لكل شخص حكايه

53

لكل شخص حكاية
حلقه53
بقلم: كادي إبراهيم .
{رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا}.
___________________
هما يهدرزو تخش صفيه وقُصي
صفيه وشاحها ع رقبتها ودايرها شعرها زي قصه جمانه بالزبط كان طويل خلته قصير كيفها
جمانه فتحت عيونها بصدمه خشو مع بعضهم? ولا قصة شعري لِ دايرتها كيفي بالزبط
لا هذوما كثرو امس مكالمات توا خش هو وياها?
صفيه: السلام عليكم وبدت تسلم على الموجودين
قصي: بحت في جمانه كيف تبحت فيه تجاهل نظراتها وتكلم مع صباح شويه
صفيه: كيف حالكن ?
ردن عليها البنات الا جمانه كانن عيونها ع قُصي لتكلم مع صباح وطلع عطول لحقته جمانه وصفيه ابتسمت إبتسامه نصر

جمانه: قصي
قصي التفت عليها: نعمم?
جمانه: بعصبيه... شن لقاعد يصير هضا? امس مكالمات ويوم تخشلي انت وياها مع بعضكم هي بلا وشاح قصي قولي شن في
قصي يحول يكون هادي
قصي: بحت حوليه.. انظني عندنا حوش نحكو فيه مش هنا
وقاعد يمشي اتجاه الحوش وهو يلعن في صفيه
خشت وره جمانه للحوش
جمانه: شنو تفسرلي لصار هضا?
قُصي: قعمز ع صالون في صاله ورد بهدواء ..هي جات ونا جيت فنفس الوقت وخشينا مع بعضنا شن فيها من موضوع
جمانه : شن فيها ؟؟؟؟ شفت شعرها شن دايرته
قصي باستغراب: شنو
جمانه بعصبيه: كيفي بالزبط شن قصدها هذي
قصي: تصدقي بالله مافطنتش
《تفطني فيه ليش ياجمانه🤦🏻‍♀️》
جمانه: والله؟ مش انتِ تحب شعر لقصير
قصي: شن قصدك جمانه ل ف عقلك را مش صاير بككل فكينا عاد وسعي بالك عصبيه مش كويسه عليك !
جمانه: راني تعبت هي عليش جايه اصلا
قصي برود: مندرعنها عليش جايه
جمانه: اوف منك قصي اوف وخشت مطبخ وسيبته
قصي طلع يدخن هو يسترجع ف لصار وحقاره صفيه
قصي درس سيارته وكانت صفيه مدرسه تراجي فيه-
استغرب قصي بس ماعدلش عليها
صفيه: هاي
قصي: خير
صفيه: شنجوك
قصي: يفتح ف باب الحوش. تمام
صفيه: خشت وسلحت وشاحها عطته ع رقبتها.. توا تخش معايا لحوش جدتي جوهره?
قصي بحت فيها من فوق لتحت ماعدلش عليها ومشى أتجاه فيلاته
صفيه: بصوت عالي نوعا ما ... ولا نقول لمراتك جمانه شن مفاجأه لحتصير بعد تجيب? هههه نقولها حنكون يبيبي ضرتك😂
قصي التفت عليها: كنك حقيره هك انتي جربي اديرها نقصلك راسك وزيجه ماتحلميش بيها
صفيه: نديرها وخليها وليه ترعش ومرات تنزل الجنين انا في الحالتين مش خساره شي لا ابسط من هك نخشو مع بعضنا?
