لكل شخص حكايه

31

لكل_شخص_حكايه🤍.
الحلقه31'
//
سيرين نزلن دموعها ومسحتهن مشت شور حوش العيله لقت  جدتها طالعه في يدها اكل
سيرين: هلا جديده
جدتي: اهلين بنتي
سيرين: شنو اديري اكل القطاطيس
جدتي : اها لكي كم يوم ضربتيهن ف ساس قبل ديما توكلي فيهن معايا
سيرين :معليش ياجدتي
ضبحتلهن جدتي وكلهن جن يجرن🤍.
وقاعدت توكل فيهن هي وجدتها
جدتي: كان تشوفهن ساره يغمى عليها
سيرين: دلوعه 😂
جدتي: اها بككل 
سيرين :بشبوشي كول شكله مريض ياجدتي
جدتي: لا كويس غير هو بُنيته ضعيفه
زيدان يبحت من بعيد
زيدان: حنونه حتى على الحيوانات نادم على كل يوم جارحتك فيه خايف نخسرك سيرين؟؟؟؟
وخشت سيرين وجدتها وقعمزن يهدرزن !
جدتي: هيهي مازال5 دقائق ع عصر خشي خودي الضوء!
سيرين: هي حاضر جدتي
خشت سيرين توضت ولبست لبست الصلاه وصلن مع بعضهم
سيرين اكثر مكان تتريح فيه حوش العيله في راحه مش طبيعيه وعندها قعميزه مع جدتها بدنيا
^
نجمه خشت مطبخ: ماشاء الله درتيها انتي
صباح: اها نايضه نايضه قلت نديرها انا
نجمه: سلمك اياديك ماشيه معايا لجدتك؟
صباح : اها حتى بنات عمو صلاح جايات
نجمه : باهي تمام نغير ونمشو
صباح: حتنا نغير
نجمه: تمام
صباح غيرت لبستها ونجمه وطلعو لقو صالحه وبنات لانها كلمتها نجمه
ساره: شنو قهوه تبو بسكر ولا بدون
جدتي:  كلنا بدون
ساره: تمام حتى انتن بنات
البنات: لا حطي شويه سكر
ساره: باهي صبن معايا مبردكن
وخشن بنات يهدرزن وحكتلهن صباح ع موعد وشنصار
موده: ماتنكديش ع روحك ياقرده والله نحنا معاك ونكملو كلشي
صباح: حتى بنددير جلسات ل بشرتي نبيها كيف يوم بيان وامتى ندير وامتى  نطلع
ساره: تقدري تقدري ماتركبيش ع روحك
سيرين: تقدري تطلعي حتى صبح يعني
صباح:  بالي سمعت صوتك كنك ساكته ؟
سيرين: شي عادي😂؟
ساره: ماتفكيريش واجد
صباح: باهي
موده: هي قهوه طابت
//
روان: ايوه سيف
سيف : نعم
روان: مازال مطول
سيف: لا خلاص واتي الغداء في الطريق
روان: تمام
روان: ملاك تعالي ف مطبخ نهدرزو
ملاك جاتها
روان : عارفه خوكي سيف هضا نعمه كَبيره؟
ملاك:  بككل عارفه ماكنتش ماتوقعتش يحبنا درجه هذي صح كان حنون علينا بس ماتوقعتش يوقف معايا وقفه هذي كان عيسى را قتلني من زمان
روان فرحت انها اختها بدت تهدرز: لانه سيف نشوفو فيه مره ف شهر ومرات مانشوفش بككل متعودين ع عيسى وجهنم عيسى
ملاك: ساكتت ومر قدمها عذاب عيسى ف دقيقه الضرب الحرق الحبس كلشي مر قدامها !
كان يعذب فيها أكثر لأنها كانت معنديه ولسانها طويل عكس توا تماماً كيف تغيرت  ل مرت بيه مش شويه ابدا!
روان: ياربي ضربتها بعين نا ولاايش؟
روان: ملاك
ملاك: نا نخش نتريح شويه لين جا سيف
روان: تمام؟
روان كملت الغداء بديت تحط فيه!! على خشت سيف
سيف: اوه ع بنه السمحه
روان: هي اغسل ايديك  لعند كلمت ملاك
سيف : هي تمام
وخش سيف الحمام وجات ملاك
سيف : قعدنا نتغدو ع عصر مره اخره تغدو وعقبولي
روان:  لالا نتغدو معاك وأساسا نفطرو متأخر عادي
سيف: ع راحتكن
ياكل سيف ويحكي ع حور رسائل❤.
