لكل شخص حكايه
حلقه15
كادي❤.
__________
//
امير ولع سيارته ومشى شور حوش اسيل لقى سياره عمه مش قعده قدم الحوش
دقائق يفكر يخش ولالا وطلع اورق من درج سياره وطق ع باب هو متوتر؟؟
اورق شنو وعليش متوتر وعليش جاي اساسا في ليل!
فايرة شافت من الكاميرا ولبست لبست الصلاه وفتحت الباب
امير: هلا
فايزه: مرحبتين بيك ياوليدي تفضل
امير: كيف حالك
فايزة: تمام الحمدلله خش خش
امير: خاش .. عمي قاعد
فايزة: لا والله صادق في العنايه قاعد معاه
امير: اها كنت نبي نعطيه اورق هذينا
فايزه: عطيني توا نعطيهن له
امير : لالا توا لم نشوفه نعطيه لانه قصتهن قصه
فايزه: اها تمام
اسيل نزلت من دروج واستغربت وجود امير
اسيل: هلا
امير ابتسم كان خاطره يحضنها ويقولها قد ايش رايفتلك بس ماقدريش يدير شي غير انه يتأمل عيونها زي العاده!♥️
اسيل: شنجوك
امير: تمام وانتي؟
اسيل: الحمدالله تي قعمز اهو بنخش ندير قهوه وانت تحبه في ليل كيفي
امير : مية مية
فايرة: احسبوني معكم
اسيل: بعدها مش حترقدي
فايرة: لالا عادي نحبه قهوه كيفهم
اسيل شفت مسج من احمد وابتسمت وخشت مطبخ وهي فرحانه من كلام أحمد كله حب وغزل❤!!
فايزه: امالاا يوسف امتى يروح
امير: روح ورد بيمشي ل حرب**
فايرة: ينعلييي ماتقولهش
امير :والله مسكر راسه حتى جدتي يما قالت
فايزه: نعلي معقوله هكي كنه
امير :بدا يخف توتر لأنه فايرة نست الاورق .. مندرعنه كنه
فايزة: ربي يرد لنا طيب يعلم الله غالي عليا تقول وليدي❤.
امير: يوسف غالي علينا كلنا طيب وكويس وسندنا كلنا هو الاب ليا
فايرة: ربي يحفظه
انا كنت في دار منهاره نبكي شوية سمعت صوت امير نحسبه يوسف عطول غسلت وجي ونزلت نبي نشوفه لانه وحيد يهون عليا ضحكته غمزته ولا بصارته كلشي💔
بس جتني خيبت امل لم لقيته امير
انا: هلا
امير: اهلين
انا: نورت ياغالي
امير: نور ونورك
فايزة: شفتي يوسف
انا : كنه
فايرة: مشى لحرب**
انا:شنووو💔!!!
فايرة : قهرنييي
انا: انقهرت واضيق اخره لانه مافيش شاب مشى ل حرب** ورد ل هله كان من حوشه ل مقبره نصهم يموتو في الاخبار كل يوم موته وجرحه خفت عليه بطريقه رهيبه!
وخشت لقيت اسيل دير في قهوه ومبتسمه
انا: صبيت ميه وشربت وركبت رنيت عليه بدون تفكير🤦🏻♀️
بس استغربت ماردش علياا💔 .
بديت نبكي اخره من موضوع مسج ويوسف رنيت ع حور
حور: هلا
انا: حور😭😭
حور: عيونها كنك
انا:شفتتت منصور 😭😭💔
حور : كيف شفتيههه؟؟
انا: في معهد نفس كلشي ماتغيرش نظرته ل نحبها كلشي دزلي مسج
حور: شنقالك؟
انا:(رايفتلك اخر شي كانت متوقعه اني نتلقى معاك اخره نحبك شفتك واذكرت ذكرياتنا وحبنا ياريت تردي عليا مازالتي تحبيني !!)
حور : تي كنه مكلوب هذي وانتي عليش تبكي
انا: هي مش عارفه عليش اذكرت كلشي ومضايقه من يوسف
حور: تي خرفي معاش فهمت يوسف ولا منصور.
