لكل شخص حكايه

37

لكل شخص حكاية
قراءه ممتعه❤.
حلقه37 من حكايتنا.
يوسف: قاعد ف منطقه ، اي مخزن؟
جمال: اوه عريسنا ع يمين باب أخضر، اسمعني جيش شرطه وحق الله منطقه كلها مراقبه وف قناصات فوق المباني الكل يصفاِ
ماعدلش عليه وصكر وفتح بابِ
يوسف: قصي انت كويس
قصي : ميه ميه نظم امورك معاه كبدنا درهت
جمال: يا تعال فكهم
فك الشاب قصي
قصي : بحت فيه زين
جمال: ولد عمك خطير لنم بس مافيش حد يطلع الا لم يوسف يجيب لنبيه!
يوسف: ماسك اعصابه ِ، اهو الفلاش
جمال: يا*** تعال
جا ولد يشتغل عنده
جمال: تراه جيب لابتوب نتأكد من فلاش مستحيل يوسف يعطي حاجه بسهولهِ، لعند مانا شفت هدرزو مع بعضكم لاني درتلكم لمه سمحه
جا قصي يبي يهد عليه
يوسف: مسكهِ، فوت امه قلتلك
قصي: سقدني را ليا كم هنا عشان سود عيونك بسرعه
يوسف : بحت فيه بنص عين.. شنو درت مع وسيم
قصي: شويه بس توا تشوف شنو ندير
يوسف:هضا مسامحك فيه ع كيفك😂
قصي ضحك ع خفيف
هنا اول مره يهدرزو ويضحكو من سنين!
جمال فتح لابتوب وشاف ملفات واجدات تأكد
جمال: هذا اول شرط ميه ميه وثاني تسيب... ودرتهن مربوحه يا** تعال فك وسيم
يوسف: هكي تعدلنا صحِ، بس نا مانحبش تعادل اصبر عليا شويه ، اذكر كويس اني مَخششتش هلك ف نص
جمال: طماع ديما تحب النصرِ
يوسف: اها لقاني نحب نصر
جمال: وتضحك اخرا " وهنا جمال توتر من رد فعل يوسف لانه لم يضحك معناها ناوي ع حاجه"
وسيم: قصدكم ساعات هذينا كلهن ع فلاش؟
يوسف: فيه حاجات اكبر منك لم تكبر نقولك عليهن
جمال : مد مفتاح سيارهِ قصي وتلفونه وسيم تلفونه
فك العيل وسيم وطلعو
وقصي ينزل ف وسيم ضرب فش غله فيه
ويوسف يتفرج ويدخن مافكر حتى يفكِهم من بعضِ
قصي ناضِ: بيش مره اخره تعرف شنو أدير معايا فهمت؟ مش اختفيت اهو شاء القدر وتلاقينا هنا ماعندك وين تهرب مني مازال يما جايك
يوسف عزقله تلفونه: هبهب وريني عرض كتوفك
وسيم: هو يتالم ...بتخلوني هنا؟ حتى تاكسي مافيش ف منطقه هدي؟
يوسف: مش كان صاحبك جمال وتتفقو مع بعضكم خشله ولا باعك
قصي : لعند توا صاحبه غير يديرو ف فلم قدم فسختي، ركب سيارته وطلع
يوسف: 😂
وركب سياره ولع سبسي ويضحك كيف مشت ع جمال انه فلاش اصلي!
