.
.
مستشفى ال فيصل
دخل ب هيبته المُعتاده وملامح وجهه اللي تدل على الغضب الدايم ابتسم وهـو يأشر للدكاتره الموجودين ب الممر وهو يسمع همسهم ، " الله يجعلها بداية خير ولا ويطيح احد ب يده " ابتسم بسخريه وهو يكمل طريقة ل مكتبه ، دخل مكتبه وهو يشوف مواعيده وعملياته لليوم قطع عليه تركيزه دخول صديق طفولته مهند
مهند : صباح الخ . . لاحول ولاقوة الا ب الله شفيك معصب بعد
فهد وهو يناظره : من قال معصب مو شايفني مشغول؟
مهند : لا شايف بس توك دخلت امشي نفطر بعدها كمل شغلك
فهد: لا مابي ب العافيه عليك
مهند : اقول تقوم ولا وش وضعك
فهد ب ابتسامه : وش بتسوي مثلا بتشيلني ؟
مهند : شوف والله لو اقدر اسويها
فهد بضحكه : اقول وين نفطر
مهند : ياخي وش حلاتك وانت تضحك اضحك للناس شوي نكدت عيشتهم
فهد ببرود : مهند
مهند : دام فيهـا مهند بهالصوت مانبي نعكر مزاجنا بعد الاجازه مشينا !
قطع عليهم دخول سكرتيرة فهد : اسفه دكتور فهد بس في موعد تاجل واللي هو الساعه 8
فهد : تمام شكرا ، يعطيك العافيه
مهند : ححلوين كذا نفطر ع روقان وبدون قروشتك
فهد : تراك دكتور وعندك مسؤليات مو قروشه زي ماتقول
مهند بتصريفه: صح صح كلامك امشي لا نتاخر بس
بيت ال سالم . . .
نزلت بحماس وهـي تسلم على امهـا وابوهـا وتصبح عليهم
كيان : صباح الخير
ابو كيان : صباح النور يابنتي
ام كيان : تعالي افطري معنا
كيان: لا يمه حبيبتي بالعافيه عليكم انا مواعده البنات ياويلي منهم صدق
ام كيان ب ابتسامه : الله يوفقكم يمه انتبهو ل محاضرتكم لا اوصيكم لاتلتهون وانتو تفطرون خلصو بسرعه
فيصل بضحكه : يمه بنتك هرجها كثير ماراح تحضر ولا محاضره
كيان : لا والله خير وش شايفني ! اقول توصلني ؟
فيصل : لا ماراح اوصلك
كيان : يلا بسم الله بداينا ذل من اول يوم
ابو كيان بضحكه : فيصل لاتطفش اختك ودها وانت ساكت
كيان : قلت لكم جيبو لي سواق ماترضون
فيصل : انا بعد اليوم موافق
ابو كيان : ليه سواق وفيصل موجود مايحتاج
فيصل بصدمه : يعني قصدك انا سواق
كيان بضحكه : اهمشي فاهم نفسك
فيصل : اقول امشي بس
كيان : افطر طيب
فيصل : بفطر ب الشركه
كيان : باي حبايبي
ابو كيان : الله يوفقكم يبه استودعتكم الله
أنت تقرأ
جيتني مثّل الشروق اللي محى عتم الليّالي
General Fictionالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