قصي بعصبيه: وتهديد والله نوريك
قصي يحول يكون هادي: نخش معاك بس دوه مع جمانه وحق ديني ياصفيه نقصلك راسك قص وعارفتيني كويس
صفيه : ابتسمت.. تم
سقمت شعرها من كاميرا تلفون وخشو
قصي زفر دخانه بعصبيه
قصي: اه يوم تكون بين يدي ياكلبه والله نربيك من جديد
سمع باب حوش انخبط عارف جمانه طلعت

خشت جمانه قعمزت جانب سارة
جمانه: كليتي
سارة: اها الحمدلله
جمانه: متاكده؟؟ هذينا حبوب فتامين د جبهن لك قُصي امس
ساره: خدت منها.. صحيتي
جمانه : اهتمي بصحتك بالله عليك معاش ترعشينا
ساره ضحكت: حاضر
صفيه : تصدقي ياجمانه تشبهي قصي واجد
كلهم يبحتو يراجو ف رد جمانه
جمانه: مش اول وحده تقولها ليا🙂
مسره حبت تغير جو
مسره: صح والله نسخه نفس العيون ونفس لون بشرة . ربي يحفظكم ياقلبي ونشوفو حفيدنا ع خير وسلامه❤
جمانه: تسلمي ياقلبي
صفيه: صباح اكيد حتطلعي عندي صح
صباح: والله لعند مش مش عارفه عند اي ارتست
صفيه ابتسمت : لا عندي كان مادرتلك لمن اندير
صباح: تمام عادي بس حقك تخديه
صفيه: معقوله اسكتي هدايه جوزك هذي
صباح: 🤦🏻‍♀️باهي
صفيه: يوم 28 سنتر كله لكن مش حنستقبل اي زبائن بيش تنوريني ياجمانه
جمانه: فوق من نفسها..ان شاء الله
صفيه: يعلم الله قديش نحبكم
جوهره: سلمك ونا نعزك زي وحده من حفيداتي
صفيه: تسلمي ياجديده
قعدن يهدرز ويشربن ف قهوتهن وجمانه مركزه في جمال صفيه ولا غلط حرفياً جميله بطريقه غريبه
جمانه : ياغبيتك يايسرى كانك معايا توا خلي نرن عليها
طلعت جمانه من هرجه هذي ورنت ع يسرى
يسرى كانت في مطبخ توتي في الغداء ياسين
رن تلفونها ابتسمت " جمانه " ردت وحطت ع مايك
يسرى: ايوه جمانه
جمانه: اهلين يسرى شخبارك واخبار ياسين؟
يسرى: الحمدالله بخير ياقلبي انتو شنجوكم وجو الحمل معاك تمام؟
جمانه: جوي نا زي الزفت
يسرى: تقرط في بصل .. بسم الله في شن
جمانه : الخرا صفيه هذي جاتنا
يسرى : عليش جايه هذي ف وقت هضا
جمانه: مندرعنها وخشت هي وقصي مع بعضهم دويت لقصي قالي بصدفه وبارده دايره شعري زي شعرها
يسرى بصدمه: قصدك شعرها الطويل السمح قصته؟
جمانه : كيفي بالزبط
يسرى: حي هذي كنها منكلبه وانتِ عينك من راجلك
جمانه : نرفزني بارد مش معدل
يسرى : خلي عيونك عليها
جمانه: يايسرى كنها سمحه هكي هي
يسرى: لقانها حلوه بككل الوجه مافيش غلطه
جمانه: اسكتي الكمال لله😒
يسرى: ضحكت .. تي انتِ أجمل را ساد عيونك والاجمل من هك انك انتِ وقصي شبه بعضكم بطريقه غريبه هذي لقطه سمحه
جمانه: حتى هي قلتها ليا
يسرى: مركزه فيك
جمانه: بككل
يسرى: ركزي عليها رآها لقاقه بككل ركزي بعدين ف ليل نقرملك ع زمان
جمانه ضحكت : باهي باهي😂
يسرى: عليش في ليل بعد خاطرها تعالي هدرزي عليا فعشيه را ضربني الكساد
جمانه: لا وياسين خليه يتريح
يسرى : ياسين ف دور لفوق ونحنا لوطه مش حيسمع شي ونبيك ف موضوع اصلاً
جمانه: حاضر توا نشوف قصي
يسرى: تمام وكان قال باهي تعالي بدري
جمانه: حاضر
يسرى : تمام عدي شوفي لقاقه ايش تدوي
جمانه ضحكت: حاضر هي
وصكرن خشت جمانه توتي معهن ف غداء
//
زيدان كيف ناض لقى هيثم مغير واضح يبي يطلع
زيدان: ع وين
