لكل شخص حكايه

30

لكل شخص حكايه✨.
حلقه 30.
كادي.
سيرين وهيثم خشو ل غرفه دكتور خالد
وسلم عليه خالد
خالد: تفضلي قعمزي
قعمزت سيرين وقاعد يحكيلها ع تحاليل وهل عندك اعراض هذينا ولالا؟
سيرين: ممكن يادكتور طلب
خالد: دكتورتنا تفضل عاد
سيرين:  نعودو التحاليل( هي على أمل شديد تصير مُعجزه)
خالد: طبعا  هكي هكي حيتعودن ومازال ف تحاليل اخره
سيرين :تمام يادكتور
خالد: خوك قالي بتتعلاجي برا
سيرين: ايش؟
هيثم: مافيش احسن من برا افضل
سيرين: بس نبي جانب هلي
هيثم: توا نحكو بعدين
خالد: تحسي ف الم ف راسك؟ وصداع رهيب ودوخه
سيرين: اها
خالد: اغماء عليك من قبل
سيرين  : واجد
خالد: للا مش إغماء عادي يكون من ضعط نفسي او حاجه إغماء يكون ساعه او اكثر
سيرين: صارت بس له شهور انظني تذكر هيثم وكشفت
هيثم: اها وقال مافيك شي دكتور
خالد تغير ملامح وجه بدا يتأكد!
دكتور: معقولههه؟ شنو دكتور هذا اين طب لعند امتى طبنا هك! معقوله اغماء ساعه ينسكت عليه
وكمل دكتور خالد أسئلته وكشاف وحدير صوره ورنين مغناطيسي وسيرين حست  انه دكتور متأكد من مرضها
دكتور: صوره حتكون بكره ساعه 9 تمام وتحاليل كذلك
هيثم : تمام حاضر
سيرين : مسكت دمعتها ونضت وطلعت هي وهيثم ركبت سياره
هيثم: خلاص ساره
سيرين: دكتور متأكد ياهيثم شكله خلاص
هيثم: تنهد وهو مش عارف شنو يقول ومش فاهم الوضع اساسا مش يحكي الا لم دكتور يكتب تقريره وشنو حيصير
سيرين: خايفه من موت
هيثم: بعيد السوء عليك حتشفي صدقيني
سيرين غمضت عيوني ودموعها ينزلن مثل الشلال بالضبط
هيثم مابش يحكي هو اساسا دمعته حتنزل💔.
وصلو للحوش
سيرين : بحتت فيه هي عيونها حمر .. بنحكي ماما معاش نتحمل بحضنها بنبكي ف حضنها
هيثم: خليني نحكيلهم لم نكملو كشاف وصوره وتحاليل
سيرين: خلاص كلشي واضح من ملامح دكتور واصراراه ونا بروحي نكون واضحه  معاك ومع نفسي كانت شقيت ف روحي من زمان بس نوهم ف روحي
هيثم: معقوله تسكتي ع حاجه كيف هك
سيرين: لاني قاريته هيثم ويطلع ورم ف مخ !
هيثم فتح عيونه بصدمه: عليش ماتحكي مادام عندك علم وحس اعراض عندك
سيرين: كانت نوهم ف روحي يجيني عرض من أعراضه نقول حاجه اخره وكانت نبعد ف فكره ومش حطته ف بالي مش مستوعبتها ونقول تيالي لعند يوم فاقت  ع روحي وع وهم كانت فيه
هيثم انصدمت:  في حد يسكت ع مرض
سيرين : اها هيثم نا ونزلت هي مضايقه ع خوها مافهمش عليها بس تهندت وقالت ... نا بروحي مش فاهمه تصرفي عليش كانت نهرب هروب هذا كله؟
وخشت ل حوش
صالحه: استغربت من عيونها وجايتها بدري وأقل محاضره تروح 1 كيف مروحه توا؟ ... كنك شنفي سيرين عليش تبكي .. وجاتها تجري
سيرين: تعالي ياماما نبيك ف صالون شويه
صالحه: شنفي سيرين ماتحرقيش دمي
سيرين: مافيش شي ياماما ماتخفيش خلينا نحكو
صالحه قعمزت هي وسيرين
سيرين: ماما كانت عند دكتور توا
صالحه:حطت يدها ع قلبها.. كنك شنفيك يابنيتي
سيرين: طلع عندي سرطان
صالحه: بحتت فيها زين وضحكت.. تبصري صح سرطان شنو يابنيتي