حور: حنشبحك قريب بوكل
سيف: تحكي من جدك؟؟
حور:اياام الجايه حنجي لنوران
سيف: خلاص تمام متشوق نشوفك
حور: كان ماعجبتكش؟
سيف: نسيبو؟
حور: سيفففف؟؟؟
سيف: هههههههههههه تي نبصر
حور: باهي عيت خالي جونا باي
سيف: هي وجك
روان وملاك يبحتو ف خوهن ل يبتسم بروحه
سيف: كنكن؟
روان ضحكت : مافيش شي😂
ملاك خاطرها تنبشه لانها طبعها قريب من اسيل زمان؟ بس متحشمه حتى تحكي معاه لعند توا !
سيف: غير كنكن؟ تضحكن
روان: من سعيده الحظ🤣؟
سيف: ضحك 🤣🤣🤣كولي وانتِ ساكته  .
//
بابا: نوران
انا: نعم يابابا( كان بابا حزين لعند توا ع صاحبهه صادق وطالق لحيته)
بابا: فاضيات ماعندكنش اقرايا؟
انا: لالا مافيش امتحانات اقرايا عاديه في حاجه؟
بابا: نكلم خوات سيف تتعرفن على بعضكن؟ بدأت عنده اخته شويه نفسيتها تاعبه وصية صادق نبيها تغير جو.
ماما: ياريت والله كلمهن؟ يهبلن يابنات  حتنسجمن معهن
اسيل: الله وجوه جديده
بابا:  خلاص تمام اصلا شويه طالع نا وسيف ونقوله
ماما:تمام
وطلع بابا ل داره
ماما: توا نطلع من فريز نوعين حلو ونوعين مالح مع شاهي
اسيل: في شكلاطه مع عصير؟
ماما: اها الحمدلله فيه
اسيل: تمام نمشي نغير
نا : حتنا ونوض زينب 
وغيرنا
انا: ضروري مكياج حتى ف حوش اسيل؟
اسيل:تبخ ف عطر .. نحبه نحبه🤣 هي نزله انا
نزلت اسيل
بابا: ايوه امير
امير: قدم حوش ياعمي وجبتلك ملفات ل تبيهن؟
بابا: هي باهي
امير : نزل من سيارته .. وعطه ملفات
بابا: منور هي خش اشرب معايا قهوه قهوتي ع نار
امير: لالا منور ياعمي
بابا : هي يرا فكيني من تصكير الراس
امير: توا مره اخره
بابا: كان ماتخش نزعل منك
امير: الا زعلك هي ياسي
بابا خش وأمير رد يسكر ف سيارته!
بابا: اسيل احسبي معايا امير في القهوه؟
اسيل: حاضر يابابا
خش هو وأمير مربوعه قاعدو يهدرزو ع شغل
اسيل: طقت ع باب. بابا قهوه واتيه
بابا: هذي كنها.. خشي مافيش حد غريب امير ؟
خشت اسيل وأمير نزل راسه وجعته لقطه يحسبه احمد قالها  معاش تتقابلي معاه فِنزل راسه وساكت رغم كان ملهوف على شوفها💔.
حطت اسيل وطلعت بدون ولا كلمه
شرب امير قهووته وتوكل
بابا:  ها شنو  قلت سيف
سيف: توا نشوفهن والله  مش داعي اكيد عندهن امتحانات؟
بابا: لالا ماعليك غير كلمهن بس بنات مكسدات لا طلعه لا خشه يهدرزن ممع بعضهن
سيف: تمام
وركب سيف
سيف: روان ملاك البسن تمشن تغيرن جو مع بنات محمود
روان: الله ليا زمان ماطلعت هي
ملاك بحتت بعيونها
سيف: ملاك ماتبيش
ملاك: لالا حنمشي حاضر
سيف: باهي ع سريع عندي مشور مع عمي محمود
ولبسن بنات ع سريع ونزلن مع سيف
وخششهن بابا
بابا: فايزه
ماما جات  : تفضلن تفضلن بناتي
سلمنا ع بعضنا وقعدنا نتعرفو ع بعضنا
اسيل: بالي تلاقينا يابنات خاطري فيها من زمان
روان: والله حتنا شخباركن
نوران ، زينب: الحمدالله
اسيل: من فكين ملاك؟
ملاك:  انا
اسيل: هاديه بككل
روان: بككل موليد كم اسيل
اسيل: 98م
زينب: وانا نبيدي97م
روان: ماشاء الله ع روس بعضكن
انا: ويحنه انا الكبيره 95
روان: ربي يحفظكن ان شاء الله كلكن طب صح
اسيل: زي ماقلتلك كلنا طحن ف هل طب
روان: ماشاء الله يحنه نا متخرجه مفروض ابله رياضيات توا بس مااشتغلتش
اسيل: ماشاء الله اشتغلي رياضيات مكسب را تورقي
انا: فعلا بدأت مازالت مابدت السنه فكري ف موضوع
زينب: وانا عندي صحبتي باتها مدير مدرسه خاصه كان تبي قوليلي وقريبه من هنا را كان فطنتيلها على ع رئيس قبل ماتخشي الشارع
نوران: لا حق مش فاطنه
اسيل: صحبتك من؟.
