.
.
بيت ال سالم . .
ام كيان : كيان يمه اذن المغرب قومي الله يصلحك
كيان بكسل : تمام يمه
صحت واخذت لها شاور يصحصها شوي ويبعد عنها الخمول والكسل عشان تنزل تجلس مع اهلها ب الصاله
كيان: مساء الخير ياعايلتي الحلوه
فيصل: وش هالنوم انتي درينا انك تعبانه
كيان: والله اسبوع مجهد والاسبوع الجاي عندي تدريب
ابو كيان: ماشاء الله ووين تدريبكم ؟
كيان بحماس: توقعو
ام كيان: هو يمه قولي حمستينا معك
كيان: مستشفى ال فيصل
فيصل: واوو هالمستشقى جبار والكل يشهد بنجاحاته
كيان: اكيد وبما اني ناجحه حطوني هناك
ابو كيان: الله يوفقك يابنتي كفو هذا عشمي فيك
ام كيان: الله يسهلك يمه
كيان: آمين آمين
بيت ال فيصل
شادن: يمه تخيلي تعرفت ع بنات يجننون
ام فهد: زين يمه كان ودي من قبل انك تتعمقين ببنات علاقاتك مع الكل محدوده
شادن: اقولك يسولفون معي كانهم يعرفوني من سنين مع انه اعرف بيان وساره من العام بس علاقتنا رسميه
ام فهد: يمه انا ماقولك ان اللي تسوينه غلط ب العكس حلو ان الواحد يحط حدود بينه وبين الاشخاص بس انتي حدودك خلتك بعيده وكل علاقاتك مو عميقه صارت اجتماعيتك خفيفه
شادن: يمه انا كذا انتي عارفتني خلاص معاك مع اخواني حتى نوف اللي كنت اعتبرها ب سني وبتونسي طلعت عكس اللي اتوقعه ، ولا انتي تعرفيني ودي يكون عندي صحبات بس اغلب اللي اعرفهـم الحمد الله والشكر بس مصالح
مشاري: وان شاء الله بتغير هالشي وانا اعرف انك قد ايش تحبين الصداقه وتقدسينها وودك ربي يرزقك مو بس صحبه اخت وبما انك تسولفين عن هالبنات بحماس انا متفاءل خير
شادن: بسم الله من وين طلعت انت
مشاري: ف كل مكان اطلع لك ، وين فهد ؟
شادن: اكيد بغرفته يشتغل بروح له ازعجه وانت شوي والحقني
مشاري: لا والله تبين تنجلدين انجلدي لوحدك انا مالي دخل فيكم
ام فهد: حرام عليكم انتو عارفين ان اخوكم حنون بس شوي عصبيه
شادن: شوي يمه هاه شوي
ام فهد: قبل ماتطالعين ، عمتك مها بكرا جايتنا
شادن: اكتملت
غرفة فهـد . . .
شادن: ممكن ادخل
فهد بحنيه ل اخته: اي اكيد تعالي
شادن: وش تسوي ليه ماجيت تقعد معنا ب الصاله
فهد: كان عندي شغله وخلصتها امريني
شادن: شغل ب كل مكان خلاص اليوم ويكند
فهد: تمام ابشري ، حكيني كيف اسبوعكك الاول
شادن: عادي جدا ك العاده بس تدري وين الحماس اليوم
فهد ب استغراب : وش صار اليوم؟
شادن: تعرفت ع بنات وجلست معاهم وسولفت ولا حسيت ب الوقت تخيل
فهد ب ابتسامه: ايي شلوون
بدات شادن تحكي ل فهد بحماس عن البنات اللي قعدت معهم اليوم وهي تتمنى من كل قلبها انه يكونون الصحبات اللي تتمناهم مو اللي يتمصلحون بس لمجرد انهم يعرفون اسم عايلتها
في مكان بعيد ول اول مره نحكي عنه تحديدا الولايات المتحده امريكا . . .
سلطان: اي خلاص باذن الله راجع السعوديه الاسبوع الجاي
ابو كيان: ياخوي طولت الغيبه والله، الشركه رجعت ب احسن حال
سلطان: اشتقت ل كيان وفيصل والله
ابو كيان: وهم مشتاقين لك ولاعلمتهم ب جيتك خلينا نفاجئهم
سلطان بضحكه: والله وتعرف ب المفاجات يا اخوي
ابو كيان: اي وش عرفك انت، انتبه ع نفسك طيب
سلطان: ان شاء الله ، فمان الله
سلطان الاخ الاصغر ل سالم ابو كيان صاحب ال ٣٠ سنة سافر امريكا بسبب المشكله اللي صارت ل شركتهم وكانت ع وشك الافلاس
عند كيان ترسل للبنات ع الواتس: بنات وش تسون كيف الويكند معكم
شادن: ع حماسي له ماتوقعت ب هالملل
ريم: منسدحه انا
بيان: توي صاحيه
ساره: اشوف مسلسلاتي وش الوضع ؟
شادن: هو طفش بس اهمشي مرتاحه
كيان: حقيقي اهمشي مرتاحين
ريم: شادن مرا مبسوطين انا عرفناك ترا وشخصيتك تجنن احسك حبوبه
كيان: اي صدق مرا تهبلين ، بيان وساره ماتستحون وينكم عنها؟
ساره: البنت رسميه انا يوم قالت بيان بعزمها خفت تصرفنا
شادن بضحكه: حرام عليكم ، انا شوي ماحب اتعمق ب العلاقات واغلب علاقاتي محدوده ب الدراسه بس ، او اطيح ع الناس الغلط ف صرت كذا
بيان: احب ابشرك انك طحتي ف الناس الغلط صدق الحين
أنت تقرأ
جيتني مثّل الشروق اللي محى عتم الليّالي
Ficción Generalالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