يوسف : كانت تعبان بككل جسمي متسكرِ تكسير يدي وصدري وكتفي ألم مش طبيعي لانه فيهن إصابات خلاص ورقبتي وكراعي من السوقهِ ، واخيرا بعد حولي ساعه وصلنا لحوشِ خشينا انا وقصي ردينا كيف زمان كانا مانعرفوش بعضنا حوش نقلب تزغريت واحضان وامي تبكي وقصي هجوم العمالقة عليه وانا كذلك معاش ركزت ندور ف نوران بعيوني لعند لقيتها ف نهايه الصاله ابتسامتلها ومش عارف عليش وبحت ع يمني شفت جمانه كبرت واجد ع زمان كان هموم دنيا فوق راسها وبنت قصي حسيتها بنيتي بس جوي ماقصي ماخلنيش نرفع البنت ، حسيت في شي صاير حتى لم جيت نا وقصي فرحو بس فرحه ناقصهِ، مافيش الا نسأل سيرين النشواله هي تعطيني الزبده. وهي جوي معاها سمح ومرايفلها عطيبه 😂
يوسف: هوي وين سارحه جسم بلا عقل
سيرين: مافيش شي فرحت بجيتك بككل
يوسف: باهي قلتلك ، شنفي حوش جوه مش تمام وعمتي صالحه حايسه وهيثم وين؟
سيرين : بنسافرو
يوسف بأستغرب: وين ؟ من امتى نسافرو ف وقت هضا؟
سيرين: مش تغير جو انا طلعت مريضه عندي سرطان ومسافره ناخد جرعاتي كيماوي+ نعلاج
يوسف انصدم صدمه: تحكي جد انتِ تبصري ؟ كيف وامتى
سيرين: ايام فاتن قدر الله وماشاء فعل مافيش بصارهِ
يوسف نصدم وماعرفش شنو يحكي سيرين اكثر حتى من اخته غاليه عليه بطريقه لا توصف!
يوسف: اهم شي يكون إيمانك بربي قوي وحتردي كيف قبل
سيرين هي خنقتها العبره: كلكم نفس الكلام حنرد كيف قبل غير أن شاء الله نموت منه ونتريح
يوسف: بعصبيه.. شنو كلام هضا ياهبله كنك انتي
سيرين: مسحت دموعها.. شي بنمشي نشوف دبشي وحاجاتي
يوسف: هو متأثر بكككل.. تمام
نجمه: اهو مفتاح شقتك لطلبتهِ، خش دوش وتريحِ وارقد!
يوسف تمام ومشت انا تعبان نفسيا وجسديا وخشيت تحت الدوش وطحت رقدت ماندريش ع دنيا وين تفتح.
نوران: كانت ف دار شويه نسمع زغاريت وهرجه وطلعت لقيت يوسف منظره تعبان بككل لحيته وشعره يده لها جروح وجه كان منظر متغير بككل كانه له سنين، بعدها بحت فيا وابتسم ورديت الابتسامه كانت فرحانه بككل جيتهم ردتنا الروح. شويه وطلع هو متنكد ماعدفتش كنه بس ممكن عارف موضوع سيرين!
//
قصي : يبحت فيها بكل حبِ،جمانه
جمانه تساعد ف ساره لانه اكثر وحده انسجمت معاها: نعمِ
قصي: تعالي نبيك
جمانه طلعت
قصي: دفها لدار جدته وصكر باب وحضنها وباسها بكل حب❤.
جمانه: را يشوفونا اطلع
قصي: اشششش رايفتلك بكككل بكككلِ
جمانه: حتنا والله
قصي: معاش نتحمل انا هي نروحو!
جمانه: مش جدتك قلتلك لا مافيش ماتروحش؟
قصي: خلاص معناها عطيني تصبيره وانتِ ساكته
جمانه: مش ف دار جدتكِ
قصي : اسكتيِ بس كلشي يمشي تمام
^_/&
جمانه تسقم فِ بلوزتها: تريحت هك؟منظري تقول متشردهِ
قصي:ماهو مرايفلك
جمانه: عندنا حوش يلمنا مش هنا
قصي: البسي وشاحك وغطي رقبتك😂
جمانه: دير كارثه واضحكَ
اسيل تفتح ف دار جدتي بتاخد الدواءِ لقتها مصكره
اسيل بصوتها يلعلع: جددتي دااار
جمانه تندب: حي علينا حي
قصي: اسكتي بس سقم ماليته وفتح باب.. اسكتي ياهرجه
اسيل: شهقت.. 😳؟.
قصي ضحك ع منظرها ومشى خله جمانه مزلطه
اسيل: اطلعي منظرك انتي مزلطه تحفه عادي عادي مافيهش شي
جمانه ضحكت
جدتي: من بعيد.. كنها الدار؟
اسيل: زرقت راسها.. لاشي نحسب دواء مش فدار لقيته
جدتي: جيبيه وتعالي هي
اسيل: هي
وخدت دواء وجمانه شويه وطلعت هي منحرجهِ!
