.
.
شادن بخوف : كيان شفيك حبيبي ؟
كيان برجفه ودموع : يقول يقول في ناس كانو يهددونه
شادن بتنهيده : عرفتي
كيان : شادن ظلمته انا ! بس هو ماعلمني ماقال لي شي ليه مايثق فيني
شادن : خلاص اهـدي اهـدي
كيان : تعبت شادن ابي ارتاح تعبت
قطع عليهـم دخول ريم
ريم : بسم الله كيان ايش صاير
شادن : قابلت فهـد وعلمهـا كل شي
ريم بحنيه : ماتحسون انكم اكثر اثنين تعذبتو ! ليه ماتعطون نفسكم فرصه ! كيان سامحيه غصبن عنه مو بيده صح المفروض يعلمك يقول لك لو انتي بس لكن اعذريه
كيان فضلت الصمت ودموعهـا تنزل بصمت
شادن : خلاص عاد ياويلك من ساره لو شافتك كذا بيوم ملكتهـا
كيان وهـي تمسح دموعهـا : صح
قربت ريم وهـي تضم البنات ، انتهـاء هاليوم الجميل ع ساره ومشاري المُحزن ع كيان وفهـد
بداية يوم جديده تحديدا مستشفى ال فيصل . . .
وصلت مكتبهـا وهـي تشوف خلود ماسكه كوبين قهـوه متوجهه ل مكتب فهـد
كيان بهـمس : يالله صباح خير يالله
خلود بدلع : صباح الخير دكتوره كيان
كيان : صباح النور ، ع وين
خلود : ل دكتور فهـد
كيان : ادري ل دكتور فهـد بس وش جابك من قسمك ل هـنا
خلود : يهـمك ! بعدين مين انتي ؟
كيان بنزفزه : اي يهـمني بعدين دكتور فهـد عنده اشغال
خلود : لما هـو يقول يصير خير باي
مشت من جنبهـا وهـي تدخل مكتب فهـد
كيان : والله ماخليك
فهـد ب استغراب : دكتوره خلود ؟ دكتوره كيان !
خلود بملل : طبيعيه انتي !
كيان : لا
فهـد بضحكه : ايش فيه
كيان : مو انت عندك عمليه الحين !
فهـد : انا عندي عمليه الحين ؟
كيان ببرود : اي شفيك امس قلت لي بجيب من راسي
فهـد : اهـا ، لا تذكرت تذكرت
خلود بدلع : طيب جايبه لك قهـوه اشرب بعدهـا روح
كيان ب استفزاز : مايحب يشرب وتوه صاحي
خلود : وش عرفك انتي !
كيان : يهـمك ؟
خلود : بخليهـا لك دكتور فهـد واستاذن الوضع يقرف
كيان : خليك بقسمك افضل دام الوضع هـنا مو عاجبك
تجاهـلتهـا خلود وهـي وتطلع
فهـد : ايش هـذا كله
كيان ببرود : ايش
فهـد بضحكه : ايش هاه
كيان : ماعندك مرضى انت اليوم ، بعدين لاتعطيهـا وجه الدلوعه
فهـد : ليه ما اعطيهـا ؟
كيان : مايهـمني انت حر ،قربت تاخذ القهـوه وتخرج
فهـد : قهـوتي !
كيان : اطلب من سكيرترتك لازم هـذي
فهـد : كيان هـاتي خلي الغيره عنك
كيان كبتهـا ب الزباله الله يكرمك وبدلع : اووه سوري انكبت
فهـد بضحكه : يلا عوافي يمكن بكرا تجيب غيرهـا
كيان ناظرته بدون رد وهـي تطلع من مكتبه وبهـمس : غثيث يمشي ويضحك وانا يوم كنت اتدرب طلع عيوني
فهـد : افا انا سويت كذا !
كيان : بسم الله من وين طلعت انت
فهـد بهـمس : ع فكرة طالعه حلوه لما تغارين
عند مشاري وساره عرساننا الجُدد . . .
مشاري : بوديك اليوم احلا مطعم
ساره ب ابتسامه : اشوف ذوقك
قرب وهـو يبوس يدهـا : يابنت تدرين اني اسعد واحد ولا مابعد تدرين !
