.
.
- بعد مرور شهـرين ع ابطالنا رمضان شهـر الخير، اقبل ليلة رمضان من أجمل الليالي
بيت فهـد وكيان . .
فهـد : كيان استعجلي مشاري من اول يتصل بقي لنا طريق المزرعه
كيان بملل: مو انا قلت لك من البداية نمشي معهم لا عندت
فهد بضحكه: شدخل عناد اقولك جيت تعبان
كيان بهـمس: عشانك ماترحم نفسك حتى ب الاجازه
فهـد: قلتي شي
كيان: لا سلامتك ماقلت شي
القت نظره ع شكلهـا بحماس كانت لابسه جلابيه رمضانيه هاديه جدا فيهـا حزام من النص عريض
لبست طوق ع شعرهـا اللي يوصل ل تحت ظهـرها وخلته استريت
فهـد ب ابتسامه: شهـر مبارك يازوجتي الحلوه
كيان وهـي تقرب منه: شهـر مبارك يازوجي الحلو
فهـد: والله ؟
كيان ب ابتسامة: كيف شكلي !
فهـد: احلا وحده ب الدنيا يكفي
كيان وهـي تلعب ب ياقة ثوبه وبدلع: لا مايكفي امدح اكثر
فهـد قرب منهـا وهـو يبوس شفايهـا : كذا يكفي
كيان بحرج: شسمه ذا يلا مشينا
- ب مزرعة ال سالم قسم الحريم
.
.
شادن : ياويلي عادي عندكم الحنا ! انا ماقدر
ريم بضحكه : عذبت امي تدرون
ساره : بهـبلل ياكلبه ، واللبس ماقدر اموت
شادن : كم صار عمرهـا !
ريم ب ابتسامه : خمس شهـور
شادن : حبيبة خاله انتي كبرتي !
ريم: عقبالك انتي وكيان وساره
شادن: لا شدعوة تونا متزوجين كيان بعدين انا وساره
ساره: وش فيه !
شادن: تقول يارب تجبين صديقه ل بنتهـا
ساره : بدري تو الناس ع الحمل
ريم: خذو راحتكم ب الكلام حبايبي
ساره: يالله احب رمضان واحب هالاجواء والاحلى اول سنه اعيشها معكم كذا وحنا متزوجين متى كبرنا!
ريم ب ابتسامة: تصدقين نفس كلامي احيان اقول متى كبرنا متى تزوجنا للحين اشوفنا الخبل اللي ب الثانوي
شادن بتنهيده: اي والله مستوعبين مرت ثلاث سنين ع وفاة بيان الله يرحمهـا
البنات: الله يرحمهـا يارب ويعوضهـا بالجنة
- قسم الرجال
مهـند: كالعاده اخر الناس تجي انت
فهـد بضحكه: وعليكم السلام حبيبي
مشاري: يدور وراك كنك زوجته
فهـد بضحكه : تعبان ياخي
سلطان بهـمس : ولا تضبط امورك قبل لايبدا الصيام !
فهـد : استغفر الله انا اسويهـا
ابو فهـد ب ابتسامة : الله يديم جمعتنا ياخوك
ابو كيان : آمين آمين ،
ابو فهـد : اخوك خالد وينه !
ابو كيان : بيجي باذن الله بكرا قبل الفطور
ابو فهـد : الله يحييه المكان مكانه
ابو كيان : ماتقصر ياخوك
- الساعه ٢ ب المزرعة بعد سحور رمضان ولمة رمضان الجميله تاملت جلستهم كيف يضحكون امهـا وام فهـد ام ساره وام ريم كيف مبسوطين ويسولفون مع بعض ريم اللي اللي كانت شايله بيان الصغيره وتلعب معاهـا ابتسامة بيان الصغيره ساره وشادن اللي كانو يتناقرون والواضح ان ساره انتصرت ع شادن اللي زفرت ب ملل
.
.
كيان: ريم حبيبي اعطيني بيان
ريم: مروقه بنتي اليوم
ام ريم: الله يحفظهـا بسم الله عليهـا
ام كيان : اي والله تهـبل بسم الله عليهـا
شادن: تعالو نمشي شوي برا
كيان: ايوا عروستنا الحلوات كيف الزواج
ساره بحب: زي الحلاوه
شادن: اه بنات سلطان اتعب وانا اقول يجنن
كيان: الحُب حلو ويحلي والله
ريم : كيفك انتي بعد عروس ولانسيتي
كيان : مر شهـرين حبيبي بعدين بنات كيف سويتو سوا بشهـر خلصتو بعد زواجي
شادن بضحكه : يمه يمه قروشه
ساره : اقوله الحين تزوجو كيان وفهـد نهاية سته وشادن وسلطان 7 احنا السنه الجايه مارضي الا يكمل الفريق !
كيان بضحكه : مو صاحي مشاري صراحه تحمس
ساره : مستوعبين 3 شهـور وراى بعض زواج زواج ماحد كان متوقع تصير
ريم : يلا اهـمشي تزوجتو وافتكينا
قطع على كيان اتصال ميلاف . .
كيان : ميلاف حبيبي شهـر مبارك عليك !
ميلاف : علينا وعليك ياروحي
كيان : ليه ماجيتو نتسحر سوا
ميلاف : ابوي ما امداه عشان جدتي تبي الديره ف وداهـا وبكرا الظهـر جاين باذن الله
كيان بحماس : اشتقت لك انتظرك ،
ميلاف بُحب : وانا بعد والله
ريم : تهـبلل ماشاء الله شفتهـا يوم زواجك
كيان : جدا تصدقون ! ودي ازوجهـا فيصل
ريم بضحكه : تشتغلين خطابه انتي !
كيان : والله تجنن بس هـو عنيد مايبي زواج الحين بكيفه
شادن : اجل انتبهـي عليهـا لما يقرر اخوك
كيان : افا عليك
شادن بحماس: شرايك تغنين
كيان بصدمه: هيه بكرا رمضان وصيام عباده يالخبله
ريم: تحمست
شادن : استغفر الله نسيت
أنت تقرأ
جيتني مثّل الشروق اللي محى عتم الليّالي
General Fictionالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