ساره غمزتلها: وين مشيتي
جمانه: شردني خوك وجيت
ساره : ضحكت.. ياسين ويسرى رقم2
جمانه :اضحكت
يسرى: سمعت اسمي
ساره: مكبر وذنك😂
يسرى: نحس فيك تقرمي🙂
ساره: قولي سمعتها وخلاص😂
يسرى: عنجد وجك بكككل.
//
نجمه: كلم يوسف يتغدا
امير يرفع ف صفرهِ: باهي توا نشوفه
وحط الصفره ومشى لشقه يوسف
طق باب وخش
امير: يوسف يايوسف
يوسف: ها
أمير: نوض غداء
يوسف : اذكر بينوض عنده مواضيع يديرهن.. اني نايض وتعال ياكلب
امير حضنهِ وهو يشوف للصابات وكدمات وحروقات ع وجه وجسمه : لك وحشه بككل
يوسف: يما صاير انا مش قاعد!
امير تبعد: تي بككل دنيا شايله.
امير بجديه: ماتبيش تبعد من الناس الوسخه لتعرفها انت وقصي
يوسف: انا شغلي هضا ، قصي مش شوري
امير: تهزيب وعصبيه..وقصي يقول شغل طروح كلا انتمِ
يوسف بحت فيه : معاش تهزب اكبر منك😂
امير: مبرد دمك
وطلع ويوسف حط دخان ف فمه ونزل
يتلقى مع نوران
نوران: من اول ماتنوض دخان
يوسف: مافيش الحمد لله ع سلامه
نوران اكتفت انه تبحت ف ملامح وجه وجروح لفيهن ولحيته طويلِه وأهم شي عيونهَ لتحبهنِ.
يوسف: دخن ونفخ ع وجها..ندوي معاك
نوران: تكح بقوه ءء
يوسف يضحك برود: تي مش درجه هذي
نوران تكح وعيونها قاعدن حمر
يوسف قرب منها بخوف: نوران يااوي بحتي فيا
نوران: تكح وخلاص
يوسف لقى شيشه اميه ع مدخل فتحها وشربها
نوران هدت شويه
يوسف مسح ع وجها بميه : احسن؟
نوران: تحول تلقط نفس .. احسن
يوسف: مش بقصدي
نوران:بتعب..مشكله حكيتلك عليها
يوسف: نسيت يرا بككل شوفي من اول ماجيتي مقدمها
نوران وجعتها بكككل بكككل لانه كانت مذكره كل موقف يجمعهم وكل كلمه يقولها .
نوران بزعله: تمام امشي تغدا يضبحولك
يوسف: تمام اوك
نوران استغربت يوسف بس فاتت موضوع وخشتِ
//
يوسف كمل غداء وفتخ تلفونه لقى مكالمات واجد بككلِ ليهزب فيه عشان روح ورئيس المركز رن عليهِ ،دنيا شايلهِ.
رد ع ناس مهمه وفهمهم ورن ع ابراهيم مقفل
يوسف : ازعمك نشوف جدتي؟ نطلع نروح نشوفها!
طلع وركب سيارته كمل اموره ع مُغربِ، روح خش حوش هو يدور ف سيرين بعيونهِ؟
جدتي: يوسف مش قلتلك نبيك
يوسف: اني جاي وين سيرين
جدتي: كلهم مشو ل حوشهمِ وضع عندهم صعبِ، أكيد بيفهموا موضوع وكذا
يوسف: هو متأثر.. تمام في حاجه ياجدتي
جدتي: كيف حالك مع هيفاء؟
يوسف استغرب سؤال جدته : كل حد ف حاله الله اعلم
جدتي: كان تبيها نجوزها لكي معاش بنوقف ففِ وجه حد مانبيش لداره قصي اديره انت
يوسف: لالا معاش نبيها فات وقت ياجدتي
جدتي: تجوزت
يوسف: اها معاش نبيها انا
جدتي: باهي نحسبك مازالت معاها ! يعوضك ربي انت بحت احدك تلقى مراتك مستقبليه وبنت حلال جنبك
يوسف : ياجدتي انتي وين ونا وين نا ميه موضوع في هل بال وانتي تحكيلي ع جواز مراتي م مراتي
جدتي: بالكي تحسب روحك صغير 32 سنه
يوسف: 30🙂سنتين زايده ليش
بحت زرقت عليا نوران ف مطبخ ادير ف شاهيِ، بس باقي بنات مش قاعدات.
