Serena's POV
Amelia seh dem a guh come fi mi like afta 9 cause a way a Ochi d brunch a keep.
Suh as mi reach back hom mi start get ready. Mi put on one green off the shoulder dress.
Oops! This image does not follow our content guidelines. To continue publishing, please remove it or upload a different image.
(Mi couldnt describe it)
A matching green bag and a pair a white heels.
Mi do the likkle lip liner sumn pon mi lips and put on lashes and put on perfume and all a dat. Then mi tek up mi put mi phone and stuff inna mi bag.
Suh mi phone start ring and a Levy did a call.
Mi ansa but mi stay quiet.
"Hey," Him seh.
"Yes Levy." Mi seh.
"Who was that guy?" Him ask.
"Stop question mi, d man nuh tell yuh him a who?" Mi ask and laugh.
"Him a nuh yuh man Serena. I am." Levy seh and kiss him teeth.
"Yuh live wid yuh girlfriend Levy, you a nuh my man." Mi seh.
"Stop chat fuckery a my ears enuh."
Mi look pom d phone and raise mi eyebrow cause a cyah me him a talk to.
"Bye Levy." Mi seh and hang up mi phone.
Same time Amelia dem reach. Mi phone start ping every minute and when mi look a Levy a text mi phone.
Mi guh inna d car and tell dem morning and lock mi door.
"A man yah guh look?" Kareem ask.
"Kareem drive d car and stop talk to mi nuh." Mi seh and kiss mi teeth. Him laugh and drive off and Amelia did a look pon mi.
"A wah?" Mi ask.
She touch har neck and den me touch mine.
"A wah?" Mi ask again.
"Levy come?" She ask.
"Wah yah talk bout?" Mi ask and rub mi neck.
"Wah yah do wid Hickey?" She ask mi and Kareem look back.
"Watch dah one yah a nuh drive yah drive Nosy Norbit?" Mi ask and laugh.
"Mi nuh see ntn anyways, mi woulda seet when mi a get ready, stop lie." Mi seh.
"It nuh bright." She seh.
She tek mi phone from outta mi hand and tek one picture wid d flash and show mi.
"Rawse, a who put dat desso?" Mi ask and laugh.
We inna d car and she a question mi and mi naah ansa.
It wasn't even bright, she jus fass.
Afta how long of driving we reach the place and it did pack. When we reach it was like afta 11.
YOU ARE READING
Jamaica's Most Wanted
General Fiction*Written in Jamaican Dialect, also known as Patois* 'She love bad man' is a known saying in Jamaica but sometimes people hide who they really are to protect people they care about. Isiah, one of Jamaica's biggest criminals, allegedly, has been belie...