سيرين: تبكي .. ماما ياريت نبصر طلع عندي ونا من مده نستبعد ف فكره ونوهم ف روحي يوم فاقت ع روحي وطلع عندي
صالحه قاعدت تبكي:تحكي بهستريه..   سرطان شنو كيف اكيد دكتور غلطان نشوفو غيره نطلعك بره مستحيل كيف كيف ؟ هكي
سيرين خشت ف حضنها وقاعدت تحكيلها كيف قالها هيثم وهي شنو متوقعه وكلام الدكتور وكلشي وممكن طاقت نص ساعه هي تحكي وتفضفض ل امها
صالحه حولت  تكون قويه وتعطيها امل وتكون مصدر الامل وقوه مش تبكي معاها : قدر الله وماشاء فعل خلي إيمانك قوي يابنتي
سيرين : راضيه ل تجي من ربي سمحه بس فشيت عبرتي
صالحه: ضروري منها وصدقيني حتشفي وتردي احسن من قبل بس اصبري وشوفي كلام دكتور
سيرين : حيطلع كيف كلامي مش حيزيد عليه شي وماما كلام هذا بياتنا ماقيتش لمن نمشي حكيتلك خلي يطلع وتقرير وكشاف وكلشي ونقولها ل باقي خوتي وجدتي وبابا
صالحه ونار ف قلبها بس تحول تكون قويه بيش سيرين ماتفقدش امل: حاضر بس باتك ضروري يعرف توا
سيرين: خليها شور هيثم ونكونو متاكدين ولعل وعسى يكون كلامي غلط ودكتور عنده كلام اخره رغم حسيته متأكد
صالحه : ان شاء الله خير
وركبت سيرين دوشت وجات امها ورقدت ف حضنها
صالحه: دمعتها نزلت ع بنتها كانت صدمه كبيره بنسبه لها وقاعدت تفكر وعقلها يجيب ويشيل
صالحه: استغفر الله ربي حيجبر ب خاطرنا ويشفيها وسحبت روحها ونزلت تكمل ف غداها بيش محد يحس وهي نار ولعه فيها وتشتغل بلا تركيز
صالحه: بنت ف عز شبابها مازالت ماشفت شي ياريت كانت فيا ولا فيها.
//
زيدان هو في أول يوم له شغل وبدا يتشغل وحايس شاف ساعه
زيدان: أكيد طلعو من دكتور
رن ع هيثم
هيثم: نعم
زيدان:  شنجو
هيثم: تمام
زيدان: استغربت من صوته .. شنصار شفني
هيثم حكله باختصار
زيدان: عليش ادس فيها
هيثم: قهرتني ياهيثم قهرتني مرض هذا تسكت عليه يوم بحسبه كل ماتعرفه بدري خير وهي ساكته لها وين يستر الله وخلاص
زيدان: ان شاء الله خير يرا تفأل خير وممكن لو نا مكانها ندير هكي تخيال نكون متوقع عندي شي مرض طبيعي نقعد نستبعد ف فكره ونوهم روحي لانه عقلي مش مستوعب شي هذا اي انسان حيديرها مرات واحد ضغط وسكر يقعد يصكر ع موضوع وخايف ع روحه ويفوت ف موضوع يابال تجي ف بالك مرض  كيف هذا
هيثم:  ممكن ربي يستر توا نشوفو تقرير دكتور
زيدان : هي نتلاقو بعدين  نكمل شغليي
هيثم : تم ربي يعون
وصكرو
زيدان كان مكان يشتغل فيه ف مكاتب جانبه وكل حد مكتبه   وموظف عادي مش تقول شركه لهم بككل وكان مكتب ل قدامه امجد وجا امجد
امجد: شنفي طولت ف مكالمه وجك مايتفسرش ان شاء الله خير
زيدان: لا شور العيله
امجد:  باهي كويس .. سلك ف شغل؟
زيدان: قاعد نمرطز😂
امجد:  بصوت واطي حتنا يراجل مستندات نحط فيهن ف ساعه ل احديا ف ثانيه حطهن سريع سرعه وبيانات وكيف درهن
زيدان: افتح دماغك را يلزنا سي فؤاد
كلهم بحتو فيه زين كيف يقول هك ع مديره؟
امجد: ناس مايحسبوش باتك 😂
فؤاد خش عليهم : وين وين بالكي تبو شاهي  هذا شغل مش مربوعه ياشباب !!
