Serena's POV
"Yuh hear wah mi seh?" Isiah ask. Mi deven did a listen to one word wah come outta him mouth. My mind still a trace back to the man who gave me this watch. Mi look pon d watch and watched as the hands ticked and the three hands reminded me of how my parents and I were. When did it come to this? And why a me alone a feel it?
"SERENA!" Him shout, knocking me outta my thoughts.
"What Isiah?" I just wanted to be left alone. We've been over this for days.
"Serena, mi need yuh fi listen to mi, this is not the lifestyle that I want for you, but you're here suh mi might as well mek sure yuh stay alive and out a jail."
Mi flop back inna d bed and stare at the ceiling, mi doe waah talk bout dis no more.
"Isiah how much time yah guh repeat the same shit over and over again? Mi know wah fi do!" Mi shout.
"Suh why the fuck yuh nuh jus seh dat instead a ignore mi Serena? Yuh think mi waah talk to yuh bout dis?" Him ask and stand up. Mi cyah deal wid dis right now.
"Serena, for the last time, wah yuh fi tell d police dem?" Him ask.
"Seh mi fada did suicidal, him neva did a feel like himself, him did a drink heavily and him mention not wanting to be here a few times." Yes, dem waah mi ave two suicidal parents.
Isiah refused to tell mi wah dem do wid daddy but I guess mi soon find out.
"Wah a yuh alibi babygirl?" Him ask a wull mi hand.
"Yuh really think mi a guh need alibi if a suicide?" Mi ask and him skin up him face.
Yes yes yes Him a police suh dem a guh look inna every aspect, including him.
"Serena." Him warn.
"Fine, I was with Amelia and Kareem the whole week, since getting out of the hospital." Mi seh and look dung pon mi hand dem.
"Good, was that so hard?" Him ask and kiss mi farrid.
"Mi a guh pon d road right now, food inna d kitchen, all yaffi do is eat, bade and come back come laydown. Everything is done. And don't worry Serena." Him gi mi a quick kiss and run through the door.
Mi laydown pon mi back and look through the window.
I felt so lonely.
Mi put mi hand pon mi belly, missing the feeling of having my baby in it. A few weeks from now he/she woulda start kick, now mi naah guh eva get the chance fi meet mi baby. And mi will neva get the chance fi see mi fada again.
Those two were enough to bring tears to my eyes. Mi cover mi mouth fi suppress the sounds I made while crying and before mi know it, the pillow soak inna tears. For some reason, God always a test mi.
Him nuh realize seh mi a nuh him strongest soldier? Mi a literally the weakest link.
Mi look pon d watch and mi mada smile mek mi feel a little less shitty. Maybe if she was still here mi woulda be happy.
How could a man so heartless, give me a gift like this? Something weh yaffi put thoughts and emotions inna.
I wonder who a mi real fada. Cause daddy said it wasn't him. Then again, he was a conniving and manipulative man suh him coulda jus seh dat fi mek mi feel a way.
And who was him other baby mada? Where was she? What happens when she find out seh har daughter dead?
What happens to me?
I was there crying for almost two hours when mi phone ring.
Isiah caller ID flash across the screen.
"Hello?" Mi ask, trying not to sound like meeda cry.
YOU ARE READING
Jamaica's Most Wanted
General Fiction*Written in Jamaican Dialect, also known as Patois* 'She love bad man' is a known saying in Jamaica but sometimes people hide who they really are to protect people they care about. Isiah, one of Jamaica's biggest criminals, allegedly, has been belie...