زينب: تي بنت عمي سمير اجوزت ف طرابلس حتى هي تقرأ طب وتلاقينا ف جامعه نسيتي؟
اسيل: لا اذكرتها ايمان
زينب: خلاص  لم قلتها مكان حوشنا قلتلي قريب من فيلا ابتاعتنا زمان بس توا بابا دارها مدرسه
اسيل: اها ماشاء الله
نوران: ملاك وانتِ كم عمرك
ملاك: ءءء انا23 متخرجه من كليه العلوم
روان: لانها كاسبه سنه تخرجت بدري فهمتي
نوران: اها ياحظك انا مازالت نعني ف شيتات
ملاك: موفقه ان شاء الله
اسيل:  اسلحي ياروان وشاح مافيش حد ماعنديش خوت اساساً،
زينب واسيل انسجمن مع روان انا نهدرز مع ملاك  وبدت تنطلق معايا لأنه بابا وصاني عليها
ملاك :  امممم تقربي ل هشام انتِ صح؟
نوران استغربت : اها ولد سيدي
ملاك: كيف حاله
نوران: كويس ،يحظر ف ماجستير توا
ملاك: ماشاء الله
نوران: ترددت نسألها شنو تعرفه بس ماحبيتش قلت مع اياام  نعرفو ماحبيتش نجيب سيرت حتى يوم الحادث اني نا اسعفتها ومازالت ماذكرتها لأنه واضح موضوع حادث في حاجه مش بسيط ابدا؟
شربنا قهوتنا وشاهي وغيرنا جونا بجد روان جوها خيال ودمها خفيف وحتى ماما هدرزت معهن شويه، حتى ملاك بس فيها شويه حركات زي توتر فجأة وتسرح واجد تاكل ف ظوفرها واجد ومرات نحكو ونقولها ملاك مش معنا بككل؟ هضا كله دليل ع تعب النفسي وتفكير المفرط !
رن سيف على روان
سيف: انا برا اطلعن
روان: هي حاضر
ولبسن وشاحها وملاك قاعدت بيه اساساً .
اسيل: مقعد من غير اخساره والله غيرنا جونا وجايات اكثر  ان شاء الله
روان: والله غيرتن جوي ماشاء الله عليكن عاد توا تملن مني خلاص
زينب: لا بلعكس ماينمل منك بككل تهبلي
روان: سلمك ياقلبي
انا: كان قعدتنا مازال بدري
روان: وين خلاص بدري من عمرك وسيف برا
انا تأكدت انه ابتاع حور خلاص ونا كانت نهدرز مع صبيات حور القرده
ماما: سلمت عليهن وطلعن
ماما: ماشاء الله عليها روان
اسيل: تهبل بككل 
انا: لقانهن ملايكتهن خفيفه ويخشن القلب ضروري نديرو يوم نعزمو حور وبنات سيدي ونغيرو جونا
ماما: ان شاء الله حور تبيلها عزيمه بنعزم حتى امها نهدرزو
انا: تمام بنخش نقلب ف شيتات شويه
زينب: نغير ونديرلكم عشاء خطير شفته ع نت
ماما: الله بالي تعركتي ع حالك الله يربحك مطبخ قدامك ومرطزي  ع كيف كيفك
زينب: ماصدقتي ياماما😂
وركبت زينب وماما قعمزت على تلفزيون وتحضر ف مسلسلها
واسيل احدها مش عارفه كيف تفتح موضوع
اسيل: ماما
ماما متنحه ع مسلسل مش مركزه بككل : نعم
اسيل: عادي تركزي معايا شويه
ماما : يخطرلك لم يبدأ مسلسل راجي تجي دعايه
اسيل: باهي وقعدت تبربش ف تلفونها لعند جات دعايه
ماما: كنك؟
اسيل: تشوفي فيا نقدر نفتح حوش  ف عمري هضا؟
ماما:  عمرك مناسب مشكله في عقلك
اسيل: عليك قصف
ماما: عليش شنفي
اسيل: طبعا انتي عارفه نحكي مع احمد خلك دروحك مش عارفه
ماما:  تمام باهي؟
اسيل: له كم يوم يحكلي نقرو الفاتحه وكذا والحوش قريب يكمل شنرايك
ماما: لالا هي كلمه خلاص مازالتي يااسيل ع اقل تخرجي ورد باله يفتح موضوع مع باتك مستحيل بالي وافق ع خطبه
اسيل: تبي الحق حتنا مازالت مانبيش توا غير قلت نشورك
ماما:  تمام وانتي متريحه معاه  احمد؟
اسيل : الحمدالله
ماما: خلاص اسكتي ماسمعت شي
اسيل: عليك قصه وانتي مسلسل هضا😂.
