.
.
ب الجهة الثانيه من المستشفى . . .
مهند: ريم ال..
ريم: انا دكتور فهد
مهند ب ابتسامه: عندي موعد مع مريض الحين حابه تبدين من اليوم ولا تشوفيني ومن بكرا؟
ريم ب توتر: ماكذب عليك بموت توتر صراحه خليني اشوفك وبعده انا اذا عادي
مهند: مو قلنا نبعد التوتر؟
ريم وهي ترفع راسها: اي اي خلاص ان شاء الله
مهند سرح ف ملامحها كانت محجبه ولا بسه كمام عيونهـا الوساع وروموشهـا الكثيفه قطع عليه سرحانه صُوتهـا
ريم: دكتور مهند متى نبدا؟
مهند بهمس : اثقل اثقل، اي الحين تفضلي معي
ب الجامعة . . .
شادن: تتوقعون البنات وش صار معهم
بيان: نتصل ولا يمكن مشغولات
ساره: لالا اكيد مو فاضين خليهم الحين
نوف بدلع: هاي شادن ، هاي بنات كيفكم
شادن: اهلين نوف ، ماشاء الله صايره اشوفك قدامي هالفتره بكثره
نوف: شدعوه دايم انا هنا انتي البعيده
شادن: اي واضح
نوف: بنات انتبهو تخذلونها واذا نيتكم شي ثاني ابعدو عنها من الحين، باي
شادن ب عصبيه: نوف خلاص
بيان: وش قصدها ذي
ساره: شفيها تدلع بعد
شادن: سالفه طويله بعدين اقولكم
بيت ال سالم . . .
فيصل: كذا يعني ياسلطان ماتعلمني ب جيتك ي الخاين
سلطان: والله حبيت افاجئكم شلون بس
فيصل : والله نورت السعوديه كل ابوها امشي نفطر
سلطان: سولف لي كيان اخبارها،
فيصل: بدت تدريب اليوم ب المستشفى وبس تخصصها متعب ف ماخذ وقتها مرا
سلطان: مو مصدق البزر بتصير دكتوره
فيصل: ولا انا والله
سلطان: مشينا اجل ، يووه ارسل ل مهند وفهد مايردون
فيصل: اصحابك؟ ايام زمان
سلطان: مرا قطعت من توفى جدك وجدتك وماتواصلت معهم
فيصل: يلا الله يجمعك معهم
سلطان: باذن الله
مستشفى ال فيصل ب الممر . . .
مهند: دكتور فهد
فهد: كيف الوضع ؟
مهند: ححلو انت وش الوضع واضح اخترت مين يكون ماسك شغلك
فهد بسخريه: مسويه قويه علي انا اعرف كيف ارفع ضغطها
مهند: حرام عليكك شوي شوي عليها
فهد: ماعليك
عند كيان وريم . . .
كيان بعصبيه: مستفز ومتخلف ومريض
ريم بضحكه: واضح الوضع بدون ما اسال
كيان: تعمد والله عارفه تعمد يخليني معاه عشان يعصبني
ريم: خليك بارده هالنوع يتنرفز من اللي كذا
كيان: اوريه انا البرود كيف ، انتي واضح وضعك تمام من الضحكه
ريم: يجنن بابنت فوق الحلاوه اسلوب
كيان: استحي ع وجهك ، المهم ادعي لي بشخص المريض
ريم: انا شافني متوتره قال شوفني وانتي بكرا
كيان: مالت علي وع حظي ، باي
المريض الاول عند فهد وكيان كان واقف يراقبها شلون بتسال وبتشخص
كيان: السسلام عليكم اخوي، ممكن استفسر ع مشكلتك؟
المريض: عندي صداع متكرر احيانا يقعد ب الايام يوصل ل ثلاث ايام او اكثر مع اني اخذ مسكن بس مايفيد
كيان ب اهتمام: ايش الشي اللي خلاك تجي المستشفى شي غريب لاحظته؟
المريض: صرت استفرغ بشكل متكرر ، احيان الرؤيه عندي تقل ، توزان مافي فجاءه احس اني بطيح
كيان قربت وهي تفحص نظره: في اعراض ثانيه جتك ضيق تنفس نغزات ب قلبك موجوده؟
المريض: احيانا
كيان: طيب اخوي، تروح الحين عند الرسبشن وتسوي فحوصات للدم ونتواصل يعطيك العافيه
المريض: شكرا لك
فهد: وش استفسرتي؟؟
كيان بتفكير: احس انه ماعنده مشكله ف القلب في مشكله ثانيه
فهد بسخريه: تمشين ب الاحساس انتي ولا وش؟
كيان ببرود: شدخل انا قلت وجهة نظري واللي شفته من خلاص تشخيصي وبعد فحص الدم ب يوضح كل شي
المريض الثاني عند مهند وريم . .
مهند: شفتي كيف بسيط وماياخذ شي ايش استنتجتي من كلامه؟
ريم بتفكير وهي تشوف ملاحظتها: عنده مشكله ف عضلة القلب اغلب الاعراض اللي قالها تدل ع هالشي ولا غلطانه؟
مهند ب ابتسامه: الواضح اني مارح اتعب معك
قطع عليها اتصال من كيان: هلا كياني خلصتي
كيان: اي وينك
ريم: بنتظر السواق بتمشين امشي
كيان: تمام اشوفكك ع خير
ريم: دكتور مهند تامرني ع شي
مهند: المواعيد اللي علينا بكرا دققي فيها لان بكرا راح تشخصين
ريم: باذن الله
أنت تقرأ
جيتني مثّل الشروق اللي محى عتم الليّالي
General Fictionالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
