Serena's POV
"Unuh please doe gi mi baby mada nuh rum or put har at risk." Kareem seh a head to d door.
"We a nuh idiot Kareem, Bye." Mi seh and Amelia nudge mi.
"Wah? Yuh know mi nuh like him." Mi seh to har as him lock d door.
Mi hear d engine start and d car drive off and d four other girl dem aside from me and Amelia come weh we deh.
From mi wake dis morning, mi get ready and come ova ere wid mi likkle spend d night bag.
The house did lonely without Isiah and it neva look like him did a come home fi now.
"Unuh come mek mi introduce unuh to mi fren, unuh reach and deven talk to each other." Amelia seh a rub har belly. The lady big enuh.
"Serena seh hi." She seh and slap mi.
"Mi a nuh likkle pickney Amelia." Mi seh and laugh.
"Anyway, Hi I'm Serena." Mi seh.
"Hey I'm Abby."
"I'm Natasha."
"Grabrielle but unuh can call mi Gabby."
"Me name Trina."
"Alright since everybody know everybody now, unuh turn on d music, or whatever we a do, me a guh piss." Amelia seh and a struggle fi get up outta d settee.
We watch har waddle up d stairs and laugh offa har.
"Who a d selector?" Mi ask.
"Me!" Abby shout and run guh plug up wah fi plug up.
"Unuh come mek we tek some shots cause mi need a pick me up." Gabby seh.
We tek d couple shots and den Ms. Belly come back dung d stairs wid some sumn inna har hand.
"Unuh guh bade and change inna dem yah."
She fling some white sumn pon we, when me tek it up, nuh some onsie weh a guh lef d wull a we batty outta door.
"Unuh know mi a battygyal, the least unuh can do is gimme a show and help mi put on mine."
We tek turn, bade and put on the onsie dem and help har inna fi har own den we settle down and watch some show.
Honestly, the night did full a good vibes, chatting, laughing and food.
Couple minutes to eleven mi phone start ring and mi feel nervous when mi see seh a mi man a call.
"Hello?" Mi ansa d phone, mi get up and go somewhere quiter.
"Mi reach yah, bade and well come inna room naked thinking seh yah guh in deh a sleep and mi can wake yuh up and we mash up d bed. When mi reach in yah, yuh nuh deh yah." Isiah seh, mi coulda hear the disappointment inna him voice.
"Yuh really feel like mi wouldn't hear yuh come through the front door, muchless fi yuh guh bade?" Mi ask and laugh.
"Yuh right. A weh yuh deh?" Him ask.
"Ova Amelia, sleepover." Mi seh.
"Yuh shoulda tell mi, mi wouldn't come ere wid d intention fi seduce yuh."
We start laugh and den silence. Mi put d phone pon speaker and a dig up inna d fridge di a bottle a wata
"Mi miss yuh, mi cyah come fi yuh?" Him ask.
"Noooooo!" Amelia and Abby shout.
"A who dat bout no? Mi deh pon speaker?" Isiah ask.
"Yes babe yuh deh pon speaker."
YOU ARE READING
Jamaica's Most Wanted
General Fiction*Written in Jamaican Dialect, also known as Patois* 'She love bad man' is a known saying in Jamaica but sometimes people hide who they really are to protect people they care about. Isiah, one of Jamaica's biggest criminals, allegedly, has been belie...