هيثم: نجيب حاجات ناقصات وبنمشي نشوف سيرين ايش صار فيها توا
زيدان: محل لهنا صح
هيثم: اها
زيدان: توكل سيرين وانا حنجيب حاجات
هيثمم: لالا يرا
زيدان: تي قلتلك توكل وبمره كان وضعها تمام وتقدر تخش عمتي ترن عليا ونجيب عمتي صالحه عليش جاي انا مش بيش نساعدك؟
هيثم: باهي هذينا فلوس وهذي ورقه حاجات ناقصات
زيدان: تبيني نضربك ع وجك حود فلوس من قدم وجي خيرلك
وخش لحمام
هيثم ضحك وطلع
زيدان توضأ وصلى ورفع يده وبدا يدعي
زيدان :اللهم اشفِيها وأنزل عليها العافية اللهم احفظ صحتها وقوتها وخفف عليها كل ألم الكيماوي وأبعد عنها كل ضرر يا رب العالمين
رفع السجادة ولبس ع سريع وطلع فلوس من شنطته وخدا حبة المهدي ورقه ونزل
طول طريق هو هله يرنو عليه كل مره واحد
جاب كلشي يبوه وزاد من عنده ورن ماسنجر لقاه هيثم
هيثم : ايوه زيدان
زيدان: توا طلع من محل
هيثم: سيرين كويسه وتبي امي تعال انت وامي
زيدان : تم حاضر
بعد مده من الوقت وصلو صالحه وزيدان وخشو لغرفة سيرين
سيرين ابتسمت لم شافت زيدان وامها وفعلا زيدان قاعد مش هلوسه من حبها له😢🤍
سلمو عليها
صالحه : كيف حالك توا كويسه
سيرين: كويسه الحمدالله مازال يجي حمزه يديرلي خروج ولا نقعد لين وضعي يتحسن
زيدان نفخ بغيره
هيثم: اها حمزه قالي يشوف دكتور ثاني بعدها نجي انا
سيرين: تمام
قعدو يهدرزو وجا دكتور الأجنبي بعدها حمزه
حمزه: السلام عليكم
هيثم،زيدان ،صالحه: وعليكم السلام
حمزه: التفت ع سيرين.. كيف حالك توا كويسه؟
سيرين: الحمدالله احسن من بدري بواجد
حمزة : اول جرعه ديما صعبه هك ولصارلك طبيعي اول مره يصرن الأعراض هذينا مافيش خوف وانتِ دكتوره وفاهمه
سيرين: عارفه اها
حمزه: يوم مافيش خروج
سيرين: هضا متوقع اصلاً
حمزه: ولي صلحك
وقاعد يسأل فيها تحس في هضا وبعض الاسئله
حمزه: ميه ميه ومره في أسبوع جرعه كيماوي
سيرين عبست وجها بألم : باهي
زيدان: انظني كملت ياحمزه دوه واجده مش كويسه ع مريضه صح ولا؟
هيثم بحت في زيدان باستغراب
حمزه: من تحت سنونه.. صدقت صح الا اجهاد مريض
وطلع حمزه
هيثم: ننزلو انا وزيدان نشربو قهوه
ونزلو وصالحه قاعدت تغير لسيرين، سيرين فرحانه بزيدان اقريب اطير❤.
صالحه: كنك فرحانه ولمعه في عيونك ردت
سيرين: مافيش عادي
صالحه : هابا هابا
//
جمانه : تفتح في بطم قميصها ..قصي قلتلك
قصي: هو عيونه ع لابتوب .. نعم
جمانه: بنمشي نهدرز ع يسرى شويه
قُصي: عقد حواجبه .. ياسين مريض وراجل متريح فحوشه
جمانه: أسرت عليا يسرى ونبو نهدرزو مش شور ياسين هو فوق ونحنا لوطه ، بالمره تشوفه تتطمن عليه
قصي: باهي عندي مشور نحطك ونديره ونهدرز مع ياسين شويه
جمانه: ياريت والله
قصي: وتي روحك شويه ونطلع
جمانه ابتسمت: تم .
وخشت جمانه ادوش، ودوشت لِسجى ولبستها ولبست سروال قمش ابيض وقميص أخضر ولبست عبايتها وخمارها
خش عليها قُصي شمت عطره قبل مايخش ولبس على الحبل
جمانه: بحتت فيه من فوق لوطه.. ع وين مشوار هضا يطلع ع فيلا جدتي؟
قصي مسك ضحكته ع غيرتها : كنك
جمانه: شنو كني العطر لشميته قبل ماتخش واللبس لبسه وشعرك ع وين هضا كله
قصي: عندي اجتماع
جمانه: وعطر انت تبخ شيشه كلها وانا حرمني من بخت العطر !
