#لكل شخص حكايه🤍.
حلقه27 .
"كلنا عشاق لكن كل شخص لديه حكايته❤️🩹"
___________________
هيثم: باهي بنقولك حاجه
زينب: شنو
هيثم:بِ جديه.. من مراد
زينب: بحت فيه.. طالب معايا
هيثم : وعليش معاك ع انستا وفيس ويعلقلك؟
زينب: هكي درلي فالو رديت لانه يساعد فيا واجد ف جامعه
هيثم: زمايلك ف جامعه يقعد ف جامعه مش داعي ع جميع مواقع التواصل الاجتماعي معاك!
زينب: ترد ف طرف ل حطته ع ظهرها ومغطيه صدرها .. شندخلك يااستاذ
هيثم: اسمعي ماتنرفزش امي وفتح تلفون بحكم عنده رمز من مره ل فاتت🤦🏻♀️.
زينب: ردلي تلفون هيثمم
هيثم رفع يده فوق ويحظر ويحذف ف مراد
هيثم: ماشاء الله ع واتس اخره
زينب: ترفع ف روحها بيش توصله .. هيثم ياهوي ردلي تلفون
هيثم: بدون مايبحت فيها ويربش ف تلفون .. حي علمك كيف قصيره
زينب: انت طويل ياحيوان رد تلفون ماتحظرش ياهيثمممممم
وطح الطرف ع يد هيثم
هيثم : يبحت فيها وغطها بطرف بسرعه❤. احا الله يبارك وين شي وضيء😍🔥
زينب بعصبيه: عارف انك قليل ادب وقح باهي ومش متربي ومدلي تلفوني هنا
هيثم بنظره رومنسيه: بديت نحب شكلي
زينب :تحب ولا تكره مدخلنيش بيك وع فكره انت واحد كذاب ف مشاعرك
هيثم: كذاب اخره
زينب: اها ومدلي تلفوني نشف ريقي هيثم واقسم بالله ماتخلينيش نوريك وجه اخره
هيثم ضحك: لا وريني
زينب: بعيط ..هيثممم
هيثم حط يده ع فمها: اسكتي ياعنجدك
زينب: تنفص
هيثم: نطلق بس اسكتي
زينب:🙄
هيثم طلق ويده تلبزت روج: امسكي تلفونك عنشكلك عليك شهداره تاريتك
زينب: خربت روجي ياحيوان
هيثم: عقبال ماتقولي خربت روجي يازوجي😂😍.
زينب: لقانك الا تافه
هيثم : بس والله ماشيه خربت روجي يازوجي😂
زينب: خدت تلفونها ومشت هي معصبه منه ومن بروده خشت للحمام تسقم ف روجها وتلعن ف هيثم
هيثم يبحت في يده : خربت روجي يازوجي🤣
ويمشي هو يضحك وابتسمت نصر ع وجه انه حظر وحذف مراد رقمه وكلشي يخاصه وفرحه انه كلامهم كله ع اقرايا وبس
زيدان : ..شنو الطرشيق هذا ومشي وتضحك بروحك
هيثم : حرام يعني
زيدان : مش حرام بس لقانكم عيله مش طبيعيه كلكم ع بعضكم
هيثم : را تنسى عيله هذي انت منهم بس
زيدان: عليش خش جوا انت
هيثم : نفس السبب خش عليه انت
زيدان: انا بنغير دبشي ونتمرقد
هيثم: توا مغرب را
زيدان: لقني تعبان بككل
هيثم: بسس صبايا مازالن قاعدات
زيدان: حنسلسل وكلهن ف جنان
هيثم: باهي
زيدان: شفت الدبه شكلك ل تضحك
هيثم: وطيبك شوفه اصلي كبدت فهمت
زيدان: امشي ملح انت كل يومين مكبد
هيثم: للأسف
زيدان: بنت سيدك راه
هيثم: تي من جدك بنلعب بيها مثلا نحرق ف دمها بس
زيدان : انا قلتلك وهي وجك مانشوفش قدمي نا
هيثم:باهي
وخش زيدان هو تلف نايض بدري مش متعود وخش من الباب الخلفي ل حوش وركب وبدون مايسلح دبشه طح ف سرير وراقد.
//
هيفاء: ايوه رائد
رائد: هيفاء عاش من سمع صوتك
هيفاء : يوسف وينه عرفته طالع معاك شنو درتله
رائد: شنو نبي نديرله مثلا
هيفاء: رائد مادرتش يوم حدير بكره عارفتك مش حتهني روحك
رائد: واللهي ناوي ناخد حقي
هيفاء : شنو درلك هو بيش تاخد حقك فوته يارائد
رائد: مازالتي يوسف خط حمر
هيفاء ضحكت: بس مره هذي مش عشان خاطر سود عيونه عشان مصلحتي نا
رائد: اووه معاش في حب
هيفاء: حولت معاه معاش يبيني
رائد: اصلا يوسف مش ابتاع يغريه الفرش
هيفاء: متغير قبل يضعف معايا
رائد: ل ديري فيه اشويه ع اساس
هيفاء: ضحكت.. لقمه العيش
رائد: مش فاضيلك توا را شنو تبي من الاخير
هيفاء : كويس هو يوسف
رائد: عنده إصابات كم مره يصاب
هيفاء : امم رد بالك منه
رائد : ع عشانك بس بس لم نروح
هيفاء:ندلعك غير فوته
رائد: مادام هكي وحقديني نفوته بككل وعيوني عليه
هيفاء: اتفقنا
رائد: خلاص يا** ويوسف مايحتاج توصي عليه يعني كان يحطنا ف راسه انا وياك ف ذمه الله ماتنسيش
هيفاء : عارفته حتنا بس انت خاين تجيه ب غدر
رائد :للأسف 😂.
هيفاء : هي اوكي
رائد:هي اوك
وصكرو
هيفاء: اه يايوسف نجيك نا وتلزني الله ايام تجد فيا بيش نتلاقو اياامات
//
يسرا : ايوه ياسين تسمع فيا
ياسين: حبيبي هي اطلعي
يسرا: عرب مازالو قاعدين را ومازال مغرب بدري
ياسين: طيارتنا ع 9 يدوب
يسرا: ياسين
ياسين: مانقدرش نأجلها را خديت اجازه من مستشفى اسبوع
يسرا: باهي هي
ياسين: نرجي فيك قدم الحوش
يسرا : تمام
ويسرا قلتلن وبين هرجه هذي كلها بدت حوسه العشاء سحبت روحها ولبست عبايتها وطلعت
ياسين: حبيبي
يسرى: حياتي اشتقتلك
ياسين: مسك يدها.. حتنا شنجوهم
يسرررى: خيال جو من الاخير سيبتهم يعطو ف عشاء
ياسين: اها واجدين هما سيارتهم واجدات
يسرى: لالا امه وخواته وصبايا خواته وخالته وعمته وكم بنت شباب
ياسين: اهاا ماشاء الله
يسرى: اها
ياسين: نحبك
يسرى : نموت فيك❤.
أنت تقرأ
لكل شخص حكايه
Romance(روايه لكل شخص حكايه كل شخص في روايه عنده قصه وعنده ماضي وكل قصه حستفيدو منها روايه كوميديه ودراما وحب وأجواء عائلات الييبه ) بلهجه العامية اليبية الشرقاوية وقليل من لهجه الغرباوية. الكاتبه:- كـــــــادي إبراهيم .