انا: مش عارفه مضايقه ويوسف مشيته ل حرب زادتني
حور: نعلي قصدك ل معلقلك
انا: تي اها
حور: قلتلك قلب في دم مجلط هذا مايمشيش ع خير
انا: والله معاش فهمت كني منصور بعد شفته تعصبت واذكرت كلشي وتوا قوليلي ع مشيت يوسف تنكدت اخره
حور : ادعيله بس يروح طيب
انا: وربي مضايقه بككل
حور: تي عليش شنو بكاء هذا كله عيونك ولانهر النيل؟😭
انا: هههههههه حيوانه😂
حور: بالي ضحكتي
انا: بجد تخيالي شفت منصور
حور: مازال فمه كبير؟🤣
انا: عنجدك تنمر ياابتاع الاشقر
حور: والله ادعي ل عمه مريض
انا: نعلي ربي يشفيه
حور: يحنه مازعليش روحك ع تيس منصور وخلينا في جميل يوسف سمح هذي يمشي لِحرب🙂
انا: تي بككل قهرني
حور: يارب يرد طيب
انا: ان شاءالله يارب
حور: يحنه قريب نجيك😂
انا:نزغرت نعلي واخيرا
حور: بس بعد العيد🙂
انا: اووف قصهه
حور: خلاص اسبوعين بكثير
انا: باهي يحنه
حور:مازالتي تحبي منصور؟
انا سكتت شويه: مش عارفه
حور: يوسف شنو قصته
انا: يوسف هكي نحس فيه شخص قريب مني بس هو بعيد ويوسف حنون وطيب ونحبه حب اخوه مش درجه حبي ل منصور لالا بعد سمعت بي مشيته تضايقت وخفت عليه كانه خويا الحق
حور: اممم توا نفهم تفاصيل بعد نجيك
انا: تمام
حور: معاش تبكي عليه قرد منصور كان تبي نبكي ع الزويل يوسف نبكي معاك ونندبو حتى نديب بس الفأر منصور لالا
انا: هههههههه تي باهي كرهتيني فيه اكثر
حور: احسن🤡
انا: باهي انتي شنو جديدك
حور: عندي امتحان بعد بكره!🤦🏻♀️
انا: بتوفيق انا عندي يوم كبيرة العيد
حور: اووف نعلي شنو عندك؟
انا: ***
حور: تي نحنا هذي مازال ماجنا فيها دكتور اصلا
انا: أحلفي
حور: وربي
انا: اوفف عليك قصه
هدرزنا شويه وقدرت تغير جوي صليت قيام ليل ودعيت ربي يحمي يوسف وخشيت لفراشي
..
اسيل: اهي احلا فنجان قهوه
امير: خد منها هو يتأمل في شعرها وعيونها ل ادمانه كان مر يوم بلا مايشوفهن ينكلب😭
فايزه: ديما تعال هدرز معنا
امير: ان شاء الله انا كنت حنسافر بس ماصارليش مادام يوسف بيمشي
فايزه: يوسف حيعيشنا في توتر
اسيل: بككل
امير: اسيل معاش مشيتي لجامعه
اسيل: مليت منها🤡
امير : تي كنك انتي فكيني من بودعه بالله
فايرة : هزبها بالله انت ل قادر عليها معاش قدرت عليها انا راسها مصكر
امير في سره والله هي ل قادره عليا وع قلبي .. لا اسيل كلشي الا اقرايتك عاد عمي محمود بيفرح بيك كل ماتملي اذكري فرحته يوم تخرجك
اسيل: الله صح
امير: ايوه ديما خليه بين عيونك هو وعمتي فايزه
اسيل: صح فعلاً والله
امير : سلم اياديك ع قهوه انا نتوكل
فايزه: خليك
امير : هذك هو تصبحو ع خير
فايزه+ اسيل: انت من اهله
اسيل : توا نوصله انا ل باب
فايرة: استغربت بس مشتها
ومشت معاه لين فم الباب
اسيل: امير قلتلك ماشفتش انسيال ليا طايحه لم حكينا في مطبخ لانه ندور عليها لانه هديه وغالي عليا بككل
امير بحت فيها وطلعها من جيبه : امسكي
اسيل: استغربت ...اووه معاك
امير: اممم مستحيل تفرقني اساسا
امير حطه له في يدها واعتمد يلمس يدها: مانحبهش ابتاعتك
اسيل .. مستحيل تفرقني مانحسبهش ابتاعتك هذا كنه مريض؟
امير: مع سلامه تبي حاجه ناقصتك حاجه
اسيل: لااا سلامتك
امير طلع هو مش فاهم روحه كانه رايح هكي!!
//
وركب داره خد شويه حاجات ونزل سلم ع هله وجدته وعيال عمه ل شفهم قدمه ومشى شقته ياخد باقي الحاجات فتح شقه وخش الدار وشاف هيفاء ع سرير لبسه روب احمر قصير شبه عريانه وشعرها مطلوق 🔥!!
هيفاء: حبي
يوسف:تعصب واذكر حاجه مايبيش يذكرها.تي حبك شنو يعن*** شنو خششك هنا انتي
هيفاء نضت وقربت منه وشمت رقبته : مازال تبخ نفس برفان ل نحبه
يوسف: مسكها من رقبتها.. اسمعيني كويس خطيني اخر مره نشوفك خلقتك هيفاء
هيفاء: حتى انت اسمعيني كان طلعت من شقتك انت لزني صدقني حنقلب حياتك180%
يوسف: زاد خنقها..اقلبي حتى360% غير بنخاف منك مثلا عقب وحده*** وضحك.. يعني شنو متوقعه مني بعد نشوفك بمنظر هذا لتبيه مستحيل يصير
هيفاء معاش قدرت تنفس
يوسف: رخها.. هي انتلفي بيش تقلبي حياتي ماتنسيش
هيفاء:قربت منه.. عندك فرصه مازال
يوسف: يعن*** بيش تفهمي انتي اقلبيها حياتي مسامحك فيها غير خطيني
هيفاء: يعني انت معاش تبيني!