قصي قرب منها وبهمس: اولاً لأنك ملكي محد غيري يشم عطرك ولا يتلذذ في بنته غيري ، ثاني حاجه يشيخه جمانه وليه لم تتعطر وتطلع تعتبر زانيه وهضا لقول الرسول صلى الله عليه وسلم《 أَيُّما امُرَأَةٍ اسْتَعْطَرَتْ، فَمَرَّتْ بِقَوْمٍ لِيجِدُوا رِيحَها، فهي زانِيةُ》
جمانه: عليه افضل الصلاة والسلام حنسمع الكلام الثاني والاول ندير روحي ماسمعتش
قصي: قرب من شفايفها..عليش مش مقتنعه وبحت في سرير .. نلغي الطلعه والاجتماع وتبثلك كلام انك ملكي هك افضل طريقه بيش تقتنعي
جمانه: توتر وخرت.. بطل قصي هي نطلعو
سجى: بابا
جمانه ابتسمت براحه انقذتها بنتها وقصي نزل اخمارها
قصي: رفع بنته.. اطلعي قدمي
وطلعو
بعد مده قصيره من الوقت وصلو ونزلت سجى وجمانه
ورنو الجرس وفتحت يسرى وتوكل قُصي
يسرى حضنت سجى
يسرى : رايفتلك خشن خشن
جمانه رفعت الخمار
جمانه: الله حوش مصقع
يسرى: عليش متعبه روحك ؟؟ عليش هضا كله
جمانه: اول مره نخش عليك ندلعك😂
يسرى ضحكت: عنجدك وجك
جمانه: في اميه قران هذي من قصي ل ياسين قالي يمسح بيها ع وجه واطرافه ويشرب منها
يسرى: سلمه جياب ياخيا
خششت يسرى الشكاير وردت لصالون
جمانه: نتعبك بالله حطيلها ع رسوم شويه وتنعس ماقيلتش اصلا
يسرى: حاضر حطتلها.. وانتٍ اسلحي عبايتك وتعالي نديرو قهوتنا
جمانه: حتى انتِ من عشاق القهوه؟ انا قصي مهبلني عارفه كل سبسي يبي معاه مق قهوه
يسرى: ينعليا ياخيا قصي اصلا إدمان دخان
جمانه: ياسين يدخن؟؟
يسرى: لالا مايحبش
جمانه: تريح منه والله
يسرى : رغم انا نحب بنته😂😍 عارفه حتى لم جيتك نهارتها ماتمنيتش نطلع من بنه دخان قصي
جمانه: ينعلي ياخيا لدرجه هذي
يسرى : وأكثر
جمانه: توا مره جايه نخشكك مكتبه وشمي ع راحتك عارفه مايحودش بسهل من الاتات صعب
يسرى: بككل عارفته كان نعني فيه مع خوتي
جمانه: ايوه
يسرى: نعطي سجى عصير وشكلاطه رد بالك من قهوه
جمانه : تمام
وطلعت نبشت سجى وعطتها
يسرى: تصب في قهوه.. عارفه? يصيرن معنا حاجات غريبه لعند امس ياجمانه نحصل فجعه وحق الله لعند توا مصدومه
جمانه: شن صار
يسرى: تعالي قعدزو
ودوتلها ع صار امس
جمانه: فتحت عيونها بصدمه.. ياسين يدري هك
يسرى: وحق الله صدمه الحمدالله كان عندنا يوسف كان هك را راحنا فيها
جمانه : بعيد سوء عليه كنه بسم الله
يسرى: وانا يحنه تصيرلي خنقه غريبه معاش طايقه لا حوش لا صوت ياسين لاشي
جمانه: اووه ياخيا ايش صاير فيكم اميه اشربي منها حتى انتِ توا نجيبلك اخره بخي في زوايا الحوش والعي سورة البقرة
يسرى:ان شاء الله خير
جمانه: اعوينه بس وطارت
يسرى: وحق الله من ايام مزارعه ماشفنا يوم حلو عرايك مش طايقين بعضنا وياسين رايح اخيي بككككل
جمانه: اممم ياخيا بالكي عشان وضعه بس فتره وتهون ياقلبي
يسرى : ان شاء الله ايش وضع الحمل معاك
جمانه: الحمدالله تصدقي جايتني غير ع نوم
يسرى : تصير يعيوني
جمانه: قهرتنننني صفيه بعدها خاطرها عليش تقولها صفاء وقصي يقول صفيه؟
يسرى: يحنه مختصر مفيد هي عندها اخت توام ميته خلاص امها تقولها صفاء ع اسم اختها لان تحبها بككل ومش قادره تصدق وفاتها يعني كأنه اختها موجوده مشى فيها كانها صفاء بس هي صفيه تبي تفهمي ادوخي را فوتيهم
جمانه: اها
يسرى: تصدقي يوم ماتت اختها امها تمنى صفيه لٍ ماتت مش اختها !
