.
.
يوم جديد ع ابطالنا وتحديدا ب الجامعه عند ساره وشادن . .
ساره : يمه متوتره شوي
شادن: لا ماعليك يارب سهل
ساره: اي اي يارب
شادن: احس مو مصدقه انه احنا خلاص بنتخرج ونفتك بعد كم شهر
ساره: ولا انا تصدقين بس يلا الحمد الله بنرتاح
شادن: اي والله ،
ساره: وش صار ع ملكة فهد وكيان ، هالاثنين لو ملكو بسوي حفله ترا واخيرا اجتمعو
شادن بضحكه: والله مو بس انتي جننوني انا
ساره: الله يتمم لهم ع خير يارب
عند ريم وكيان . .
كيان: شلون يعني يادكتور المستشفى اللي طبقنا فيه الكورس الاول مسوين اختبار لنا صح؟
الدكتور: اي نعم والاختبار بعد ساعه تقريبا والاختبار بيراجع معلوماتكم
كيان بهمس: حلو حلو رايحين ل مهند وفهد مستوعبه
ريم بضحكه: ياربي مهند بجيب فيني العيد الحين
كيان: احس مابغا اقابل فهد الا بعد الملكه
ريم : اقول مشينا يقول عليه درجات يلا ودام الدكتور معانا مامن خوف
ب المستشفى مكتب مشاري . .
مشاري: فهد ومهند المتدربين على وصول جهزتو الاوراق وكل شي صح
مهند: اي جاهز كل شي بس بسالك عادي اساعد زوجتي
فهد: انت تبغا تنجلد اليوم ولا ايش
مشاري: اقول ياخوي شرايك مانخليه مع زوجته يفكنا
مهند: لا امزح معكم الشغل شي والزوج شي ثاني
قطع على فهد المسج اللي وصله: هاه يادكتور فهد نبدا ف مين ونحرق قلبك؟ سلطان ولا مهند؟
فهد استاذن وهو يروح مكتبه يتصل ع الاستخبارات
فهد: التهديد زاد شكلو بدو يراقبوني يهددوني ب مهند وسلطان اخواني وش الحل؟
مجاهد: هلا دكتور فهد انتبه هاليومين واحنا مراقبينك مخلين كم شخص عند المستشفى حقك للحين ماعندهم عنوانك ولا اي تفصيل عن حياتك ف هالفتره لازم تنتبه واذا صار اي شي خطير بنكون اول ناس معك لاتخاف
فهد ب عصبيه: انا ماعلي ف نفسي بس اهلي واصحابي خط احمر وش هالمرض
مجاهد: قضايهم كثيره ياخوك وخطيرين واللي مات كان قريب منهم جدا
فهد: ايش ذنبي انا قلت له موت
مجاهد: اهدا دكتور فهد واحنا معك، فمان الله
خرج فهد وهو يشوف المتدربين وصلو لمح كيان اللي كانت تسولف مع ريم والتفت عليه وهو خارج مشي بدون لايناظرها مايبغاها تشوفه وهو معصب
خرجت كيان وهي تدور فهد ب عيونها شافت مكتبه دقت الباب ماكان فيه رد قررت تدخل شافته مسند راسه ع الكرسي وكانه ف عالم ثاني
كيان ب توتر: شفيك معصب؟
فهد: مافيني شي بس ضغط شغل
كيان: متاكد؟
فهد ب ابتسامه: اي متاكد كيف اختبارك؟
كيان بحماس: كويس مرا حليته زين
فهد : كفو ، كلمت عمي قلت له بملك بس والحفله على راحتك سويها شرايك
كيان: تمام اللي تشوفه، بس قبل لا اروح ترا ماقتنعت بس بمشيها
فهد ب ابتسامه: اقوم اخليك تقتنعين
كيان بخوف: لالا باي
عند ريم ومهند
مهند: كيف الاختبار ؟
ريم: يجنن مرا سهل
مهند : طيب شرايك اخذك نتغدا برا
ريم: لالا جايه مع كيان حرام اسحب عليها
كيان: لاخذها برجع لوحدي عادي
ريم وهي تفتح عينها
كيان بضحكه: شفيك
مهند: اقول ترا كيان ووافقت وانتي وش عذرك؟
ريم : مافي عذر خلاص مشينا
مهند: يلا فمان الله، هاه فهد وصل كيان اذا خارج
كيان بهمس: لا عاد شفيه ذا بيجيب فيني العيد
ريم بضحكه: تستاهلين من حفر حفرة ل اخيه وقع فيه
كيان: ياحيوانه انا حفرت حفره مالت عليك
فهد: اوصلك؟
كيان: لا سلطان بيجي
فهد: سلطان!
