لكل شخص حكايه

34

لكل شخص حكايه
32
مر كان يفتش حد يهدد فيها ولا حاجه مالقش شي!
معتز كر منه تلفون!
معتز: كنك انت من امتى نعاملو ف اختك هكي؟ نسيت وصية باتك هذي؟؟؟ تبكي في اختك؟
عمر: من حقي نشك معتز؟لي دراته مش شويه را
معتز: تراه انتلف برا احسن؟
عمر: تي انت كنك ؟ تي باهي توا نطلع بس حول تفهم منها!
معتز: قلتلك اطلع انتلف
امال خشت : كنه صوتكم عالي
عمر طلع هو معصب مشي ل حوش امير!
ونزل من سياره قدم سياره غزل ويشوفها!
عمر: يابنت اهوووي انتي
غزل صكرت باب سيارتها وبحت فيه: ؟؟
عمر: كل شويه طلعتيلي
غزل:والله انت في كل مكان نشوف فيك
طلع ولد خالها يفنص
انس: مع من تحكي انتي
غزل: مش شورك بيا 😒
وخشت
عمر: تفضل كنك قريب تضرب؟
انس: شنو تعرفها تحكي معاها؟
عمر: مانعرفهش غير قريب خبطتها
انس باهي تفضل غير مكان سيارتك معروفه محد يدرس قدم حوشنا
عمر: والله شارع بوكم امالا؟
.انس: ماتكثرش دوه ياشاب وحودها من قدم حوش
عمر: يتكي ع سيارته.. شنرايك مانيش محودها وحترقد معكم ليله
انس: حط يده ع كتف عمر.. تبي نمدو يدينا شكلنا؟
ع طلعت امير قدم حوش وبحت باستغراب إتجاه عمر وانس
امير:  عمممر
عمر : شويه بس توا نجيك
امير قدم شورهم
امير: كنك انس تهزب صوت عالي شنفي؟
انس : انتَ عارف محد يدرس قدمنا ولالاه؟ خليه يدرق وجه هو وسيارته
امير:  غير احكي بأسلوب قبل
انس:  يبحت في عمر وابتسم ...خلاص توكل وخليها
عمر: هي امير سيارتك وين نطلعو بيها
امير: تعوذ من شيطان وركب سيارتك
عمر : مانيش سيارتي بايته هنا يوم
امير:  عليك قصه
وانس خش لحوشهم وطربق باب
امير  : را معروف هضا وهو وباته حاصله حاصله ومريض نفسي عيله مكلوبه
عمر:  ماهو منهم بنت هذك
امير: كيف؟
عمر: منهم بنت ابتاع مطعم
امير: تهلوس انت كلشي تقول فيه بنت
عمر:  وحقربي ..وشيرت ع سيارتها.. اهي سيارتها نزلت منها توا!
امير: غريبه ولا مره شفتها هنا
عمر: ع اساس انت تركز ع ناس
امير : هي باهي لكورج سيارتي غادي
عمر: قاعدت شوفير ابتاعك
امير شاير ع كراعه: نمشو لعياده انتفخت
عمر: هضا ** اعنادك اصلا
امير: هي بس مش قادر نمشي عليها زف
ومشو للعياده وبعدها للحلاق
___________________
فارس:-بعد روحت من صلاه فتحت تلفون وفرحت لم لقيتها رده عليا !!
لعند قاطع عليا صوت نكره نتمنى نقتله، كان موت في يدي را طلقته عليه من زمان
فتحي: هي ماتسمعش ف امك تندي فيك ولا اطرش ومشلول؟
فارس بحت فيه وهو لا حول ولا قوه
امه: فااارس فتحي هي غداء
فتحي ضحك ضحكه خبيثه: فارس وانت مش فارس بككل
فارس: مانبيش نسمسم واطلع من داري
فتحي: ابتسم.. يكون احسن
وطلع
امه: وين فارس؟
فتحي بخيبة امل: نقوله هي يافارس كول معنا ونجدا فيه مايبيش ولدك عرفتيه يكرهني؟
امه: ربي يهديه
فتحي😢:.حتنا ماعنديش نيه بلاه
امه: غير هي بس سمي الله وكول
__________________
بعد مرور ساعات
بعد اذان العشاء.