يوسف: تي منقرف منك ومن وسخك ازح انتي كيف متحمله روحك بكميه القرف هذي؟
هيفاء: نحبك
يوسف: ضحك ..تحبيني؟
هيفاء: اها نحبك ياريت تفهم مني موضوع من بدايه
يوسف: تي هيفاء يا** اطلعي ازح كيف تفهمي معاش نبي نفهم لا موضوع ولاشي اساسا كلشي واضح واتبثي انتي يوم انه كلشي صح بخشتك ل شقتي وقعدتك قدمي بالبسه هذي ماديرهش الا***
هيفاء بحتت فيه: تم
ولبست عبايتها وطلعت
يوسف تهند وهو مااستغرب من روحه اول مره مايضعفش قدمها !!
لم يكُن وداعاً لائقاً بحكايتنا ، لكنه حدث .!💔
//
زيدان : حنين
حنين : نعم رايفت ل صوتك
زيدان: نحبك نبيك
حنين: نموت فيك زيدان نحبك انا والله ماقدرتش نكمل مع امجد وكلشي يذكرني بيك اسفه بجد زيدان سمحني
زيدان: نحبك ازح رايفتلك
حنين: نحبك نحبك
زيدان: شنجوك انتي وامجد؟
حنين: عرايك
زيدان: اممم رنيت بنسمع صوتك بس هي مع سلامه
حنين: شنو؟
زيدان: شنو شنو؟
حنين: زيدان خلينا نردو😭
زيدان: تؤتؤ معاش نبيك رنيت نبي نسمع صوتك وبس
حنين : مش توا كنت تقولي نحبك
زيدان: اي نحبك بس رد مش حنردو
حنين كانه زيدان يعقب فيها يقهر فيها بطريقه هذي "نحبك نبيك مش حنردو" قطع قلبها بيها جمله هذي!!.
حنين: تبكي .. زيدان نبيك انا مساعده ندير اي شي عشانك
زيدان : اممم زعمك ؟
حنين: والله
زيدان: عشاني ولا عشان الفلوس!؟🤣
حنين:🥺😭
زيدان : ضحك..خلاص معاش تبكي ولا نقولك ابكي مع سلامه سلميلي ع امجد🙄
زيدان: انا كني رايح مكلوب هكي ازح مش مهم مهم سمعت صوتها!
حنين: ياريتك كرهتني ولا معاش تبيني كان شي هذي يسعدني ننساك بس ل تقهر فيا تحبني وتبيني بس مش قادره نخليك معايا مش قادره نرددك ليا!🤦🏻♀️
//
قصي وسجى وجمانه يهدرزو
سجى: من بنت صبح
جمانه: صحبتي هذي
قٌصي: سجى شفتي صوري جدد في محكمه
سجى: no no
قصي : قولي لا مش No
وطلع تلفونه وعطاها
وجمانه مشت تجري ل حمام قعدت ترجع
قصي قعد يطق: كنك
جمانه غسلت وكانت خايفه: شي
قصي: حامل؟ جمانه؟؟؟ تيي احككي؟
جمانه: مش عارفه مش عارفه ماتعليش صوتك💔
قصي: كيف مش عارفه اخر مره جاتك امتى؟
جمانه تحشمت: في موعدها مانيش حامل ياقصي خلاص
قُصي هو مش مصدقها: تمام تمام
جمانه: كان حامل مثلاً عليش تهزب
قُصي: مش وقته وحقديني مش كاره يجوني عيال منك بلعكس نبي حتى10 بس توا مش وقته مش صح؟
جمانه: صح مش وقته توا بس مش بيدي را
قُصي : مانع الحمل زرق عليك را ماتخديش فيه ليش؟
جمانه: باهي خلاص قصي
قصي : يستر الله
سجى: بابا
قصي: نعم ياعيوني
سجى: افونك يرن
قصي شاف لقى امه يوميا ترن عليه
قصي طلع برا: السلام عليكم
صالحه: وعليكم السلام تي وينك ياوليدي معقوله فتره هذي كلها
قصي: والله شغل يايمي مش فاضي
صالحه: تعال بكره تغداء معايا!
قصي: ان شاء الله
صالحه: تمام
قصي: كيف حال بنات
صالحه: تمام الحمدلله وانت
قصي :: الحمدالله مادام انتم بخير انا بخير
صالحه: واللهي مانحس فيك بخير💔
قصي تهند: لا اموري طيبه
صالحه: باهي مع سلامة
وصكرو
وخش لقى جمانه ترقد في سجى وهو خاش راقد استغربت جمانه منه وزعلت اخره ومارقدتش خايفه تطلع حامل صح
جمانه: غلط كله مني ليش ماناخد في مانع اوووف💔
أنت تقرأ
لكل شخص حكايه
Romance(روايه لكل شخص حكايه كل شخص في روايه عنده قصه وعنده ماضي وكل قصه حستفيدو منها روايه كوميديه ودراما وحب وأجواء عائلات الييبه ) بلهجه العامية اليبية الشرقاوية وقليل من لهجه الغرباوية. الكاتبه:- كـــــــادي إبراهيم .
