Serena's POV
"Mi ready." Isiah seh from outta nowhere.
Him energy did off and so was mine eva since we buck up inna daddy.
And him and daddy did seem real familiar, daddy did even know him name.
Daddy was dirty, mi nuh need glasses fi see dat, especially since mi see people weh look like criminal inna we house already.
And it's not like daddy hide it either.
Mi nuh waah nobody know seh him a mi fada and associate me wid him and get mi inna problem so whenever mi guh out wid nobody and mi see him, mi pretend like mi nuh know him or mi hide him out.
Mi know seh daddy and Isiah neva talk bout no headlight or no fuckry wah Isiah tell mi, I'm not stupid.
Daddy only correspond wid criminals, dutty police or people weh deh under him payroll and any category weh Isiah fall under did mek mi feel anxious.
But mi love him and if mommy coulda stick beside a corrupt police I don't see why I can't be with somebody that falls under whatever category that Isiah is under.
Mi love him and when mi love, mi love hard and stupid.
Suh when mi see daddy mi freeze up and nuh seh ntn.
Isiah's energy was really off, so when him seh we fi guh home mi neva question it.
We seh we goodbyes and jump inna d car and head home.
Mi know an awkward half an hour drive was ahead but mi neva care.
When we deh ten minutes or so from the house him scratch him head and look pon mi.
"Serena mi cyah do dis nuh more." Him seh.
"Do wah?" Mi ask, confused as hell. Him ave him eye dem glued to the road and deven glance at me.
"This, this relationship." Him seh.
"Yah joka, yuh eva think fi join the circus? Yah the biggest clown mi know." Mi seh and laugh, cause him cyah serious.
"Mi serious, we done." Him seh and guh round one corner.
"Why? Wah mi do?" Mi ask.
"Yuh nuh do nutn mi jus done." And him deven sound remorseful or sad, it jus sound like a regular Tuesday fi him.
"Isiah stop play wid mi." Mi seh, mi finger tip dem start get cold and mi throat start burn mi.
This was so unexpected, him couldn't wait till tomorrow? Pon big big Christmas day?
"When we reach up, mi waah yuh pack up wah yave up a d house and mi drop yuh a yuh yaad." Him seh and slow down a d stoplight.
"Isiah look inna mi eye dem and tell mi seh we done." Mi seh and narrow mi eye dem.
Him turn to mi, look deep inna mi eye and seh;
"Serena we done." Then when the light change him drive off.
Mi nod mi head and tek out mi phone.
Mi call Amelia and she ansa almost immediately.
"Wahmu yuh alright? Weh yuh deh?" She ask mi. As mi seh mi normally spend Christmas with her or by myself and I guess she was busy today cause she woulda call mi and come pick mi up if mi did deh by mi self.
"Yeah mi good, mi jus a wonda if you and Kareem coulda come pick me up from somewhere." Mi seh, outta d corner a mi eye mi see Isiah look pon mi.
"From where? Right now?" She ask.
YOU ARE READING
Jamaica's Most Wanted
General Fiction*Written in Jamaican Dialect, also known as Patois* 'She love bad man' is a known saying in Jamaica but sometimes people hide who they really are to protect people they care about. Isiah, one of Jamaica's biggest criminals, allegedly, has been belie...
