لكل شخص حكايه

24

روايه لكل شخص حكايه
كاتبه كادي🤍.
حلقه24
قبل كل شي صلو ع رسولنا الكريم(اللهم صلي وسلم ع سيدنا محمد وعلى آله وأصحبه أجمعين🖤)
حكايات من حكايه وخلف كل حكايه سر#
__________________________
انا نضت دوشت ولبست ع سريع لانه نسمع ف بابا يهزب طولت ونزلت
بابا: واخيرا افطري بسرعه تأخرنا ومازال سيرين
انا: هيهي مق قهوه
ماما: اهو واتي
بابا: بس
انا: انا خلاص هي نطلعو
بابا: باهي خودي شكلاطه
انا: هي ماما عندي شكلاطه بلا سكر ل سيرين
وخديت وطلعنا ركبت السياره وبابا طلعها من قراج وانصدمت ب شفته حي علما هذا هو ولا انا مازالت نحلم!
بابا: ابتسم .. سيف صباح الخير
سيف: قرب .. صباح النور عمي كيف حالك
بابا: الحمدالله وين مشي ل شغل؟
سيف: اها واللهي كيف ماتفقنا
بابا: بدايه موفقه ان شاء الله
سيف: ان شاء الله هي مع سلامه
بابا: مع سلامه
وركب سيف سيارته
انا بصدمه : بابا هذا ولد خو صحبك
بابا: اها كنه
انا: اها لا نسأل بس
بابا: اها
انا قاعدت نربط ف الأحداث فعلا هو اووه بونسيب جاري ودزيت مسج ل حور"توقعي من شفت"
وصلنا ل سيرين ورنيت عليها طلعت
سيرين: صباح الخير عمو
بابا: صباح النور
سيرين: نوران شنجو
انا: تمام الحمدلله وانتِ؟
سيرين: تمام يحنههِ
انا: خودي اسمسمي
سيرين: اووه ل نحبها
انا: صحه
سيرين: سلمك  توا بنقولك
انا: شنو
سيرين: انا ردت مش تحاليل واحد اتنين عليش هيثم جبلي واحد وثاني لا
انا: تي بالكي تيالك ولا ف نفس الورقه
سيرين:  اهمم ممكن
وقعدنا نهدرزو لين وصلنا ونزلنا بسرعه وخشينا المحاضره!
وكملت المحاضره نزلنا كافتيره قاعدت نذكر يوم روح بينا يوسف وخشته ولقيت حواء دزتيلها
"اكيد يوسف حبيب القلب روح؟"
انا" ياريت اوسيفا ياانتِ بس كم تعطيني بيش نحكي؟"
حور"نعطيك كف سمح"
انا" شفتتت سيففف طلع جاري"
حور" احلفي كيف وين شبحتيه"
حور" تحكي من جدك"
حور" سيف سيف الاشقر
حور" بالكي يشبهله "
حور"نحكي معاك ردي "
حور" يعنشكلك "
ورنت وصكرت
انا" قاعده ف جامعه والله سيف باهي".
حور " تعرفي هلهه؟"
انا" ل نعرفه عليش انه ف عماره ل مقابلتنا ومالش شي قاعد فيها وهو وخواته وعاد عمه ل مات صاحب بابا وماما تعرف خواتهه راا قالت اكويسات وكلا هو عليك سمح ياخيا"
حور" اول حاجه انتي خليك مع عيون يوسف مالك ومال الاشقر ابتاعي وكيف يعيش مع خواته بس نعرف انه عنده خو وامه؟ ويسكنو جانب عيت معهم صادق الله يرحمه جراكم؟"
انا" نقولك كيف جاء سكان هنا "
حور" شنفي زعمك؟"
انا" عِليك قصه توا نروح نحكو خلاص محاضرة بدأت"
حور هي مشغوله ع سيف" اوك تمام"
سيرين: نوران شوفي ل يبحت فيك هذك كان معانا ف معهد نهارتها
انا:بحت لقيته منصور زمطت ريقي كيف يبحت مانزلش عيونه نفس النظره مليانه حُب!
منصور ركز فيا وعطني نظاره حاده ومشى هو واصحابه
سيرين: تي هي محاضره
انا: هيهي
سيرين: هي
حور رنت ع سيف
حور: سيف سيف
سيف: عيوني شنفي
حور: نوران شفتك
سيف بأستغرب.. وين شفتني
حور: توا ف صبح طلعت جارها
سيف: دقيقه بنت عمي محمود هي
حور: اي هيي
سيف : اوووه حنشوفك بعد تجي بنغازي بلا تعب
حور: خزي تفكيرك
سيف: بس بجد احسن ماصحبتي عيله ماشاء الله عليهم وباتها كيف عمي وأكثر