سحب غيث المفتاح من جيب عبدالله بسرعه قبل يطلع من الغرفه متوجه لباب الدرج يطلعه و هو يلبس، كان كاره كليا لكل افكاره بالفتره الاخيره، و اذا كان الموضوع عن صراعاته الداخليه ، فكان ذا اكثر شي بديهي و متعود عليه بحياته، يجادل نفسه، يلعن مشاعره ينكرها يحللها، ينبذها، يكتمها حتى و يصنفها بأنواع التصانيف اهم شي ما يتسالم معها، بس حتى كل ذا كان شي متعود عليه لدرجة ما يعبره.
ما يعبره ولا حتى يتضايق منه، بس ليش الحين فجأه انقلبت كل الموازين؟ ليش فجأة صارت كل ذي الافكار تخنقه لدرجة القرف لدرجة تمنى لو يقدر يكتم عقله، لو يقدر يتخلص منه بكبره.
تجاهل صوت عبدالله كليا و هو يسبقه لفوق ناوي يطلع من المكان، قبل ينخرط بحوار ثاني معاه، كان عارف انه بيطلب منه تفسير، او اي شي يبرر تصرفه الطفولي الي قبل شوي، و ازدادت خطواته سرعه، كيف بيفسر له وهو حتى مو قادر يفسر لنفسه، كميه الضغط المتواصل من امس كانت قاعده تهلك عقله.
و تنهد براحه لما شاف سياره الاجره تقرب منه ركبها بسرعه مقرر يتجاهل كل شي، ضرب الارض بحقد حتى عقله الملعون بيتجاهله، مارح يفكر، ضغط على راسه بين يدينه وهو يحاول بكل جهده يتناسا ولا يفكر.
..
رميت نفسي على السرير بعد ما قضيت يومي كله على لوحاتي، بس حتى ذا الشي ما سحب طاقتي، تقلبت بملل و انا اراقب الساعه الي فجأه قررت انها ما تمشي و ترفع لي ضغطي!!
غمضت عيوني بقوه و انا اقوم، اسحب الدفتر من قدامي، ادون فيه افكاري المشوشه، كل الافكار الي ترهقني، كلام اصحاب ادم الي سمعته اليوم..
وش الي بستنتجه منه؟ صح اني احب الالغاز بس على العموم ذا مو بلغز ذا خرابيط مالها معنى، يعني اكيد ان ابو خالد و عمه ورثوا فلوسهم بالتساوي، دامهم الاخوين الوحيدين، الحين ليش الحمار ابو خالد ينقل كل فلوسه لاخوه؟ بعد سالفه العداوه ذي مو بالعها.
رفعت جوالي من فوق الطاوله و انا اتأمله بصمت، اكثر من عشرين مكالمه من اياد و نصها من عبدالله، مالي نفس ارد عليهم دام الهدف من اتصالهم معروف، شديت على قبضتي بتوتر و انا اراقب اسم خالد، مع اني مخطط ما احتك فيه و لا رح احتك، مارح اقرب منه حتى بس مضطر اسئله عن ذا الموضوع، دامهم اهله اكيد عنده فكره عن الموضوع، بأرضي فضولي الزق على الاقل لو سألته.
دقيت عليه، مارح احتار اكثر.
عض اظافره بقوه وهو يحاول يدور سبب منطقي يقنعه فيه يجي له، و الاغرب ان الثاني ما طول الموضوع حتى لما وافق بثانيتين و سكر المكالمه، تأمل غيث السقف، مر صمت طويل حتى هو مو قادر يفهم، اذا ما كانت الملعنه من جهته على الاقل بتكون من خالد بس ذا الملعون وافق؟
أنت تقرأ
مذكرات غيث.
De Todoعزيزي اخبرتك بأني لست كالجميع، العبث معي سينهيك.. - عاميه. - قيز. بدأت 21يونيو 2022. انتهت 5سبتمبر 2024.