رن احمد انسحبت من احدى ماما طلعت ل درها وردت وقعدو يحكو وقالتله ع رايها واحترام رايها احمد وقالها ع راحتك عادي
بابا خش
بابا: السلام عليكم
ماما: وعليكم السلام
بابا: غريبه مش ف مطبخ وقت عشاء؟
ماما : يوم زينب راضيه علينا تبي ادير
بابا: اساسا مش صغيرات هن مفروض كل يوم وحده وانتي ساد الغداء
ماما: لالا يقرن بنات لم يعطلن تشوف فيهن يديرن
بابا: بجوكن
ماما: كنك مش رايق؟
بابا: مشغول على يوسف قالك غادي دنيا شاليه يستر الله حتى ل نسألها يقولي طلعن من مدينه مانعرفوش شي دنيا خالطه غادي
ماما:  لا ان شاء الله خير
بابا: حتى بدري ماروحتش مع سيف  مشيت نعزي في ولد عيت ** شهيد قالو له 3 ايام متوفي محد يعلم لقوه معزوق ودفنوه غادي 
ماما خافت: ان الله وان اليه راجعون الله يرحمه
بابا:  بنرن ع فؤاد نشوف اكيد سامع دنيا متقربعه غادي
ماما: بالكي ترعش الراجل وخلاص
بابا:  لالا بالكي عنده اخبار ويطمني
ماما: ان شاء الله يارب
بابا رن عليه
فؤاد: السلام عليكم
بابا: وعليكم السلام كيف حالكم غادي شنجو امي يوم ماحصلتش وقت نجي
فؤاد: حتنا استغربتك ماجديتش
بابا: لقاني تلف اليوم تعب نايض بدري وشغل صبح وعشيه
فؤاد: يعطيك الصحه ويطولنا في عمرك
بابا: سلمك مافيش اخبار ع يوسف
فؤاد طالع برا متبعد ع نجمه وبنات
فؤاد: غير طلعت برا رن عليا ولد صاحب دكتور جاء يوم يوسف مصاب بس قالي كويس وحالته كويس وطلع غير مانبيش امه تعرف وديرلي زعزعه وشورخ عارف صبايا انت
بابا:  الحمدلله  الله يطمنك بالي مشغول عليه
فؤاد: حتى قصي تصدق سأل عليه شباب كلهم رنو عليا
بابا: شنو قصته وهو وقصي
فؤاد: محد يعرف بس مايحكوش مع بعضهم من سنين كان موت في يدهم را عزقوها ع بعضهم
بابا: لدرجه هذي
فؤاد: وأكثر جات فتره نفكو فيهم من بعضهم كل يوم عركه وحاله
بابا : ربي يهديهم والله غريب نذكر زمان قصي ويوسف ديما مع بعضهم من هما اصغار مايفرقوش بعضهم
فؤاد: ل صارلهم صارلهم
بابا: صار هكي
فؤاد: هذا هو  ورن عليا منعم بعد خاطرها
بابا: ان شاء الله خير كنه وكيف حاله هو مع مرض
فؤاد: يبو يقدمو موعد العرس عشان حيرد يسافر عشان علاجه اتفقن ع يوم28 . 7
بابا: اوه قريب بكل بعد عيد الأضحى طوول
فؤاد: هو اساسا  العريس حيسافر مع باته لانه هو فاهم ع باته ويعاني فيه ومش عارف امتى يروح مرات يطقو سنه ف يبي العرس توا ويسافر
بابا: فيها خيره ان شاء الله
قعدو يهدرز وموضوع جاب موضوع!
وماما صبت تشوف إنجازات زينب شنو درات
//
تعالو نمشو ل حوش الحاج منعم*
(نبذه عن منعم راجل يخاف ربي وشيخ ومعروف بصيته في منطقه الكل يحترم فيه حتى اعياله مربيه احسن تربيه الا ولده الصغير فالت منه، وموفرلهم افضل معيشه وربي ناعم عليه  بخيراته بس تدهورت حالته صحيه من سنتين وانشل وقاعد ع كراسي بدت حالته تسوء وطلع بيه ولده ايوب برا وبدا مسيرة علاجه ومره يصح ومره يرد اسوء من قبل بس طبعه تغير واجد مع مرض وقعد صعب بككل بكل ومعامله معاه صعبه ويتعصب بسرعه)
منعم: هضا كلامي ياوليه عجبك باهي مش عجبك خلاص اتفقت انا وراجل وولدك بروحه موافق وانتِ كنك قالبه وجك وتنقي ع موضوع هضا من صبح
زوجته"خيريه" : انا اساسا مش راضيه عليها الجواز هضا ايوب نا كانت نبي نختارله 
منعم: انهي كلام ياخيريه خلاص كلامك هضا مش حيغير شي دوه دوه وخلاص
زياد مد وجه يتفرج عليهم ويفصفص في الزريعه: الله على باتي الدكاتتور معمر القذافي😂.
