.
.
مع بداية هاليوم الجميل الغيوم متراكمة واصوات العصافير اللي تُعلن بداية يوم جديد او اليوم المُنتظر واخيرا الخميس
الجامعة وتحديدا حديقة الجامعه مكان تجمع البنات . . .
بيان : ساره شوفي شادن شرايك نعزمها تقعد معنا
ساره ب ابتسامه : اي ناديها
بيان وهي تاشر بيدها : شادن شادن
شادن ب ابتسامه : اهـلين
بيان : تعالي اجلسي معنا ولايكون عندك محاضره؟
ساره: حتى لو فيه محاضرات نسحب عليها ولا يفوتنا هالجو
شادن بضحكه: لا ماعندي الا وحده وبعد ساعه تقريبا
بيان: اجل تفضلي ننتظر صديقاتنا ريم وكيان
ساره: ترا مسويه كوكيز ل عيونكم
كيان: اكيد ل عيوني ولا ؟
ساره: اكيد مافيها كلام، اخيرا شرفتو يا دكتورات المستقبل
ريم بضحكه: اسمها دكاتره
كيان بتعب: ودي ادعي ع التخصص بس صدق احبه
بيان : اجل اسكتي خلوني اعرفكم ع شادن
كيان : اهـلين تشرفنا انا كيان
ريم: وانا ريم
شادن: الله يعينكم صدق اهلي كانو يبغوني ادخل بس رفضت
كيان: ب العكس تخصص مفيد جدا صح متعب بس صدق يحمس
ريم: احد من اهلك دكتور
شادن: اي اخوي الكبير دكتور
كيان: ماشاء الله وش تخصصه؟
شادن: جراحة مخ واعصاب
كيان: واوو يجنن قريب من تخصصنا بس حنا تخصصنا جراحة القلب او طب القلب بشكل عام
بيان: بنات في هتان شكله بيمطر وناسه
شادن بحماس : الله لو يمطر صدق
كيان: اخيرا خميس تدرون اني بنام لين اصحى بكيفي ؟
بيان : وانا معك لان صدق اعلن انسحابي
شادن: بنات ، الدكتوره اعتذرت
ساره: احلفي
بيان: يس يس كذا يكتمل الخميس
ريم: عادي كيان حبيبي ولا كانه نسمع شي كلها محاضره ونخرج عادي
كيان: صح عادي جدا والجو حلو
ساره : بموت يسلكون ل نفسهم هذولي !
بيان : خليهـم خليهم
شادن بضحكه : اتمنى تتخطون صدق
بيان : بسوي قروب لنا شرايكم ! شادن ؟
شادن : قدام ماعندي مشكله ، بس بمشي دام السواق ماخرج من الجامعه للحين ، انبسطت معكم مرا اشوفكم ع خير
كيان : احنا اكثر والله
ساره: شادن خذيني معك برجع البيت اروق وبعض الناس وراهم دروس لين الليل
ريم وهي تضربها: اقول لايكثر كلها محاضره بعدين الجو حلو بيفوتكم
بيان: لا مايفوتنا قعدنا كثير يلا مناك انتي وياها
كيان: مارح ارد عليكم
ب المستشفى تحديدا ب غرفة العمليات . . .
فهد وعينه ب المنظار: الورم مو سرطاني الحمد الله(حميد) متركز على عصب السيطره على التوازن والسمع الممتد من الاذن الداخليه للمخ
المساعد: له السبب المريض فقد السمع ف اذن وحده
فهد بتنهيده: نعم هذا السبب نبدا العمليه ياشباب
خرج من غرفة العمليات وهو يتوجه ل مكتبه
فهـد : اسمعي المريض خالد ال . . اول مايوصل يروح عند الرسبشن يخليهم يسوي اشعة مقطعيه ل الراس بعدهـا نحدد الموعد الجاي باذن الله
السكرتيره : تمام ، دكتور فهـد استاذ مشاري طالبك انت والدكتور مهـند للمكتب
فهد : تمام يعطيك العافيه
مكتب مشاري . . .
مهـند : ياخي الجو حلو امشو طلعنا
مشاري : الحين انا ابيك بموضوع المتدربين وانت مقروشني ع الجو
مهند : ماعليك لعبتي بس اخوك مو لعبته
مشاري بضحكه : احسه يدعي علي
مهند : ساكت ومتحمل للحين
فهـد : شعندكم متجمعين ؟
مهند : ابدا مديرنا الغالي عنده خطاب
مشاري : طيب انتو عارفين عند المتدربين اوكي ! الاسماء وصلتنا قسمتهم عند فهـد وعندك يامهند
مهند : حلوين يوميا ولا وش الوضع ؟
فهد : كم مدة تدريبهم اذا يومي ماقدر صراحه لان شغلي كثير
مشاري: تدريبهم الترم كامل وثاني شي يومين ب الاسبوع وبعضهم يوم
مهند: اذا ع كذا ماعندي مشكله ع خير ان شاء الله
فهد: تمام الله يعين ويسهل بس
الجامعه عند كيان وريم . . .
الدكتور: قسمنا بعضكم ع المستشفيات بخصوص التطبيق كل مجموعه ب مكان وراح يكون يومين ب الاسبوع الشعب الثانيه يوم بحكم صعوبة تخصصكم
ريم: يارب ب مكان واحد يارب
كيان بهمس: اسكتي خلينا نسمع
الدكتور: كيان، ندى ، ساره ، مدى ، ريم الخ....انتو راح تكونو ب مستشفى ال فيصل
أنت تقرأ
جيتني مثّل الشروق اللي محى عتم الليّالي
قصص عامةالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
