အခန်း[4]
ဒုတိယအကြိမ်မြောက်ပြန်လည်တွေ့ဆုံခြင်းမျက်စိတဆုံးရှည်လျားလှသည့် ကော်ဇောနီကြီးပေါ်၌
နက်မှောင်ပြောင်လက်နေသည့်ကားများဝန်းရံလျက်
ဂုဏ်ကျက်သရေကြီးမားစွာဝင်ရောက်လာသည့်
အဖြူရောင်Rolls-Royce။
Hotelကြီး၏ဝင်ပေါက်၌ရပ်တန့်သွားသော
ကားတန်းများကြောင့် အနီရောင်ကြိုးများနှင့်ကာရံထားသော စည်းတန်းများ၏နောက်မှလူတစ်စုမှာလည်း
လှုပ်လှုပ်ရှားရှားဖြစ်သွားကြလေသည်။ကင်မရာများနှင့် မိုက်ခရိုဖုန်း
ကိုယ်စီကိုင်ထားကြသည့်သတင်းထောက်များမှာ
ကျွတ်စီကျွတ်စီနှင့် အလွန်အမင်းစိတ်လှုပ်ရှားနေကြသော်လည်း ရုတ်ရုတ်သဲသဲမပြုမူရဲကြ...။
ကော်ဇာနီလျှောက်လမ်း၏ပတ်ပတ်လည်၌
ကာရံထားသော သက်တော်စောင့်များကြောင့်လည်း
သူ့ထက်ငါအပြိုင် အလုအယက်စူးစမ်းခွင့်မရပေ။
သတင်းယူရန်မလွယ်ကူသည့် Kaung Kin Co.ltd၏
ဂုဏ်သရေရှိဖွင့်ပွဲအခမ်းအနားကြီးမို့
အမှားအယွင်းတစ်ခုသာပြုမိလျှင် အကျိူးဆက်မှာ
ဧကန်စင်စစ်ပင်ဆိုးရွားလိမ့်မည်ဖြစ်ကြောင်း
သိနားလည်နေသောကြောင့်ပင်။ထိုအချိန်၌ အသာအယာပွင့်ဟလာသော ကားတံခါးနှင့်အတူ
ကော်ဇောနီပေါ်သို့ ခြေချလိုက်သော
အနက်ရောင်စိုလက်နေသည့်ရှူးတစ်စုံ။Elon.P၏C.E.O ရောက်ရှိလာလေပြီ။
ကင်မရာကိုင်၍ အဆင့်သင့်စောင်းဆိုင်းနေသည့်သတင်းထောက်များမှာ ကားထဲကထွက်လာသူကြောင့်
ရုတ်ရုတ်သဲသဲဆူညံသွားကြပြီး
အပြိုင်အဆိုင်ထွက်ပေါ်လာသောကင်မရာမီးရောင်များမှာလည်း မျက်စိကျိန်းလောက်အောက်ပင်...။Elon.P၏C.E.Oက ပွဲတက်သည့်အခါတိုင်းမှာ
ပါတနာမပါဘဲတစ်ကိုယ်တည်းသာ တက်ရောက်လေ့ရှိသည်မို့
သူ၏အချစ်ရေးသတင်းမှာ
အတော်လေးလူစိတ်ဝင်စားခံခဲ့ရသည်။
သို့သော် ယခုအခါတွင်တော့ အတူပါလာသည့်
နောက်ထပ်လူတစ်ယောက်ရှိနေသေးပုံရပြီး
ကားတံခါးကိုကိုင်လျက် အတွင်းပိုင်းကို
ခန္တာကိုယ်ဖြင့်ကာထားသည့်ချမ်းမြေ့ဟန်ပိုင်ကြောင့်
ကားအတွင်းထဲ၌ထိုင်နေသူကို
အပြင်ဘက်မှ သဲသဲကွဲကွဲမတွေ့မြင်ရပေ။
ထိုးထိုးထောင်ထောင်နှင့် ကားအတွင်းပိုင်းကို
လှမ်း၍စူးစမ်းနေကြသော လူများမှာလည်း
ကျွတ်စီကျွတ်စီနှင့်ဆူညံပွက်လောရိုက်နေလျက်...။
YOU ARE READING
မိုးစက်ကြွေသောလေညှင်း....မြေခလာသောစိန်ပန်းနီနီ
General FictionDescription- အခ်စ္ေၾကာင့္ ေသဆံုးခဲ့ဖူးသလို အခ်စ္ေၾကာင့္ပဲ ျပန္လည္႐ွင္သန္ခဲ့တယ္။