مذكرات غيث.

𝒄𝒉𝒂𝒑𝒕𝒆𝒓5

'لطفا لا تنسوا التصويت'

وسعت عيوني بصدمه، ما كنت قادر استوعب وش الي قاله حتى، كان أكثر شي يخوفني هو الاصرار بعيونه، كان جاد و صادق، بادلني النظرات و بعينه الحاده كان واضح قد ايش واصله معه، سحبني بقوه و نطق "تشوف عندي اي شي اخسره لو انتشر الفيديو؟" ما اعرف تفاصيل كثيره عنه غير انه يتيم و يعيش مع عمه، بس حسيت ما توصل لدرجه انه ما يهتم لأي شي!

رديت بأول شي خطر ببالي "ياسر، رح تخسره هو" كنت عارف بتعلقه بذاك الإنسان و كان ذا هو املي الوحيد للحين، بس صدمني لما ضحك بأستخفاف "تستهبل؟ مو واضح لك اني قاعد احاول اراضيه بسبب ذا الموضوع"

بلعت ريقي، و انا العن غبائي.

توسعت ابتسامته لما شاف التوتر بعيوني و دفني قبل يقوم و يتراجع "زي ما قلت لك، رح ارسلك اكثر صوره احبها لياسر و انت ارسمها، تسلمني ياها بكرا" كان يتكلم بثقه وكأني رح اسوي له ذا الشي، طلع من المكان تاركني بذي الحاله على الارض.

اخفضت راسي اتأمل دمه الي لوث تيشيرتي، و غمضت عيوني مغبون من كل شي، طلعت من المدرسه لأني مستحيل اكمل يومي بذا الشكل، رميت كل ثيابي الي كنت لابسها بالزباله، لما دخلت اخذ شور، كان مزاجي ف اسوء حالاته و لا حتى المويه الي قاعده تصب علي رح تخليني اهدا .

انسدحت على سريري و انا اتأمل السقف بقهر، و كانت الشجاعه تصارع الخوف بداخلي، شفت بعض الرسايل الي وصلتي بلابتوبي و فتحته بسرعه، كنت اعض على اضافيري و انا اشوف محادثتنا، الكلب بكل وساعه وجه مرسل لي صوره الزفت حقه.

تأملت عيون ياسر بالصوره، الملعون حلو.

كان اياد مرسل اكثر من مليون رساله هو الثاني، و شكلي طحت صداقه مع الشخص الخطا، اكره الثرثارين.

-اياد...-
:غيث هيه، وينك؟
:ليش مختفي كذا! اغراضك كلها هنا.
:يا بزر ترا مو حارس عندك عشان احرسها .
:خلص الدوام و انت مو هنا + ترا مو خادمك عشان اشيلها لك.
:تركتها، و ماني مسؤول عن شي، لا تصيح فيني بكره.

ضربت راسي و تأففت، توي مستوعب اني ناسي شنطتي، اساسا ما قدرت اخذها و انا بذيك الحاله، على العموم ما اهتميت مره، مافيها شي يستاهل اصلا.

خرجت من محادثتي مع اياد و رجعت اتأمل صوره ياسر، كان قلبي يدق بقوه من الخوف، اسافر و انقل من المدينه؟ او استنجد بالشرطه، او استسلم لقدري و ارسم؟

ما كان لي اي استعداد ابدا اني اتعرض لكل ذاك الضرب من جديد، و انا عارف انه هذا هو مصيري صباح بكرا.