Isiah's POV
Weh d man dem deh suh long? How far d pussy dem park man. Serena jus find out bout har mada and she did jus stand up a stare as if she was in shock.
Then she drop har hand, weh did ave d gun, to har side then she slowly start point it upwards.
"SERENA WHAT THE FUCK!" She had the gun unda har chin.
"Move the gun." Mi seh calmly.
"Oh leave har alone." Bennet seh and start laugh.
"Yuh waah know why mi kill d bitch?"
"Bennet done." Mi literally did a beg dis man fi ease offa d fuckry.
"Daddy-"
"That's why. Mi a nuh yuh daddy Serena. Yuh mada was a likkle whore. Yuh fada deh a farrin babygirl and when mi find out she try blame it pon me, bout a me first ave outside pickney and dats why mi did lef, dats why we did a argue. Mi come back when mi know yuh gaan a school but mi come back wid d intentions fi talk things out but yuh mada neva waah hear wah mi ave fi seh." What a pussyole wicked.
"And dats why yuh kill har? Cause she neva waah hear yuh out?" Mi ask inna disbelief.
"Yeah." Him ansa like a nuh ntn.
"And when she off har self mi a guh kill yuh too, yuh kill mi only pickney." Him seh and look ova pon Tiny who did flat pon d grung wid blood a run outta har mouth.
Weh Timo deh man.
"Wah she a wait pon." Bennet seh and stand up straight.
"Serena, please gimme d gun." Mi start walk slowly towards har.
"Isiah do not mek a next move." She shout. Wata full up inna har eye and har hand did a shake.
"Serena yuh cyah do dis, yuh cyah leave mi, not like dis." Before mi mek she kill harself mi rather she shoot mi or sumn. Meeda mad out if she dead like dis, she ave too much great things ahead of her, too much potential fi jus dash it weh right yasso.
"Isiah mi tyad, please." A single tear drop from har eye and she close har eye dem. She put back har finga pon d trigger and before mi know it mi a sprint guh to har.
Mi grab d gun right as she fi press d trigger and mi figet all bout Bennet in that moment. Mi grab har and hug har up.
"Bomboclaat likkle girl wahmu to yuh." Mi wull tight, like she out fi disappear.
"Mi cyah do dis Isiah." She cry inna mi chest.
"Serena-"
"Uzi!" Timo and d rest a man dem run come inna d building.
"Wah d fuck tek unuh suh long bredda?"
"A way dung d road we park dawg, we think a one warning shot or sumn but mi neva hear nuh more suh we fawud." Timo seh outta breath.
"Alright unuh get it over wid." Bennet sigh and sidung inna one corna. Not so big and bad after all huh?
"Serena why you nuh do the honor, mi woulda rest better knowing seh a you kill mi." Him look pon Serena who was still crying.
"Yuh think mi waah yuh rest daddy? Mi hate yuh." She shout.
"Gimme d gun." She said to me.
"No Serena." Mi cyah mek she do dis, it woulda haunt har, it woulda kill har.
"GIMME D FUCKING GUN ISIAH." Mi look dung pon d gun inna mi hand and gi har and she immediately point it pon Bennet who did ave a smile pon him face.
"Babygirl, yuh naffi do dis." Mi whisper.
But she insisted and she standup fi a fee minutes wid the gun pointed towards him and everybody did a anticipate fi she pull d trigger.
"Mi cyah do it." She drop d gun and start walk out.
"Mi know yuh couldn't dweet." Him spit.
"Yow, deal wid him." Mi seh giving Timo a knowing look. Mi walk out behind Serena a try calm har dung. Lord knows she goodly a blame har self fi a lot a things. Mi ketch har halfway down the street and grab har.
"Rena calm dung." Mi pull har back to mi and hug har.
"Isiah mi waah guh home."
YOU ARE READING
Jamaica's Most Wanted
General Fiction*Written in Jamaican Dialect, also known as Patois* 'She love bad man' is a known saying in Jamaica but sometimes people hide who they really are to protect people they care about. Isiah, one of Jamaica's biggest criminals, allegedly, has been belie...
