لكل شخص حكايه

16

#لكل شخص حكاية♥️.
حلقه(16)
كادي🤍
طبعا حلقه مرتين كتبها لانه مره اول انحذفت💔.
_______

سيرين كانت مرايفه ع زيدان بطريقه غريبه فجأه جاتها شجاعه غريبه ورنت عليه بدون ولا تردد!!
سيرين هي صوتها مبحوح من بكاء: زيدان
زيدان هو قدمه تلفونه ويقلب ف صور حنين: شفني كنك؟
سيرين: بنقولك حاجه
زيدان حود تلفون ع جانب: ان شاء الله خير كنك
سيرين: عارف انا قد ايش نحبك وكم ليله حلمت بيك وكل  يوم  نبكي بسببك ولم نغار عليك عارف شن يصيرلي نبكي و حتى كرهت حتى روحي را نقول اكيد فيا ناقص اكيد عشان  انا مش كيف ماهو يبي حولت نهتم بيك ونديرلك ل تبيه بس انتي مابيتش ولا لم تحكي معايا ببرود وولا مرات تستكردني  عليش شن درتلك نا لهدرجه هذا انا ثقيله عليك يوم ل نشوفك وانت ماتعبرنيش كان تشوف ليل كيف يمشي عليا، ماحبتكش سنه ولا  شهور  انا حبيت سنين من ايام اعدادي انا في حاله نفسيه ونبكي وندعي انك تكون ليا ضيقه الصدر نحس فيها بسببك بعد نغار عليك وماحوتك ماتنفس وقتها ياريت تحسها بيش تحس بياا انت، شن ذنب مشاعري صادقه ل عرفت حب معاك؟فهمته وعرفته معاك وياريته ماعرفته كرهت الحب وكرهت روحي وكرهت كل شي وانت امورك هانيه وجوك تمام يانت  عليش الحب هذا كله وغيره وحن وخوف ومشاعري الصادقه ليك؟ وقتي كله سارحه نفكر فيك وانت كويس متريح كليت شربت تعشيت تفاصيلك كلهن يهمني ومستحيل بنت تحبك كيف ماحبيتك للاسف💔.
زيدان: سيرين  غير بطلي بكاء بس
سيرين: تهندت
زيدان: بس انا اسف والله نشوف فيك كيف خيتي سيرين مافيش اي مشاعر حب اتجاهك.
سيرين:صكرت الخط وحست انها ندمت كان عندها امل انه يكون معجب حتى
سيرين : شنو درت انااااا من جدي كنيي وين عقلي كان؟!

//
مروان هو قاعد عادي ع كراسي فجأه ناض وطاح
سيف مشى يجري هو محمود جا دكتور يجري شاف نبض
دكتور: قلبه واقف !!
خششوها ل غرفة الإنعاش وقعدو يحولو معاه بجهاز صدامات كهربائيه!!
مره مرتين ثلاته رد النبض
دكتور : تهند بقوه.. الحمدالله
ممرض:  معجزة صارت
دكتور: مش اول شخص يموت قريبه ويوقف نبضه كم مره صارت في ل يعيش ف ل يموت!
ممرض : الحمدالله بس حالته مش مستقره
دكتور : ان شاء الله خير🙏🏻.
وطلع
دكتور:  الحمدالله رد النبض
محمود: وحالته شنو
دكتور: كويس انا متأكده حينوض بعد كم ساعه ويقعد كويس لانه كم حاله جتني هكي من قوه الصدمه بس وساعه ساعتين بكثير تلقوه يحكي قدمكم
سيف: الحمدالله الله يطمنك
دكتور:  شكراً وربي يصبركم
ومشى .
فعلاً ساعتين وناض مروان♥️.
//
مرت ليله عليهم-:
سيرين كلها دموع وندمت وعكس زيدان عادي ماكنش كسر قلبها ورقد كانه مافيش شي💔.
نسرين ليله كلها خوف زي العاده🤦🏻‍♀️.
مروان من اسوء ليالي ل مرن عليه مش مستوعب ويبي غير روان جنبه بس💔
حور مشغوله ع سيف وخايفه عليه
نوران متلخبطه وهربت من كل هل هرجه ل في راسها ورقدت
ملاك وروان كل يسأل فيهن ع امهن وهنا منقهرات من تصرفات امهن وملاك وروان درهت كبدهن من أسئلته الناس ملاك كنه راسك وروان وجه كنه والخِ.
يوسف ليله كلها وهو يفكر في هيفاء ويقلب في كلامها ف راسه
//
صبح يوم جديد
يوسف يلبس في لبسه عسكرية وموتي روحه خلاص رن تلفونه
يوسف: السلام عليكم
ايوب: وعليكم السلام كيف حالك
يوسف: الحمدالله وانت
ايوب: الحمدالله قلتلك كنت بنقرا الفاتحه توا بس قالو انت مشى الحرب
يوسف: اها اتفقتو على جمعه جايه!
ايوب: اها ع ساس الجمعه؟
يوسف: خلاص ف موعدها كأني قاعد
ايوب: لا كيف انت ماتحظرش والله ماتصير بلاك
يوسف: لا حتصير
ايوب: ياراجل ماتقدرش تأجل
يوسف: انا امر مانقدرش
ايوب: لا حول الله
يوسف: تبي شي
ايوب : سلامتك ياغالي
يوسف: تم حنقول ل باتي انا مش حتأجل
ايوب: ان شاء الله خير
يوسف:تم
وصكر ومشى!!
حيرد يوسف من جديد لهله بعد ماشيه هذي ولالا💔!