جمانه: ينعلييي عليش ومشاعرها
يسرى: مش عارفه الحق عليش امها ادير معاها هك
جمانه: اممم عارفه استفزتني بيش تنوريني ف سنتر ابتاعي جمانه
يسرى: را كان تمشي مش حتندمي معروفه ف مكياج وعناية إبداع مركز ابتاعها اسمه " سنتر لورين" في بلعون معروف ياخيا
جمانه: والله مانعرفه تعرفي مره وحده خشيت مزين فعمري كله🥲
يسرى : تحكي جد
جمانه : حق الله من تجوزت قصي ماخشيت
يسرى: عليش
جمانه: هك ياحنه🤦🏻‍♀️ هضا قصي حتى تلفون را كيف درلي بيش نرن عليه ونطمن عليه + ماعنديش لا فيس ولاحاجه
يسرى: لقانه واعر قصي
جمانه: واعر وخلاص خليني ساكته بالله
يسرى: عارفه انتِ عشان صبوره يحبك وقاعد معاك ومافيش وليه غيرك تتحمله والله عشان هك ماتخفيش من صفيه مستحيل تتحمله هي وليه منطلقه وعايشه حياتها ب اوفر يعني من الاخر ماتمشيش معاه ومش استايله حتى نسمع زمان كانت امتعبته ديما عرايك وقصص هي عنيده
جمانه: يعني معروفه قصي لصفيه
يسرى: لا هضا كلام كلام مره مره ينذكر لم يطلع تصرف من صفيه يقولي زمان قصي .. بس لم جيت نا نسمع بقصتك انتِ وقصي الحق وكان خاطري نشوفك ودنيا كلها خاطرها تشوفك لسيب صفيه عشانها ويعاند في العيله كلها عشانك حركات وتقولي مش رومنسي يقرده😂🥲
جمانه ضحكت: حطك الهناء😂😂
يسرى: اكيد قالت قديش نحبكم 😂😂😂🤦🏻‍♀️
جمانه ضحكت: ووووه صح
يسرى: ديما تزمزك وبليده بككل انا معمريش تريحتلها اصلا في عيله كلها مايحبها غير عمتي صالحه
جمانه: غيري سيره فيكني منها
//
تسريع الأحداث
مر الاسبوع عادي جدا مافيش شي جديد
زيدان وسيرين زيدان معاش شافها قاعد لهي مع هيثم
ويوسف ونوران مافيش شي يذكر
ايوب جا لبنغازي عشان عرسه ويبي يتمم كلشي بروحه خوته ماينفعوش، وماشى خوه يقعد مع باته
اسيل واحمد مازال مستمر يقنع فيها ع الجواز وأقل فاتحه!
امير ورحمه من يومها معاش تكلمو مع بعضهم وأمير لهي في شغله الجديد
يسرى وياسين نفس الوضع بالزبط مافيش جديد بس ياسين رايح هادي لان يسرى تتجانب فيه وقت الدواء والاكل وتختفي وبدا في علاج طبيعي
//
يوم خروج سيرين حترد بعد كم يوم عشان الجرعه ثانيه وفرحت لصباح بككل 🤍.