زيدان: متبري مني بككل الشايب
امجد: عمره طويل  😂.. معليش ورد مكتبه
ومشى فؤاد ل الموظف لِ يبيه كل استغرب وجود فؤاد معهم مستحيل ينزل حتى لم يبي حد يكمله  هو يجيه بس كان جي يشوف ف زيدان شنو يدير
ولم جا يبي يطلع بحت ف زيدان بضحكه وطلع
زيدان : يستفز فيا كنه شايب🤨.
قاعد يشتغل ويلهي ف روحه على موضوع سيرين
//
موده: ماما قلتلك وين عصير فروله
صالحه بدون رد هي تقرض
موده:  ماما
صالحه بدون رد
موده: جاتها .. ماما كنك
صالحه: قطعت تفكيرها .. كنك موده شنو تبي
موده: وين سرحانه
صالحه: نفكر
موده: اممم خير ان شاء الله وين عصير فراوله ابتاعي
صالحه: شربه هشام قبل مايطلع
موده: لا مش من جدكم معقوله نديره ونتعب هذا الطرزان يشرب ماهو عابيه عليه
صالحه: خلاص موده ديري غيره اهي فرواله ف ثلاجه
موده:  عيل هذا حيجبلي سكر بارد 😒
وطلعت من ثلاجه وهي توتي
موده: ماما كنها سرو راقده
صالحه: ماردتش
موده: بسم الله
ساره : صباحو
موده :صباح الخير
ساره شيرت ع امها بمعنى كأنها
ردت موده 🤷🏻‍♀️: مش عارفه
سارهه : شرب اميه وطلعت ومستغربه من امها
//
ياسين: يلبس ف كويشه ..هي يسرا
يسرا: هي نلبس وشاحي بس
لبست يسرى وطلعت
ياسين: صكر غرفه .. ورنا يوم طويل حنبرو كل مكان خاطرك فيه بإذن الله
يسرا: ربي يخليك ليا وين توا
ياسين : ف مطعم ع بحر منظر خيالي نفطرو وباقي ساهل
يسرا: اها
وطلعو وصلو وقاعدو يفطرو قدام بحر
ياسين: يتأمل في يسرا
يسرا تحشمت:  كنك؟🥺
ياسين: نحبك
يسرا: نموت فيك يانور عيوني
ياسين : يسرا معاش تبحتي فيا هك مانقدرش نمسك روحي ونحنا برا
يسرا:نزلت عيونها.. ع سبله
ياسين :بكككل .
يسرا: ياسين نبي ملاهي
ياسين: بيبي😂
يسرا: ياسين واللهي من جدي
ياسين: باهي ف ليل مش توا خليها ياطفله
يسرا: مش طفله
ياسين: عادي طفلتي❤
يسرا: تلسان فيا توا
ياسين ضحك
يسرا صورت كم صوره هي وياه وكنو يجننو♥️ ونزلت استوري وكل عاده عيون تشوف دون تذكر الله 😔.
//
زينب : بنات
انا واسيل: شنو
زينب: مش ملاحظين حاجه هيثم رايح كئيب يومين هذينا
انا: بحتت فيها .. من امتى تركزي انتِ؟
اسيل: اوبااا
زينب: كنك تنفصي واسيل كنك قصدي نسأل عادي
انا: اي انسان يمر بظروف عادي مش موضوع
اسيل: ادير ف زمالطو. أنا ماوجعتني غير سيرين وحقير زيدان
انا: عليك حب تحبه
زينب: بككككل أوفر اوفر
اسيل: لقانها بككل ربي يجبر ب خاطرها
زينب:  ان شاء الله
انا بحتت ف تلفون نفس المسجات يجيني كل مره برقم من منصور بس كان ف مسج مختلف بينهم كلهن تراجي وندم الا مسج تهديد
(والله كان ماتردي عليا يانوران يصير شي مايعجبكش نهائيا تلقيني منزرع في نص حوشكم)
انا شفت مسج وانصدمت لين عودت قريته
انا: هذا كنه
اسيل: شنفي
زينب: شنصاير
انا حطيت مسج ل اسيل
اسيل  : هل حقير والله نوريه مايحسبش عندنا رجاله منزرع ف نص حوشنا قال
زينب:  حي شنو يبي يدير تخيالي يقول ل بابا
اسيل: شنو يبي يقول مثلا حسستيني نوران طالعه معاه ولا دايره حاجه لاترضي الله؟ هي عقب علاقه وندمت عليها
اسيل: جات اسيل تبي ترن
انا: لا اسيل فوتيِ بالله فكينا من مشاكل ومنصور مش ساهل
اسيل: قصدي خطايني مش واثقه من روحك ولا ايش ل مش داير شي مايخافش !
