.
.
مستشفى ال فيصل . .
وصلت المستشفى وهـي تشوف الممرضين والنيرس يتهـامسون توقعت انه كالعاده حادثه جديده ب المستشفى ويهـرجون عنهـا بس ابدا ماكان يهـمها وش يهرجون عنه وصلت مكتبهـا لفت انتظارهـا المكتب اللي جنبها الباب طرفه مفتوح مو كاعادته ناظرته حاولت تتجاهله وهـي تدخل تعاين اول مريض لهـا
ب جهة ثانيه من المستشفى . . .
ريم بتوتر : شكلي بولد اليوم انا
مهند بضحكه : اهـجدي عاد
ريم : تستهـبل وش حب الدوام ذا عنده لهدرجه اشتاق من ثاني يوم جاي ؟ الكل يهـرج ياويلي رحنا فيهـا
مهـند : ايش المشكله ؟ اصلا هـو مايدري انها صارت دكتوره ب مستشفاءنا
ريم : حلو حلو بينصدمون الاثنين مرا
عند فهـد . .
نادين : دكتور فهـد الحمد الله على سلامتك
فهـد ب ابتسامه : الله يسلمك هـاه ضبطتي مواعيدي
نادين : كل شي جاهـز
فهـد بتساؤل : المكتب اللي جنبي مين فيه ؟ دكتور جديد !
نادين : نعم دكتور فهـد ،
فهـد : تمام يعطيك العافيه انا بمر وباخذ لفه ع المستشفى اشوف الاوضاع
خرج من مكتبه وهـو يدق باب مكتب كيان مانتبه للاسم الموجود ولافكر يقرا
كيان : تفضل
فهـد ب احراج : اعتذر قالو لي دكتور جديد
كيان بهـمس : فهـد !!
وقفت وهـي تفتح باب المكتب وبصدمه : فهـد ؟
رفع راسه بصدمه : كيان ؟ ايش تسوين هـنا !
كيان ببرود : انت اللي ايش تسوي هـنا
فهـد : الدكتوره الجديده انتي ؟
كيان بسخريه : تخطينا مسمى الدكتوره الجديده من سنه
فهـد بهـدوء : كيان
كيان ببرود : واحد دكتوره كيان ! ثانيا اذا ماتبي شي انا مشغوله
فهـد : اسمعيني
كيان : اخر شي افكر فيه اني اسمعك ! شرايك
سحبهـا ل داخل المكتب وهـو يقفل الباب
كيان ب عصبيه : وش قاعد تسوي انت مريض !
فهـد : اي مريض تسمعيني ولا ماراح اترك
كيان : بصفتك مين ماسك يدي كذا ابعد
فهـد ببرود : خطيبك
كيان وهي تدفه: تخسي تعرف وش معنى تخسي
فهـد : ابفهـم ليه معصبه كذا ممكن تهدائين
كيان : ياربي ذا اللي بيجلطني ، انت ب اي حق تكلمني بعد الموقف السخيف اللي حطيتني فيه هـاه ب اي حق !
فهـد : اسف
كيان بسخريه : جتني بورقه بس للاسف ماقدرت تاخذ الم هـذا اشرت ع صدرهـا بحرقه
فهـد : مو ذنبي انجبرت !
كيان : مافي اي عذر بالدنيا يشفع لك تسوي فيني كذا ! ابعد اتمنى يكون بيننا حدود
سحبهـا وهو يقربهـا منه الين صارو مقابلين بعض عينه ب عينه وصدرهـا ب صدره اخذ يدهـا وهو يحطهـا ع قلبه وبهـمس : شايفه كيف ينبض ياكيان ! سميه اللي تبين بس اسمعيني
هـزت راسهـا ب النفي وهـي تغمض عيونهـا : مابي فهـد مابي ابعد عني تكفى ، خرجت من المكتب بسرعه وهي حاطه يدهـا ع صدرهـا متوجهـا ل عند ريم
ريم بخوف : بسم الله كيان شفيك
كيان برجفه : ف فهـد هـنا رجع
ريم : دقيقه استهـدي بالله تقابلتو ؟
كيان بصدمه : كنتي عارفه انه هـنا ! ليه ماقلتي لي
ريم : توه مهـند علمني والله علمي علمك ياكيان
كيان : ايش يبغى ايش جابه يبي يقلبني فوق تحت
ريم بهـدوء : اسمعيه كيان اسمعيه
خرجت وهـي مستعجله قطع عليه صوت دكتور خالد
خالد : هـوب هـوب ع وين
كيان ب احرج : يوه اسفه ما انتبهـت
خالد انتبه ل وجهـا الاحمر : فيك شي ؟
كيان : لا سلامتك !
خالد ب ابتسامه : ترا جاهـز ل الفضفضه ب اي وقت
فهـد بسخريه : ماتقصر
خالد بصدمه : دكتور فهـد رجعت !
فهـد : اي
خالد بتجاهـل وهو يغمز ل كيان ب معنى نتواصل
فهـد ب عصبيه : هذا يغمز لمين !
كيان : ايش دخلك انت ؟
فهـد : كيان احترمي نفسك واقصري الشر
كيان : اعيد واكرر مالك دخل فيني طيب !
فهـد : اوك مالي دخل فيك لكن لي دخل فيه
كيان بصدمه: فهـد بلا جنان
فهـد ب عصبيه : انتي خليتي فيني عقل ليه يكلمك بهالطريقه من هـو يقولك ل الفضفضه جاهـز سلامات !
كيان : الله يعطيني صبر على هاليوم الزفت
فهـد : وين !
كيان : يهـمك يعني ! وراي مرضى ع ما اعتقد
قطع عليهـم صوت حرمه من وراهـم ب صوت كعبهـا اللي كان ينسمع من ممر الى ممر حجابهـا اللي كان مبين نص شعرهـا وروبهـا الابيض
خلود : دكتور فهـد !
فهـد : تفضلي ؟
خلود ب ابتسامة ودلع : انا دكتوره خلود دكتورة الاسنان الجديده
فهـد : اهـلاً حياك الله
خلود : اوه معليه مانتبهـت لك دكتوره !
كيان ببرود : لا أجرب الروب بس
خلود : عفوا !
كيان : نعرف بعض ؟
خلود بدلع : لا
كيان : اتركك مع دكتور فهـد
ناظرته بسخريه وهـي متوجهـا ل مكتبهـا تخلص اخر مريض عندهـا
أنت تقرأ
جيتني مثّل الشروق اللي محى عتم الليّالي
General Fictionالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
