MR's DOCTOR

Part 20

Unicode

နှုတ်ခမ်းက နွေးခနဲခံစားချက်နဲ့အတူ နှာခေါင်းထဲ တိုးဝင်လာတဲ့ Alcohol အနံ့ကြောင့် ထယ်ယောင်း လန့်နိုးလာသည်။

မျက်လုံးများဖွင့်လိုက်တဲ့အချိန်မှာ ပြေလျော့နေတဲ့မျက်ခုံးတန်းတစ်စုံဟာ မျက်နှာနဲ့အရမ်းနီးကပ်နေသလို မျက်ခုံးအောက်က မျက်လုံးတစ်စုံဟာလည်း ဖျော့ဖျော့လေးမှိတ်ထားသည်။

ရုတ်တရပ်လန့်နိုးလာကာ ယခု ဘယ်လိုအခြေနေမျိုးကြီးနဲ့ကြုံနေရသလဲဆိုတာကို နားလည်ဖို့ ကြိုးစားနေဆဲမှာပဲ သူ့နှုတ်ခမ်းမှာတပ်ထားတဲ့ lipring ရဲ့အေးစက်စက်က ကိုယ့်နှုတ်ခမ်းကို ပိုပိုပြီး ဖိကပ်လာသည်။

"မင်း .. မင်း"

ဘုရားရေ .. ဒီလူ ငါ့ကို ..။

သိသိချင်းကို ရုန်းကန်တွန်းဖယ်ဖို့ လုပ်ပေမယ့် သူရဲ့သန်မာတဲ့ ရှည်သွယ်သွယ်လက်ချောင်းတွေက ထယ်ယောင်းရဲ့မျက်နှာကို ပိုထိန်းက်ိုင်လိုက်တာမို့ ရုန်းဖို့ရာ အခွင့်မရခဲ့။

"ကျုပ် .. ခင်ဗျားကို"

အဆုံးမသတ်သောစကားတစ်ခွန်းကို ခပ်တိုးတိုးရေရွတ်ကာဖြင့် သူက ပိုပြီးရဲတင်းလာသည်။

သူ့ရဲ့ရင်ဘတ်တွေက်ို တဖျတ်ဖျတ်ရိုက်နေပေမယ့် သူက မှုတောင်မမှုသည်နှယ့်။

သူ့ထိန်းချုပ်မှုအောက်မှာ ထယ်ယောင်းရဲ့နှုတ်ခမ်းဟာ အတင်းသိမ်းပိုက်ခံနေရကာ ပါးပြင်တို့ဟာလည်း ရှက်စိတ်ကြောင့် တရိပ်ရိပ်နွေးတက်လာသည်။

"လွှတ် .. လွှတ်စမ်း"

နူးညံ့သလိုလိုနဲ့ အဓမ္မဆန်သော သူ့အနမ်းတွေနဲ့ လွတ်သွားတဲ့အချိန်မှာ ထယ်ယောင်း အမောတကောပြောပေမယ့် အချည်းအနှီးပင်။

သူ့နှာခေါင်းက အသက်ခပ်ပြင်းပြင်းရှုလိုက်တဲ့ လေနွေးနွေးဟာ မျက်နှာကို တောက်လျှောက်လာရိုက်ခတ်လာလေ Alcohol အနံ့တွေက ပါလာလေ။

အတင်းအနမ်းခံနေရသောကြောင့် ဖြစ်တဲ့ဒေါသစိတ်ထက် တစ်ခါမှ အနမ်းမခံရဖူးသောကြောင့် ဖြစ်နေရသောရှက်စိတ်က ပိုတိုးနေမိလျှင် ကိုယ့်ကိုကိုယ်လည်း အံ့ဩမိသည်။