منعم:  اسكت يازياد مش وقتك بككل
ميار: ماما اهدي خلاص
خيريه: بس كانت حطتله وحده ف راسي وكيف ماجوزت باقي خوته ع ذوقي
زياد: ريت هل صبايا ل جبتيهن وحده تخوف نظره منه نشخ وثانيه جالطه وشامخه وجيج ابتاعها واجد  ولدك يجري ف جرتها  في العرايك شبه يومياً شفنا ذوقك شبعن منه خلينا نشوف ذوق باتي
خيريه : احترام نفسك ماتحكي ع صبايا خوتك هكي وانت أعوذ بالله منك
منعم: العيل ماقال الا الصادقه
خش ايوب
ايوب: كنكم شنو فيه صوتكم طالع؟
زياد: يتعركو ع زواجك الزايط هضا
ايوب انفجع: شنو صاير كنك ياباتي
منعم:زي العاده موضوع امك ع زوجتك
زياد يسهوك: عنجد زوجتك مراتك اسمها 😂
محد عدل عليه لأنه موضوع جدي هو يسهوك بروحه
ايوب: بس انا نبيها بنت خلاص عرسنا شهر الجاي؟
خيريه: انا سكتت وتوا نشوفها الغزاله  يلي شبط فيها وانت وباتك سبحان الله قبل كانت ماتبيهش
منعم: اسكتي ياخيريه ساد ساد شهرين ونفس الناقشات؟
ايوب: حتشبعي منها
خيريه: بس عارفتك ياايوب نا من تحب
اختفت الابتسامه من على وجه
ايوب:  صكري امه موضوع يمي كنك اليوم؟ معاش تجيبي سيرتها
خيريه:خشت الدار وهي مضايقه مش راضيه ابدا بس شنو أدير سكتت تفكيرها كيف اغلب الامهات اليبيات يبو لي ولدهن ع ذوقهن بدأت  هي ايوب كان في موضوع كان في بالها هي** ولدها** بس صدمها منعم بعد دوه على بنت  صاحبه وخطبوله توقعت مش حيكملو لانه حتى ولدها كان مش موفق بس توا راضي وعادي .
زياد: عليك مسرحيه اديرو فيها امك كيف استوعبت انك تبي تجوز ولا ايش
ايوب: شكلها
زياد: نخش دار نكلم الحب
وميار: انت عند حب واحد مكثرهن لي عندك؟
زياد: الله اكبر مش شورك ربي يزيد
ميار :مريض عقلياً🤷🏻‍♀️
زياد: اووه شوف من تحكي
ايوب بصوت عالي نوعا ما
ايوب: صكرو خاربكم وكل واحد دراه
زياد: الدكاتتور الثاني صدام حسين😂
وخش هو يضحك
وميار خشت هي ساكته
ايوب : باتي نغير وندوشلك شنرايك دوش ع سريع فوت كلامي امي ديما هكي بعدها ترضا
منعم : لا عارفها انا امك مره هذي مصكره راسها
ايوب:  ماعندها ماادير
منعم: ميه مره نقولك تحطها في عيونك بنت باهي؟
ايوب: حاضر ياباتي
منعم: الله يرضا عليك 
خش ايوب لبس التوته ودوش لي باته وعطه الدواء وشويه ومنعم راقد ( هي دار ايوب بس له فتره منعم متعارك مع خيريه وقعد يرقد مع ايوب )
ايوب تمدد ع فراش ع الارض وباته راقد ع سريره
ايوب قعد يفكر بدأت لم امه ذكرت عليه موضوع قاعد سارح يفكر فيه
شويه حط منبه ع موعد دواء باته الثاني وراقد يهرب من ل ذكرته بيه امه!
//
جدتي كانت بايته معاها ساره
جدتي: يابنت ماتعرفيش امك كنها يوم؟
ساره: ولا والله ياامي ،من صبح هكي
جدتي: ماعجبتنيش بككل مش صالحه لنعرفوها
ساره : ان شاء الله خير وخلاص اكيد تفكر في قُصي ديما شاغل بالها!