جدتي: افتح عيونك غمض عيونك تلقى روحك 40 سنه
يوسف فتح عيونه وغمض : وين مالقيتش، مازال عمر طويل ياجدتي
جدتي : ياحناطه انت توا تندمِ بعدين
يوسف: تمامِ، امتى طيارتهم
جدتي: ع فجرِ!
سجى طلعت تبحت ف يوسف بأستغرب
سجى: شنو اسمك؟
يوسف: يوسف
سجى: انت عمي ولا مِش عمي
يوسف ضحك : عمكِ
سجى: خو بابا قصي
يوسف: لالا
جدتي: ابتسمت.. ماشاء الله تبارك الرحمن عليها بنت
يوسف: اها ماشاء الله
سجى: عمي يوسفِ خلاص حفظتك
يوسف: تحبي شكلاطه؟
سجى: اها
يوسف يطلع من شكاره في يده بيعطيهاِ،
مدلها وكانت نوع تحبه
سجى : فرحت .. شكرا عمو
ع خشت قصي خدها من يد سجى وعزقها ليوسف
قصي: بنتي مش محتاجتلك ، معاش تجي شور بنتي
سجى: بابا هضا عمو يوسف
جدتي انصدمت : قصي كنك انكلبت
كانت جمانه طالعه تقعمز مع جدتي
قصي فنص فيها خدت بنتها وخشتِ لدار
قصي : قصدي بنتي وحر فيها هضا مايجيش شورها!
يوسف يبحت فيه
جدتي: عقلك صغير وحركه لدرتها مش لقطه بككل
يوسف بحت ف شكلاطه معزوقه ف حجره.
بلا سبق انذار خش فيه ضرب ! كان يوسف مايدويش يضرب بس عكس قصي قصي مايحبيش يجي عرايك بس يهزب وصوته ديما عالي تهزايب والخ
نوران كانت ف مطبخ انفجعت طلعت نجريِ، لقيتهم يتعركو
جمانه طلعت ادف ف قصي
جمانه: قصي خلاص
قصي بتهزيب: انتِ اطلعي منها وقلتلك خشي شنو طلعك
جمانه وجعتها: رعشت جدتي ياقصي وطي صوتك
نوران : مسكته.. يوسف كنك اهدا شوف جدتي وجها كيف اصفر
جدتي: قلبها وجعها هي تحزز بين احفادها !
جدتي: بصوت تاعب.. معقوله هذي نهايتها نفكو فيكم من بعض!
كانو ديما يتعركو بس ولا مره قدم جدتي ديما مع رجاله محد يندريِ ع شي !
يوسف طلق يدي لمسكته بيها : جدتي كويسه انتِ؟
جدتي: قعمزت بتعب
جمانه مشت تجري تجيبلها ف ميه
نا خشت نجري لدار خديت جهاز السكر وقستلها سكر
انا: حي سكر نازل بكككل
جمانه بخوف: ندير اميه وسكر؟!
انا: تمام وتلقى شكلاطه ف تدرج جيبيها
قصي يبحت بعيونه طلع مناديل مسح دمه طالع من خشمه.
جدتي: اخر شي نتوقعه اعيالي يتعركو مع بعض ، هذي نهايتها! ها عجبكم قصي ويوسف
يوسف قرب من جدتي خوف ف عيونه هو يتالم من كتفه
يوسف: خلاص يجدتي اسفين اهدي بس.. مشاكل يصيرن وتعالي دارك تريحي ولا نشيلك عياده
جدتي: فكني منها عياده ياوليدي معاش تتكرر بس
قصي : تاسف عليك بروحك نا مش متأسف من حد وطلعِ هو متعصب
انا انصدمت من قصي وجمانه كذلك لفي يدها كبايه
شربت جدتي
جدتي: عيل هضا منكلب شنو صيرلهِ.
