جيتني مثّل الشروق اللي محى عتم الليّالي

بارت 19

.
.
بيت ال سالم بعد مرور ثلاث ايام مرت هالثلاث ايام ع البنات بثقل كانت ثقيله ع قلوبهم كان فراق صحبتهم اوجع شي عاشوه ب هالدنيا . . .
ام كيان: كيان يمه كلي شي لك يومين على هالحال
كيان وهي سانده راسها ع رجولها: يمه مو مشتهيه شي بس خلوني ل حالي شوي الله يسعدكم توه بابا كلمني
ام كيان بتنهيده: اللي يريحيك بس اليوم اخر يوم عزاء لازم تروحين
كيان بسخريه: اروح اشوف كذبهم؟ مايحبونها
ام كيان: الله حسبيهم يمه

بيت ال فيصل . . .
فهد: شادن ممكن ادخل
شادن: تفضل اصلا مشاري هنا
فهد: يوه يوه ليه اكلك كذا للحين
شادن بدموع: مو مشتهيه
مشاري: مو تونا قلنا خلاص مافي بكي انتي كذا تعذبيها هي ف مكان افضل
شادن: ادري بس مادري كل ماتذكر كلامها قلبي يوجعني كيف مافهمنا عليها
فهد: وشلون بتفهـمون انها بتموت الله وحده اعلم ب هالشي وهي حست بس ماعلمتكم ، عشاني كلي
شادن: مو مشتهيه صدقني لو جعت باكل
مشاري: انا بمشي وياويلك ارجع مالقاك ماكله شي
فهد: فمان الله
قطع عليهم صمتهم اتصال كيان
شادن: فهد جوالي جنبك جيبه مين؟
فهد : كيان فتحي الاسبيكر ، ردي ولاكني موجود
كيان بهدوء: شادن قلبي كيفك
شادن بتنهيده: اكذب عليك واقولك بخير
كيان بدموع: شادن مو قادره احس قلبي يوجعني
شادن بخوف: بسم الله عليك شفيك لاتخوفيني عليك
كيان: لاتخافين ، المهم اليوم نروح العزا بروح غرفتها بشم ريحتها
شادن: روحو انتو مو قادره اشوف زوجة ابوها منافقه
كيان بتنهيده: نفس كلام ريم اجل بروح انا وساره

بيت اهل بيان دخلو ساره وكيان بهدوء وهم حابسين انفاسهـم من تمثيل زوجة ابو بيان كان واضح لهم بس حاولو يتجاهلونها
كيان: لو سمحتي عادي ندخل غرفة بيان؟
زوجة ابوها بنغزات: من حظرتكم
ساره بغصه: خواتها اللي كنتي تشككين بشرفها ب كل مره تجينا اى تخرج معنا
كيان: عرفتينا ولا باقي
زوجة ابوها بتافف: ثاني غرفة ع يدكم اليمين
دخلت كيان الغرفه واجهشت ب البكي هي وساره كان كل شي مرتب والواضح انه رتبته بعد ماخرجت للجامعه
كيان بتنهيده: ياوجع قلبي عليك يابيان ياوجعه
ساره وهي تاخذ عبايتها: كنت احب عطرها ماكانت تعطيني تقول لي تخلصينه ، عادي ماخذه وترجع؟
كيان وهي تمسح دموعها: ياليت ياليت لو بيدي كان صحيتها من شفتها قدامي ب ذيك الحاله
ساره: باخذ عطرها معي ومارح اتعطر الا فيه عشان كل ماشفتوني نتذكرها
كيان: واحنا نقدر ننساها يلا مشينا
ساره: يلا بس اخذه ، لفت انتبهاه صندوق وسط تحت طاولة المكياج ، كيانن شوفي
كيان: ايش فيه
ساره بدموع: شوفي هالصندوق مكتوب ل صحباتي
كيان: اشوف
ساره: لانفتحه هنا النسره بتجي وبتنشب ناخذه ونروح بيت شادن
كيان: يلا الحين ادق ع ريم

