لكل شخص حكايه
حلقه50"جزاء الاول"
كادي إبراهيم
___________
هشام يحول يرن ع هبه ماتردش عليه استغرب وعود رن عليها ف عز هو يرن ع هبه رنت ملاك!
هشام: عقد حواجبه باستغراب
هشام: ازعمك رقمها هضا ونهلوس انا ؟
ورد عليها
هشام: الو؟
ملاك: ايوه هشام؟؟؟
هشام: بتجاهل ..نعم من معايا ?
ملاك: ءءء ملاك هشام معرفتنيش
هشام:بعيططط.. ملاك ملاك شويه ملاك ؟ملاك لضحكت علياا احمم ولا ملاك لبسهوله باعتني عشان فرخ حرام؟؟؟ شن دار فيك فضح بيك وقاعدت سيرتك في كل لسان ؟ خلك تطلعي في عز ليل ف شارع زي هبله تجري وقميصك مفتوح ومنظرك المزري كان طحتي في ولد حرام اخر كمل عليك هضا لتبيه انتي هاااا ؟؟؟ كنتي معايا معززه مكرمه ولاه ؟ لعبتي بذيلك ليش ؟ عشان قلتي عليا ابتاع بنات وتلعب بيا شفتي من طلع يلعب بيك
ملاك: زي العاده ياهشام زي العاده نرجسيه هذي اطلع روحك بريء في الحكايه كلها انت لكويس ف قصه انت ماتغلطش شن مرض نفسي هضا ؟؟؟؟شن تكبر لعندك هضا
هشام: اسكتي بالله اسكتي عندك وجه تحكي معايا اصلاً؟؟؟
ملاك: اصلا انا كلبه لرنيت عليك.
هشام : يحول يكون هادي زي عادته. صحححح صححح صكري هي
ملاك صكرت الخط بعصبيه
هشام: فتح بطمه قميصه يحول يكون هادي شوية
//
نمشو لمُصر شويه :-
غزل في ممرات المستشفى البارده وسط صوت البكاء حاله ماتت وسط صوت فرح حاله طلعت وربي كتبلها عمر جديد وسط دموع فرح وحزن هي مقعمزه بروحها ع كرسي .
بروحها وخوف مسيطر عليها خوفها ع امها خوفها بروحها خوفها تروح بنغازي بدون امها توتر توتر فقط امها طولت داخل غرفة العمليات
غمضت عيونها غزل وعبره خنقتها
قعمز في كرسي لجانبها عُمر
هي شمت بنه عطر رجالي قوي بحتت جانبها
غزل: بدون ولا صوت ولا تعبير ولا تهزيبه غيرت اتجاه نظراتها شور باب غرفه العمليات بكل تجاهل كانه ماشفتش
عُمر: كنك
غزل: صوتها رايح من بكاء .. شي
عمر: من عندك ف غرفه عمليات
غزل: مش شورك بيا كنك وين مانمشي نشوف وجك خطاني يرحم بيك
عمر: وسعي بالك ياحلوه
غزل: را ماعنديش حيل لكي فوتني
عمر:به وسعي بالك بس خليك قويه كيف عادتك
وناض وقاعدت تبحت فيه لين اختفاه كلامه كان حلو بس نظراته عيونه تحكي شي ثاني مطنش ابدا
غزل: نضت مشت شور الحمام غسلت وجها وتنفست بقوه وطلعت تراجي ودقيقة تمشي كانها سنه بالنسبه لها .
//
عند حوش العيله كان مليانه وهرجه وبنه العشاء فايح والكل شي يحمد ع سلامة حفيدهم
خش عليهم في مربوعه بكرسي متحرك بخطوات بطيء اول ماشفه ياسين ابتسم وسلموا ع بعضهم سلام حار❤.
فراس: قرب من ياسين .. الحمدالله ع سلامتك ياخويا
ياسين: ابتسم .. الله يسلمك امتى جيت هنا؟
فراس: ماليش ساعه عطول جيتك
ياسين: زارتنا البركة والله..شخبارك شنلمور عندك
فراس:تسلم ياغالي .. نفس الوضع
ياسين: ربي يلطف بحال
فراس: يارب شن صار معاك وكيف صار الحادث
ياسين: والله ياصاحبي
وقعدو يهدرزو مع بعضهم كانهم لهم وين ماشفو بعض وحيد قادر يخلي ياسين يهدرز معاه وغير جوه شويه !
فراس: نستاذن منك توا انا اسمع زي ماقلتلك وسع بالك وأمور حتنحل وحنديرلك حل حنجيك مره آخر ونحكو ع روق اكثر
ياسين: باذن الله
فراس: تم ياصاحبي توا
ياسين: تم من بيوصلك ؟؟
فراس: منظم اموري ماتفكرش فيا
ياسين : تم
وطلع فراس وهو يكر ف كرسي متحرك وكان في قمه السعاده كان مع رفيق العمر
بعد العشاء بدا العدد ينقص لين قاعدو أصحاب الحوش بس !
واخيرا حصلت فرصه يسرى تخش ل ياسين لمربوعة فاضيه
أنت تقرأ
لكل شخص حكايه
عاطفية(روايه لكل شخص حكايه كل شخص في روايه عنده قصه وعنده ماضي وكل قصه حستفيدو منها روايه كوميديه ودراما وحب وأجواء عائلات الييبه ) بلهجه العامية اليبية الشرقاوية وقليل من لهجه الغرباوية. الكاتبه:- كـــــــادي إبراهيم .