حمزه: شن تحسي في روحك تمام؟ كراعيك مش فشلات صح تقدري تمشي
سيرين بحتت في زيدان كيف ماسك اعصابه وخافت يدير مشكله فحولت تختصر الموضوع
سيرين: لا تمام هي هيثم بنطلع اختناق
هيثم: هي حاضر منور حمزه
حمزه: اي خدمه قاعد هنا عشان خاطر عيونكم اصلا
زيدان يتمتم: لقاقه زايده
وطلع زيدان وركب سيارته لجاته بشحن
وشويه وركبو هيثم وسيرين وقاعد يمشي زيدان بس مش طريق شقه
هيثم: وين ماشي يرا امي فشقه تراجي فينا ع غداء
زيدان: راجي بس
وسيرين تبحت في زيدان وزيدان مره مره يبحت فيها خدوده وخشمها الحمر من الصقع لمعه عيونها مميزه كلشي كان فيها مميز بس كيف شفتيه يازيدان انه مميز? بعد تعبتها
ودرس زيدان احده البحر
زيدان ابتسم : انزلو
هيثم: في واحد يمشي لبحر في هل صقع كنك هبل
سيرين ابتسمت وفرحت لان مكان لتحبه وتتريح فيه البحر
ونزلت بفرحه ومشت بخطوات سريعه ع شط لكان فاضي وهادي مافيش الا صوت الامواج وقعدت تبحت في بحر الامواج العاليه وتنفس الهواء النظيف
زيدان: هي انزل يرا
هيثم: مانيش نزل صقع وخليها تمرض هبله هذي رياح ومنعتها ضعيفه
زيدان: اسكت بس فال الله ولا فالك
وكر كبوطه ومشى لسيرين
سيرين: هي تضحك..يهبل الجو
زيدان: البسي الجاكه صقع
سيرين: لا جو تمام
زيدان: قلتلك البسي فكيني من العنادك
سيرين لبست وقعمزت ع شط هي تتأمل جمال البحر وبحتت في يدها كيف ناقصه بككككل وجسمها ونزلن دموعها
زيدان سيبها ع راحتها ووخر
قعمزت سيرين لين تغير وجوها وسعت ع خاطرها
وهيثم يبحت من بعيد فعلا سيرين كانت مبسوطه
سيرين جات لزيدان: هي نروحو
زيدان: هي خوك قاعد يخاطب
سيرين: هي
ومشو لسياره
//
غزل فمطار تراجي في طياره هي وامه لقعدت صحتها كويسه الحمدالله بس تبي اهتمام ولا زعل لا حد يضايقها
قعمز جانب امها عمر شمت عطره قبله ب هل بدله الرسميه السوده وساعه ماركه في يده وخاتم وكندره تلمع كان كل شي فيه يلفت
عمر: السلام عليكم ياحاجه
ام غزل: وعليكم السلام ياوليدي تفضل
عمر: كيف حالك
غزل تبحت فيه وتنفص
ام غزل: تبحت فيه ومستغربه كيفف واحد كيف هضا يحكي معاها وشكله كانه شخصيه مهمه
ام غزل: الحمدالله وانت
عمر: الحمدالله بأفضل حال من بنغازي يمي
ام غزل: اها ياوليدي
عمر: انا عمر فلان الفلاني من بنغازي منطقه " ..." {منطقه راقيه بككل وكذاب مايسكنوش فيها} خريج ادراه أعمال وحاليا تاجر شنطه و راجل اعمال
غزل تبحت في بصدمه هضا كنه وتبحت في سنونه مستفات ويلمعن عطك كسره لي هل اسنون يارب
ام غزل ابتسمت وفاهمت عطول ايش يقصد: تشرفت بيك
عمر: نا ناوي الحلال جانبك بنتك صح كان مش مخطوبه ولا حاجه؟
ام غزل: لا بنتي
عمر: عطيني رقمك ورقم الحاج ياامي كان مافيش مانع وبيش نجيب هلي وان شاء الله في نصيب
ام غزل فرحت وابتسمت لان كلام عمر وهيئة تخلي اي ام تفرح ب بنتها جايها عريس زي هضا وعطته وشويه وركبو الطياره
غزل ربطت الحزمه: امي الغي فكره من راسك لا يجيب هله لاسوء
ام غزل بجديه: لمتى بتقعدي هك وانا نبي نتريح عليكن انا وباتك كان تصيرلنا حاجه لا عمامكن ينفعو لا خوالكن ولا خوت لمن نخليكن ونا وباتك امرضه وفي نهايه عمرنا
غزل دمعت: بيعد السوء عليكم اهدي يمي ودوه واجد مش كويسه عليك
ام غزل :
#تبع

مش مسامحه اي وحده تقرا ماتتفعلش