لكل شخص حكايه
حلقه41
كادي إبراهيم.
_______________________
نوران:خلاص معناها صكري فمك
حور: اوكي حتنا حنظم فمي
نوران سمعت يوسف يحكي بتلفون جاذبها الحديث
نوران: صكري توا نعود عليك
شذى: كان ماتحبهش را ماشغلتهش عندكم
يوسف: نحبها نحبها زف شنو جديد ، بس تحلم نردلها هل*** مقرفه هي صكري شله**
وصكر يوسف وهو معصب هو يتمتم واختفى الصوت ع نوران
ونوران.. مش عارفه عليش زعلت وجعتني وجاني فضول نعرف عليش سيبو هو يحبها هكي بس من سبه لها لين جسمي قشعر كانه موضوع فيه وسخ مش صافي وخشيت جوا ماعنديش نيه نرد ع حور تنكدت!
جوا الرجاله كان كلهم جوهم سمح ويضحكو الا قصي متنكد جاته بنته تجري
سجى: بابا
قصي: نعم
سجى: هي نروحو
قصي: شنو منوضك لتوا أنتِ هي
يسرى: شنو راسه ابيض
ياسين: اها تشحورت انا ندور في راسه ابيض
يسرى: باهي
جا فؤاد
فؤاد: بعد صلاة العيد طول نطلعو يدوب نوصلو
محمود : انا نصلي ف جامع احدايا ونطلع ع غادي
صلاح: ميه ميه تمام
زيدان: الله الله لمو حاجتكن من توا را تنسن حاجه فكونا من شحوره عصبح
...: تمام
يوسف : تصبحو ع خير ياعيله
...: وانت من اهله الخير
وطلع
محمود: هي يابنات
فايزه: هي
لبسنا وشحاتنا وطلعن
محمود: فايزه اركبي مع نوران
زينب: بنركب مع بابا ومشت ع كراسي القدامي تجري
اسيل : نا مع نوران
محمود: الحقيني
نوران: تمام
سيرين: كنك قالب وجك
زيدان: لا جوي سمح
سيرين: نعرفك من صوتك را كنك
زيدان: خالد
سيرين: ههههي كنه
زيدان: شي خلاص
سيرين: دكتوري كنه
زيدان: بعصبيه.. ماتقوليش دكتوري ز*** دكتور وخلاص
سيرين: سكتت ..به بنصكر ماشيه لعياده
زيدان: زعلتي مش قصدي بحت ف ساعه لها 12
زيدان : كل عيد وانتِ معايا
سيرين تحشمت وخشت في بعضها : كل سنه وانت طيب
زيدان: وانتي طيبه
سيرين: اوك زيدان توا ادعيلي باهي
زيدان: حتطلعي طيبه بإذن الله ماتخفيش ياريتني جانبك
سيرين: ان شاء الله اوك
وصكرت قاعدت تبحت ف شعرها الحلو وتبكي
صالحه خشت: كنك بنيتي بسم الله
سيرين: كله حيريح توا
صالحه: اهم حاجه صحتك
سيرين: شعري ياماما 💔
صالحه: حضنتها.. كله يتعوض توا تصحي ويطلع احلا من قبل
سيرين: حيقعد منظري شين
صالحه: يابنتي فتره وتعدي ويطلع شعرك
سيرين:...
هيثم: هي لبسي تي كنك تبكي
صالحه: هي توا نلبسو
هيثم: سيرين كنك
سيرين: خلاص شي خليني نلبس
هيثم: به
وتوضت سيرين وصلت كل ماتسجد تبكي ودعت لربها لين طاب خاطرها ولبست وطلعو .
..