ورنت اسيل ماطقت ثانيه رد
منصور: خفتي؟
اسيل: لا ماخفتش يابابا وشنو حركات العيال ل ادير فيهن يافرخ خزي ولا ناقص غير نخافو منك تبي تجينا الحوش شنو تبي ادير تعال كنك راجل أعلى مافي خيلك اركبه تمام؟؟
منصور: اسيل نا ماكنش قصدي غير نبيها ترد عارفيني كويس مش حركاتي هذينا! غير رايفتلها نبيها ترد
اسيل: لا ماني عارفتك وفوق ع روحك ع قناع الطيبه ل ادير فيه نسيت شنو درت انت؟ ونوران معاش تحبك اربح  ماتعيش عِ الأوهام
منصور : اسيل الله يربحك اقنعيها! دقيقه بس نحكو
اسيل: لا نقنع لا شي  معاش اضيقها ولا ادزلها ولا مسج خيرلك
منصور: انا نحبها حنقعد ورها وره
صكرت اسيل في وجه
نوران: ياربي هضا شنو خاطر عليه  وامتى جاء ل بنغازي هو 
اسيل: مش عارفه بس هو أصله شرقاوي وعمامه هنا هو كان عايش مع خواله في الغرب بالكي رد ف هله
نوران: بالكي
##
سيف: الو
نادر: هلا بورفيق
سيف: مافيش اخبار ع معاذ؟؟
نادر:  معاذ سافر امس ؟
سيف: كيف وين سافر من ويله الفلوس؟
نادر: والله ياصحيب علمي علمك را من لقطه السلاح لقاه فاضي هو يشك فيا معاش يحكيلي في شي ومعاش دورني غير نجي نغيرله ع جرح وخلاص اول امس قالي مسافر وقالي خايف انك تقتله😂
سيف: جايته جايته الموت كان مش يوم بكره صدقني
نادر: رد بالك سيف انا دايرك راجل بعقل ماتوسخش يدك بيه تي هضا وسخ لنم
سيف: انتَ مش عارف شنو  داير حقير هضا ابسط شي له اني نقتله بيش تبرد ناري
نادر : ياساتر لدرجه هذي
سيف: وأكثر يانادر نا باين اني بارد وهادي مش معدل انا نار تاكل فيا وكل
نادر: بس اضيع عمرك عليه تكملها في الحبس؟
سيف: خلاص صكر السيره وصلت ل العمل
نادر: مع سلامة
سيف صكر
ونادر قاعد يفكر ف حياته يبحت ف شقته كيف فاضيه بارده مافيهش دفء بككل تقول ثلاجه بالنسبه له
نادر: اهه ياقلبي انا 💔بحتت في ساعه
نادر : اووه تأخرت ع شغلي
طلع لبست لبست المستشفى عباره عن سروال وماليه لونهن أخضر خاصه بالممرضين ولبس وطلع يجري
//
زيدان يقلب في الأوراق لقدمه بممل يبحت ف مكان كميه ممل مش طبيعيه
زيدان : اوي
كلهم بحتو فيه
امجد: هنعم؟
زيدان: تبي قهوهِ؟ 
امجد: لقانها تلزم
زيدان: تمام خده مفتاحه وطلع كان مكان شركه عامر في احدها كلشي ومشى لكافي وخش يجري شويه وخبط ف هيفاء وقهوه انكبت عليه
زيدان بصوت عالي: شنو انتِ ماتشوفيش ولا ايش رافع راسه وانصدم
هيفاء : بحتت فيه .. انت خبطت فيا تجري يااستاذ زيدان
زيدان: شنو اديري انتِ هنا هاا؟؟؟
على نزلت فؤاد وتعصب لقى ولده يحكي معاها
فؤاد: زيدان ع شغلك من قالك اطلع قبل مايكمل الدوام
زيدان: وسخه هذي شنو أدير هنا؟؟؟بنفهم انا توا يوسف يعرفها ***؟
فؤاد: احترام الفاظك وطي صوتك ناس تبحت ودرق وجك روح غير دبشك
هيفاء رفعت شعرها فوق : هو ل شغلني هنا
فؤاد: وانتي صكري فمك ولمي حوسه لي هنا شنو لبز هضا
هيفاء:  حاضر
زيدان مدله القهوه : اعزقيهن مدام شغلتك
وزيدان خش ل مكتب هو دمه فاير
زيدان: أمجد نا مروح نغير مش حنجي
امجد: شنصار ان شاء الله خير مشيت جوك رايق
زيدان:  شي بس قلت نقولك روحت
وطلع مشى ل سيارته وطلع ومشى ل حوش
نجمه : ناس تقول سلام عليكم؟
زيدان : وعليكم السلام
نجمه: كنه قميصك
زيدان : انكبت عليا قهوت
نجمه : جايك خير
زيدان ركب سلح وخش دوش وتمتد ع سرير هو يفكر ويقلب ف مواضيع ف راسه بس كان شاغل باله موضوع سيرين!
