لكل شخص حكايه ¹¹
كادي
لماذا تيأس!
لمــاذا تنطفـئ!
مما تخاف و ما يقلقك!
كل هذه الحياة بيد اللطيــف الرحيــم
أيسكــن قلبــك يــأس و أنــت مع اللـه ؟
أتنطفئ و ربك الله نور السمـوات و الأرض!
↫امضِ في الحياة مطمئناً لا تخاف و لا تقلق من شيء أبداً « كُن مع الله و لا تبالي »🤍
//
مر وقت وجات العشيه.
جدتي: هي بنات نطلعو في رويحه في جنان
نحنا: تمام هي
وطلعنا كلنا في جنان ونشربو في قهوه
هيثم: خير
نحنا: خيرت
جدتي: كنك يامكلوب نزل عريان
هيثم: ياجدتي اسكتي يسمعك يقول عريان جديات غير مش لبس تشرت ازح حمو
جدتي: بسم الله رعشتنا😒🤣
نحنا نضحكن ع تعبير وجه جدتي
هيثم: وين امير
جدتي: راقد
هيثم: لا مش معقوله راقد فتره هذي كلها مستحيل
جدتي: صح امشي شوفه
هيثم: هي توا نمشي
صباح: حيييييييي بناتت
انا: تي وطي صوتك
زينب: شنو في
اسيل: انتي كنك شنفي
سارة: ووك رقدتي اعضامي شنفي
صباح: ايوب دزلي رساله ع انستا مش مصدقه
اسيل زغرت
جدتي: يبنت را نجي نضربك كنك
اسيل: شي ياحني
فايرة تفنص
صباح: طح سعدك حشمتي بياا
سارة: تحكي جدياتت
انا: طيب فيك
زينب: شنو دزلك
صباح: سلام عليكم شنو نرد؟؟
ضحكنا
انا: شنو بتدري يعني وعليكم السلام
اسيل: هذي مش كنت تتمرض جاها مسج ماكنهش كنت مريضه
صباح: اسكتي بس نعلي يبنات شوفي محلاه؟😩
اسيل: بودعه 🤣
انا: اي ماشاء الله يهبل
سارة: سمح
صباح: اسمعي وحق الله ماعرفت نكتب باهي اكتبيلي
انا ضحكت : عطيني مرعوشه
صباح وفرحه في عيونها:تمام
وانا رديت وعليكم السلام ورد عطول
ايمن: كيف حالك ؟
انا: قالك كيف حالك
صباح: ردي ردي
انا: تي باهي كنك تتمرعشي
وردت عليه الحمدلله بخير وانت؟
ايمن: الحمدالله خشيت عليك بنحكيلك ع موضوع الفرح
انا: حييي شوفي
صباح: حي علما
اسيل: خش ع ثقيل مره وحده😭😭😂
سارة: بكككل شكله جدي بككل
صباح: جدي ولا حناي هه تي هتي نرد
انا مديت تلفون: امسكي
صباح: ردت عليه..كيف يعني؟
اسيل: حي على غباء🙁
صباح: اسسس اسكتي لقني غبيه
ايمن: انا نبي الفرح بعد تلات شهور هكي يعني وقت يناسبك ولا ماتبيش توا لانه قلت قبل مانحكي لرجاله نسألك قبل
صباح: حي علميييي فرح شني
جدتي: انتن شنو تحكن
صباح قعمزت جانب جدتي: ماما ايمن دزلي
جدتي: كنه
صباح:قالي بنطلع الفرح بعد3 شهور يناسبك ولالا شنو نقول؟
جدتي : ابتسمت.. انتي شنو تحسي روحك مناسبه وقت ولالا
صباح: لالا ياماما طشه بككل انا ماشريت شي ومش موتيه شي
دز ايوب:- كان وقت ضيق بنسبه لكيِ بعد خمس شهور كويس توتي فيه روحك بس حندفع ونقرا فاتحه?
صباح قرتها: تي كنه مستعجل هو
صالحه: شفني
صباح حكتلهن
فايرة: مادام قالك بعد5 شهور كويس بككل ويدفع ويقرا فاتحه شور رجاله مش شورنا
نجمه: صح وقت مناسب 5شهور
صباح: هو واتي ويبي يزرني
صالحه :خلاص ردي ع راجل قولي تمام يناسبني
صباح: باهي وردت "تمام بعد خمس شهور كويس يناسبني "
ايوب"تمام"
صباح:- كنت فرحانه وخايفه ومستغربه من استعجال ايوب مشاعرها متلخبطه بككل.
نا: صح ياماما حور بتجي لبنغازي بعد فرح خوها
فايره: باهي رايفتلها والله
نا٠: حتنا
اسيل : حييي صح
زينب :لها وحشه
نجمه: هذي صحبتك لحكيتي عليها
صالحه : اها صح هذي
انا: اها هيي
"هي صديقتي المقربة والحقيقيّة، ولهذا يعرفها جميع أفراد العائلة على أنّها أخت جديدة"
//
هيثم خاش لحوش وانصدم باامير
هيثم:امير فيش ادير انت؟
امير : هيثم را نضربك مش طايق روحي
هيثم:شنو دم هذا وكانها مرايه متكسره وعليش تحط في دبشك في شنطه؟
امير:شي خبطت مرايه بغلط تكسرت ونبي نسافر تغير جو فترة
هيثم: تغير جو?
امير: هيثم كنك
هيثم: لاشي بس غريبة
امير: اها
هيثم: اوكي
وطلع
ورن تلفون امير "بورفيق"
امير: ها شنو تبي انت ثاني
عُمر: جاتك الحاله وين قاعد؟
امير: في حوش
عمر: انا تحت انزل
امير:زبري عليك قصه اقسم بالله
عُمر: ندير روحي ماسمعت شي🦥
امير: لقانك الا مبرد دمك
وأمير فتح درج ولف يده المجروحه وصكر الدار ونزل
لقى عمر قدم الحوش
امير ركب سياره
امير: شني تبي ؟
عمر: كنك
امير: شي
عمر: مضايق من عيونها🤣
امير: عمر
عمر: باهي اسمع شنرايك نسافرو تونس نهيجو ونروحو ينكد؟
امير: اصلا كنت نبي نسافر حجزت بس مش تونس
عمر: لتبيها انت
امير: حجزت لدبي
عمر: العبب
امير: تمشي معايا وين مانمشي بنشوف وجك؟
عمر: معقوله نسيبك يارفيق بالكي تتبعد منها وتنسها
امير: عمر
عمر: راني فاهمك كويس وعارفت شكلها تقربلك مادام تشوف فيها ديما مش حتنسى وتتعلق بيها اكثر فخلينا نسافرو ونهيجو ونغيرو جو في هل صيف ونروحو
امير: تهند .. ان شاء الله خير
عُمر: هي نمشو ندهوره لقني مليت من شغل حوش شغل حوش
امير: نسيت تشليط
عُمر: طبعا🤣
امير ضحك : تي هي تحرك
عمر ولع سيارة: اغنيه شني تبي
امير : اي حاجه غير راب
عُمر: تم
جا والخاطر ظايق علمه
رد الروح رفيق بكلمه💃🏻.
أنت تقرأ
لكل شخص حكايه
Romance(روايه لكل شخص حكايه كل شخص في روايه عنده قصه وعنده ماضي وكل قصه حستفيدو منها روايه كوميديه ودراما وحب وأجواء عائلات الييبه ) بلهجه العامية اليبية الشرقاوية وقليل من لهجه الغرباوية. الكاتبه:- كـــــــادي إبراهيم .