قصي: تمام ياجدتي
جدتي : هي توكل
قصي: اوك
ومشى لحوشه وفتح باب وصكر وخش الحمام
جمانه خشت طرف ع روب ابتاعها غيرت لسجى ورقدت سجى طول
قصي : توا تبدا في نكد خودلك اسبوع عليك معيشه
دوش ولف منشف وطلع خش الدار هو كان متوقع ي راقده ي تبكي ي تهزب لقاها لبسه روب ابيض طالع عليها خيال وهي ايه من جمال بمكياج ثقيل وشعرها مطلوق وعطرها معبي الدار
جمانه: قربت منه .. قصي
قصي: ها كنك
جمانه: اسفه والله مش قصدي اخر مره
قصي: تبعد منها وخدا دبشه لي موتيه له وخش يلبس ف حمام
جمانه: اصبر بس😂 حودت الطرف ع الروب
طلع قصي
قصي قرب منها
قصي: شنو سماحه هذي وين دستيها
جمانه بهمس: نحبك
قصي: باسها
جمانه: مش ناوي تعتذر
قصي: ضحك .. حنعتذر بطريقتي كلا اسف هذي فكيني منها نعرف كيف نعتذر
جمانه: ضحك ورفعها قصي وباقي مش شوري لا شوركم
جمانه: شافت التلفون..هههههي قصي مازال ساعه ع صلاه العيد سيبني
قصي: تحكي جد
جمانه: وحق الله بسرعه خش دوش شنو بتلبس
قصي ناض: جلابيه البيضاء شريتها نهارتها
وخش يجري يدوش
جمانه حددت الجلابية وطلع قصي لباسها جمانه تبخلها ف عطر
جمانه: كل سنه وانت طيب حبيبي
قصي: وانتِ طيبه ومعايا اسمعي فوتيني زف معاش في وقت لدوش اخر خليني نمشي نصلي
جمانه: ضحكت
قصي: البسي وحطي دبش ليومين مشينا لمزراعه
جمانه: تمام
وطلع قصي لقهم كلهم واتيين عيدو ع بعضهم وع جدتي ومشو لجامع💗.
بنات يلبسن ويوتن ف ارواحهن.
نوران: بالله عليك وقت استشوار؟؟؟
اسيل: خطايني بس
زينب تحط في دبشها: را عيد أضحى مش عيد فطر
اسيل: عليك سكنان
فايزه: بنات خليكن واتيات يجي باتكن نطلعو طول
نوران: تمام
فايزه: هذي من جدها تستشور مش بعدين حدوشي ياخمج
اسيل: دوشت توا مش حنقرب شي بيش ندوش😒
فايزه: بنت هذي كاينه
زينب: بكككل
مشى الوقت وطلعو من صلاه العيد
محمود يبيب
فايزه: هي بنات
صكرت باب الحوش وطلعن
محمود: اسيل را يومين مش سنه شنو شناطي هذينا
اسيل: بابا😭🥺
محمود: بنت هذي كارثه 😂
اسيل: صار طلعت كارثه وكاينه شكرا
محمود: عفوا يابابا
فايزه: مزراعه نظيفه
محمود: امس بنقلا نظفها وثاني سقم الشجر وزرع قاعد لاقوه الا بالله اساسا امير كل شهر يجب فيهن هذوما ينظفو اصلا ديما فيها
اسيل: هي نفسها نحق ف بنات سيدي زمان ينزلن ف حصان فيها
محمود: هي اها ابتاعات امير موهبتها هذي
اسيل: ماشاء الله مكثر مواهبه
محمود: ماشاء الله اسس هيثم يرن
هيثم: الو عمي
محمود: اهلين ياعمي شنصار
هيثم: الحمدالله نجحت عميله بس هي منهاره بككل حلقوها صفر مانرنوش عليها فيديو بعدين
محمود : ماتقولهش
هيثم: الله غالب نا خشيت هزبتني وتخبط عطوها منوم رقدت
محمود: ربي يشفيها مهم صحتها
هيثم: اقنعها عاد مصكره راسها ،مهم وحيد حصلتك باقي محد يرد اكيد مازالو يعيدو ع جيران بيش تقولهم وجدتي ماردتش
محمود: تمام حاضر
هيثم: تي كل عام وانت بخير نسيت بككل
محمود: وانت طيب عادي
هيثم: مع سلامه عيد ع عمتي وبنات
محمود: يوصل مع سلامه
وصكرو وقالنا بابا كلهم زعلو بس فايزه فرحت مهم عمليه نجحت ونوران عيونها دموع لانه عارفه سيرين اكثر حاجه تحبها شعرها .