بعد حوالي ساعه هو يفكر ماحسس حتى بالوقت
طقت مسره
مسره: زيدان هي غداء
زيدان : مانبيش
مسره: بابا هو قالي قوليه ينزل
زيدان : باهي ازف
ولبس تشرت ونزل
زيدان : خير عليكم
كلهم : خيرات
زيدان : وين امير
نجمه:  وين امير وين زيدان صفرتي ناقصه معاش حسيت بطعم اللمه
فؤاد : بدينا ف الدراما يانجمه امير اكيد مع عمر قالي هبه ف مستشفى انظني ويوسف الحمدالله مانسمعوش عليه غير ف الاخبار الطيبه الحمدلله
نجمه : صار انا دراما يافؤاد
زيدان يوشوش لي صباح: قصدك حتى بعد تكبرن نكديات؟
صباح ضحكت : والله يجري في دم
فؤاد: مش قصدي هكي يانجمه
نجمه صبت
زيدان صبى : والله ماصارت يمي قعمزي بس ماتعدليش عليه باتي😂😉 معقوله تصبي عشانه.؟
نجمه:  لالا غير نا ماعنديش نيه وقلبي ينغز فيا من بدري
فؤاد صبلها يجري:  كنك شنفي نشيلك لمستشفى؟
زيدان: اهو فؤاد مكبد ياحويجه😂😂😂
فؤاد: امشي انتلف من قدامي ياقليل الادب
نجمه: مافيا شي غير غمه عليا توا نصلي ركعتين
فؤاد: باهي
نجمه: ردو كولو بس
خشت نجمه
وردو ل صفره
مسره: ياستر الله ماما قلبها ماينغزها الا في حاجه
فؤاد: ان شاء الله خير بس
صباح: ربي يستر
زيدان: ياريتني ام وعندي احسايس هذينا
فؤاد: تعرف تسكت انت را يجي تبسي هضا ف وجك
زيدان هو يضحك : سكتت
فؤاد: بخصوص صباح رن عليا بات ايوب صاحبي
زيدان: كنه ان شاء الله خير؟
فؤاد: قالي انه بعد شهرين ونص حيسافر يكمل علاجه في بريطانيا قال يبي يقدم العرس لانه وضعه معاش يتحمل اكثر من هكي! ونا وفقت توا نشوف وقت يناسبنا ونديروه حتى نهايه الشهر الجاي وفي وقت بالنسبه لصباح
زيدان: ويوسف مش حنحضر ؟
فؤاد: اكيد حيروح
صباح انصدمت وشرب اميه من الفجعه مسكينه
زيدان : شنو موفقه صباح؟
مسره عجبتها لقطه خوها خدى رايها مش كيف بوها لي مايحس في حد ويوفق بروحه
صباح: ليشوفه بابا ( في سرها: انتم ماخديتو رأي فيه هو اساسا بتاخدوه في موعد العرس؟)
زيدان حاس بيها بس شنو دير هضا طبع باته مش يومه مايحبش يشور الصبابا في مواضيع لي كيف هذينا صح حنون عليهن وموفرلهن كل شي بس الا حاجات هذينا
صباح صبت
صباح : صحه
.،،: سلمك
وفؤاد صبى وزيدان كذلك):
ومسره قاعدت تلم ف صفره وغسلت المواعين وبخرت ومشت دار المقعد لقت صباح تحكي مع امها على صار
نجمه: ماتلطيش يابنتي اللط مش كويس توا نلحقو نديرو كلشي حيجي كيف ماتبي وأكثر وايوب ولد ناس ويخاف ربي كنك ؟
صباح: قصه مش في ايوب قصه ف وقت مازالت وماوتيت شي ؟
مسره: تي يقرده ف شهر عيد ميلادك يجي العرس اختاري يوم ميلادك
صباح: ع اساس بجوي
نجمه:  تبيه ف يوم هضا انتِ؟ 
صباح: بحتت ف مسره وعجبتها فكره .. اها