جمانه: اسفه بدله قصي ياجدتي بس هو لم يتعصب معاش يعرف بتصرف ويدير ف حاجات مش من قلبه وتصرفات غلط بس هو أطيب منه مافيش توا يجي يعتذر منك سامحيني
انا بحت ف جمانه فعلا حب اعمى كان ادفع عليه هو غلطان من راسه ل ساسه! سبحان الله عِ حبٍ!
جدتي تنهدت بضيق: خودي شكلاطه عطيها لبنت فرحت بيها ماتكسيريش خاطرها
جمانه انحرجت وخدتها رغم عارفه حيدير عليها ليله سودهِ
يوسف حّب ع راس جدتي وطلع هو يتمتم!!
تلقى مع هيثم ل حايس مش فاضي يحك راسه
يوسف: نساعدك ف حاجه
هيثم: جابك ربي ندور فيك باللهِ تعرف الفلاني صح؟
يوسف: اها كنك حايس انت
هيثم: دكتور بيمشي معاياِ صارتله مشكله ف اورق وفلاني مصكر راسه صاحبك هو وخلاص طياره بعد ساعات معاش عرفت نسرف!!
يوسف: اعتبر موضوع تم
هيثم: كنه جوك وقصي طلع يربرب ؟تعاركتو
يوسف : يدور ف دخانه ف جيبهِ..فوت موضوع !
هيثم: ربي يهديكم ان شاء الله
يوسف: رن تلفونه وتبعد ورد
هيثم حايس بككل بين هنا وهنا وقصص!
سيرين كانت نفسيتها تعبانه جدًا واحدها البنات كلهنِ
مسحت دموعها هي مبتسمه: حنرايف عليكن ياكلبات
اسيل صكرت شنطتها: نحنا اكثر طمنينا عليك اول ماتوصلي
سيرين: ماتنسونيش ف صلاتكن!
بنات: حاضر !
سيرين: بنات
مسره: هي نمشو لنوران اكيد درتلك بيتزا ابتاعتكِ
ساره: بنموت ونعرف عمتي نجمه وصالحه وفايزه شنو يحكن بروحهن.
زينب: شنو دخلنا يرا خلينا نمشو ناكلوِ هي
مشن بنات لقن صباح حتى هي بتجي
اسيل: وين كنتي يحنه مش ع اساس مع نوران تبي نوران😂
صباح: ووه ع لسانك مشيت جبت شحني وتلفوني وصليت وجيت
اسيل: قولي حكيت مع ايوب وجيت
صباح: والله ماصارت
ويرن ايوب
صباح: حي ايوب
بنات: عمره طويل ردي عليه باي
وخشن
صباح : الو
ايوب: خير كيف حالك؟
صباح: تهندت بضيق.. حال عدوك
ايوب:شنفي ان شاء الله خير؟
صباح: شويه
صباح: تبحت لقت مكان مش ابتاع تكاليمِ خشت لمربوعه وصكرت باب
ايوب: همم كنك شنفي
صباح قاعدت تبكي وخلاص
ايوب: شنفي كنك عمي صارتله حاجه عمتي؟
صباح: بنت عمي طلع عندها سرطان وبعدين طيارته خايفه عليها بكككل هي اختي مش بنت عمي
ايوب: لاحول ولا قوة الا بالله ربي يشفيها معاش تبي ادعيلها بس
صباح: خايفه تسيبني وتمشي
ايوب: عليش تتفاؤلي ع بنت زح اسكتيِ
صباح: خايفه عليها بكككل
ايوب ييغير جو: ياريتني بنت عمك
صباح: ضحكت.. نخاف عِليك بدون شي
ايوب انصدم : والله
صباح فطنت لروحها: نبصر؟ عليش بنخاف يعني
ايوب : ضحك .. باهي
صباح: عليش رن
ايوب: بنقولك ع حاجه بس خلاص!