جدتي: امممم بعد ترقدي طفي ضي الصاله وخشي احدياا
ساره: عارفه ياامي فرحت ل صباح بكككل اخيرا نطلعوه فرح وكلنا قاعدين ومعنا عيت عمي محمود
جدتي: اها تستاهل صباح ربي يكمل عليها بخير ان شاء الله وعقبال الشباب اكبر مش أصغر قريبو يطقو 30  مادين وجهم احدياا؟
ساره : بككككل يوسف وقصي اكبار ل كيفهم بعيالهم وهشام وهيثم
جدتي: اها عمر يجري وقصي هضا بروحه
ساره: امي عليش بتشطبي شقه هذيك قلتي ل بابا عليها؟
جدتي: توا تعرفي بعدين هي تصبح ع خير
ساره: وانتِ من اهله
وخشت جدتي دارها وساره ع تلفونها
//
مولعين فيلم مصري كوميدي ونا وزينب واسيل ونهدرزو
زينب تنزل ف عشاء لي ديرته وفرحانه بيه
هيثم " خلاص سكنتي ساد تقول اول مره اديري حاجه؟"
زينب" مش شورك بيا مش عجبك حطني من الحالات غير مهمه وريح راسك"
هيثم" معقوله انتِ المهم كله 😉❤"
زينب" باهي شخباركم؟"
هيثم" الحمدالله ماشيهه"
درت أحببت ع مسج
انا قاعده نفكر في موضوع مش مع فليم ابداً
//
زيدان: ايوه قصير وينك
امجد: ماد وجي قدم الحوش ندخن  عند هلي حصلت هزايب مسحو بيا الارض
زيدان: تستاهل شنرايك نجيك نمشو ل حفله سفيان شباب ديرله حفله في شاليه بدري قالولي نقولك لقني نسيت توا رنو اخره
امجد: هي نراجيك
زيدان: البس مش تقعد ساعه لين ماجيت
امجد: تمام
لبس ويبي يطلع
امه: وين ماشي في هل ليل
امجد: عندنا صحبنا عريس ديريله حفله
امه: تمام ماطولش رد بالك ع روحك
امجد: باهي حاضر
وطلع طول زيدان شويه وجا
امجد: تقولي البس بسرعه وانت جاي ع سنقة عشرة
زيدان: يضحك ..اركب اركب وانت ساكت
امجد: تراه عطيني من عطر ل بخه
زيدان: افتح الدرج  ل قدمك
امجد فتح وقاعد يبخ
زيدان: سادك يقصير
امجد:  شعور سمح تبخ عطر مش عطرك😂 لقانه عطر لا قوه الا بالله شريته من وريا يكلب
زيدان: بككل هو اساسا ابتاع يوسف خديته منه مادام مش قاعد وحطيته ف سياره
امجد: عليكضحك😂 ازعمك حلال
زيدان: حلال حلال حتى لبسه ابتاع يوسف هو يزيد شهر اخره يجي مايلقش داره بكككل😂
امجد:  لقانك بارد كيف حاله هو
زيدان: كويس اعلق البلوتوث ع تلفونك ولع اغاني
امجد:  اووه هي
وقعدو يهدرزو وأغاني وجو وصلو
زيدان: اسمع اكيد في سكير جوا افطن را تشرب وركز عليا ماتخلينيش نشرب خلاص بنتوب انا
امجد: من اول ماوعيت على دنيا نسمع فيك تقول فيها لا درتها لا ريحتنا
زيدان: خلاص زف هي نخشو زي ماقلتلك افطنلي را نشرب 
امجد: تمام حاضر خش بس
شباب: اووووهههه زيكو ولقصير
خشوو وكان جو سمح بككل ضحك ولعب وتشفيط  و فرقه قايمه بجو لعند صبح لانها أصحاب وشله من ايام ثانوي وتلقو اكيد حيكون جو نايض بكل❤.
