مذكرات غيث.

𝒄𝒉𝒂𝒑𝒕𝒆𝒓4

-لطفا لا تنسوا التصويت و التعليق على الفقرات-

انقطعت انفاسي لما سمعته و بذي اللحظة قررت اتجاهله، انا نايم و لا اقدر اتفاعل معاك او حتى اسمعك، يارب بس يقتنع و يطلع و يتركني، بس الزفت قام يهز كتفي "شفتك من برا و عارف انك صاحي قوم كلمني"

ما كنت بصحى له ابدا الا لما شال جسمي كله و رفعني، و الاسوء ان عيوني المفتوحه فضحتني و جلس يضحك على شكلي، كل الي قدرت اسويه اني اطالع لتحت لاني مو قادر احط عيني بعينه!! طاحت عيوني على كل شبر بالمكان عداه.

رفع يده و هزها يأشر فيها قدام وجهي "هنا انا هنا، طالع فيني" كان اياد يضحك، ثقيل الدم يحسب نفسه ضريف، طاحت عيني بعينه لمده نص ثانيه و رجعت اطالع بالشباك، قاعد اسوي نفسي طبيعي و رديت "تـ.. تعرفني ؟"ما كنت ابغى اطلع قدامه متوتر بس صوتي فضحني..

"اعرفك اعرفك" رد و هو يهز راسه وطاحت ابتسامته المقرفه اخيرا، كمل كلامه "كنت مستغرب بذيك الليله من وجهك الغير مألوف، حتى اني توقعتك طالب جديد، بس الحين اقدر افهم ليه ما تعرفت عليك!" رفع يده و تقدم ناحيتي فجأه.

تراجعت بجسمي لورا بس انه قدر يوصل لي و يسحب نظاراتي "النظاره ضالمتك و بقوه"

نبض قلبي بقوه لما شفت نظراته الحاده اتجاهي، حسيت بهاله انتقاميه واضحه طالعه منه، مو كان بذيك الليله ثمل؟ اجل مستحيل يتذكرني صح؟ مستحيل يقدر يتذكر الي سويته فيه؟ هههه لا لا مستحيل، كنت ابتسم لنفسي زي الابله و انا احاول اسلك لي، سألته بتردد "بس انا معرفك و لا فاهم انت وش تبغى مني الحين؟"

تعالت اصوات ضحكته في المكان بشكل صاخب مره، كان واضح قد ايش يسخر من سؤالي، تمام لو كنت مكانه برضو بضحك كذا، لان السؤال يضحك منجد و ابتسمت له بتسليك، ما كنت داري اضحك او اهرب، طالع فيني "انت عارف بالضبط انا ليش جالس قدامك هنا"

شقهت و ارتعش جسمي لما ضرب الطاوله بقوه "تحسبني غبي عشان انسى حركاتك الي سويتها؟ انت الي سحبتني طول الطريق لغرفه خالد، لو كنت اكتفيت بذا الشي كان يمكن اصدق ان مالك ذنب، بس انت برضو دفيتني عليه!!! عطني سبب منطقي واحد يخليني افهم ليه سويت كذا؟؟"

انفجر بوجهي و بصياحه الي ملا المكان كان يوضح قد ايش هو معصب، كان شكله بالعادة ولد لطيف و عادي بس رسميا الحين تحول لوحش قدامي، كنت مستعد الاقي ضرب منه لوم او اي شي بس انه يسألني و يواجهني بذي الطريقه ابدا ما توقعت، كان لازم افهم من زمان انه مو الكل يعاتب بالضرب، كل شخص له طريقته الي تجمدني ولا اقدر الاقي رد فعل مناسب قدامها.