بيت ال فيصل . . .
ريم اللي كانت منسدحه ع رجول شادن تنتظر البنات
شادن وهي تلعب ب شعر ريم: تاخرو البنات
ريم: مرا ضروري يقولون خرشوني قلبي ماعاد يتحمل
شادن: بقوم اجيب لك عصير تبين
ريم: مو مشتهيه شي
شادن: وجهك تعبان بجيب لك
ريم : تشربين اشرب !
ابتسمت وخرجت بس سمعت اصوات كيان وساره اللي استقبلتهم امها
ام شادن: خليكم قويات يمه ، ادعو لهـا
كيان: ان شاء الله خالتي
ام شادن: البنات فوق
ساره: تمام خالتي يعطيك العافيه
شادن: وصلوو البنات معهم صندوق
ريم: صندوق شنو
شادن رفعت اكتافهـا بمعنى مدري
عند كيان دخلت وهي تفك عبايتها وتجلس وتحط الصندوق ب النص وجلست ساره جنبها
ريم: بنات وش هذا
كيان ب غصه: لقيناه ب غرفة بيان مكتوب ل صحباتي
شادن: ايش فيه
ساره: مافتحناه قلنا نفتحه سوا
شادن: افتحو بسرععه
فتحت كيان الصندوق كان فيه اربع علب كل علبه فيها اسم وحده وفوقهم ورقه كبيره
كيان بدموع: خايفه
ريم بتوتر: تقرين ولا اقرا انا
ساره: خلصونا وحده فيكم
كيان: لطالما أيقنت أهمية وجود الرفاق بحياتي، أسرد لكم ولا أستطيع أن أعدُّ كم مرة وقفتُ على طرف الهاوية ، بائسة،خائفة و مترددة .. كم مرة أعلنت استسلامي و عُدت بسبب أياديهم التي تسحبني نحو الحياة بكل شدة و عطاء، من نحنُ لولا الرِفاق ؟ شوية بؤساء.
بنات الحين الساعه ٥:٠٠ مابقي ع اذان الفجر شي ماقدرت انام تدرون ليه بنات انا بعترف لكم ب شي انا مو اقولكم فيني ضيق فيني ضيق يابنات انا احس اني بيصير لي شي مادري بس احس اني بموت خفت اقولكم وتقعدون شايلين همي حاولت ما ابين بس كان باين ع ملامحي عشان كذا قررت اكتب هالرساله عشان لو صار لي شي تقرونها بنات انا احبكم انتو مو بس صحباتي انتو اخواتي انتو الامان اللي ماكنت احسه ف بيت اهلي وهم اهلي كنت اخرج متضايقه تشيلون ضيقي ياويلكم ياويلكم تقعدون تبكون علي كثير ريم ابو دمعه انتبهو لها انا رحت ل مكان افضل لي من هالدنيا اللي ماشفت منها حنية اب ولا ام امي اللي رمتني من تزوجت بس شفت فيها حنية اخوات وسند انتبهو ل دراستكم ترا لو قعدتو تبكون علي كثير بزعل لاتنسوني ادعو لي كثير ، سامحوني طيب كيان وريم ابيكم احسن دكتورات ب الدنيا
شادن وساره بتصيرون احسن معلمات رياضيات ب الدنيا لاتوجعون قلوبكم كونو سند ل بعض انا عارفه بتقرون كلامي وبتبكون زي ما انا ابكي الحين وانا اكتب بس خلاص بعد ماتقرون هالرساله وقفو دموع وانتبهو ل حياتكم اشتريت ل كل وحده فيكم شي يذكرها فيني احبكم جداً
شهقة كيان وهي تضم ساره: اه يابيان اه
ضلو البنات يبكون وكنهم يطلعون كل شي جواتهم اليوم ويسمعون كلام صديقة عمرهم اللي طلبت منهم مايبكون ابدا
ريم وهي تمسح دموعها: خلاص بنات هي قالت لحد يبكي لازم نكون قويات لازم نساعدها ب اشياء تنفعها ب قبرها مو البكي مارح يفيد
