.
.
بعد مرور خمس سنوات ع ابطالنا . .
ليله من ليالي الشتاء الجميّله كانت السماء مليانه غيوم تُعلن سقوط المطر ب اي لحظه كانت الوقت تقريبا الساعه 10:00 صباحا
كانت واقفه وهـي وتتامل هالاجواء تحب هـالشهـر وتحب هالاجواء والايام البارده عدلت نفسهـا وهـي تلبس بلوفرهـا وتعدل شعرهـا قطع عليهـا دخول فهـد قرب وهـو يضمهـا من الخلف ويبوس راسهـا
فهـد بهـمس : اشتقت لك !
كيان : انا اكثر والله
فهـد : شرايك تصرفين النتفه وناخذ راحتنا !
كيان بضحكه : حرام عليك الا ولدي
فهـد بملل : من جاء وانتي متغيره علي
كيان بدلع : افا اتغير ع حبيبي زوجي وحبي الاول عيب عليك
فهد : بنت ! اعقبي
كيان : مافهـمت !
قرب وهـو يطبع علي شفايفهـا قُبله وماكان منهـا الا القبول
فهـد : فهـمتي !
كيان : احبك !
فهـد : اموت فيك
قطع عليهم دخوله وهـو يبكي كيان دفت فهـد وهـي تنحي له وتضمه
فهـد بملل : لاحول لاحول شتبي مين مزعله ذا الحين !
كيان بضحكه : فهـد حرام عليك
فهـد : توي توي بروق بعدين قد الدفه !
كيان بضحكه : مو صاحي ، تعال حبيبي ليه تبكي انا الحين جايه !
ليث : ماما نام
كيان : حبيب ماما انت الحين تنام اكلت فطورك !
ليث : هـم
كيان : اي اكلت !
هـز راسه وهـو يقرب يحضنهـا ويسند راسه عليهـا كيان بهـمس ل فهـد ماقدر ماقدر ما اقاوم هالحركات انا !!
فهـد : يالله انتي وولدك حبو بعض وانا بطلع !
ليث : بابا !
فهـد بحب : عيون بابا امرني !
كيان بضحكه : ماتقاومه زيي !
فهـد قرب وهـو يقبل راسهـا : الله يخليكم لي قولي آمين !
كيان بحب : آمين
فهـد : الليل رايحين المزرعه متذكره !
كيان : اكيد طبعا ، بنام مع ليث الحين شوي ع العصر نقوم !
فهـد : بالعافيه انا بمر المستشفى اخلص كم مريض عندي واجيكم
كيان : تمام حبيبي
بيت شادن وسلطان . .
سلطان : راسي بينفجر برتاح ياشادن وش هالحاله ! شفيهـا بنتك
شادن ب عصبيه : بنتي الحين صح
سلطان بضحكه : شفيك بتاكليني !
شادن وهـي تضربه : قوم بسرعه قوم ساعدني
سلطان : هـاتي حبيبة ابوهـا والله تعالي
شادن : لا والله توهـا ازعاج ومطنشنا صار لك ساعه !
سلطان : ديم حبيبة بابا ليه هالبكي هاه ! نبي ننام شوي ورانا طريق وخط هاه ! ماكان من ديم صاحبة السنتين الا تبتسم له وتضحك ع كلامه
شادن بصدمه : تستهـبل !
سلطان : اسكتي قولي ماشاء الله تحب ابوهـا البنت
شادن : وينك عنهـا من اول ماغير نايم
سلطان : حبيبي انتي حاسدتني ع النوم ؟
شادن : لا حبيبي نام بالعافيه بس وراي اغراض بجهـزها
سلطان : طيب قربي بقولك شي
شادن : هـلا ؟
سلطان : قربي اذنك
قربت شادن من سلطان اللي قبل خدهـا وبهـمس : احبك يابنت هـدي شوي
شادن اللي كانت تعبانه قربت وهـي تضمه : انهـلكت مانمت ساعه زين
سلطان : الحين اول ماتنام نامي معاهـا طيب ياعيون وقلب سلطان انتي !
هـزت راسهـا وهـي تسنده ع كتف سلطان وتحمد ربي عليه
بيت ريم ومهـند . .
بيان : ماما رعد يبكي
ريم : وين بابا !
بيان ببراءه : نام
ريم : بيجلطني بيجلطني ، مهـند رعد يبكي وبيان صغيره ترا عمرهـا 5 سنوات ماتعرف تنتبه له لو سمحت يعني !
مهـند : طيب انا معه
ريم بضحكه : تو بيان قالت لي نايم
مهند : طيب ماخلصتي ؟ وش تسوين هـذا كله ترا كلهـا يومين قاعدين !
