိမ့်မည်​။

ထို့​ကြောင့် အိမ်​ပြန်​​ရောက်​​တော့မှသာ
သူ့ဘက်​ကစတင်​၍ အမှန်​တဝက်​အမှားတဝက်​​ရော​နေသည့်ဖြစ်​​ကြောင်းကုန်​စင်​ကို ​ဖြေရှင်းချက်​​ပေးရ​တော့သည်​။

"​စောနက​လေ ကိုကို ကားမှားဝင်​မိသွားတာ။
အဲ့ဒီ့ကားက ပိုင့်ကားနဲ့တစ်​ပုံစံတည်းဖြစ်​​နေတာကိုး။
ပြီး​တော့ ၇နာရီထိုးခါနီး ဆိုင်​​ရှေ့မှာရပ်​လာတာဆို​တော့
ပိုင်​လာကြိုပြီဆိုပြီး ​ပြေးဝင်​ချသွားတာပဲ။
ကားထဲမှာ အကျအနဝင်​ထိုင်​ပြီး
စကား​တွေ​တောင်​​ပြော​နေ​သေးတာ
ပြီး​တော့မှ ပိုင်​မဟုတ်​မှန်းသိလိုက်​ရ​တော့
ကိုကိုလန့်သွားတာအရမ်းပဲ သိလား။
ပိုက်​ဆံအိတ်​နဲ့ဖုန်းက အဲ့ကားထဲမှာပဲကျန်​ခဲ့တယ်​ထင်​တယ်​၊နှ​မြောလိုက်​တာ"

"အဲ့ဒါ​တွေက ကိုကို့​လောက်​အ​ရေးမကြီးဘူး
ကိုကိုဘာမှမထိခိုက်​သွားတာဘဲ ကံ​ကောင်း​နေပြီ"

ဒဏ်​ရာအနာတရရှိ၊ မရှိ တစ်​ကိုယ်​လုံးကို
အပြန်​ပြန်​အလှန်​လှန်​စစ်​​ဆေး၍
ကိုကို့အ​ခြေအ​နေကို ၁နာရီ​နီးပါးစောင့်ကြည့်ပြီး တစ်စုံတစ်ရာမထိခိုက်​မှန်း​သေချာ​​တော့မှသာ သူ ဟင်းခနဲသက်​ပြင်းချနိုင်​​တော့သည်​။

အ​နွေးထည်​ဝတ်​ပြီး ဆိုင်​ထဲမှာပဲစောင့်​နေဖို့
​သေချာမှာထားတာကိုလည်း ဂရုမစိုက်​။
သူ့ခမျာ ချစ်နေတော့လည်း စကားနားမ​ထောင်​တဲ့လူကြီး​လေးကို န​မော်​နမဲ့နိုင်​ရ​ကောင်းလားဟုလည်း အပြစ်​မမြင်​ရက်​...။
ကိုယ့်မှာ ဒီအဆိုး​လေးကိုပဲ
အရိပ်​တကြည့်ကြည့်ချစ်​​နေရတာ​မဟုတ်လား။