شادن: بنات خلاص عشانها طيب انا من بعد اليوم مارح ابكي وبدعي لها
ساره ماقدرت وخرجت برا الغرفه كانت جالسه عند الدرج وتبكي شعرها القصير مغطى ملامح وجها ، وصل البيت سمع صوت بكي توقع انها شادن طلع يركض خايف
مشاري بخوف: شادن شادن شفيك
ساره رفعت عيونها بخوف: انا مو شادن
مشاري وهو يلف وجهه: انا اسف توقعتك شادن
ساره وهي تمسح دموعها وتوقف: ماصار شي
مشاري بهدوء: ادعي لها لاتبكين البكي مايفيد لو البكي يرد لنا غالين كان بكينا كلنا ادعي لها
دخلت ساره وكلامها كان واقعي فعلا لو ضلينا نبكي وش بيفيد
كيان وهي توقف: كل وحده تاخذ هديتها طيب مافي بكي نبغا تركيز وراكم فاينل لازم نكون سند ل بعض عشان كذا من بكرا نبدا مذاكره تجون عندي طيب خلاص بيان راحت ل مكان افضل احنا لو بكينا بنعذبها ع الفاضي خليكم قويات اصير معكم قويه
شادن: شوفو وش جايبه صورتنا اول يوم تدريب لكم بحطها هنا
ريم: انا جايبه لي سلسال ب اسمها
كيان: شوفو اسواره فيها حرفها ، يوم تعوضني عن هديتك ياريم اللي طاحت مني
ساره: انا صوره زي شادن
ريم اللي مسكت جوالها اللي مقفلته ثلاث ايام وانهلت عليها رسايل من مهند
مهند: متى ناويه تطمنيني ، مو قادر ارتاح وانتي كنتي تعبانه جنبي ولا قدرت اسوي لك شي !
ريم: بخير لاتخاف علي
مهند: ياويل قلبك يامهند، كذا تسوين فيني؟
ريم: اعتذر بس صدق كنت تعبانه وارتحت اليوم
مهند: معذروه ادعي لها الدعاء افضل شي
ريم: ان شاء الله
كيان وهي تضرب شادن بمعنى شوفو الابتسامه
ساره: الله الله وش هالابتسامه
شادن: الواضح انه ف احد تطمن عليها
ريم: شتبون انتو اتركوني ب حالي
كيان بضحكه: يلا انا ب امشي انتظركم بكرا عندي طيب
ساره بتنهيده: باذن الله
خرجت كيان بعد ماتطمنت ع صحباتها واعطتهم قوه هي محتاجتها زفرت بتنهيده وهي تمتم ادعي لها ياكيان لاتبكين ادعي لها ، كانت ماشيه ومانتبهت للحجره اللي قدامها وطاحت وكانها تنتظر شي يصيحها وصاحت
فهد: كيان فيك شي
كيان بدموع: طحت وتوسخت
فهد وهو عارف انه تبكي مو عشان هالطيحه البسيطه: طيب قومي اساعدك
كيان وهي تمسح دموعها: مايحتاج بقوم
فهد: شلونك
كيان: اقوى من قبل
فهد بسخريه: ب هالدموع ؟
كيان: اي ب هالدموع
فهد ببرود: ضعيفه
كيان: مو ضعيفه
فهد: اثبتي لي
كيان: ماتهمني
فهد ضحك ومشي
كيان بصراخ :قويه وتشوف
فهد: لاتبخلين علي
دخل على مشاري السارح ب البنت اللي شافها هاذي مو كيان ولا ريم اعرفهم اكيد ساره لان بيان الله يرحمها ياولد اصحى وش جاك اذا هي تبكي اخذت عقلك شلون وهي مروقه؟
ب السياره عند كيان . . .
كيان: فيصل
فيصل: عيون فيصل
كيان: جوعانه شوف لي شي
فيصل بفرحه: ايشش؟ تبين اكل
كيان بهدوء: اي ابي اكل شفيك
فيصل: الحمد الله الحمد الله
ضحكت كيان ع فرحة اخوها اللي فهمتهـا