نجمه:  خلاص توا نقول ل باتك حيكون يوم28 هكي هكي نهايه الشهر ربي يتمم عليك بخير يابنتي وحنبدو من توا نوتو ل بتاتك انتي إلهي ف دبشك بس باقي مطبخ وحاجات شوري ركزي ف دبشك وعطورك حاجاتك الخاصه وباقي ساهل
مسره :صح هذينا اهم بدأت دبش طلوع يبي قصته قصه ومكياج ووه وجيج
صباح: بلا مانفكر مكياج شور اسيل تفهم فيه واجد
مسره: اها صح وتعرف المركات وحاجات الكويسه ونا آخرتي روج وكحل مش حنقدر نفيدك😂
صباح: ضحكت .. عارفتك حتنا
نجمه:  ايوه اضحكي سلم بنتي وافرحي بي هي هل ايام هذينا مش حيتعوضن ونا شويه هكي مع عصر نوضيني بيش ندير حاجه حلوه نمشي عند عمتي ونكلم صالحه ونقولهن ونمشي توا نقول باتك ع موعد!
وطلعت نجمه وبدت مسره تنبش ف صباح
صباح: شفتي الحيوان دار ل في راسه بنرن عليه راقبي وضع را يخش زيدان ولا يجي امير يقتلني 😂
مسره: باهي توا نرقب
صباح رنت وطول مارد ع وشق صباح  تصكر هو رد
ايوب ينبش: الو عروستي ههههه سمعتي الخبر شكلك😂😂
صباح: اول حاجه لاباس ع عمي بالشفاء العاجل أن شاء الله
ايوب ابتسم ع ذوقها : الله مايوريك باس ان شاء الله
صباح: ايوب عليش ماتقولي عليش سمعتها من بابا كان قلتلي
ايوب:  وحق ربي حتنا كيف سمعتها باهي قالها ليا الحاج بدري شويه حتنا انحطيت تحت الأمر الوقع  را صح
صباح: باهي صدقتك
ايوب: تكذب فيا انتِ
صباح: افهمها كيف ماتفهمها؟
ايوب: مهم بنقولك مطبخ وحوش كله بصفه عامه را واتي كله ب الاثات الحوش ماتعبيش روحك ف مطبخ وصالون
صباح : استغربت.. بس ضروري نجيب
ايوب : مش داعي بس بجوك نا قلتلك واتي في دار وحده اساسا فاضيه؟ خاطرك اديري حاجه ديريلها ماتقعدش ف خاطرك شي ياعروسه ديرلها صالون هضا سبركم😂
صباح: كنك مستفز وغريبه تضحك شنفي
ايوب: رايق فيها حاجه
صباح: باهي دار شنو هذي
ايوب : تجي دار ضيوف نسائيه طبعا عليش قلتلك ديري صالون
صباح: تمام اوكي
ايوب : اوكي
وصكرو
مسره: وين ياوعره هزبتي بككل " تتهزا😂"ماتقدريش قدمه صح
صباح : مش وقتك بس قالي كلشي واتي حوش ب الاثات بس قالي في دار فاضيه تجي دار ضيوف كان تبي اديري صالون
مسره: تمام كويس ديري دار هذي ومطبخ جيبي حاجات تبيهن في مطبخك اكثر شي الكهربائي وكذا
صباح: توا حتنا قلت هكي شنرايك نمشو مع امي لجدتي بعدين
مسره: لا نا عندي اقرايا واجد بككل
صباح: والله شد احويلك كيف تحفظي هضا كله؟😂
مسره:  سمح الحفظ
صباح: ربي يوفقك ان شاء الله
//
سيرين ناضت راسها يبي يتفرج الصداع اضغاف ودنيا مخبشه غمضت عيونها وردت شفت كويس خشت توضت وصلت وسجدت طولت هي ساجده ودموعها ينزلن كانت خايفه خايفه من موت ل كانت تتمنها بس توا خافت 💔 .
