မိုးစက်​​ကြွေ​သော​လေညှင်း....မြေခလာ​သောစိန်​ပန်းနီနီ

[11] June2,2021💚 {နှလုံးသားတိမ်​တိုက်​မှ မိုးစက်​များ​ကြွေကျ​နေသည်​}

အခန်း[11] June2,2021💚
{နှလုံးသားတိမ်​တိုက်​မှ မိုးစက်​များ​ကြွေကျ​နေသည်​}

မိုးယွန်းက ​ဧည့်ခန်းရှိဆိုဖာမှာထိုင်​လျက်​ဖြင့်
​ကောင်းကင်​ဝယ်​လာသည့်ပစ္စည်းများကို စစ်​​ဆေးကြည့်ရှူ​နေသည်​။
ပစ္စည်းအားလုံးစုံစုံလင်​လင်​ရှိ​နေ​သော​ကြောင့်
သူဆိုဖာမှထရပ်​လိုက်​​တော့ ​ကောင်းကင်​က သူ့ကို​ကျောပိုးဟန်​ပြင်​လာ၏။

"မင်း​ခြေ​ထောက်​နာလိမ့်မယ်​...​မောင့်​ကျော​ပေါ်တက်​"

​ကောင်းကင်​၏စကားအတိုင်း သူ့​ကျော​ပေါ်တက်​ကာ
လည်​ပင်းကိုသိုင်းဖက်​၍ မီးဖိုခန်းဆီသို့ထွက်​လာခဲ့သည်​။
မီးဖိုခန်း​ရောက်​​တော့ ​ကောင်းကင်​က သူ့ကိုခုံ​ပေါ်၌ထိုင်​​စေပြီး ကိတ်​မုန့်လုပ်​ဖို့အတွက်​လိုအပ်​သည့်ပစ္စည်းများကို သူ့အနီးအနားမှစားပွဲခုံ​ပေါ်၌ ပတ်​လည်​ဝိုင်း၍ချထား​ပေးသည်​။

"မောင်....ဘာကိတ်​စားချင်​လဲ
နို့စ​တော်​ဘယ်​ရီပဲလား"

"ဒါ​ပေါ့"

​ကောင်းကင်​ဆီမှအ​ဖြေရသည်​နှင့်
မိုးယွန်းက ကိတ်​မုန့်ဖုတ်​ခြင်းကိုစတင်​လိုက်​​တော့သည်​။
သူ့နံ​ဘေးမှာအသင့်ရှိ​နေသည့်​ကောင်းကင်​က
လိုအပ်​သည်​များကိုကူညီ​ပေး​နေ​သော​ကြောင့်
တစ်​နာရီခွဲခန့်အချိန်​ယူပြီးသည်​နှင့် အနားသား​​လေးများညို​နေသည့်ကိတ်​မုန့်​မွှေး​မွှေး​လေးတစ်​လုံး ရလာ​လေပြီ။
အာဗန်​မှအချက်​​ပေးသည်​နှင့် မီးပိတ်​၍
ကိတ်​မုန့်သွားထုတ်​မည့်​ကောင်းကင်​ကို သူအ​နောက်​က​နေ သတိလှမ်း​ပေးလိုက်​၏ယ

"​မောင်​...ပူမယ်​​နော်​၊ လက်​အိတ်​နဲ့ကိုင်​​"

"အင်းပါ"

​ကောင်းကင်​က ရှပ်​တိရှပ်​ပြာမနိုင်​...။
လက်​အိတ်​​သေချာဝတ်​၍ မုန့်ဗန်း​လေးကိုသူ့ဆီသို့ ချောချောမွေ့မွေ့သယ်​လာ၏။
ဟိုငတိ​လေးသာဆိုရင်​​တော့ သူသတိ​ပေးချိန်​မှာ​ ​နောက်​ပင်​ကျသွား​လောက်​ပြီ။
မုန့်ဗန်းကို လက်​ဗလာနှင့် အလောတကြီးသွားကိုင်​၍ အပူ​လောင်​နှင့်​နေပြီဖြစ်​သည်​။