صباح: باهي تمام
ايوب :مع سلامه
صباح: باي
وصكرو وصباح متريحه وايوب خش هو مبتسم وشير لصبايا خوته👋🏻
امه: كانت تحكي معاها؟
ايوب: لاحول ولا قوة الا بالله
امه: متغير رايح ولحستلك عقلك بنت هذي
ايوب: فيش تحكي ياامي بالله عليك
منعم: ايوب
ايوب: نعم ياباتي
منعم: خلاص
زياد: خش لبس سروال اسود مشرط بس مش واجد وتشرت اسود وسلسلة ف رقبته وفي يده ونظارات فوق شعره وعطر ليعبي مكان
زياد: شنوجوكم ياعيلهِ!
ايوب وباته يبحتو فيهِ وباقي ردو
زياد: باتي را بكره طالع مشرق زرده مع شباب
منعم: مافيش ماشي
زياد: توا ياباتي مشيت تونس وقلتلي لا وتوا زرده لا؟
منعم: تبحت ف منظرك قبل ماتطلع؟
زياد: اها كنه
منعم: توا هضا سروال
مراات خوه: هذي موضه ياعمو توا
زياد: لقانك تفهمي يااسيا😂
منعم: توا يحكي معاك بعدين ايوب
زياد: لا وراس باتك احكي انت ايوب فكنا منه
كلهم ضحكو
ايوب: شنو تشوف فيا ياتيس
زياد:ماتشوفش ف روحك لم تعصب انت ،مهم ياباتي دفعت فيها زرده خلاص بنمشي
امه: خلي يمشي يامنعم
منعم: دلعك هو لخرب العيل
زياد:🥺
منعم: خلاص باهي امشي بايت غادي
زياد: اها في استراحة
منعم: يكر ف كراسي باهي تعال معايا لدار
زياد: حاضر وخش
منعم: متوضي؟
زياد: اها توا صليت في جامع
منعم: بمنظرك هضا ماعلينا، خود مصحف ع درج
زياد خده: ياباتي كل طلعه بنحلف
منعم : تحلف ولا مافيش مشي
زياد : حط يده ع مصحف..
وحلف زي العاده لا يقرب بنت ولا يشرب ولا يدير شي يغضب ربي.
منعم : خلاص تمام درق وجك
زياد : باهي
خش ع اخته في مطبخ دير ف عشاء
زياد: مافيش حد يساعد فيك
ميار:هي مضايقه. كلهن ديرات روحهن ضيوفِ انت نسمع فيك تضحك معهن
زياد: امتى ضحكت غير اسيا قالت موضه دفعت عليا
ميار: به
زياد : شويه توا نجي
غير دبشه وفتح دولاب عنده خاص بشكلاطات وشبسات وخد مكس فلاي وشكلاطه وشبس ومشى لمطبخ
زياد: شوفي
ميار فرحت: شكرا
زياد : قعمز ع كراسي ف مطبخ قاعد يهدرز عليها يمشيلها ف وقت لعند طاب العشاء ..
//
يسرى: تمام ياوفاء اني جيتك بلا بكاء بس
وصكرت وطلعت ف جنان دور ع ياسين لانه تلفونه عندها
امير: شفها.. ياسين هلك
ياسين صبى
ياسين : شنفي
يسرى : دموعها ع خدها .. وفاء رنت عليا تبكي تبيني نجيها شيلني الله يربحك
ياسين : عليش تبكي انتِ؟
يسرى: كيف حنسيب سيرين توا
ياسين راقيتله : مش مشكله خشي البسي تلقيني ف قراج
يسرى : تمام
خشت يسرى وقلت ماشيه اختها عندها ظرف وطلعت بسرعهِ.
وركبت سيارهِ
ياسين: وين قاعده هي
يسرى: ف حوش هلي
ياسين: تمام
ومشى ياسين طول طريق ساكتين !
