အပိုင် (Completed)

💛20💛

Unicode

မနက်ခင်းလင်းပြီမို့ ပုံမှန်လုပ်ဆောင်မှုများကိုလုပ်ဆောင်ရန် အိပ်ရာမှထဖို့ပြင်လိုက်သည်
မနက်စာစားမယ်.ကျောင်းသွားမယ်.အလုပ်သွားမယ်.စာလုပ်မယ် ပြီးရင် ကိုကိုနဲ့ဖက်အိပ်မယ်
ဒါတွေဟာ ညီလေးအတွက် နေ့စဥ်ပုံမှန်လည်ပတ်နေကြ အချိန်ဇယားတွေ

လူငယ်တစ်ယောက်အတွက် ငြီးငွေ့ဖွယ် နေ့ရက်တွေဖြစ်နိုင်ပေမယ့်
ညီလေးအတွက်ကတော့ ကိုကို့အနားမှာ တနေကုန်နေခွင့်ရတာမို့ပျော်နေမိသည်
တနေ့တာ ပင်ပန်းသမျှသည်လည်း ညဘက်ကိုကိုနဲ့ ဖက်အိပ်လိုက်ရင် ပျောက်ကွယ်သွားတယ်သည်
ညီလေးဟာ ကိုကို့ကို အပိုင်ရထားရုံ တစ်ကမ္ဘာလုံး ပိုင်ဆိုင်ထားရသလိုပင်

အိပ်ရာကထိုင်လိုက်​တော့ တွေ့လိုက်ရတဲ့ မနက်ခင်းရဲ့ အလှတရားလေး

CEOတစ်ယောက်ဖြစ်သည်နှင့်အညီ ရှပ်အကျီအမဲလက်ရှည်ကို ကုတ်အကျီအမဲထက်ဝတ်ဆင်ကာ တကိုယ်လုံး all black ဖြင့် ကိုကိုဟာ သိပ်မိုက်လွန်းနေသည်
ဆံနွယ်ရှည်များကို သေ​သက်စွာ လှန်တင်ထားတာကြောင့် လှပတဲ့မေးရိုးနဲ့ နှဖူးပြင်တို့ဟာ ပုံကျလှပလျှက်
အပြီးသက်အဖြစ် ရေမွေးအား လည်တိုင်လေးပေါ်စွတ်လိုက်ချိန် မနက်စောစော လူကိုယ်မူးရစ်သွားစေနိုင်သည်

သိပ်ချော သိပ်လှတဲ့ကိုကိုသည်
ကို့ကိုယ်ကို မှန်ထဲရှေ့နှောက်လှည့်ကြည့်ရင်း ကျေနပ်နေပုံကိုကြည့်ကာ ညီလေးဆီ ဘယ်ကမှန်းမသိတဲ့ သံသယများဝင်လာခဲ့သည်
'ကိုကိုက ဘာလို့အဲ့လောက် ပဲများနေရတာလဲ
ဘယ်သူနဲ့သွားတွေ့မလို့လဲ
ဘာလို့ သူများတွေငေးရလောက်အောင် အဲ့လောက်ထိ ချောနေရတာလဲ ဟွန့်'

ကို့ကိုယ်ကို မှန်ထဲကြည့်ကာ ကျေနပ်နေတုန်း
တစ်ယောက်ယောက် စိုက်ကြည့်နေသလို ခံစားရတာကြောင့် လှည့်ကြည့်လိုက်တော့ တကိုယ်လုံးကို ဝါးစားတော့မလိုကြည့်နေတဲ့ညီလေး
မကျေနပ်သလို စူးရဲစွာကြည့်နေတာကြောင့် လန့်တောင်သွားရသည်

'' မင်း....မင်းဘာလို့ အဲ့လိုကြည့်နေတာလဲ''

''ကိုကိုဘာလို့ အဲ့လောက်အလှတွေပြင်နေတာလဲ.. အရင်ကအဲ့လိုမဟုတ်ပါဘူး
ဘယ်သူနဲ့သွားတွေ့မလို့လဲ''