امير:  اركب سيارتك وفوته انس
عمر: بايته يعني بايته خلاص خليها
امير:متعارك مع هلك انت؟
عمر: اها كيف عارفت
امير: حسيتك جوك؟ ان شاء الله بس مش موضوع اختك
عمر: اها
امير: خش نشربوِ قهوه ونحكو
عمر: فوت
امير: قلتلك خشش هي
خش وعمر لجنان
عمر:مكان لنحبه ف حوشكم
امير: كلنا نحبوه😂
عمر: شنو درتلك دكتوره قاعدت زي الحصان
امير: شنو تبي ادير صوره ودواء بس مسكن خطير
عمر:طرف 20هي😂
امير: وريني بنت شينه ف عينك
عمر: فرخه هذك
امير: مشكله احلا منهن كلهن ل عجبتك
عمر: بالكي عجبتك امير🤨
امير:ضحك..  تعال اضرب يا**
هيثمِ:سلام عليكم
امير: وعليكم السلام
هيثم: هرجه شخبارك
عمر: الحمدالله وانت؟
هيثم: ماشيه نوصيلكم ع قهوه
امير: لا بنصبي بروحي ونعطي جدتي امانتها را ننساها
هيثم: يرا كراعك خليك
امير: لا تقول ايش قاعدت
عمر: دكتوره لتقول ايش😂
هيثم: تمشي لدرايق ياامير
امير: لقانكم وسخين
ومشى خش خبطت فيه اسيل هي تحكي بتلفون بعصبيه
امير : ماتشوفيش انعميتي؟
اسيل انصدمت بشكله بعد حلق كان شعر مغطي ع ملامحه الحلوه
: شويه توا نعود نرن
وصكرت
اسيل : معليش
امير:  عمى ان شاء الله مبرد دمك
وخش اسيل
اسيل: قالك يحبك😂عليك ضحك
وردت ترن ع احمد
احمد: صوت امير؟
اسيل: باهي خبطت فيه بالغلط؟
احمد:بعصبيه.. بالغلط بالغلط؟ واو مره هذي خبطه وثانيه شنو حتكون؟
اسيل: كنك انت سادك تهزايب يوم؟
احمد: بعصبيه.. خليه امير ينفعك يحبي
اسيل: احمد
صكر ف وجها ونزلن دموعها
امير مدلها ظرف
جدتي : يعطيك الصحه ويحفظك لنا
امير: ويطولنا في عمرك
امير بحت ف صباح ل تخمم ف عرسها
امير: صباح بالله قهوه
ساره: انت وعمر نحطوه ف كتيب العيله😂
امير: شندخلك يرا😂
ساره: نعيما نعيما خطيره بككل را
جدتي: ماشاءالله ماشاء الله تقول بدر خيرلك من شعر
زينب:  ماشاء الله احسن اها
امير: هي قهوه بلا سكر وتلج نحطه ع كراعي
صباح: هي حاضر دقائق بس♥️.
وعطته
وطلع امير :
تحكي مع *** احمد شاطره ماغير تحكي معاه  ع24 تحكي تحكي ماتسكت بككل
وتلاقى معاها ف نفس المكان ودموعها ف عيونها
امير :كنك
اسيل:مسحت دموعها بقوه.. كله منك كله منك
وخشت
امير بحت فيها وخاطره يلحقها بس فاتها ومشى ل عمر هو مضايق لقهم يهدرزو ومعهم زيدان ولقصير وهشام وهيثم  ويضحكو
امير: ماشاء الله امتى جيتو
عمر: انت ل خشيت معاش جيت
زيدان : باتت جوا
هشام:  تلعبو كراطه
كلهم: هي تلزم 
هشام صبي: نجيبها من سياره بس
امير حط تلج ع كراعه وحطها ع كرسي هشام
جا هشام فيده كرطه
هشام: يبحت في امير.. والله  !