ساره بخجل : انا كمان والله
بالجهة الثانيه من المستشفى . . .
ريم بتعب : مهـند
مهـند بخوف : بسم الله ريم شفيك !
ريم : ماني قادره احس بالم قوي
مهـند بتوتر : دقيقه ولاده ولا ايش
ريم بتوتر : مهـند الم قوي قوي ، ماتوقع توني بداية التاسع
مهـند : دقيقه بجيب نقاله ، خرج بسرعه وبصراخ بسرعه نقاله ل هـنا وانقلوهـا ع قسم النساء والولاده
ريم : كيان نادي كيان
مهـند بخوف : ابشري ابشري
عند كيان ب مكتبهـا . .
السكرتيره : دكتوره كيان دكتور فهـد يبيك ب قسم النساء والولاده
كيان بصدمه : ليه ايش فيه ريم!
السكرتيره : اتوقع عندهـا ولاده
كيان : ياربي ، الله يسهـل لهـا يارب
عند مهـند كان يدور وع اعصابه اما كيان ف كانت جالسه وهـي تدعي لهـا فتحت جوالهـا وهـي ترسل للبنات ب القروب لاتخافون اول ماتولد بكلمكم قفلت جوالهـا وهـي تمتم يارب سهـل عليها
خلود : كيف الحال ولدت ؟
كيان اللي سمعت سؤالهـا عن ريم وارمقتهـا ب نظره مشت وهـي ترد ع شادن
كيان ب استفزاز : انا شفت لقافه وبجاحه لكن زي هالادميه ماشفت
شادن : ايش فيه
كيان: واقفه معنا ع اساس مهتمه شدخلهـا؟
شادن : بالغت كنه ؟ المهـم ماعليك الحين ريم كيفهـا
كيان: للحين ماطلعت دكتورتهـا بعدين قلت بطمنكم
شادن : طيب تمام انتظر
كيان : باي الدكتوره خرجت
مهـند : هـاه طمنينا يادكتوره
الدكتوره ب ابتسامه : الف مبروك دكتور مهـند جاتك بنت زي القمر
مهـند وهو يحضن فهـد : الحمد الله ، اقدر ادخل اشوفهـا
الدكتوره : طبعا تقدر تتفضل
ب الغرفه عند ريم . .
قرب وهـو يبوس يدهـا : الحمد الله على سلامتك ياعيوني
ريم بتعب : الله يسلمك حبيبي
مهـند : تعبتي شوي صح
ريم : اي والله بس الحمد الله وين البيبي بشوفهـا
مهـند : مخبيه علي ان بكون اب ل احلى بنت بالدنيا
ابتسمت ريم : عادي نسميها بيان !
مهـند وهـو يضمهـا : اكيد عادي
قطع عليهـم دخول الممرضه وب ايدهـا بيان الصغيره مدتهـا ل ريم
ريم : بسم الله ع بنتي الحلوه بسم الله
مهـند : ياحبيبة بابا انتي
ام ريم: الحمد الله على السلامه يمه
كيان : الحمد الله على السلامه
ريم: الله يسلمكم
مهـند : انا استاذن شوي واجيك
ريم : تمام
باس بيان ع راسهـا وهـو يخرج
ريم: ماتبون تسلمون ع بيان الصغيره
كيان بغصه : بيان !
ريم بدموع : اي بيان
قربت كيان وهـي تضمهـا : الله يرحمهـا يارب ، دقيقه بصورهـا للبنات قربت تصورهـا وترسلها ل قروب البنات : بيان الصغيره وامهـا بخير ويسلمون عليكم
عند ساره ومشاري . .
ساره بصدمه : ريم ولدت ! ليه محد قايل لي ، يالله مشاري شوف الكياته والجمال
مشاري : الله يحفظها يارب
ساره : ياربي مرا متحمسه اشوفها بكرا
مشاري : عقبال بنتنا
ساره : ان شاء الله
أنت تقرأ
جيتني مثّل الشروق اللي محى عتم الليّالي
General Fictionالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