ياسين: ربع ساعه ماطلعتنش نروح🙂
يسرى: باهي
وخشت وركبت حوش خوها وسلمت عليهم ولقت وفاء واتيه هي وجيش ابتاعها وطلعو
ردينه: را اختك تكذب ع يسرى ماعمري جيت شورها لاشي غير بتنكد ع وليه وخلاص غالي عليها تتلصق في ياسين ويسرى
سليم: تي اسكتي شنو كلام هضا؟
ردينه: نحكي ف الحق هي لتهزب مش انا، كلشي مش عجبها وتوا تبكي ليسرى ع اساس انا متضايقتها، هي كان ماتبيش تتلصق ع ياسين ويسرى تقدر تفتح حوش باتها وامها وتقعد فيها معزز مكرمه مادام نا نضايق فيها ع قولتها بس هي في شي ف راسها! انا ماديتش يدي ع ولدها بككل ملائكه عليش بنمد يدي عليه حسبي الله ونعم الوكيل فيها
سليم: ردينه اسكتي قلتلك
ردينه طلعت من دار بككل.
//
ياسين: لي قاعد يتنطر ع كراسي نزلي امه معاش نشوف ف سيارات
وفاء: يابابا قعمز
ياسين: را سياره مش ملاهي
وفاء : حقك عليا
يسرى: تفنص🙂
ياسين: متعصب واخيرا وصلو لفيلا
نزلت وفاء
ياسين مد فتح حوش: ماشي لهلي انا
يسرى: اسفه ياسين بس عارف وضعي
ياسين: نحكو بعدينِ
يسرى: تمام
وصكرت باب سياره وفتحت الحوشِ
يسرى: حوش حال عدوك ماقربت فيه شي من لم روحت
خشت لقت حوش بنته معطر ويلمع من نظفه
وفاء : اهو نظيف تقول ايش
يسرى: تي ياسين اكيد جايب وليه تنظف عليك قصه
وفاء : عليش
يسرى :مانحبش نحب بروحي
وفاء : ياوجه الفقر لمتى نعلم فيك
يسرى:فكيني من نصائحك توا قوليلي شنو صاير معاك؟
وفاء قعدت تحكيلها وتكذب طبعاً ردينه ماجتش شورها نهائي
يسرى: معقوله ردينه
وفاء : خوك يدفع عليها😢
يسرى: عليش بتضرب ولدك مثلا ردينه ماتضرب في عيالها بتضرب ولدك
وفاء: حتى انتي مش مصدقيني نجي منك ولا من خوك ولا من راجلي
يسرى: لا حول ولا قوه الا بالله خلاص ياوفاء فكينا من دموع توا ، وعليش حرجانه!
قاعدت تحكيلها ف اسباب مش منطقيه عشان تحرج
يسرى: بس هذينا مش اسباب مشاكل ملح الجواز حتى نا وياسين يصيرن هذينا
وفاء ف سرها عليك كذب
وفاء : بس هو لم يتعصب يهزب ويعلي ف وصوته كم مره يمد في يده تعبت نا مانبيش نقول لسليم انه يمد في يده
يسرى: مادام طقت ف مد اليد استوب، بس حتى انتي ياوفاء تحرقي دم لم تعندي على حاجه،وعندك اعويله را ع اقل عشان عيالك
وفاء : تي يدورني بس نروح عزقني معاش دورني بكككل
يسرى: هو صاحب ياسين توا نخلي ياسين يشوفه
وفاء : بصوت هادي .. به
يسرى: خلاص ماتزعليش روحك جبتلك حاجات من تركيا راجيني نجيب شنطه ونجيِ
وفاء ابتسمت بخبث: عليش تعبي ف روحك
يسرى: انتي انتي عاد كان ماجبتلك لمن نجيب
وجبت شنطه
يسرى: طبعا لي جبته روحي جبتلك كيفه بالزبط الا قميص كل وحده لون وشوفي قفطان هضا عجبني جبتلك منه تحبي لون دمي جبتلك دمي ، طبعا جبت شويه ميكب حسبتك، واعيال كل وحد لبسه ولعبه ان شاء الله يعجبوك ❤.