امير: غير جيب كرسي وتعالا😂
هشام: عزق لزيدان كرطه.. دير جوك لين جيت 
وجب كراسي وحط طوله بينتهم ويلعبو وصوتهم عالي
مسره: شباب وتلمو شنو يوطي صوتهم😂
ساره: اجعاز بككل
نوران: مش غير
اسيل كانت ساكته وشي غريب
صباح: اسيل كنك شنفي؟
اسيل: تعركت مع احمد
صباح: باهي تصير عادي العرايك
اسيل:  انا تعبت منه
صباح: تعوذي من شيطان كنك
اسيل دموعها نزلن: حرفيا من يوم الخطبه ونحنا مشاكل ف مشاكل
صباح :تي أمسحي دموعك ياهبله.. اعوينه اعوينه بس
اسيل: كان نموت ونتريح!
صباح : بطلي ياعبيطه من يختارلي مكياج حي عليا😂😭
اسيل ضحكت:خزي يكلبه كان نموت تبي اديريه مازالتي😭😭😂
صباح : ايوه اضحكي مش ماشي معاك البكاء
زينب: شباب يبو مكرونه نوضن ديرن معايا
اسيل: باهي هي
صباح : خلاص اسبوع اخر معاش نخش مطبخ نا عروسه 😂😂😂
زينب: عليك ضحك تي هي نوضن
ومشن مع بعضهم ولحقوهن باقي بنات ويديرن ويضحكن وجو حلو♥️.
//
بعد روحو عيت محمود وشباب كل حد ف داره
بس مازلو امير وعمر
امير : الي درته ياعمر غلط كبير بككل
عمر: شنو درت يرا تقول قلتلك دقيتها طريحه
امير: حتى لووِ، يرا
عمر : يرا خطاني لدرته صح
امير: في عرسك صح ، مش بعقلك انت كنك
عمر: لي درته شويه؟
امير: مش شويه نمشي نفهم منها لا نزيد نخرب نفسية بنت اخر ماتستفيد شي
عمر: رِ خليني ساكت بس
امير: اسكت احسن اصلا
عمر:باهي هي بنروح؟
امير: خليك بات معايا
عمر: لالا حيجيني ولد خالتي
امير بشك: شنو قصته ولد خالتك هضا
عمر: بتوتر ..شنو قصه ولد خالتي
امير: اممم
عمر: قاري فيا فاتحه
امير:  ياتيس مش هكي ماعمريش شفته معاك قصدي ، لا دويلي عليه رغم نعرفك من نحنا اصغار ولا مره جبت سيرتهِ
عمر: خلاص زح مافيش شي
امير : تعال اضرب!؟
عمر رن تلفونه
عمر: ضبع توا طلعلك هي 
امير: صكر باب ورك
عمر:  تمام
طلع عمر وصكر باب ينصدم بسيارته العجل مفشوشات
عمر : ولد **** والله ليلتك سوده يا***
ضبع : تي هي
عمر: شويه بس وطق ع حوش انس
كانه وره باب فتح طول
انس : بيش تعرف وين ادرس مره اخره!