ريم : خلصت خلصت بس اسوي رضاعة رعد وجايه
بيان : ماما نوم
ريم بحب : اي ماما ، روحي الغرفه عند بابا واخوك
بيان : طيب
ريم : جيب حبيب ماما ، يلا حبيبي ننام
مهـند : يعطيك العافيه حبيبي
ريم : الله يعافيك ياروحي
بيت مشاري وساره . .
ساره : اوه الحمد الله نامت
مشاري بحب : تعالي
قربت وهي تسند راسهـا ع صدره
ساره : الجو حلو مرا
مشاري : زيك يجنن
ساره : والله !
مشاري : تدرين انك جبتي لي احلا شي بالدنيا هالنتفه ولا ماتدرين ! تدرين ان وجودك معي معيشني اسعد واحد ، الله يخليك لي قولي آمين
ساره : ويخليك لي ويخلي لنا نور هالدنيا ليان
مشاري : آمين يارب
بالمزرعة الكل مجتمع والرجال كانو متجمعين للشواء كان المطر ينزل والاجواء تفتح النفس
ميلاف : ياويلي تعبت
ريم بضحكه : هانت هانت
ميلاف : اي والله هـانت
ساره : يالله بنات ! صدق كبرنا خلاص ؟ صرنا امهات وحركات وذولي عيالنا حولنا مو مستوعبه
كيان بضحكه : ولا انا احس حلم
ليث : ماما مطر بارد
كيان : اي حبيبي خليك عند بابا لاتروح بعيد
ام كيان : يمه ملابسه خفيفه
كيان : اه يمه تعبني مايبي يلبس اشياء ثقيله وش اسوي
ام كيان : الله يهديه بس
شادن : شايله هم ديم من الحين لا وصلت ل سن ليث
كيان بضحكه : مرا متعب صراحه بس يهـون لما تشوفين ضحكهم وحبهـم لك
ام فهـد : الله يخليهـم لكم
عند الشباب . .
ليث : جدو سلطان
سلطان بصدمه : هذا من معلمه يقول لي جد ع كيفكم الحياه !
فهـد : مو جده انت لاتستهـبل
سلطان : تبي تنجلد انت شكلك ؟ انا بنت اخوي طول حياتها قالت عمي يجي هالورع يقول جد !
فهـد بضحكه : لو سمحت لاتغلط ع ولدي بعدين خلاص كبرت ياخي
مهـند : ليث هـذا جدو كمل ماعليك
ابتسم ليث وهـو يكمل لعب مع الاطفال
مشاري : هـذا منجده زعل !
فهـد : خليه يزعل اقول ، وين ديم ! اشتقت لهـا جيبها
سلطان : ورع ترى بجلد ورعك
فهـد : قرب منه اشوف
سلطان : احبه ماقدر
نرجع للبنات بعد ماتعشو ونامو الاطفال ضبطو جلستهـم وجلسو برا وشبو النار واجتمعو حولهـا
شادن : الله هـدوء وبرد
ميلاف : يجنن الجو بس مرا بارد
ساره : كيان غني
كيان : ابشرو
ما تمنيتك لأنك .. كنت ابعد من خيالي
ما خطر في بالي مره .. اني ممكن اوصلك
كنت اشوفك مثل نجمٍ .. في السماء ساطع وعالي
يا بعيد وجابك الله .. لين عندي وصلك
جيتني مثل الشروق .. اللي محى عتم الليالي
جيت فرحه للحزين .. اللي من همومه هلك
جيتني وانت يحبك الف محبوبٍ بدالي
سخرك سبحانه اللي في عيوني كملك ..
يا بعيد وجابك الله .. لين عندي وصلك
ابتسمت وهـي تتامله وهـو ياشر لهـا بمعنى تعالي
كيان : شوي واجيكم
ساره : احب صوتهـا بنات
ريم : انا احبكم تعالو اضمكم ،
كيان : امرني
فهـد : هـل كنتي تقصديني بهالاغنيه توك !
كيان : اي اقصدك في عندك مشكله ؟
فهـد : مشكلتي الوحيده اني احبك شلون نحلهـا
كيان قربت وهـي تضمه وبهـمس : كذا تنحل احبك فهـد احبك انت وليث الله يخليكم لي لانكم جيتوني مثل الشروق زي ماقال محمد عبده
انتهـت ، اتمنى تعطوني رايكم جمعيا .. 🤍🤍
أنت تقرأ
جيتني مثّل الشروق اللي محى عتم الليّالي
General Fictionالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
