لكل شخص حكايه

60

لكل شخص حكاية
حلقه60
كادي إبراهيم 💞.
______________
حور تتفرج ع سكرينات بصدمه مش مصدقه هضا سيف !!💔
من قهر في سكرينات مشت فتحت باب دار
حور: امي
..: نعم؟
حور: قولي ل بوي موافقه ع عريس
امها: كيف ؟ وعلاش لبكاء
حور: ياسر ياام خلاص مش تبونا نوافقو وافقت
امها: زغرت.. لولووولووووولوووي الحمدالله رجعتي لعقلك يابنتي
حور مسحت دموعها وابتسمت: الحمدالله
وخشت دارها انهارت بكاء وتشوف ف سكرينات وتبكي😭😭
.
.
.
امجد يشتغل في الكافي وتعبان بكل
..: كان هكي روح امجد في صبح شركه وتوا هنا وانت مريض مش شور شي روح
امجد: لالا الامور تمام
...: عليك اعناد يراجل
حنين: لو سمحت؟
امجد رافع راسه بعد سامع صوتها مستحيل مايعرفش الصوت لِ حبها وتعب عشانها
امجد بحت فيها كانت لبسه اللبسه جيبها لها كم تعب عليها وكم سهر وكم اشتغل بيش يجيبها من ماركه تبيها وكم وكم💔 !! وتكلم بعصبيه وتفنيصه
امجد بصوت هادي بيش مايلفتش النظر: اطلعي شن اديري في كافي شباب كلهم
يبحتو فيك؟
حنين : نبيك وينك لا ترد عليا ولاشي
امجد: اطلعي قلتلك زف
حنين: تعالي نبيك نحكو اخر مره
امجد: بصوت واضح.. تمام ياانسه طلبك حيجيك لعند سياره
حنين: مدتله الفلوس..كريب وعصير فرواله سيارتي في الباركي
امجد: تم حاضر
وطلعت
...: وين سمحه هذي عطينا معاها كِسره
امجد: اسكت يرا بنات ناس
...: اسكت وتحشم على دبله في ايدك !
..: تي خاطب بنت سيدي بالغصب خليها ساكته بالله😒
امجد هو يدير في الكريب : ريحلي روحك وخليك مع بنيه اكويسه
....: به يرا تشوف فيا نبي نفسخ
امجد كمل الطلبيه ومشى اتجاه السياره فيها حنين كانت سياره بنت خالتها متريحه مادية بسبب زوجها من العائلات المتريحه في البلاد وكان امجد زمان مايحبهش بكل لان يشوف سبب تَغير حنين منها
حنين نزلت الرواشن: اركب
امجد بحت فيها زين: لالا مش داعي خودي طلبيتك
حنين: امجد نحبك نحكي معاك جد !!😓
امجد: انا كرهتك
حنين: قولي شن تبيه مني وانديره مُهم نردو شعفت خِلاص
امجد: نبيه منك انك تنظفي وتقعدي بنيه اكويسه ومش ابتاع خويط مش تمام
حنين: بحتت فيها بعصبيه... امجد
امجد: شن امجد ؟ هضا كله نحكي معاك بالسلوب اكويس انظني ونحول مانجرحكش بس سامحيني انا مانقدرش نردلك انتِ ياريت خانتيني مع براني مع صاحبي رفيق عمري! عليش اديري هك بيش كل مانشوفه نذكرك
حنين: بحتت فيه بدون ولا رد
امجد: هي اوك ونتمنى انك تسقمي وتجري ع اخرتك اشويه دنيا فانيه
حنين: يعني بكلامك هضا تخلي فيا ندير شي مانبيش نديره حنجوز عريس فلوس لجيني انا مسيبته وجايه نعطيك فرصه وانت قاعد تهزب
امجد ضحك بوجع: ع فكره عريس جاك من فضلي😂 لان نا مافضحتش بيك ولا شهدرت بيك كانت نقدر نشهدرها ونقول بنت فلان فسخت منها عشان خاينه !! تكلم في شباب ابتاع خويط وتعرفي الناس ومجتمع ابتاعنه في شيال الكلام وتغير الكلام يخلوك حتى ابتاع فرش وبعدها وعيونك معاش يشوفن ضي الشمس وتعالي بعدها قوليلي جايني حد اصلا را خربت عليك بس انا مانقدرش ندير هكي بالكي تحصلي من يجوزك ويستر عليك
حنين: بحتت فيه ودموع في عيونها
وامجد عطاها بظهره ومشى ل كافي هو قلبه ينغز فيه