//
"صبح يوم جديد كان يصدف يوم خميس"
سيرين نضت هي اساسا مش راقده من تفكير ولبست وطلعت لقت امها وهيثم يحكو بصوت واطي عرفت عليها
سيرين: صباح الخير
هيثم ، صالحه: صباح النور
صالحه:  نديرلك فطور
هيثم: لالا ضروري تمشي صايمه في تحليل وصوره رنين هي تأخرنا في ميه حاجه بنديروها
سيرين : هيهي
وطلعو ع خشت زيدان كيف مروح
هيثم: وين كنت بسم الله على صبح؟
زيدان: سفيان عرسه يوم ككان سهرانين حفله وجو مزبر بككل
هيثم: سفيان 😂ماشاء الله مبارك
زيدان: صار منه ونحنا مازال
هيثم:  ع قولت جدتي نحنا مسحورين بجمله😂
زيدان: شكله يرا قلتلك شنو هردميسه لي غادي؟
هيثم:اها شويه وجايين عمال خلاص يشطبو في شقه
زيدان: مش ابتاع قصي هذي
هيثم: اها
زيدان: شكله في عرس
هيثم: شكله
زيدان: عليك قصه نحصل نرقد ساعتين ع حالي قبل مايجو يخبطو فوق راسي
هيثم: تم
ودوه هذي كله وسيرين ساكته تبحت في تلفون وخلاص
وطلعو
///
قُصي ينوض ع صوت تلفونه يلقاه امه ترن ينفجع
قُصي: نعم يمي شنفي شنو صاير
صالحه:  عليك شورخ كله نحنا عائله شورخ يجري ف دمنا
قصي ضحك: باهي صباح الخير
صالحه:  صباح نور كيف حالك وحال بنتك
قصي انصدم بس عارف جدته قالت ل امه
قصي: تمام كويسين
صالحه: معناها نبيك شويه بيش تجي
قصي: خلاص انظم اموري ونجي؟
صالحه: بس تعال قبل موعد جيت باتك  تمام؟
قصي: تمام شنو صايره حاجه 
صالحه: شنو يبي يصير اكبر من موضوعك مثلا ؟
قصي: يستغفر.. باهي باهي
صالحه: هي نراجي فيك😒
قصي: تم
وصكرو
//
امير نازل من داره ولبس واضح بيمشي لشركه
امير: صباح الخير
نجمه:  صباح النور واحد يروحلي توا وثاني ماندريش امتى روح اساساً من صبح ربي طالع نشوفك ثاني يوم؟
امير: صارلي مواضيع وشغل فوق راسي وقاعد مع عمر
نجمه: شنو صايره عمر
امير: اخته خشت مستشفى
نجمه:  حي صح كنها
امير: مش عارف
نجمه: توا نسأل عليها امها
امير: مش داعي يكون أفضل
نجمه:  استغربت .. كنك شنفي
امير: شي يمي هي طالع انا
نجمه : تمام
امير:  شنو صوت هضا
نجمه: يشطبو في شقه قُصي
امير: باستغراب .. اممم ماتخليش حد من بنات يطلعن عاد
نجمه: عارفه ماتشوفش فيا مصكره الرواشن ؟
امير: تمام
وطلع وبحت لقهم يتشغلو وتخبيط وهرجه
وركب سيارته  ويرن عمر
امير: ها
عمر: قول من شفت توا في صيدليه؟
امير: همم من
عمر: بنت هذك ل ف مطعم
امير: ضحك .. قصدك ل ضربتك؟
عمر: عنجد وجك بككل تقول جمل انساها
امير: انساها انت قبل
عمر: ع وين ماشي
امير: شركه عمي معطيني شغل واجد بكككل وين تلاقيتو؟
عمر: لا درولها خروج وحطيتهن ف حوش ومشيت صيدليه نجيب ف دواء وتلاقينا بس هي طلعت طول
امير: اها وين ماتمشي تشوف في وجك مسكينه، مهم موضوع ل في بالك قلته ليا نهارتها فوت بكككل  تعوذ من شيطان صح مرات واحد يمر ب ايام يحول يدير شي كيف هضا بدأت هن بنات مايتحملنش ابسط شي يزعلهن تصير
عمر: تمام تمام
امير:  مازالت بنعرف قصتك مع عمك
عمر: فضل الحقير مافيش موضوع اساساً مانحبش وخلاص
امير: باهي تمام
وصكرو .
//
مرات ساعتين وجا قصي لصالحه،
قصي: خير
صالحه: قعمز
قصي: بدو ف شقه
صالحه:  لهم يومين ل مانندريش علينا واخدتك مني
قصي: هي مادخلها انا مافضيتش
صالحه: احكيلي كيف صار كيف تجوزتها هذي بنفهم كيف ماعندهش هل يملوها؟
قصي : امي كان تبينا نحكو كلمتين فيهن فايده احترامي مراتي راهي مراتي وأم بنتي مش حنسامح لأي مخلوق يحكي عليها ولا كلمه
صالحه:  لحستلك عقلك
قصي: يهز ف كراعه بعصبيه.. باهي
صالحه: هي احكي
قصي: مافيش مانحكي هي بنت لنحبها ل سنين ونا نبيها  نقنع فيك وفي جدتي فِ باتي وعمامي محد معبرني، قادرت نقنع هل بنت رغم لزوني اكثر من شعر راسي بس هي تخلت ع حاجات ونا تخليت وقدرنا نكونو مع بعضنا وهضا لنبوه 