عمر: كره وضرب
وصوتهم قاعد عالي وهرجه وضبع بيناتهم
امير سمع الهرجه وطلع ويحز بيناتهم حتى هو وطلعو خوت انس وقعدت هردميسه وشباب طلعو وزيدان عطول يضرب بلا مايفهم
امير:  مسك عمر.. هشام امسك هبل زيدان بس
ويمشي ضبع لسيارته لي تدقل اغاني ومظلمه ويطلع مسدس ابتاعه
ويطلعو فؤاد وصلاح بعد سمعو صوت السلاح
وتحزت بيناتهم بعد رابع ساعه"وبنات من رواشن يتفرجن😂"
ضبع: سياره تقعد عندك بكره انجي نلقى العجل امورهن طيبه فاهم ولالا
انس يبحت فيه ومنظر يخوف: باهي مش قلت لعمي صلاح باهي خلاص
صلاح: خلاص هي شباب
وخشو الا امير وضبع وعمر
امير يبحت ف ضبع يتقرف: من هضا ماتقولش ولد خالتك
ضبع استغرب ؟
عمر: بتوتر يفنص ف ضبع.. ولد خالتي اها
امير  : ماشاء الله ولد خالتك واسلاح ديما ف سيارته ومنظره هكي؟
ضبع: يبحت ف امير.. مش عجبك منظري استاذ مرموق؟
امير: مرموق؟ !!
عمر : هي مع سلامه هي ضبع
امير يبحت في امير زين وحس انه لي حاجه وره موضوع!
ساره: من هضا
سيرين: مش عارفه قريب تكت عركه مع امير وهو فطنتي
ساره: حسيت نقاش ساخن بينتهم
سيرين : بكككل
ساره: وبس زيدانك😂 إبداع ف ضرب يمسح كبد
سيرين: زيدانك😂😂عطك خير
ساره: تعالي ف قروب اكيد بنات يحكن ع عركه
سيرين: اها ومسره تندب من بدري😂😭😭.
//
انا: شنفي ف قروب العيله؟
زينب: في عركه
انا: نسجل .. تي شنو فيه عركه ايش ونتحكن مع بعضكن وضربتنا ف ساس
صباح تسجيل: هي عليك يما صار وحيحي
زينب: احكن كويس ياخروات 😭😂
ساره: ياريت صورت
اسيل :ياريت قعدنا😭😭😭
صباح: تكت عركه بين امير وعمر وشباب وجيرانا ل قدمنا سبب مش عارفه جينا ف نص عركه بس زيدان نزل يجري فطنت
انا : حي حي
مسره: موضوع مش هنا!! ف شاب مع امير معاه مسدس وشلتوت بككل وسياره طول عركه صوت اغاني فيها عالي ماسمعنا شي
اسيل: ماصارت لحد شي
صباح : ماصار شي الحمدلله
ساره :بس يابنات جو من الاخير
صباح: اول مره نشوف وحده تحب عرايك هكي ، امي كملتها  تاكل ف حشبه  فجعه
ساره ،سيرين لانهن عند.جدتهن كانن
حتى جدتي عليك ضحك
زينب: ياريتني قاعده
//
ضبع: كنه صاحبك هضا يبحت هكي
عمر: مش شورك بيه
ضبع: ماقلتليش عندك صاحب مرموق؟
عمر بحت فيه زين: مش شورك بيه ايوه
ضبع: به هي انزل!مره هذي حتاخد سياره وتمشي انت مع مجموعه
عمر: كيف مانقدرش عندي شغل صباح؟
ضبع: شغلك هضا يجيك اضعافه في مشية ليوم! 
عمر: جديات
ضبع: اها وتقدر ادير لتبيه وتسافر وجو طخ تبعني بس
عمر: هي باهي
وخشو
.. : مد لعمر مفتاح سياره كانت دفع رباعي ابتاع صحراء.. امسك وتوكل مع باقي شباب واول مره انت تفرج وتبعهم اضيع ف طريق ماعد يلقوك صحراء يابرو
عمر: تمام هي
ومشى كان معاه شاب بعد 4 ساعات
عمر: مازالنا خلاص بنطيح ع وجي وراسي صدع رهيب بكككل
شاب: مازال نعطيك حبه تصحصح
عمر: حبه شنو
شاب: بنادول
عمر : هاتد به
//
ف صبحِ"
يوسف هو يحكي مع اصحابهِ وتعبانين!