بعد كلمت سبحان الله كيف تريحت ونفسيته تحسن تقول مش نفسها قبل دقائق؟❤
( الصلاه ثم الصلاه ثم الصلاه🤍)
طلعت لقت امها في الصاله
صالحه : نضتي كيف حالك توا
سيرين: الحمدالله وين حوش هادي
صالحه : راقدين
سيرين: نوم العوافي ماما زي ماتفقنا محد يعلم الله يربحك
صالحه: حاضر يابنتي بس باتك
سيرين: توا نقول ل هيثم خليه شوره !
صالحه : تمام!
//
يوسف هو مصاب في المستشفى يبحت جانبه الجرحى ل معزوقين وقدم في  الممر وكل مكان بنسبه ل يشوف فيه كان هو احسن حاله بينتهم منظر يقطع القلب من كثرتهم المستشفى معاش سادت حتى السراير معاش فيه على فرشات ع الارض!
ودنيا حايسه ممرضين ودكاتره
جا دكتور يعرف يوسف
دكتور: يوسف شنو جابك هنا
يوسف:  كان مسك يده مكان الرصاصه..مش وقت دوه شوف رافع راجل من بدري معزوق احديا شنو هل إهمال هضا
دكتور طبس ع رافع: شوفت عينك دنيا حايسه فجاه صار الانفجار وجرحى كميه كبيره
يوسف: حيموتو هل حاله هذي
دكتور:  يوسف غير فكر ف روحك شوف دم ل ينزل منك يا نور الدين تعال
نور دين جا يجري وسلح ماليه يوسف ولقى رصاله وملتهب وحالته حاله
دكتور:  بدون بنج را كمل
يوسف: طلع دين *** وسقدنا بنج بلا
دكتور : نور دين شوف شغلك
وبدا نور الدين
دكتور حايس في رافع
دكتور:  يادكتور مراد مافيش حتى سرير فاضي ف الإنعاش هضا حالته بككل
مراد:توا في واحد توفى خخشها بدله 
وخششوه يجرو
يوسف يتألم بس ساكت
رائد خش بسلاحه ومنظره مستفز بنسبه ل يوسف
رائد: نقولك حاجه يايوسف لقانك تروح تملحت واجد 
يوسف: يبحت .  ونا نقولك حاجه تعرف تسكت خير ماسلاح ل في يدك نفرغه ف راسك
نور الدين: ماتعركش بيش نعرف ندير
رائد: والله حالتك بككككل ياروحي توجع وجك جسمك
يوسف يبي يصبي  يكفخه ع وجه مسكه نور دين
نور دين: اهدى وانت ياريت تطلع مكان بروحه مش ناقص مادام مش مصاب
يوسف: والله توا نوريك ياارهابي ميقعد اسمي يوسف كان مافضحت بيك  يا**** ياخاين ياوسخ يا***
رائد انصدم كانت صدمه كبيره بنسبه له ولي يعرف يوسف مصير حياته هضا مش حاجه ساهله ابدا
استك
ابراهيم: يدف ف رائد.. اطلع برا زف
ورائد طالع وهو مصدوم كيف يوسف عارف وساكت
ابراهيم: بورفيق ماتعطش في راسك مش ناقصنا نحنا
يوسف يتألم بس ساكت : فايت امه نا غير معاش يجي قدم خلقتي
ابراهيم عطه يوسف اميه
يوسف: نظم استراحه محارب
ابراهيم:  يشرب .. اي والله ماشفتش رافع من انفجار اختفى
يوسف: توا كان احديا رفعوه للانعاش
نور دين بعد مده من وقت كمل ومشي يدور ع معقم ولصقه وشاش
نور دين: لحسن حظك رصاصه ماطقتش العظم الحمدالله
يوسف صبى: الحمدالله
ابرهيم:  وين نردو؟
يوسف: خلاص بنرد لجبه
فعلا ماطقتش نص ساعه ويوسف كان غادي هو مجموعه من الجيش لي كانو ف مستشفى !
فعلاً وضع كان مش ساهل ابدا دم رصاص دمار فقط !
مافيش شي يبكي ويقهر الا الشهداء شبابنا ودمهم معبي الشوارع في ل يدفنوه وهله يعرفو في ل يعفن محد يندري عليه!