وصلو مزراعه بعد حوالي ساعه ونص بعيده بعيده كانت فتح غفير الباب سلم ع محمود وعطه مفتاح وركب سيارته روح
وخشين كانت مزراعه خيال خياال تتعبي انتي تقولي سمحه ونفسيتها حلوه وجوها حلو
اسيل: وين حولي ابتاعنا
محمود: اتنين هضا وهضا
اسيل: كنه راقد خلاص بتموت يابابا نوض
محمود:انت مش بعقلك😂😂
زينب: وووع بنه شينه
محمود: من يكمل علينا ف لحم حولي يادبه
زينب: باباااا😂😂😂
محمود: خلاص قولي وووع " قلدها" ماتقربيش بعدين كبده بس ولحم نهارك
زينب: لا خلاص بنه توهبل
اسيل: توهبل بواو بككل
...
جمانه ركبت هي وقصي وسجى وسيارات باقي العيله قدمهم
جمانه حست بشعور حلو اول مره تطلع وكل عارفها مرات قصي
قصي: وشوشلها .. خليت رقبتك خريطه بيش وشاح مايتحودش من ع راسك
جمانه: خلاص شعفت
سجى: شنو تحكو
قصي : تعالي يابابا
نطت سجى قعمزت ع حجر قصي
جمانه: سجى حركيه مش حتريح في سواقتك
قصي: بنيتي هاديه صح ولالا
سجى: حطت راسها ع صدره.. بنرقد بعد يبدأ عيد نوضوني
ضحكو
قصي: ولعي شي اغنيه تمشي هل طريق طويله
جمانه: ليبيه را
قصي: صبح ناس تولع ام كلثوم فيروز مش عياط
جمانه: فوتني معناها
قصي : توا نولع نا
جمانه: اصبر نولعلك هذي
ولعت وجا جزاء لتبيه
جمانه : ماعندي غيره هو طيري ونا طيره لكن مهبلني بغيره
مايبي حد يكلمني هههي💃🏻
قصي : ضحك اصبري في اغنيه نزلتها عشانك
ولع قصي
قصي:نرجع ونرضيك ضحك نعوضهلك
عشقي فيك إدمان في بركان
مايطفش قد كتبت كلام وكلام مايوفاش
عشاناhistoire مكتوبه ماتنسش
قصي مسك يدها وباسها: قوليلي اش تسوا الدنيا اذا انتِ مافيهش؟
جمانه: عيب بنت
قصي : عادي بلعكس تشوف باتها وامها يحبو بعض هكي حتحس بالأمان عكس لم نتعركو ديما خليها تشوف جزاء حلو بيناتنا حتى لو مره شفتنا عرايكِن حتنسهن
جمانه: تربيتك وحر فيها انا خليني مع عيل
قصي: حتكون بنت
جمانه: اوليد ونسميه ريان
قصي : بعع عنجد ريان لالا بنت حتكون سيلين
جمانه: خلاص خلي يمشي هل شهرين ونعرفو جنس البيبي
قُصي: ذكور مانبيش
سجى: ودكت راسها ف حضن قصي
جمانه : حسدتها انا ع رقده هذي
قصي بهمس: جايتك بعدين وسعي بالك بس
جمانه ضحكت: قطعه في لساني حتنا
قصي: ضحكك.. شفتي الثور هشام وزيدان كيف يجرو
جمانه: اختفوا بككل معاش شفتهم
قصي: ديما اعناد هما من يوصل الأول فيها فلوس😂
جمانه: زعمك من حيفوز
قصي: توا نشوفو
أنت تقرأ
لكل شخص حكايه
Romance(روايه لكل شخص حكايه كل شخص في روايه عنده قصه وعنده ماضي وكل قصه حستفيدو منها روايه كوميديه ودراما وحب وأجواء عائلات الييبه ) بلهجه العامية اليبية الشرقاوية وقليل من لهجه الغرباوية. الكاتبه:- كـــــــادي إبراهيم .