عيال فرحو ليقيس لي يلعبِ، ووفاء فرحت بحاجات بس زاد الحسد وحقد في قلبها
عيل: ماما جيعان
يسرى: نا نخش نغير وخشي مطبخ ديري لعيالك عشاء مش برانيه انتي
خشت لمطبخ لقت ملصقات ع تلاجه من ياسين
" صباح الخير حبيبتي لقيتك راقده تعبانه مانبيش نوضك مهم البسي خليك واتيه غداء برا يوم "
" نحبك را يوم متغدي برا ماترجينيش فاتحه صاحبي "
" عمري غداء عند امي ليوم البسي وتوا نجي مع1 ونص"
" نحبك نحبك واجد بككلِ، يوم عندي عياده لعند4 ونص مش حنمسك تلفون ماتنشغليش عليا"
" صباح نور يانور عيوني خلي تلفونك ف تغطيه"
" دروحي بندير دحي حرقت طجيان sorry نحبك را توا نجيبلك غيره فكينا من عصبيه "
" نروح ع عصر يومِ حنجيب معايا غداء واتي غير خليك لبسه نمشو سوق نجيبو مصروف وشويه دبش ع حالنا بالله الببسي خليك واتيه"
سارحت وفاء هي تتخيال ف روحها زوجه ياسين كلام هضا لها هي!
يسرى نزلت
يسرى: اوي وين سرحانه ع كلام ياسين 😂
وفاء: يهبل كلامه
يسرى : ماهو تغطيه تعبانه هنا بكككل مانحصلوش في بعضنا يكتبلي قبل مايطلع ويعلق ع تلاجه مايهونش عليا نعزقهن نخلي فيهن
وفاء :اممم ، تريحي توا ندير عشاء اكيد تعبانه
يسرى: مع بعضنا مش مشكله
ودرن العشاء وتعشن ويسرى تنصح ف وفاء انها ترد لراجلها.
//
كلنا ملتمين وموضوعنا كله ع سيرين ونحكو شنو يبي يصير وكذا!
هيثم: طياره بعد ساعتين زيدان توصلني انت صح
هشام: نوصلك نا عليش تعب في زيدان
هيثم: من بدري قالي تعال حتى انت مش مشكله
هشام: تمام مهم طمنا عليكم اول بأول
يوسف: يبحت وساكت طول نقاشات
يوسف : نورهان
نوران: همم
يوسف: نحصلو نسكافي ؟
نوران: توا؟
يوسف حط يده ع شعره:خلاص بلاش
نوران: نعطيك بنادول عندي في شنطه
يوسف : عارفها صيدليه ل في شنطتك هذي
نوران: تبي ولالا
يوسف: لالا مافيك فايده بككل
نوران: اصلا مش من جدك نصبي توا نديرلك
يوسف: اممم به وغمض عيونه!
نا مش عارفه شنو جاني وجعني خليني نديرله مادام طلب مني وصبيت وصاله هرجه كانت ساعه2 ف ليلا بس كأنه 10 مواضيع واجد وحايسين .
انسحبت سيرين وصالحه وهيثم يلبسوِ طياره4 بس ضروري من قبلها يكونو ف مطار !
ياسين: امي بنروح نا
نجمه: راجي لعند يطلعو ونسلمو عليهم وتوكل
ياسين: به
ويوسف طلع لجنان كان جو حمو ونكد معبي الحوش
نا كملت نسكافي
مسره: كان حسبتيني
انا: مازال في صبي بس
مسره: منوره
انا: يوسف وين
مسره : طلع بالكي مشى لحوش
انا: اوووف ماتقوليهش
طلعت لجنان وين ماديما يقعدو الشباب لقيته مقعمز ويدخن كانه شايل همومه دنيا فوق راسه مديت راسي
نوران: يوسف
يوسف: بحت بفرحه .. درتيه
نوران اها تعال خوده مش لبسه سباط
يوسف عزق دخان خاف نمرض ولا تصيرلي حاجه ... منوره بكككل
نوران: صحه
نبي نخش ع جيت قُصي هو يكشخ يحسبني كانت مع يوسف نهدرزو مش عارفه عقله وين ماشى؟
قصي: كنكم واعينن لعند توا
نوران: كشخت ..عشان سود عيونك نرجو فيك
قصي: بعيط فكيني من الجالطه عاد سألتك جوابي
#تبع .
كاتبه: كادي إبراهيم .