صالحه:  ماعندهش رجاله هي ؟ ولا شنو
قصي: عندها طبعا امي كان مهتمه موضوع وتبي مصلحتي را من بدايه وقفتي معايا مش لم تمت قصه واهي عندي بنت وبيبي ثاني جاي ف طريق خلاص مش مهم كيف حكيت كيف ماحكيتش؟ صح ولاه؟ واهو جدتي تفهمت موضوع وتحملت  مسؤوليه غلطتكم وحنجي نعيش هنا وتعمليها عادي يمي اول كنه لكي   جمانه ولالا
صالحه: عطبك كنه لا تجي شوري ولانجي شورها
قُصي: موضوعك مع الايام حتقبلي موضوع
صالحه: سيبها ياقصي مش لكي وانا نختارلك بنت ناس وبنت اجواد من العائلات ل نعرفوهن واحسن عرس تحكي عليه بنغازي كلها وحتنسى جمانه وتلقى روحك  مع بنت ناس وبنتك وتجي تعيش معانا ومع مرااه
قصي بعصبيه  صوت عالي نوعًا ما: نسيبها مستحيل نسيبها جمانه اطيرو ولا تنزلو هي روحي هي وقفت معايا ف ضيقي اكثر من فرحي هي كلشي في حياتي مش مراتي بس هي بنت ناس وأجواد ومستحيل مستحيل نسيبها ولا نبيعها ل وثقت فيا وضحت بكلشي عشاني شنو تقولي انتِ مش معقوله شنو صارلك ؟؟
صالحه : واطي صوت ياقليل الادب عشانها تحكي مع امك هكي؟
قصي يمسح ع لحيته بعصبيه: شوفي كلامك يمي يبحت يلقى ساره تصنت عليهم
قصي :تعالي  ساره
ساره تموت وتعيش
قصي بعصبيه: قلتلك تعالي خششييي
ساره: خشت بخوف وتبحت في امها.. مش قصدي نسمعكم بس صوت كان عالي وملفت
قصي: نسمع منك كلمه طلعت برا في نقاشي انا وامك نوريك
ساره : باهي
قصي :هي اطلعي نكمل نقاش عقيم مع امك
طلعت ساره هي مصدومه من خبر لي سمعته
ساره: كيف حنسكت توا🙂.؟
بعد ربع ساعه قصي يحول يقنع صالحه بهدواء عارف عصبيه  تخلي امه تعاند اخره
قصي: ريقي نشف وانتي مصكره راسك بس نقولك تصكير راس هضا لا حيزيد ولا حيناقص في موضوع هضا امر ربي واندلف تحمل ولدك  ومراته وضنوته يعيشو جنبك مع كيفك بس😂
صالحه: وتضحك ماشاء الله على برود شنو حيقولو عليا ناس وليدي جايني بمراته الحامل وبنته؟
قصي : مش عارف الحق مايهمونيش ناس شنو  يبو يقولو لانه موضوعي مش موضوعهم
صالحه: تعرف تطلع من قدم وجي لانه كان زدت دقيقه حتجني جلطه
قصي طلع هو يحرق من جوا زي البركان بالزبط بس بارد من برا
//
انا نضت من ضيق التنفس صبيت نجري ناخد في بخاخه وفتحت الرواشن نحس في الأكسجين مافيش في الدار بعد حوالي 15 دقائق تحسنت بس كانت روحي قريب تطلع
خشيت حمام وتوضيت وصليت ونزلت لقت بابا وماما في الشغل واسيل راقده وزينب ادير في غداء استغربت
انا: كنك زينب شنو جايك غداء وعشاء
زينب: هكي اساسا اكل ابتاعكم معاش يعجبني بندير ل نحبه وتاكلو معايا
انا: اممم باهي نستفيدو منك اسيل مازالت راقده
زينب: امس تشلط لعند فجر نضت  صليت خشيت لقيتها توشوش😂
انا: حيوانه بدل ماتصلي ع حالها توا يفيدها احمد هضا
زينب: مانحبش تصدقي
انا: محد يحبه اساساً
زينب:  رغم كويس بس هي راحه مافيش إتجاه
انا:  ندير في نسكافي ايوه بالضبط ( واذكرت يوسف يوم لدرتله نسكافي)
زينب: احسبيني معاك
انا: حاضر
زينب: وجك اصفر بككل
انا: ماهو بدري جتني ازمه طولت مره هذي قريب متت
زينب: قصدك قويه زي نهارتها
انا: لالا اخف بواجد وبخاخ الله لا تغيبه
زينب: اها سمعتي
انا: شنو
زينب: صباح عرسها 28 . 7
انا: اوه ماشاء الله بعد عيد طول
زينب: قلتلي امس ماما 
انا: ربي يهنيها ان شاء الله
زينب: تستاهل كل خير .
//
نسرين وامها يحكو
امال:  يبو يجو عيت ال.... يبوك ولدها الصغير بكره جايين
نسرين بعصبيه وبصوت عالي: كم مره نقولك مانبيش موضوع هضا صكيريهه وحالي حال نستقبل ناس انا
امال: كنك يابنتي مصكره على موضوع شنفي في حد في بالك ولا شنو  قصتك ل يجي ترفض بدون حتى ماتشوفيه ولا تصلي حتى استخاره؟
نسرين:.....
//
# تبع
نهايه حلقه 31✨.