Serena's POV
Mi inna d hospital laydown, almost half asleep when the nurse come in wid one lady. The nurse exit the room and lef me and d oman one inna d room and she looked so familiar but mi jus couldn't place mi finga pon it.
"Isiah ask mi fi pick yuh up." She seh and smile. Mi did well eager fi come outta dis place and she did seem sincere, suh mi nod mi head and get up offa d bed. She help mi put on mi clothes and ting den mi follow har come outta d hospital. She lead mi to har car and mi sidung inna d back seat, it too soon fi guh back up a d front.
"Weh mi know yuh from?" Mi ask har as she sidung inna d car.
"Mi nuh know, mi probably jus ave one a dem face deh." She reply and laugh.
The whole time mi inna d car and mi a seh she looks so familiar.
"Yuh know, despite almost dying you look really pretty." Wait. Mi know har.
"Yuh did inna d bathroom." Mi seh and lean back.
"Which bathroom?" She ask.
"When me and Isiah did guh out you did inna d bathroom. Wait, wah yuh seh yuh name?" Mi ask, not only was her face familiar but so was her voice.
"Look, yuh naffi get riled up, Isiah asked me to pick you up."
"Yuh jus sound so familiar."
"Here, you want some water? The doctor said to keep hydrated." She pass one bottle a wata to mi and to be honest mi did really thirsty suh mi damn near drink off d whole bottle. Mi itch up inna d corner a d car a look through the window, mi couldn't even seh mek mi call smaddy cause mi phone did completely mash up.
Mi a look out the window and all of a sudden mi vision get blurry and mi start feel dizzy.
"Mi a guh sleep." Mi whisper. And the next time mi know mi hand dem tye up, tape did ova mi mouth and sumn did ova mi head.
Mi hear bare talking, mi hear daddy voice and Isiah voice and den mi feel smaddy grab mi upper arm suh mi try scream and den nobody nuh do ntn. Mi tyad a dis fuckry.
"Tek d bag offa har head, mi waah see mi meal ticket." What? Wah wrong wid daddy?
Then afta likkle bickering smaddy drag d bag offa mi head and daddy did stand up infront mi wid a blank expression pon him face.
Mi try fi talk but the tape muffle mi voice.
"Serena?" D man stand up a stare pon mi like him a expect one ansa, mi coulda see when the lightbulb flash inna him head den him tek d tape from ova mi mouth. And instantly mi start mek bare noise.
"Daddy what the fuck? Wah me do? Why mi deh yasso?"
"Serena calm dung n stop d fucking noice nuh pickney." Him shout.
"Aye doe talk to har like dat." Isiah seh, mi eye dem shot to him and him did have him finga pon d trigger a him gun.
"Suh a him yah run up and dung wid Serena? A him yuh did a breed fah?" Daddy ask wid a disappointed look pon him face.
"Mi fi jus tek d gun and claat yuh inna yuh farrid. Yuh stay jus like yuh mumma." Him seh and spit beside mi.
"What did I do that was so wrong? And weh she mean by she a yuh daughta?"
"First of all Serena, out of all the man dem weh yuh coulda pick up you choose fi pick up Isiah Uzi Wallace? This man kills people or has people killed everyday, that includes women and children. Yuh know how much crimes him commit? And she is my daughter, my first born."
Wait Uzi, dat sound familiar. Mi look pon Isiah den pon daddy den pon d girl.
"You." Mi whisper.
"What was that?" Daddy ask.
YOU ARE READING
Jamaica's Most Wanted
General Fiction*Written in Jamaican Dialect, also known as Patois* 'She love bad man' is a known saying in Jamaica but sometimes people hide who they really are to protect people they care about. Isiah, one of Jamaica's biggest criminals, allegedly, has been belie...