تجي رساله " كان ماروحتش يوسف امك في ذمه الله "
ودزله مسج صوره حوشهم!
يوسف بحت وتهزاء يحسبه رائد
يوسف: رائد
رائد: نعم سيدي؟
يوسف: سيدي من امتى احترام هضا
رائد: طبس راسه
يوسف: تلعب انت من وريا؟
رائد: لا
يوسف:  يدف  فيه..كيف لا تلعب مع الأمر ابتاعك انت فاطن لروحك
رائد: وحقربي ياسيدي مش شوري بككل تعال بنقولك حاجه
بعدو من الشباب
رائد: بحت اسمع
كان مكالمه بينه وبين هيفاء
هيفاء: شنصار عمري درت لنبيك اديره ليوسف
رائد: هيفاء اسمعي
هيفاء: تي مش اتفقنا نديرلك ليله نار ماعمرك تنساها خلاص شنو بنسمع اخره؟
رائد: انا يوسف معاش نديرله شي!
هيفاء :عليش عليش ؟؟؟
رائد: اول حاجه ماسك عليا حاجه كبيره ومعاش نقدر ندير ولاحاجه حينهيني
هيفاء: ياربي صكر صكر
رائد: بيش تأكد
يوسف: بعصبيه وين تعرفها هيفاء؟؟؟
رائد: من مايعرفهاش هيفاء ياسيدي🤨! اوسخ بنت ممكن تشوفها هي
يوسف: درق وجك
رن تلفونه كان رقم نفسه ابتاع مسج
...: امتى بتروح
يوسف يحول يذكر صوت وين سمعه!
. .: نعطيك فرصه 24 ساعه ماتكونش ف بنغازي امك ف ذمه الله تاخر25 ساعه تجي تعزي مرات امك باتك بس الأم احسن ولالا زيدان خوك اي حد من العيله الكريمه¿
يوسف: تي من انت زف! كيف24 ساعه نروح عارف انا وين لعند نطلع من هنا تبي .8 ساعات!
...: باهي يكون مازال في وقت
يوسف: تي من انت ****
...: بلا سب تروح نتلاقو وجه لوجه!
يوسف: باهي نقولك حاجه أعلى ما في خيلك اركبه عقب وهمي!
....: تم بيدك درتها يا الأمر يوسف🤨
يوسف ضحك: تم
//
قصي : يبخ ف عطره ...جمانه تبي شي قبل مانروح؟
جمانه:  لالا سلامتك!
قصي : تمام هي مع سلامه
جنى: بابا ماطولش باهي!
قصي : حاضر يابابا🤍
وطلع قُصي ولع سيارته ومشى! بحكم انه يسكن بعيد  فكان يطلع بدري بيش يوصل لحكمه وقت المناسب
ويدرسن عليه 3 سياراتِ مظلمات! 
لانه هدواء ومنطقه قليله السكان قدرو يخطفو قصي بكل بساطه!
قصي فتح عيونه
قصي :من انت  شنو تبي فيا ناقصني نا
...:  مغطي وجه..ضحيه بسبب ولد سيدك
قصي: ولد سيدي من؟
....: يوسف ابتسم بيش نصوروك كان يوسف جا يتروح يوسف ماجاش ان الله وان اليه راجعون
قصي : تعرف انا من ولالا عارف انك تلعب مع محامي قصي فلاني
... : نعرف ونعرفك كويس بككل !بس ماتجيش صوره انت سليم هك
يوسف يقسم ف مجموعات وكل مجموعه تطلع رن تلفونه بعدها رساله شاف انصدم لقى صوره لقصي وجه معبي دم  وقميصه ومنظره بككل
رن يوسف كم  مره ماردش
.. : دز مسج " مش داعي دوه زايده توا مازالك23 ساعه هي بسرعه وقت يجري ولا ولد عمك يموت وتقعد سبب في وفاته وتخلي بنته يتيمه!؟ "
//
# تبع