MR's DOCTOR

Part 9

Unicode

"ကျုပ် မနေ့က တစ်ညလုံး ဗိုလ်မှုးတို့နဲ့ အတူရှိနေတာပါ"

မကာအိုတရုတ်လူမျိူး အသတ်ခံရတဲ့ကိစ္စနဲ့ ပတ်သက်ပြီး ရဲတွေက ဂျောင်ဂုအား သံသယရှိသူအဖြစ် ခေါ်စစ်လေသည်။

ဗိုလ်မှုးတို့နဲ့အတူ ရှိနေတယ်ဆိုတဲ့စကားကို ကြားလိုက်ရတော့ ရဲများ လှုပ်လှုပ်ရှားရှားဖြစ်သွားသည်။

လေတပ်ဘက်က အကောင်ခပ်ကြီးကြီး ဗိုလ်မှုးဆိုတာကို ဂျောင်ဂု ရည်ရွယ်မှန်း သိတာရော ဂျောင်ဂုက အကောင်ကြီးတွေနဲ့ပဲ ပေါင်းတယ်ဆိုတာ သူတို့သိထားတာမို့ဖြစ်သည်။

"မစ္စတာဂျေရေ .. စိတ်တော့မရှိပါနဲ့ .. ကျွန်တော်တို့ကလည်း တာဝန်အရမို့ပါ"

"ဟာ .. မဟုတ်တာပဲ .. ရဲမှုးတို့ လုပ်စရာရှိတာသာ လုပ်ပါ"

စခန်းမှုးက အားတုံ့အားနာဟန်ဖြင့် ပြောပြီး ဗိုလ်မှုးအိမ်သို့ ရဲအချို့ကို စေလွှတ်ကာ CCTV မှတ်တမ်းကို ယူခိုင်းသည်။

CCTV ဖိုင် ရလာတော့လည်း ဂျောင်ဂုပြောတဲ့အတိုင်း ထိုညက ဂျောင်ဂုဟာ ဗိုလ်မှုးအိမ်ကို ဝင်ရောက်ခဲ့ကြောင်းကို အလီဘိုင်ပြနိုင်ခဲ့တာမို့ အမှုဟာ ကွင်းလုံးကျွတ်။

ကိစ္စတွေပြီးသွားတော့ အားလုံးကို နှုတ်ဆက်ပြီး ရဲစခန်းက ပြန်ထွက်လာတာနဲ့ ဗိုလ်မှုးဆီ ကျေးဇူးတင်ကြောင်း လှမ်းပြောလိုက်သည်။

တကယ်တော့ ထ်ိုတရုတ်ကောင်က်ို ဖမ်းပြီး သတ်ပစ်ဖို့ တွေးပြီးတည်းက ပလန်ချခဲ့တာ။

တရုတ်ကို စ ဖမ်းမယ့်အချိန်မတိုင်မှီတည်းက ဗိုလ်မှုးအိမ်ကို အဝင်ပြပြီး နောက်ပေါက်က ထွက်ခဲ့တာ ဖြစ်သည်။

နောက်တစ်နေနေ့လည်လောက်မှ အနောက်ဘက်က ပြန်ဝင်ပြီး အထွက်ပြခဲ့တာ ဖြစ်သည်။

ထိုသို့ ကူညီခဲ့တဲ့ ဗိုလ်မှုးအတွက် ငွေစ အနည်းငယ်တော့ လက်သိပ်ထိုးခဲ့ရတော့ပေါ့လေ။

"ဘော့စ် .. စုံစမ်းခိုင်းထားတာ ရခဲ့ပြီ"

အခုမှ ရဲစခန်းက ပြန်လာတာမို့ ရေမိုးချိုးပြီး ဝီစကီလေးသောက်ကာ အနားယူနေခိုက် ဒမ်မီ ရောက်လာသည်။