قطع عليهم وصول سلطان: اقول وخر عن بنت اخوي للحين مو زوجتك
فهد: بتصير ان شاء الله بعدين شعندك جاي كنت بوصلها
سلطان: وبصفتك مين
فهد: بصفتي زوجها المستقبلي
سلطان: انت قلتها مستقبلي يعني للحين
فهد: المطلوب الحين؟
سلطان: ابي بنت اخوي
فهد وهو يكلم كيان: عاجبك اللي يسويه
اشرت له بمعنى مالي دخل
فهد: بتندم وتشوفف
سلطان: يلا بس لاتقصر ب اللي تسويه
ب السياره عند سلطان وكيان):
كيان: ابي من ماك خذ لي
سلطان: لا امك موصيتني اتلك من راسك للبيت بدون اكل تقول طابخه
كيان: طيب ل عيونها ماكل
سلطان: كيانو
كيان بنظره: دام كيانو فيه شي
سلطان: بقولك شي
كيان: ايي وش فيه
سلطان : انا بصراحه مع.. قطع كلامه اتصال جوال كيان اشرت له بمعنى دقيقه
كيان: هلا شادن
شادن ب عصبيه: اوفف كيان الحقيني
كيان: شفيكك
شادن: السواق سيارته تعطلت واحسني بموت ف الشمس
كيان بضحكه: وينك بمركك
شادن: مايضحكك وادق ع فهد مايرد الدايخ ومشاري ب اجتماع مالت عليهم الاخوان المنقذين الفاشلين
كيان: خلاص اسكتي الحين بجيكك، سلطان ب الله مر عند الجامعه السواق حق شادن تعطلت سيارته
سلطان بضحكه: يالبى السواق والله
كيان: عفوا؟
ووصلو واخير ل شادن
شادن: اوفف بموت حرر وش هالجو؟
كيان: يالخبله شفيك منفسه
شادن: بدوخ حرر وربي ، انتبهت للمرايه ل سلطان وسكتت
كيان: شفيك؟
شادن بهمس: ولاحاجه خلاص اسكتي
كيان: الحمد الله والشكر محد صاحي اليوم
فتح المسجل سلطان وبدات الاغنية تلعب ب قلب شادن اللي فهمت انها لها من نظرة سلطان . .
تحبك روحي وأحسك نفس ها الروح
وتوحشني بدون أسباب مدري ليه
يا كيف أشرح لك إحساس أكبر من البوح
في قلب يحبك أكثر ما يحب راعيه
أحب صوتك هذاك اللي دوا الجروح
أحب اسمك واضيع إن مرني طاريه.🤍🤍
عند عشاقنا الحلوين . .
مهند: والله لو اتغدا كل يوم ع هالوجه بكون اسعد انسان ب العالم
ريم بضحكه: متاكد ماتطفش بعدين وبسجل لك هالكلمه
مهند وهو يبوس يدها: يوم بدونك ياجعلني ما اعيشه
ريم بخوف: بسم الله عليك بعد عمر طويل، لاعاد تقول كذا
مهند بهدوء: احبك طيب
بيت ال فيصل . .
شادن: يبه شفت اولادك وش سوا فيني ولا واحد فاضي حضرته
مشاري بضحكه: لاحول لاحول قلنا اسفين
فهد: جوالي خلص شحنه شفيك انتي
شادن: اي اتصلت ع كيان وهي وصلتني وهم خارج النطاق
ابو فهد: شوف انت وياه اول واخر مره تسوون ب اختكم كذا فاهمين
فهد: ابشر يبه ، بس ماعلينا كلمة عمي فيصل ع الملكه
ابو فهد: اي كلمته ووافق ان شاء الله الاسبوع الجاي قبل الاختبارات عشان لاتتشتت البنت
فهد ب ابتسامه: تمام يبه
مشاري: اخيرا بتتزوج يالشايب
فهد: اقول مناك بس
بيت ال سالم . .
فيصل: مو مصدق هالبزر بتصير عروس
كيان: يبه ليه وافقت
ابو كيان: يابنتي تعبت وانا اقولك عقد بس احنا وهم وبعده براحتك شي بسيط
كيان: يمهه
ام كيان: اهدي يمه انتي عليك خذي لك فستان حلو وبسيط والباقي علي
سلطان: يانفسيه تعالي همزي لي راسي
كيان: اقول مافيني
سلطان: شايف ياخوي كيف هالبزر تهرج مع عمها
ابو كيان: كيان يبه عيب روحي همزي عمك
كيان: ع كيفه وقت مايبي يصير عم ووقت مايبي يصير فله وخر يلا شوي بس
سلطان بضحكه: مروق مارح تخربين علي
كيان بهمس: عارفه وراك شي انت وشادن تحسبني مانتبهت للتصرفات والاغنيه والنظرات
سلطان: فسري ع كيفك
كيان بهدوء: احلف ؟
سلطان: احلف ع ايش انتي
كيان: انه مافي سالفه
سلطان: لما يكون فيه بقولك
أنت تقرأ
جيتني مثّل الشروق اللي محى عتم الليّالي
General Fictionالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