//
طبعاً فؤاد وصله في انفجار كبير صار وخاف ع ولده قاعد يدير ف اتصالهه بس فجاه رن عليه دكتور يعرفه
دكتور: هلا
فؤاد: اهلين دكتور كيف حالك
دكتور: الحمد الله استاذ فؤاد ولدك يوسف عسكري صح
فؤاد خاف مش مستعد يسمع خبر كيف هضا: شنصار شنفي
دكتور: مافيش الا كل خير الحمدلله ع سلامتك جانا مصاب بس حالته بسيط الحمدالله حبيت نطمنك عليه
فؤاد : الحمدالله الله يبشرك بخير بارك الله فيك
دكتور: شنو جابه يوسف هنا كيف طلقتوه
فؤاد: الله غالب هضا شغله !!
دكتور: مع سلامه مانقدرش نطول اكثر من هكي في حالات اخره
فؤاد: مع سلامه ربي يعطيك الصحه
اطمن فؤاد محبيش يحكي لحد حيكبرو الموضوع على الفاضي
خشت نجمه لدار
نجمه:  قلتلي صباح على عرسها
فؤاد: اها  منعم قالي يكون شهر الجاي نا نفضل نهايته وموعد بجوكم
نجمه: باهي معناها بيش تقول على يوم28 .7
فؤاد: تمام  بعد العيد طول
نجمه: ايوه. را تنسى يافؤاد
فؤاد: خلاص مادام مختاره يوم هضا بجوها حاجتها خاصه هذي بإذن الله توا نتفق انا منعم مفيش  برنيه اساسا
نجمه:  خلاص تمام نرقد شويه نوضني ع عصر مرات ينسن البنات
فؤاد: حاضر
وصبي توضأ وصلى ركعتين شكر لله انه ولده طلع سالم منها
//
طلعت سيرين من حوشهم كانت لبسه استرتش اسود عليه ماليه سوده نص كم وجاكه وطربوش عشان تخطي شعرها
سيرين برمت مشت احدا النافورة وقعمزت تفكر وسارحه
زيدان: شافها هي مافطنتش  لانها في عالم آخر تردد يمشي يقعمز احدها ولالا؟
بس تشجع وقدم
زيدان: شنو اديري ف هل القايله وشمس
سيرين: بدون ماتبحت في وجه .. شي مليت من حوش طلعت نشم هواء
زيدان: امم باهي شخبارك كويسه
سيرين: الحمدالله كنك شنو تبي
زيدان: شي قلت نحكي معاك شويه
سيرين: مافيش دوه بياتنا نحنا ياريت تفضل مانبيش نشوف وجك ياريت ياريت من فضلك لو سمحت يازيدان معاش تطلع قدامي هنا كم اسابيع ونسافر مرات معاش نرد وتتريح من وجي
زيدان: سيرين كنك شنو دوه فاضيه هذي؟؟!
سيرين: خلاص زيدان تبي راحتي تبيني نقعد كويسه لي فيا مكفيني را
زيدان: باهي شنو راحتك لطتبيه نديرها لكي
سيرين :مانبيش نشوفك كل مانشوفك نكره روحي نحس في روحي ضعيفه بنظره الشفقه لي في عيونك اتجاهي نكره روحي بعد نشوفها 💔
زيدان: تي اين شفقه يابنت كنك انتي
سيرين : خلاص انهي يازيدان
زيدان: حاضر لتريحك بس تفكيرك غلط
سيرين:  انا متأكده من ل نشوف فيه لاني حافظتك يازيدان اكثر من نفسي😔😔.
زيدان: لا حول ولا قوة إلا بالله ومشى
سيرين نزلن دموعها ومسحتهن مشت شور حوشها لقت  جدتها طالعه في يدها اكل
سيرين: هلا جديده
جدتي: اهلين بنتي
سيرين: شنو اديري اكل القطاطيس
جدتي : اها لكي كم يوم ضربتيهن ف ساس قبل ديما توكلي فيهن معايا
سيرين :معليش ياجدتي
ضبحتلهن جدتي وكلهن جن يجرن🤍.
وقاعدت توكل فيهن هي وجدتها
جدتي: كان تشوفهن ساره يغمى عليها
سيرين: دلوعه 😂
جدتي: اها بككل 
سيرين :بشبوشي كول شكله مريض ياجدتي
جدتي: لا كويس غير هو بُنيته ضعيفه
زيدان يبحت من بعيد
زيدان: حنونه حتى على الحيوانات نادم على كل يوم جارحتك فيه خايف نخسرك سيرين؟؟؟؟.
# نهايه حلقه 30✨.