.
.
ب هالبيت البسيط والفخم بنفس الوقت واللي غطى تفاصيله الجميلة الظلام والغبار، المكان اللي جمع اشخاص مليانين حُب وحنان وتركته اجسادهم وراحت ل مكان أفضل بكثير ، دخل البيت وهو يتذكر امه وابوه واخر يوم لهم الحادث اللي كان سبب ف موتهم وخسارتهم كان هالجرح كبير ع سلطان لكنه قدر يتمشى مع الوضع حاول يتجاهل شعوره سافر امريكا بحجة الشركه ترك البيت وقطع علاقته ب اللي حوله عاش حياته بين اخوه وعياله تنهد سلطان وطلع من البيت.
كان خارج من بيتهم ل دوامه انصدم وهو يشوف سيارة سلطان ابتسم ومشى وراه ظل يضرب له بوري استغرب سلطان وكمل طريقة وهو متجاهله
شوي وانتبه للسياره اللي جت جنبه وانفتح الشباك وانصدم من الشخص اللي جواهـا
سلطان بصدمه: مهند
مهند ابتسم وبصوت عالي: وقف وقف على جنب
وقف ونزل يحضنه
سلطان: يشهد الله انكم وحشتوني ومانسيتكم
شد عليه مهند وهو مو مصدق انه قابله بعد كل هالسنين والظروف اللي مر فيها: اقول وضعنا غلط تعال نجلس بكوفي وبدق ع فهد نفاجئه
ب الكوفي . . .
مهند وهو يفتح الاسبيكر: فهد تعال كوفي ال..
فهد: شتبي انت نتقابل ب المستشفى
مهند ب اصرار : لا تعال بسرعه انتظرك
فهد بملل: طيب جايك
سلطان: للحين عصبي؟
مهند: يووه واردى من قبل
سلطان: صرتو دكاتره يعني
مهند: كان ناقصنا انت
سلطان: قلت لكم اني ابي ادارة اعمال عشان ابوي
مهند ب ابتسامه: وفعلا دخلت يعني
دخل فهد وانصدم من الشخص اللي مع مهند ب الطاوله قرب منهم وبصدمه: سلططان
سلطان قام وضمه: اي سلطان
فهد: من وين طلعته ذا
مهند: مسكته ب الجرم المشهود عند بيتهم اللي جنبنا
فهد بعتاب: يهون عليك ياخوي تشيل هم هالدنيا كله وتبعد عننا
سلطان بتنهيده: اعذروني قعدت اخبط ب نفسي يمين وشمال مالقيت نفسي الا ب امريكا
فهد: اهمشي رجعت لنا يكفينا
مهند: احس اني امكم وجمعتكم
ضحك سلطان ع خبال صاحبه مهند اللي ماتغير نفسه نفسه وجدية فهد اللي زادت عن اول بس ماينكر حنيته لهم حمد ربي مليون مره انه رجع
بيت ال سالم ):
كيان: ياويلي حرام عليكم تاخرت ليه محد صحاني
فيصل: استعجلي انا بعد تاخرت عندي اجتماع ابوي بيذبحني
ام كيان: استهدو ب الله خلوها سهاله وربي بيسهلها لكم يلا استودعتكم الله
كيان: الو ريم جاء النشبه حقي ؟
ريم: لا احمدي ربي مدري شفيهم تاخرو
كيان بتنهيده: اه الحمد الله وربي بصيح لو تاخرت وقعد يسوي نفسه فاهم
ريم بضحكه: خبله يلا انتظرك خست لوحدي
ب الجامعة
شادن: صباح الخير ع الحلوين
بيان ب ابتسامه: صباح النور ياحلوه
شادن: وين ساره
بيان: الحين تجي تعالي نسولف
شادن: امريني
بيان: وش قصد بنت عمتك ذاك اليوم؟
شادن: عشان اغلب علاقاتي كان فاشله كان اغلبهم يصادقوني عشان بنت فلان وعايلة فلان يطلبون ويبوني اعزمهم ع افخر مطاعم ف تضايقت وصارت علاقاتي كلها محدوده ف حدود الدراسه وبس وطبعا هالحال من اول سنه جامعه والحمد الله الحين انتو فكيتو هالشي واحس اني اسعد وحده
بيان وهي تضمها: والله احنا اللي اسعد ناس بكونك صرتي اخت لنا بعدين اذا صار لي شي تعوضيهم عني
شادن وهي تضربها: بطلي هالكلام الله يطول ب اعمارنا بقي قدامنا نتوظف ونسوي كل شي
بيان بتنهيده: ماتدرين وش يصير فجاءه
شادن بخوف: بنت وش فيك اليوم
بيان بتصريفه: شفت مقطع وخرشني
شادن وهي تشد ع ضمتها: والله انا اللي انخرشت تكفين لا اسمع هالكلام طيب؟
بيان: اشتقت ل ريم وكيان
ساره: وش عندكم ضامين بعض من الصبح ضموني احتاج هالشي
شادن: هاذي بيان قاعده تقول كلام يخوفني
بيان بضحكه: ذي اوفر ، شفت مقطع وقعدت افهمها عن الموت وخافت قلت لها ان الواحد مايدري وش يصير له يمكن اخرج امو..
ساره: اسكتي واللي يرحم والديك لاتكملين لسع قدامنا عمر طويل بنعيشه ولا نسيتي احلامنا حق الثانوي
بيان: لا مانسيت واكيد بنسويها كلها ، دقو ع ريم وكيان فيديو
أنت تقرأ
جيتني مثّل الشروق اللي محى عتم الليّالي
General Fictionالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
